ضفائر صبريه

٤٠...

#قصة_ضفائر_صبرية

" لا يلدغ المؤمن من الجحر مرتين "

٣٨٧٣ كلمة ...........

شائت الاقدار لغير شي
الساعة ١٢ الظهر جابوا محسن متعور ..

دزيت رسالة لعمي وتحججت بالفلوس
- ما كدرت احصل فلوس نأجلها لمن احصل فلوس تتكفلني الى ان تفرج ....

لاجاوب رسالتي لان محسن بالبيت خاف يقراها باي

مسحت الرسالة بس وصلت ....

ورحت للعلوية تخدر جاي ...
- اروح اشوف محسن ما راحوا جماعته

- بعدهم لبسي صايا وحجاب اخوني جاين يشوفونة

لويت حلكي
- اهووو ببيتنا و نتجودر شنهاي

خزرتني
- اشش حلاة المرة بصوتها ما ينسمع وحشمتها جا عيني شنو تردين تعرضين سيقانج ..
لو خصرج المياس ترى احنا نستحرم .

روحي تحشمي ولا تعاندين محسن مريض فكري بيه .. وعوفج من الغيرة .. و ترى المرة هي تحافظ على نفسها ما تجيب حجاية لهلها ورجلها

هزيت ايدي

- هم يا اهل هو عندي اهل عشتوو خلينا الاهل الج

ردتني بغمة ٣ مرات

- كش كش كش منج النوب العيون الزرك ملعونة بالحسد يمة لا تحسدين اهلي دصلي على نبيج دكولي اللهم لاحسد شلون فطنتلي هم يسويها الحظ

- هييي شبيج شكلت ..

----------

طلعت من الصبح ضايج من نسواني . عبنهن صايرات موش على ماله الله

و بديت اتعبن من الوضع ..

جليلة تعاندني يوم على يوم وهاي معصومة بدت تقلدها

وجليلة بدت تخرب العلوية بدل ما الزغيرة تتعلم من الجبيرة صان بالعكس ...

لكيت معصومة مكملة ريوك

- موش اريدن شي ما اشتهي بس معصومة انتبهي من جليلة عبنها موش مال تأمنين ...

وموش مرتاح لعمها دربالج ترحين اهلج وهي وحدها بالبيت ...

وين مترحين وياج تاخذينها موش تقبل تكعدين بالبيت...

عاينتلي وهي تاشرلي لحظة

راحت ورجعت بيدها مشط

عدلت كذلتي رتبتها و ابتسمت

- يمعود شايل همها شبيك .. ترى هي عادية والي بعمرها يعانن هيج تقلبات ...

و لا تنس تغار مني ...

ما اتوقع تسوي شي لا تخاف

نفخت

- هي كلمة موش اكررنها جاي اكلج ركزي بيها مفهوم عبنج موش تعرفين شي ...

عكدت حواجبها اخذت قمصلتي الجلد بنية ...

لبستها وطلعت ...

صاحت

- حتى جاي ما تشرب

- موش رايد شي يمعودة عوفني واليسلمجن اجي ارتاح ببيتي جاي تعبني موش مرتاح

و هاي من تكعد كليلها اجي العصر الكاها مبدلة كون صدك موش تبدل و تروح طبيب عبن اعلكنها من رجليها بالبنكة . واذا جانت حبلة اطلعه من حلكها ..

ضحكت العلوية وخزرتها دنكت

- اشش تضحكين على ضرتج ؟

- لا على حجايتك جنك موكدها حامل

سكتت امنيتي حامل واخذها افهمها وضع العلوية وانطيها تحذير بس تعيرها او تشيم عليها ارتويها نجوم الظهر ...

بعدني بداية الصبح .. و موش تفكيري مركز

جاي اعاون رجال اشترى ثلاجة ...

الاثول زلك بباب المحل وطاح ع ظهرة وانة حضنت الثلاجة عبن جا طاحت عليه بس شنهو حسيت بثكلها ردني ورى تكومت ع ظهري الثلاجة فوكي ....

