His Wedding Planner (Complete)

44th Plan

Gulong gulong yung utak ko pag naaalala ko yung huling sinabi ng mama or should I say tita ni Bryle.

Imposibleng hindi niya alam... like hello!! Dapat siya ang unang nakakaalam. To think na mahal na mahal siya ni Bryle.

"Kasal? Sinong ikakasal?"

Napatingin ako sa kanya sabay ng pag punas ko ng mga luhang pumatak sa pisngi ko.

"Si Bryle... ikakasal na siya."

"Toto--" napahinto siya sa pagsasalita dahil dumating yung nurse niya ata yun.

"Madam tara na ho. Kailangan niyo ng magpahinga."

"Oh sige. Zeria, maiwan na kita diyan ha? Sana magkita pa tayo sa susunod, pero kung hindi na... nagpapasalamat ako sa Diyos kasi binigyan niya ko ng pagkakataong makaharap ka at makahingi ng tawad sa'yo. Sana dumating yung oras na mapapatawad mo din ako..."

"Susubukan ko ho na kalimutan na lang ang lahat..."

"Kaya ka siguro minahal ni Bryle noon... ibang iba ka sa inaakala ko." Hinawakan niya ko sa balikat, inalalayan pa siya ng nurse niya para makatayo.

"Nga pala... sigurado ka bang ikakasal na si Bryle? Magkasama kami sa iisang bahay pero wala naman siyang nabanggit sakin. O siya... sige, maiwan na kita diyan."

Imposible talaga... so ano nanamang pakulo to? Sinong paniniwalaan ko? Baka hindi lang nabanggit ni Bryle... o baka matanda na yung mama niya kaya hindi niya matandaan.

Nakatambay lang ako sa terrace at pinapanood yung mga stars. Nag ready na din ako ng planner ko at ballpen. In case na may pumasok sa isip ko na idea sa kasal ni Jaeina. Kung anu ano na ngang idea yung pumapasok sa isip ko eh.

So habang nag lalakad si Jaeina sa aisle, yung mga flower girl hinahagisan siya ng mga palaka... tapos tuyot na bulaklak yung bouquet niya. Tapos yung nilalakaran niya puro mouse trap...

"Argh!!" Pumasok ako sa kwarto at kinuha yung yosi sa gilid ng kama. Paupo na sana ulit ako dun sa terrace ng makarinig ako ng malalakas na katok sa pinto. Kaya naman kinuha ko yung robe ko sa kama.

"Sandali lang!" Nakakapikon kasi, katok ng katok! Hindi ko na natignan kung sino yun dahil sa pagmamadali ko. Nakakabahala kasi yung katok eh..

Pagkabukas ko ng pinto, isang lalaki yung naabutan ko na nakasubsob sa gilid ng pinto ng unit ko.

Iniangat niya yung kamay niya na bahagya akong napaatras. Akala ko kasi kung ano na yung hawak niya. Bote lang pala ng alak.

Tinignan niya ko at kumunot yung noo niya.

"Anong ginagawa mo dito sa unit ko ha?" Pagewang gewang siyang pumasok sa loob ng unit.

"Teka! Hindi mo unit to. Nagkakamali ka lang."

"Anong mali?! Unit ko to miss."

Pabagsak siyang nahiga sa sofa ko at ipinatong niya yung binti niya sa center table ko.

"Hoy! Mister!" Kinalabit ko siya kinalabit. "Kung maglalasing ka, lasing lang! Hindi yung basta ka na pang mag iinvade ng unit ng iba at aangkinin mong sa'yo!"

"Sshh! Kung ayaw mong palabasin kita sa unit ko, wag lang maingay. Ayoko ng magulo!"

Aba! Eh sira pala ulo nito!

"Hoy! Kung modus mong maglasing lasingan para lang makapangloob, tatawag na ko ng guard!!"

Palayo na sana ko sa kanya kaso nahagip niya yung kamay ko, hinila niya ko kaya natumba ako. Napasubsob ako sa dibdib niya... amoy alak. Pero mabango. Pati yung paghinga niya. Mahahalata mong nakainom talaga siya o lasing talaga siya.