After, we fall COMPLETED SEASON2 (Adonis Series 3)

I LOVE YOU

Chapter 9

Winter Pov.

Malaki ang pagkakadistansya ko kay ashong sa pagbukas ng pinto. Ramdam ko ang pamumula ng aking mukha habang nakangiti ang doctor na pumasok sa loob.

May kasunod itong dalawang nurse habang may dalang gamot sa hand basket na bitbit nila.

Lumakad palapit ang doctor upang tanungin si ashong.

"Matindi pa ba ang pananakit ng ulo mo?"

Normal ang ekspresyon ni ashong bago umiling. "I'm better now. Pwede na ba akong lumabas bukas?"

"Are you sure you didn't feel any headache. Nagsusuka ka kahapon at nahihilo, gusto sana kitang I-ctscan bukas para sigurado akong hindi ka magkakaroon ng kumplikasyon."

"I'm just drunk yesterday kaya't nahihilo ako. Maayos na ang pakiramdam ko."

"Maaari naman siyang ipa-ctscan bukas doc. Mas mabuting sigurado tayo sa kanyang kalagayan."

Nilingon ako ni ashong dahil sa sinabi ko. Hindi ko pa alam ang buong detalye kung ano nga ba ang nangyari sa kanya. Nasabi lamang sa akin ni jacob na nagkaroon ito ng kaalitan na nauwi sa gulo.

Dito ang bagsak niya dahil pinagtulungan siya sa bar ng parkinglot. Nadakip na rin naman ang mga lalakeng nagbugbog sa kanya noong gabing iyon.

"Tama ka. Hindi ko siya matingnan kahapon dahil ginagamot namin ang mga sugat niya. May bukol siya sa parteng ulo kaya't nais ko itong tingnan."

"Okay doc. Baka sa susunod na araw na lang ba siya lalabas?"

Tumango ang doctor. "Once na maayos ang resulta maaari na siyang umuwi. Sa ngayo'y lilinisan muna ng dalawang nurse ang kanyang mga sugat."

Pansin ko ang pagsama ng tingin ni ashong. "Its still clear. kakalinis niyo lang kanina!"

"Kaninang umaga pa iyon Mr falcon."

"Why don't you let my hand rest? Ang bibigat ng mga kamay nila!"

"Ashong." Nilingon niya ako. Hindi ko maipaliwanag ang mukha niya dahil halatang natatakot siyang ipagalaw ang kanyang kamay. "Sundin mo na lamang ang sinasabi ni, doc. Lilinisan lamang ang sugat mo, matapos 'non ay makapag-papahinga ka na."

"Ayoko sa mga nurse na iyan. They're just forcing my hand. Mas mabuting Ikaw na lamang ang maglinis sa sugat ko." Napabuntong hininga ako bago sulyapan ng tingin ang doctor.

"Ako na lang po ang magpapalit sa benda niya."

"Sigurado ka ba?" Tumango ako sa tanong ng doctor.

"Opo. Ako na rin ang magpapa-inom sa kanya ng gamot."

"Kung ganon ikaw ang bahala. Binisita ko lamang siya upang tanungin tungkol sa kanyang pakiramdam. Babalik na lamang ako bukas ng maaga."

"Sige doc, thankyou po."

Ngumiti ang doctor sa akin. "Bantayan mo ang boyfriend mo. Ireport mo agad sa nurse station kung sumusuka siya ulit. Mauuna na ako."

Hindi ako nakasagot sa sinabi nito. Nakangiti pa ang dalawang nurse sa akin ng ilahad nila ang maliit na basket na naglalaman ng gamot at gagamitin kong paglinis sa sugat ni ashong. Nahiya ako bigla dahil alam kong nakita nila ang eksena kanina. Hindi ko na naman napigilan ang sarili ko, nadala na naman ako sa halik ni ashong.

"Tsk, mga istorbo." Iyon ang binulong ni ashong matapos nilang lumabas. Ngunit malakas ang aking pandinig habang nakatayo sa gilid ng kanyang kama.