ركض شريجي والرجال ووياهم من محلات صوبنا ..

و ميلوها عني ..

- ها خوية خو ما تأذيت ...

مختنك كوة اجرن النفس ..

- اهيس بوجع بضلوعي ..

اخذوني للمستشفى اشعة بس رض بضلعين ..

و عالجو شخوط الي بكصتي و فحصوا خشمي عبنة بيه كدمة زركة خافوا لا انكسر بس زين مامش شي خطر ..

ب١٢ ردوني بيتي ...

كتلهم يمددوني بالاستقبال ...

ورى ما راحوا ربعي بعد الضيافة

اجت جليلة بيدها عصير الي وراها معصومة بيدها دوة وماي

و يمي وكتها سيد وليد واخوانة وحجي السيد ابو وليد

جانت جليلة لابسة صاية وحجاب ...

و حتى معصومة تسترت واتحشمت من اخوتها

بصوت تعبان كتلهن

- نجبن الغدة غداكم عندي اليوم موش رايحين

رد سيد حارث
- تسلم ابو كرار ... اخذوا راحتكم يلة يابة يلة ولدي مازن حامد جابر محمد حسين حسن امشونة

كاموا وهم يوصوني موش اطلعن للشغل لمن ارتاح ...

راحت معصومة وراهم و جليلة اجت بحضني تدحس بية عبن كمت اعرفنهة وراها شي

.ضحكات السادة وي اختهم خلت جليلة تبوز...

- مو بس هي عدها خوان انة هم . بس ماتوا .. تدري ايمن حب وحدة لان اصولها زنجية

ابوية ما قبل اخوي انهضب طلع وغرك.

دنكت وانة اول مرة اسمعن عنها .. جنت اسألها تنطيني بس روس اقلام..

- و همام و لينة جنا ثلاثي مرح .. بس داعش اخذهم مني مو بس هي تتفاخر

صح عدها جيش من الخوان بس يعني هم جانوا عندي ٣ .. اصلا الكثرة مو حلوة تسوي تخمة يوغفون على الكلب بعصبيتهم...

اريدن اكحن موش كادر وجع بصدري كوة اكحن وهاي بس تهذي وهم ياريت سوالف بيها خير

- جليلة يابة كومي كلاص ماي عفية و بطلي كرشة بالناس عبن عيب حاسبة اخوة المرة

و صلي على نبيج...

كامت وهي تدردم

- سبيت العنب والنبي خاف تتندم علي ...

صحت عليها

- ولج شتقصدين هااا

رجعت وبيدها كلاص الماي تجتني وشربني

- زعلت مني ؟

هزيت ايدي وكتلها

- شو عاونيني خل اكعدن ... اااخ يمة وينج ضلوعي

- خل اخذنك للغرفة هناك اريحلك ....

دخلت معصومة ..

- وليد يكول لسون غدة نساوينا طابخات خير من الله و راح يدزونا ...

التفت محسن عليها وعقد كصتة و هو منحرج

- يمعودة شنهي هاي شكد زحمة .. ليش الاحراج شمالجن مكرمات موش تطبخن....

دنكت وكالت..

- هااا.... لا مو انت من ما تتواجد الظهر وتكول اتغدة بالعشار وماتجي الا العصر . احنا نجيب غدة من المطاعم....

شفتة مستغرب ....رجع كعد على القنفة ..

- ومنهو يجيبلجن؟

- البس عباتي واروح هذا ابو سجاد خوش يشوي

يمة شلون خزرها . ويكول احبج وهي بس احترمها شو طلع المكتوم والغيرة ...

- ومن يمتا نساوينا تطر السواكة وحدها هسة فهمت بسامير اخوتج...

وانة الطرطور موش تاخذين اذني يمتدينة يالتخافين ربج .

حمدي ربج ضلوعي مرضرضة لا وداحي خيبر .

