His Wedding Planner (Complete)

3rd Plan

Nang pumasok na sila mommy at daddy sa kotse... nagtulug-tulogan ako.

"Hay naku, Hanzen! Yan talagang anak mo, oh!!" Reklamong sabi ni mommy.

 

"Kanino pa ba mag mamana yan, eh di sa kapilyahan mo rin. Tandang tanda ko pa nga noong una tayong magkita eh... kung anu ano din ang sinasabi mo." Sabi naman ni daddy habang nag da-drive.

"Tumigil ka nga diyan! Mag drive ka na lang..." Tumawa lang si daddy nung nagmulat ako ng mata, nakita ko si mommy na nag ba-blush, naka side view siya sakin. Kaya medyo kita ko pa din, "may crush na ata ang baby ko."

"Hayaan lang natin, Ciara. Ayokong mag rebelde siya kung paghihigpitan natin. Sasabayan lang natin ang prinsesa. Iga-guide natin siya."

"Sa bagay... matalino ang anak natin. Alam niya kung anu ang tama at mali. Alam ko din na kaya niyang harapin ang mga mangyayari."

Nagising ako na nasa kama na ko... parang magic lang. Kagabi nasa kotse lang ako, nagkukunwaring tulog. Nag ayos na ko ng sarili ko, umaga na kasi, isa pa gising na ang diwa ko... at biglang nag flash sa isip ko yung gwapong mukha ni Bryle... kinikilig akong nag toothbrush.

Nang maayos na ang lahat, masigla akong bumaba papuntang dining, gutom na ko eh.

"Akala ko ba... na-sprain ka?" Napahinto ako sa paglalakad ng marinig ko ang boses ni daddy. Nilingon ko ang pinanggagalingan ng boses niya. Nakita ko siya namay hawak na broadsheet papunta din siguro siya sa dining.

Napakamot ako ng ulo at nginitian siya. "Okay na, dad. B-biglang umayos eh." Nilapitan ko siya at hinalikan sa pisngi. Sabay kaming nagpunta sa may dining, nandunna din si mommy, tinutulungan niyang mag hain si Yaya Jen. "Good morning, mommy." Hinalikan ko din siya sa cheek.

"Maupo ka na diyan, mag bi-breakfast na tayo." Sabi ni mommy habang pinapatong yung bacon sa mesa.

Tahimik kami habang kumakaen. Ano to? Galit galit muna?

"Mommy, daddy... gusto kong mag aral sa Laurente Nat'l high school." Napatingin sakin si mommy, si daddy naman nagbabasa lang ng broadsheet.

"Are you sure, baby? It's a public school. Di ba gusto mong mag aral sa kagaya ng B.U.?"

Pagkalunok ko ng carbonara, tumingin ako kay mommy. "Nagbago na po kasi ang isip ko..."

"Why?"

"Kasi may friend ako dun..."

Kumunot ang noo ni mommy sa sinabi ko. "Sinong friend?"