RomeVsJulie - (PUBLISHED UNDER LIB) 2011

Chapter 10

"You've gotta be kidding me?!" Muntik ng mahulog ang mga panga ko pagkabasa ko palang sa script ng gusto nilang ipa-act sa akin. I mean seriously sinong matinong tao ang gagawa ng mga ganitong ka-adikan? Oh I know – ROME!

"Kung ayaw mo huwag. Hindi ka naman namin pinipilit."

"Ipagawa ninyo lahat sa akin huwag lang ito!"

"Julie, trust me masaya ito."

"Masaya?" Nilingon ko si chinito. "Sino ka naman?"

"Hindi mo ako kilala?" Pumagitna naman si chinito sa amin ni Rome. At dahil matangkad siya ay hindi ko masilip si Rome.

"Julieta bakit ang dami mong reklamo eh mag-audition ka lang naman?"

"E ang pangit ninyong magpa-audition eh!"

"Hindi mo talaga ako kilala?" Bakit ba bina-block niya si Rome kapag nag-uusap kami? Asar ha, kita na ngang pinagtaksilan ako ng height ko. "Hey, I'm Ethan Yu, the auditor in the Student Council? The handsome guy with the chinky eyes?

"Gawin mo nalang kasi ito Julieta aish," mukhang naiinis din si Rome sa paghaharang-harang ni chinito kaya itininulok niya iyun sa gilid. "Next time Ethan don't stand between us."

"Kailangan ba talaga akong itulak?"

"Julieta just do it, okay?!"

Nanlilisik na talaga ang mga mata ko sa inis. This is stupid! Ayokong umakto na batang ang tingin sa mga boyfriend ay tagabili lang ng French fries. Hindi ba pwedeng mas creative pa sa paggaya sa commercial ng Mcdonald?

"Siguraduhin mo lang na makukuha ko ang role ni Juliet kung ayaw mong e-lata kita sa condensada." I hissed on him.

"Then make me proud," siniyesan ni Rome si Chinito. "You make the screen check." Pumwesto naman agad si chinito sa likod ng camera. Talagang kinarer ang audition.

Umupo na ako sa bench na naka-display na doon at sumunod naman si Rome.

"Okay, in my count, five, four, three, two, one, action!"

"Girlfriend mo na ba ako?!" Galit kong tanong.

"Ayoko nga! Di pa ako ready!" Galit ding balik sa akin ni Rome.

"Huh?!"

"Demanding ang girlfriend! Gusto ganito! Gusto ganyan! Ewan!"

"Gusto ko lang naman ng Mcdofries eh! May problema ka doon!"

"Wala! Bumali ka ng sayo!"

Biglang humarap si chinito sa camera. "Mcdonald Savers Everyday 25 pesos lang!" Biglang bow at wacky pose. "And cut!" Lumapit sa akin si chinito at hinawakan ang mga kamay ko. "I'm Ethan Yu, siguro kaya hindi mo ako kilala dahil lagi akong nasa labas ng eskwelahan."

"Nakikipag-date?"

"Kumakain ng kwek-kwek."

"Bukod doon?"

"Nakiki-tambay kay Manong Guard."

"Bukod doon?"

"Lalayas na siya dito," inalis ni Rome ang kamay ni Ethan sa kamay ko. "Umuwi ka na at e-encode muna ang mga cast natin."

"Akala ko sabay tayo?"

"Akala mo lang iyun," ibinato ni Rome ang camera kay Ethan. Yikes, muntik pang hindi masalo. Shunga din itong taong ito eh, ano? "Hayan ng camera mo. Umuwi ka na."

"I've been betrayed!" Umakto pang nasaktan si Ethan bago nag-alsa balutan bago umalis.

"Julieta?"