RomeVsJulie - (PUBLISHED UNDER LIB) 2011

Chapter 14

Pumasok muna ako sa banyo para kunin iyung lotion na ipapagamit ko kay Julieta. Ewan ko ba sa isang iyun at masyadong weirdo ang ikinikilos. Naiisipang manood ng Special A tapos magagalit sa babaeng bida dahil masyado daw manhid. Anong tingin niya sa sarili niya hindi? Peru sabi nga nila kung sino pa ang kinaiinisan natin ay siya namang totoo nating ugali. Bagay nga sila ni Hikari at ako naman ang kawawang si Kei, aish.

Ang pangit din talaga ng lasa nung cake ni Julieta kanina. Err, kung si Kei natitiis ang parang semintong rice balls ni Hikari puwes ako susubukan kong tiisin ang cake niyang lasang uling. 'Lanyang pagmamahal ito! Buhis buhay.

Lumabas na ako ng banyo at ganoon nalang ang gulat ko nang makita si Julieta na nagdadasal. Ito na ba iyung epekto ng pangit niyang cake. Praning lang eh. Maloko nga ang isang ito. I started taking off my shirt. Tignan natin kung 'di ka pa madala sa maganda kong katawan.

"Hoy!" Sabi ko na nga ba magre-react siya. "A-Anong ginagawa mo?"

Hinarap ko siya. "Naghuhubad?"

"Bakit ka naghuhubad?!"

"Kasi may gagawin nga tayo, diba?"

"Na naka hubad ka?"

"Yup, may problema ka?" Lumapit ako sa kanya. Syempre para naman asarin lang siya. Paminsan-misan ay dapat matututo din ng leksyon itong si Julieta. "Are you bothered?"

"Oo," Naks! Effective. Panay lang ang tingin niya sa katawan ko.

"Why?"

"Bakit wala kang abs Rome?" Nak nang! Kailangan talagang sirain ang moment sa tanong mong iyan Julieta? Asar ha. "Hoy!" Wala nga akong abs peru sexy parin ako.

"Kasi high school pa tayo at hindi bagay ang abs sa mga totoy pa!" Hindi ko na nga lang itutuloy ang balak ko. Lumapit ako sa kama ko at paharap na ibinagsak ko ang sarili ko. "Lumapit ka na sa akin."

"Ang weird mo naman Rome. Hindi mo ba alam na halos mga kwentong nababasa ko ay may abs ang mga bidang lalaki lalo na kapag naghuhubad sila."

"Welcome to the real world." Itinaas ko yung isang kamay ko para ituro iyung likod ko pagkatapos yung isa naman na may hawak ng lotion. "Sa totoong buhay walang seductive scene. Ang meron masahe at pang-aalila sa mga babae."

Darn, nakakabawas talaga ng pagkalalaki ang tanong niya kanina. Dapat na yata talaga akong mag-work out. Kaya siguro hindi ako napapansin kasi type ang mga lalaking may abs.

"Inuutusan mo ba akong masahein ka?"

"Oo, kaya kunin mo na itong lotion at masahein mo na ako."

"Bakit ba ang bossy mo?!" Kinuha niya iyung lotion sa kamay ko. "Para ka namang hari sa mga pag-uutos mo sa akin." Naramdaman ko na yung mga kamay niya sa likod ko. Naks, magaling pala itong si Julieta mag-masahe.

"Pagod lang ako," I closed my eyes. Totoong pagod ako, medyo busy lang talaga lately sa mga preparation sa Intrums at mga paper works bago ang semestral break. Kailangan ko na iyung matapos bago pa matapos ang semester. "Sige idiin mo pa."

"Sa dami pa naman ng mga responsibilities mo sa school at sa mga ka weirduhan ng mga kasama mo sa SC office hindi na nga ako magtataka kung mapagod ka ng husto."

"I love doing those things, kaya lang minsan nakakapagod din naman."

"Aaminin ko sayo Rome, kahit na naiinis ako sa iyo ay belib parin talaga ako sa dedikasyon mo bilang Student Council President, Commandant Officer ng CAT, President ng section two, at sa pagiging number one mo sa klase. Sa totoo lang, hindi ko naman kaya ang lahat ng iyun. Kasi hindi naman ako kasing talino mo. Tamad din ako at walang sense of responsibility." I heard her sighed. "Kaya nga minsan kahit hindi sabihin nila Mama alam kong gusto nilang baguhin ko ang buhay ko at maging katulad mo."