HEALER: The One Who Can Heal Me (Completed)

EP00

"අම්මේ,මට නින්දේ යනකම් කතාවක් කියන්නකෝ" යීබෝ අම්මාගේ අතෙන් අල්ලලා නවත්තන ගමන් කිව්වා.

"හරී, මගේ චූටී පුතා හාංසි වෙන්නකෝ..මන් කියන්නම්" අම්මා යීබෝව බ්ලැන්කට් එකෙන් හොදට පොරවලා එයා ගාවින් ඉදගත්තා.

"ඔන්න එකමත් එක කාලෙක දෙවි කෙනෙක් හිටියා.එයාව හැමෝම හදුන්වව්වේ 'සනසවන්නා' නැත්තම් 'සුව කරන්නා' කියලා.ඒ ඇයි කියලා දන්නවද?"

"ඒ ඇයි අම්මේ??"

"මොකද ඒ දෙවියන්ට පුලුවන් කම තිබ්බා මනුස්ස ලෝකේ ඉන්න ලෙඩ වෙලා දුක් විදින මිනිස්සුන්ව සනීප කරන්න.ඒ නිසාම තමයි මනුස්ස ලෝකේ ඉන්න ගොඩාක් මිනිස්සූ මේ දෙවියන්ට වැදුම් පිදුම් කරන්න පටන් ගත්තේ.එයාට වන්දනා කරා නැතුවා හෝ ඒ දෙවියෝ ල්ලෝකේ ඉන්න හැම දුක් විදින මනුස්සයෙක්ටම පිහිට උනා."

"හැබැයි එක දෙයක් තියෙනවා.ඒ තමයි මේ දෙවියෝ මිනිස්සුන්ව සනීප කරද්දී ඒ ලෙඩාගේ වේදනාව මේ දෙවියන්ට දැනෙන එක.ඒ වේදනාව දරාගන්න අමාරුම උනත් මේ 'සනසවන්නා' දෙවියෝ කවදාවත්ම මිනිසුන්ව අත හැරලා දැම්මේ නෑ."

"මිනිස්සු මේ දේ දැන ගත්තට පස්සේ ගොඩාක් දුක් උනා,තමන්ට උදව් කරන දෙවියෝ එයාලා වෙනුවෙන් කොච්චර නම් දුක් විදිනවද කියලා. ඒ නිසාම මිනිස්සු ප්‍රාර්ථනා කරා මේ 'සනසවන්නා' දෙවියන්ව සනීප කරන්න වගේම ආරක්ශා කරන්න පුලුවන් කෙනෙක්ව
ඒ දෙවියන්ට හම්බෙන්න කියලා."

"හාස්කමක් වගේ මිනිස්සුන්ගේ ඒ ප්‍රාර්ථනාව ඉශ්ට උනා.අනිත් අයව සනීප කරන මේ 'සනසවන්නා' දෙවියන්ව, සනීප කරන්න පුලුවන් කෙනෙක් අන්තිමේදී එයාට මුණ ගැහුණා."

"එයත් දෙවි කෙනෙක්.ඒ දෙන්නම පලවෙනි බැල්මෙන්ම දෙන්නට දෙන්නා ආදරෙන් වෙලුනා.ඒ දෙවියන්ගේ ආදරයේ බලය කොච්චර නම් බලවත්ද කියනවානම්,මේ 'සනසවන්නා' දෙවියන්ට එයාගේ මූණ බැලුවත් ඇති එයාගේ හැම වේදනාවක්ම නැති වෙලා යන්න."

"පුතා දන්නවද, ඒ දෙවියෝ දෙන්නාම ගොඩාක්ම ගොඩාක්ක් ලස්සන වගේම හිත හොද අය.මේ දෙන්නා එකට ඉන්නකොට ඒ දෙන්නාගේ බලය ගොඩාක්ම බලවත්. ඒ නිසාම එයාලට ප්‍රශංසා කරන්න වගේම ඉරිසියා කරන්නත් කට්ටිය හිටියා."