RomeVsJulie - (PUBLISHED UNDER LIB) 2011

Chapter 7

Nang dahil sa pahamak na ketsup at eksena kagabi marami ng nabago sa buhay ko. Ikaw anong kwentong kamalasan mo? Right, maipadala nga ang kwento ng buhay ko sa MMK bukas. Saan ko ba naitago ang address nila?

Anyway, ang kwarto namin ni Rome ang pinakamalaki. Akala ko nga tig-iisa kami ng kwarto peru kapag may ganito kang mga magulang na katulad ng sa amin na pinaglalaban ang pagpapakasal namin ni Rome in the future ay wala kang magagawa. Buti nalang dalawa ang kama at least hindi kami magse-share sa iisang kama dahil eww iyun.

Relax na relax lang ako sa pagbabasa ko ng magazine.

"Grabeh naman talaga!" Napatingin ako kay Rome na busy sa study table niya. Ang ingay naman talaga ng isang iyun. "Huwag ka ngang maingay diyan Rome!" Sigaw ko sa kanya.

Pinihit niya paharap sa akin ang swivel chair niya at itinaas iyung isang test paper sa akin. Yung mukha niya parang pasan ang buong mundo.Ano na naman kayang pinagpuputok ng tiyan niya?

"Ano bang problema mo?"

"Alam mo bang sinisira mo ang history sa mga pinagsasagot mo sa periodical exam?"

"Mga sinagot ko? Sa pagkakaalala ko tama naman lahat iyun?"

"Tama?" Lumapit siya sa akin at naupo sa kama ko. "Talaga lang ha? Kailan pa naging Brahma ang panginoon ng Islam? At kailan pa naging Allah ang panginoon ng mga Hindu? Grabeh ka Julieta 'di kaya magalit sila sayo? Religions lang ang pointers di mo pa masagot ng tama?"

"Paano mo ba nalaman ha?" Grabeh naman ang isang ito parang sinira ko mga buhay nung mga taong na mention niya. Bawal magkamali ganun?

"I'm checking your test paper." Inilipat niya sa second page ang test paper ko."Ito talaga ang malala. Ang sagot mo sa number 8."

"Ano bang tanong doon?"

"Ang may akda ng dalawang nobela na Noli at El Feli?"

"Tama nga si Rizal."

"Si Dr. Gregorio del Rizal?"

"Anong Dr. Gregorio del Rizal?" Kinuha ko ang test paper sa kamay niya at tinignan ko ang sagot ko. Huh? Paanong mali naman yung sagot ko. Bakit naging Gregorio si Juan Pancho Rizal? Teka, tama ba ako?

"Pahiya ka noh?" Asar naman ito. I glared at him. "Fourth year high school ka na Julieta hindi mo parin alam ang pangalan ni Rizal. Kakahiya ka! Ano nalang sasabihin ng iba kapag nalaman nilang may-asawa akong bobo?"

"Sobra ka naman." Tinignan ko lang siya ng masama. "Huwag kang mag-alala hindi mo pa naman ako asawa kaya makakahinga ka pa ng mabuti. At isa pa matalino kaya ako," akala nito. "Kaya nga nasa second section ako diba?"

"I wonder why? Hindi ako makapaniwalang hindi mo magawang sagutin ng tama ang pinaka madaling subject sa buong mundo." He leaned closer to me. "Huwag mong sabihin 'di mo rin alam ang kaibahan ng biodegradable sa non-biodegredable? O ano ang addition sa subtraction?"

"Kapal mo talaga!" Ibinalik ko na sa kanya ang test paper ko. "Hindi nga ako kasing talino mo peru at least naman ako hindi ako nakakapanakit ng feelings ng ibang tao. Oo, minsan nalilito parin ako kung ano ang kaibahan sa non-biodegradable at biodegradable peru marunong parin akong magtapon ng basura noh!"

"Kung may problema ka pala sa pag-aaral bakit hindi ka mag-aral?"

"Ba't ba ang yabang-yabang mo?!"

Kaya hindi ko magawang magustuhan ka dahil sa sobrang kagaspangan niyang ugali mo. Matalino ka lang at gwapo peru bagsak parin ang attitude mo!

"Talaga mayabang ako? Paano mo naman nasabi?"