Immortal City

Chapter 03

Chapter 03
Red Eyes

Last period na namin ngayon at mag-uuwian na. Natapos ang meeting ng mga teachers kaninang tanghali kaya may nagtuturo na ngayon. Ilang oras din akong hindi lumingon sa likuran dahil baka magtagpo na naman ang mata namin ni Kaoru.

"Ma'am Dela Rosa," tawag ng isang lalakeng teacher kay Ma'am Science mula sa pintuan.

"Yes po?" sagot naman ni Ma'am Dela Rosa.

"Can I excuse Miss Demafelix, Miss Alcazaein, and Mister del Valle from your class? Pinapatawag sila ng school principal."

Demafelix? Ako pinapatawag ng principal?

Narinig ko ang mga kaklase ko na nang-aasar. Lagot daw kami. Ano raw ginawa namin. Bakit daw kami ipinapatawag ng Principal. Ilan lang 'yan sa mga sinasabi nila.

"The three of you, Celestine, Ione, and Kaoru, you're excused."

Bakit kami ipinapatawag ng principal? Wala naman akong achievement of some sort. May ginawa ba kaming masama? Wala naman akong ginagawa. Hindi naman ako lumabag sa kahit anong rules ng school. Bakit kasama ako sa ipinapatawag ng principal?

I get Ione and Kaoru. Makulit sila, hindi questionable kung may atraso sila sa school. Pero ako? I don't even think the principal knows I exist in this school.

"Sir, may nagawa po ba kaming kasalanan?" tanong ni Ione sa teacher na nag-excuse sa amin.

"Inutusan lang akong tawagin kayo. Hindi ko rin alam kung bakit kayo ipinapatawag ng principal. Dumiretso nalang kayo sa principal's office. May aasikasuhin pa kasi ako," sabi ni Sir bago siya umalis.

Kinakabahan ako.

Bakit kaya kami ipinatawag? Hindi ko naman magawang tanungin si Ione. Hindi kasi kami close kahit na magkaklase kami. Mas lalong hindi ko magagawang tanungin si Kaoru dahil kani-kanina lang nagkatitigan kami kahit na hindi pa kami nakapag-usap kahit kailan.

"Anong nakikita mo Ione?" rinig kong tanong ni Kaoru kay Ione. "Anong mangyayari?"

Nasa likod ko silang dalawa at hindi ko magawang lumingon dahil panigurado makikita nila.

"Thirteen," sabi ni Ione.

"Thirteen?" tanong naman ni Kaoru. "Just plain number thirteen or something out of this world thirteen?"

"Thirteen pair of red eyes."

Thirteen pair of red eyes? What the heck is that? Anong pinaguusapan nila? Ang sabi ni Kaoru, ano raw ang nakikita ni Ione. Nakikita ang alin? Ang sabi naman ni Ione, thirteen.

Thirteen pair of red eyes.

Masyado na akong curious sa pinaguusapan nila kaya napagdesisyunan kong lumingon at tanungin kung ano 'yon kaya lang... wala na sila.

Saan kaya pumunta ang dalawang 'yon? Don't tell me tumakas sila?! No. Hindi pwede. Paano na 'yan? Ako lang magsolo ang haharap sa principal?

Ugh. Why is this happening to me?

Nilakasan ko ang loob ko at pumasok na ako sa principal's office. Doon ko nakita ang principal namin na nakaupo at parang may inaasikaso. Sa itsura ng principal namin, para lang siyang mid-twenties. Napaka bata pa ng itsura niya para sa isang principal pero kinakabahan pa rin akong kaharap siya.

"Uhm, Sir Takano? P-Pinapatawag niyo r-raw po a-ako?" hindi ko mapigilang hindi mautal sa sobrang kaba.

"Oh, you are?"