لسوي بيج سواية موش تتوقعيهاة...

بكلبي طنننن راحت بيها العلوية بس كسرت خاطري مجربة محسن من يعصب ....

هي دنكت وسكتت

- انة كتلها تعزمنا من انت ما موجود ..

باوعلنا ...

- هو اكول العلوية موش تصرف هلا بلة اذا مو ام نفس الدنية دافعتها ...

حجت العلوية

- من اطلع ما اشوفك تحجي شعجب هسة تحاسبني ؟

- تطلعين بيت عفاف اهلج المحلات الي يمنا موش سوك تطرينه بحدج ..

لا والنوب تعرفينة بالأسم ابو الكباب .

ضجت شو هو يرزل هاي فرحانة عيونها تلمع

خاف فرحت يغار ... وانة كبيت نار ...

- اكول زين اذا طلعت اني شسوي

باوع علي ومرة على العلوية الي بعيونها برز جمال رموشها ونظرتها

و ابتسامة ثقة اللوتية تريده يغار وانة الغبية كلما يتغدة برة ادزها ... وكعتني خوش فخ

رجعت باوعتلة شفتة كاض ضلوعة ويريد يكح ما يكدر ...

حجة وهو كوة يكح بكحة مبلوعة ... و ع كيف

- ااخ يمة متت خنكة بصدري .. ولج جلال بيك شنهي شلفاج تردين تلاهديني ( تراددين )

شوفي ولج جربي طلعي بحدج احش رجليج اكسرنهن .. كافي مصايبج موش منسية ..

خل وحدة تاخذني انامن هنا جاي استبرد . وموش اريدن لا غدة لا شي خوش النوب حجج

ابقى بشغلي للعصر للمغرب .. ترحن تاكلن مطاعم يا موش سنعات وينج يمة شوفيني نسوان ثنين موش بيهن كفاية بيت.. .

حركت للعلوية حاجبي اكللها شفتي ؟ يحش رجلي من اطلع مو مثلج بس نبهج... يغار علي اكثر...

رحت اسنده كبل العلوية اغلبها اريده بغرفتي.

- حسحس ..( الحقيقي زن زن )

عكد حاجبه

- شنهاي النوب ..

تموعت كدامه ادلع
- تجي يمي حبيبتك اني بغرفتي ادفى .. مو مثل غرفة العلوية باردة قولا و فعلا .

بسماري بالمكان و قصدي انفهم ..

و العلوية بس فهمتة تخصرت وهاي تعلمتها مني واني تعلمتها من بيت عيال سارة من جنت وي بيبي نسير ويتعاركن

- شقصدج ..

اشرت على جسمها ومن شافت محسن منعها تطلع نفخت روحها ...

- كل هذا الجسم و باردة ...

تجر بحروفها ..
وهاي عيشتنا مرة صحبة مرة عركة .. وهي طبعها مو مال مشاكل بس حتى تتعايش وياي لازم تطلعلها لسان وايدين ورجلين . وسائل دفاع . واحسها تقلدني عابتلها وجه الفكر.

خلا محسن ايده على خدة ويباوعنا ساكت مالة خلك حتى يحجي وجع الضلع يموت . خاصة بشتا يصل على بني ادم.

تخصرتلها و انا ااشر على طولي .

- يااا جسم يمعودة هم عندج جسم وطولج شبر ونص ...

هنااا كل الجسم .. كل الدفو كل الحب كل الجمال مو محسن لو مومو ؟

محسن ...

ظليت ساكت و محتار بزماني موش كادر اكوملهن ولا كادر اعصبن واصيحن ولا اكثر حجي

ضلوعي تهيج وذن موش يحسن زلمتهن موش بخير كدامي و يداهرن

العلوية موش مثل قبل تسكت لجليلة اخذت طباع من جلال بيك .

عبن اليعاشر جليلة لازم يتعلم وسيلة يدافع على نفسه ..

