Willa and DM (TLA #1) [COMPLETED]

♡ 12 ♡

Chapter 12

UNDERGROUND RIVER TOUR

《 ♡♡♡ 》

(Willa's POV)

Isang oras na kaming nagbibiyahe from hotel to Sabang at pawang hindi pa rin napapagod sa kakadada ang aming tour guide na si Dada. Yup. Her name spoke for herself.

"Actually, ang Underground River or in its more specified form, the Puerto Princesa Subterranean River National Park is the longest navigable underground river and reputedly the most beautiful subterranean river in the whole wide world." Kahit na lilima lang kaming sakay ng kanilang van, hindi pa rin ito maawat sa pagkuwento tungkol sa Underground River at sa mga lugar na nadadaanan namin.

Nakaupo ito sa tabi ng driver samantalang kami naman ni DM ang nasa gitnang row, sa likod nakapuwesto sina Sean at Blake.

"At dahil diyan, the river has gained admiration at naging isa sa New Seven Wonders of Nature," sagot ko naman na tinanguan ng tour guide.

"Exactly. It gained worldwide admiration and attention leading it to be included as one of the New Wonders last 2012."

Sa aming apat, ako lang ang interactive kay Dada dahil ang tatlong boys na kasama ko, busy sa kani-kanilang mga mundo. Si Blake na pinapahinto ang van para mag-take ng pictures sa iba't ibang landscapes na aming nadadaanan. At dahil ayaw nitong pinapagamit sa iba ang camera, ang mga cell phone na lang namin ni DM ang ginagamit kapag nagpapa-picture kami. Si Dada na lang ang kumukuha ng picture sa aming apat kapag nangungulit ako.

Si DM, busy sa pagpo-process sa reports na sinend ng secretary niya via email kagabi. Si Sean naman na kanina pa nakababad sa cell phone, kinukumusta ang mga bagets na alaga lalo na't may sumbong daw sa kanya ang isang staff na nag-a-attitude ang isang artist nila.

Ilang sandali pa nga lang pagkatapos ng isa na namang pictorial-worthy moment namin sa isang almost-top-of-the-mountain stopover, nag-excuse si Sean na mauuna na sa van habang kami naman ay nasa isang tindahan ng kakanin at iba pang klaseng snacks. Overlooking ang dagat from our view. Humiwalay rin sa amin saglit sina Dada at ang driver na si Caloy leaving me with Blake and DM.

Hindi nga nagtagal, tinatahak na namin ang daan pabalik sa van kung saan ito naka-park sa kabilang side ng kalsada. Holding hands kami ni DM. Wala na akong pakialam pa sa kung ano'ng iniisip ng sarili ko sa sarili ko mismo kasi pakiramdam ko, DM and I had deeper connections since our passionate kiss that morning. At kahit pa three days pa lang kaming magkasama, sigurado ako na with DM and by his side, kampante ako. Komportable ako. Masaya ako. I watched our swinging hands locked together as we walked to the van.

Malapit na kami sa van nang marinig namin ang galit na boses ni Sean. May kausap ito sa cell phone. Sinenyasan lang ako ni DM to keep quiet. Hindi muna kami pumasok sa van. Lumayo na lang din kaunti si Blake to take more pictures from the view below us.

"You know what, you are a vain, undisciplined person who is very difficult to work with! And under any direction and being part of the team, I don't like that kind of attitude. You think you are better than the others so you're declining orders now? You listen and you listen very carefully. I will cut you out from the list of those who will go on concert tours within PH. If you and your self-asserting sister can't bear with my system, we will not renew your contract anymore. I will call Perry for further instructions. He will deliver your reprimand the soonest time."

Tumingin ako kay DM and mouthed, NA-KA-KA-TA-KOT.

He smiled and embraced me. Bumulong siya sa akin, "That's why he's Tiger Sean."

Dahil nakita na namin sina Caloy at Dada na papunta na rin sa aming direksiyon, tinawag na ni DM si Blake at pumanhik na nga kaming lahat sa loob ng sasakyan.