After, we fall COMPLETED SEASON2 (Adonis Series 3)

TRAYDOR

Chapter 3

Winter Pov.

Hindi ko hiniling na maging marangya ang buhay ko tulad ng iba. Sapat na kasi sa akin na mayroon akong masayang pamilya at mapagmahal na ama't ina. Kuntento na ako sa buhay na kung anong meron ako.

Nakakapag-aral ako sa magandang unibersidad na ninais pasukan ng karamihan. Kumakain ako ng sapat sa isang araw, may nag-aalaga at umaantabay sa akin.

Simpleng buhay lamang ang gusto ko. Tulad ng aking kinalakihan sa probinsya na minulat na sa akin ni mama.

Ngunit kung gaano kasimple at kapayapa ang buhay ko ay kabaligtaran naman nito ang takbo ng pag-ibig ko.

Normal lang sa akin noon ang magkaroon ng hinahangaan, crush kung tawagin ng mga kabataan. Hindi rin naman ako naghangad na magkaroon ng gwapong nobyo. Ang siyang nais ko lang din ay ang mapagmahal gaya ni erpats.

Ngunit napakagulo nitong nagdaang araw. Masasabi ko naman na todo kung iparamdam sa akin ni calix ang feelings niya. Ngunit para sa akin ay walang impact iyon sa puso ko. Naiinis ako, nais kong gantihan ang sarili dahil bakit kailangan kong maguluhan?

Si ashong mismo ang gumugulo sa isip ko. Alam kong mali ito, Hindi ito tama dahil may kapwa na kami kasintahan. Hindi maaaring may masaktan kami sa dalawang ito dahil si trixie at calix ay importante sa akin.

Napabuntong hininga ako habang nakapangalumbaba sa cafeteria. Maaga akong pumasok dahil hindi ko nais mahuli sa unang klase. Alas sais 'y medya pa lamang ay narito na ako kasama si calix.

Maaga itong pumunta ng bahay kanina. Nakapagluto na rin naman ako 'non kayat maaari ko ng maiwan si lola.

Back to normal ang lahat. Nasa ibang bansa na muli sila tita raquel maging si tito frank. Si lola ay muling sumama sa akin dahil napag-usapan namin na magtatapos na ako dito sa fatima. Napagkasunduan rin nila mama at erpats na ipagbibili na itong bahay sa oras na makapasa ako ng bar exam.

"Anong oras ang unang klase nyo?" may inilapag na inumin si calix sa harapan ko matapos niyang magtanong. Hindi gaano maraming studyante rito dahil karamihan ay nasa kani-kanilang silid na.

"Alas siete. Uubisin ko lang 'to bago ako umakyat.."

Tumango si calix. "Im sure magiging busy na tayong pareho sa mga lessons this month. Lalo na at magkakaroon ng finals ang fatima at holycross.."

Umiinom ako habang nakikinig rito. Hindi din naman ako interesado sa finals ng varsity nila. Naiinis lang ako dahil kasali pa ako sa cheering, ayoko na.

"Hindi na ako sasali.."

"Bakit naman?" Nag-angat ako ng tingin dito. Pwede naman siguro 'yon, ayoko na lang kasing mag-aksaya pa ng oras para lamang tumungo sa anibersaryo ng unibersidad na 'yon. Hindi ko na rin nais pang isuot ang unipormeng iyon.

"Ayoko lang. Hindi na ako makikipag-cooperate pa. Hindi ka na rin naman kabilang sa team hindi ba?"

"Kinausap ako ni coach, baka magjojoin na ako.." bumuntong hininga ito. "Ayoko lang kasing magtalo pa kami ni philip kaya nag-quit ako sa group noon. Pero mukhang maayos naman na kayo.."

Nag-iwas ako ng tingin dahil sa sinabi niya. Para sa akin ay isang kasinungalingan na ang ginagawa ko. Maayos kami ni ashong, dahil may gusto ito sa akin.

Hindi ko masabi iyon kay calix.

Ayoko ng malaman niya pa ang tungkol doon.

"Sumali ka na rin, wen. Wag ka ng umalis.."