After, we fall COMPLETED SEASON2 (Adonis Series 3)

HURT HIM

Chapter 6

Winter Pov.

Natapos ang huling sem dito sa fatima mga ilang linggong nakalipas ng maganap ang laban sa pagitan ng holycross at fatima varsity.

Halos nagkaroon kami ng isang buwang bakasyon bago mag-enroll muli sa huling baitang ng pagiging kolehiyo.

Buwan ng marso nagsimula ang pasukan. Nitong nakaraang linggo rin ay lumipad na si trixie patungo sa ibang bansa kung saan siya mag-aaral.

Naging abala ako sa buong buwang nakalipas. Hindi kami gaanong nagkikita ni calix dahil naghahanda ito ngayon sa huling taon niya bilang criminology.

Alam kong mahirap ang kurso nito lalo na at nasa ika-apat na taon ngayon. Maging ang akin ay pinaghahandaan ko na kung saan ba ako maghahanap ng paaralan sa OJT ko.

Nananabik ako kahit na alam kong mas challenging ngayon. Mas higit na nais kong pagbutihin ang pag-aaral dahil gusto 'kong makuha ang mataas na pwesto sa darating na graduation.

Nasa silid na ako habang naghihintay sa bago naming professor. May ilang bago sa amin na mukhang nagmula pa sa ibang unibersidad.

Hindi ko pa namamataan si deborah maging noong enrollment. Wala din siya sa listahan kanina ng silipin ko ang section namin. Hindi ko alam kung mapapanatag ba ako sa kaisipang hindi na dito papasok si deborah.

Hindi ko masabi kung bakit iniisip ko iyong hawak niyang video noon. Ilang buwan ng lumipas pero hindi pa iyon maalis-alis sa isip ko.

"Winter, may naghahanap sa'yo sa labas." nagtaka ako kung sino ang tinutukoy nitong kaklase ko na nasa aking likuran. Itinuro niya ang bintana kaya't madali akong lumingon doon.

Kumaway sa akin si ashong. Mabilis na naki-usyoso ang mga kaklase ko sa loob upang silipin siya sa bintana.

Napabuntong hininga ako.

Madalas tumungo si ashong sa bahay ngunit hindi ko ito hinaharap. Hindi rin naman niya ako mahanap kay lola dahil paniguradong magtataka iyon.

Tumayo ako, lumakad ako palabas upang lapitan siya. May ilang mga babae ang sumunod sa akin dahilan upang mainis ako lalo kay ashong.

"Bakit siya narito?"

"Hindi ba boyfriend yan ni trixie, magpinsan sila ni winter."

"Talaga? Nagkasundo na pala ang dalawang yan."

Napapikit ako sa bulungan nila. Hindi na yata pabulong iyon dahil dinig na dinig ko naman.

Nilapitan ko si ashong. Naghihintay lamang ito sa paglapit ko habang nakasandal  siya sa bintana ng aming silid.

"Anong kailangan mo?" sumimangot siya sa tanong ko. Sa loob ng mahabang linggo ay hindi ko siya nakita, bumibisita man siya doon ay hindi rin ito nagtatagal dahin hindi naman nga ako lumalabas.

Ngunit aaminin kong iba ang dating ni ashong ngayon. Nagpagupit ito na mas lalong nagpa-alwalas sa kanyang mukha. He even had a perfect face today, Mukhang mas lalo pa itong naging gwapo ngayon.

"It's been a long time when i saw you. Ganyan pa ang itatanong mo sa'kin."

"Hindi ka dapat basta basta pumupunta dito. Alam mo naman ang mga isip ng studyante rito, pagdududahan nila ako."

"Ayos lang 'yon. Pumunta lang naman talaga ako dito para makita ka, aalis din ako dahil okay na ang pakiramdam ko."

He smiled like an idi*t. Ngunit hindi nawawala sa paningin ko ang kagandahang lalake niya. Napalunok ako bago mag-iwas ng tingin.