His Wedding Planner (Complete)

70th Plan

Maaga akong nagising kaya bumili ako ng pagkain at mga flowers. Tulog pa rin si Zeria nang makabalik ako. Inayos ko yung pagkain at inilagay ko yun sa maliit na mesa na gawa sa kahoy. Itinabi ko rin sa kanya yung mga bulaklak na binili ko. Naupo ako sa sahig at humarap sa kanya.

Hinipan ko yung mukha niya. Hinawakan ko rin siya sa batok kaya napangiti siya at dahan dahang nagmulat ng mata.

"Good morning my queen."

"I love you too, my king." Napangiti ako sa sinabi niya kaya hinalikan ko siya. Kinuha ko sa tabi niya yung flowers at inabot sa kanya yun. Inamoy niya yun at hinalikan niya ko sa labi. Bumangon na siya at naghilamos.

Pagkatapos namin kumain, naglakad lakad kami sa tabing dagat at nakarating kami sa may hammock kung saan ko siya nakita kahapon. Malaki yun kaya dalawa kaming nahiga.

"Naalala mo ba nung nangunguha tayo ng mangga sa Batangas?" I asked her.

Natawa siya na malakas kaya nahawa ako sa tawa niya.

"Grabe yun. Pinagod mo ko nun kakapulot ng mga mangga. Tapos umakyat pa ko ng puno. Tapos kinagat ako ng langgam at muntik ng mahulog."

"Ikaw kasi eh. Ang kulit kulit mo."

"Anong makulit? Sabi mo kasi noon itry ko, eh di yun ang ginawa ko."

"Tapos lagi ka pang nahuhulog o kaya naman nadudulas. Ang clumsy clumsy mo kasi."

"Hindi naman! Nagkakataon lang."

"Buti na lang nandun ako lagi kada madudulas ka. Lagi kitang sinasalo."

"Kasalanan mo kasi lahat yun. Lagi kasi akong natataranta pag lumalapit ka... yung ultimate crush kong suplado."

"Pano ba namang hindi ako magiging suplado, eh napahamak ako nung una nating pagkikita."

"Kung hindi naman dahil dun, hindi kita makikilala... hindi kita magiging crush. Hindi ako mag aaral sa Laurente at hindi magiging tayo, eh di wala ka ngayon sa tabi ko."

"Kahit hindi man mangyari yung nga yun, naniniwala ako na tayo talaga yung nakatadhana para sa isa't isa. Magkikita at magkikita pa rin tayo... sa ibang paraan nga lang."

"At buti na lang, ikaw yung nandun." Hinalikan ko siya sa noo. Tumingala siya sakin at ngumiti siya.

Tumayo siya bigla at tumawa.

"Habulin mo ko Bryle!!"

Natawa na rin ako dahil ang cute cute niya. Nung bumaba ako sa duyan, tumili siya at nagsimulang tumakbo kaya hinabol ko siya.

Tawa pa rin siya ng tawa habang hinahabol ko siya. Napansin kong medyo bumagal siya sa pagtakbo kaya binilisan ko naman.

"Huli ka!"

"Aaaaaahk!"

Niyakap ko siya sa sa likuran at binuhat. Tumakbo ako sa dagat habang buhat buhat ko siya. Tuloy lang siya sa pag tawa niya. Tumalon ako sa dagat kaya lumubog kaming dalawa. Nilapit niya yung mukha niya sakin at nagulat ako ng bigla niya kong kinagat sa baba ko.

"Pwe! Ang alat!" Sinabuyan niya ko ng tubig kaya ginantihan ko siya.

***

Tinawagan ko yung professional photographer ng agency namin. Sinabi ko sa kanya yung plano kong surpise kay Zeria.

Inabot kami ng one week sa pag aayos nun. Buti na lang at hindi nakakahalata si Zeria.