حاولت اكومن الله لا يعوزني الهن ...

بس حسيت ضلعي انعصر على ريتي وكلبي اختنكت
رجعت انتجيت وانة حتى عيني دمعت وذن بس
لغوة بلا نفع ...

سكتت مجبور موش كادر اسكتنهن...

ردت معصومة

- ولج كسبيني ما تخسرين لا تعاديني ترى عندي سنون ( تقصد لا تشوفيني اسكت اعرف ادافع عن نفسي)

رد جليلة ....

- لاه لاه .. الخوف الخوف شوفي عمري ١٧ انت ٣٠ تخيلي بعد ١٠ سنين وجهج يصير حيزبونة ...

مملي تجاعيد واني بعد ١٠ سنين بقمة شبابي ...

ام طول شبر ونص ..

اجت جليلة
- يلة محسن لازم اخذك غرفتنا حبيبي انت و يمي كل الدفو والحنان .

- لا والله ما تاخذيه اصلا اليوم الي انت انس طنكرتي و قفلتي غرفتج شسويلج ضاعت عليج ...

جنت متساهلة وياج بس ما دام تعيبين على طولي ..
ابد

شوفي ولج لو مو حلوة ما يخاف علي ويكلي لا تطلعين وحدج ..

- اي بس ما كلج مثلي احش رجليج ..

شوفي قمة الغيرة وعنفها وين علي عيني ..

اصلا يجاملج و يكلج لا تطلعين ..

اخذت نقالي دزيت رسالة لمجد

- تعال انة موش بخير ضلوعي طاحت علي ثلاجة و جابوني ببيتي انة .. بس ذن نسواني موتني تعال موش بحالهن

تعال وديني اريد انامن ويتعاركن كل وحدة تريدني يمهة .

اجتني رسالة ضحكة ( ههههه )

وراها مجد يكتب

- الله يعينك جايك ياب اخذنك عندي ويطبهن طوب هههههههه

طفيت نقالي اتاني ( انتظر)
دكة باب ..

واندكت ...

اشرت لمعصومة

- لبسي شي ع راسج هذا مجد
كمزت جليلة
- انة لابسة شوف انة اطلع

خزرتها الملكوفة عبنها موش مرتاحلها .. واحسن وراها سويلفة جايتني بالطريج

- لا.. موش انت الباب بس العلوية تفتحة من انة مريض او موش موجود انت ممنوع

ردت العلوية

- ليش جا هي تغار عليها واتي لا .. ما اطلع للباب خل هي تطلع

صحت بيهن ولازم صدري

- ولجن بسسس انعل شيب ابوه الي كال ثني ..
شورطني بيجن جنت عازب موش قابل ازوجن
كلة منج يمة الله يرحمج كلة منج يمة ...

انت وحمدية والسوسة عفيف يلة تزوجت وشحصلت ثنين موش وحدة و الله موتني

اجتني الخنكة من عصبت .

انسندت على القنفة كمت بين صرخة وبين وجع صدري

استندت الحايط محني الضهر موش كادر اصلب طولي . عبن احسن ضلعي يكص بكلبي و ريتي...

ركضلي يسندني وخرتهن

- لا بارك الله بيجن امشن من وجهي موش تراوني وجوهجن انت علوية خل احد يبات يمجن امج .. تجي هنانة انة اروحن لعفاف لبنات خيتي تداريني ...

اشردن منجن ..

فتحت الباب
- اخذني منانة بساع موتني كر وكر كر وكر شنهي شكد كركة يكركن ..

- بس لا تعصب وكلي شجاك توكع عليك ثلاجة

- عبنها جا طاحت ع رجال من ثولة موش شايف دربة حضنتها و جرتني وياها تعرفني من موت امي ضعفت كلش ...

- الله يعينك...

-------

بس راح هجمت العلوية وهي ضايجة

- اكللج شو انت برعة شنهاي ولج مو مال صحبة راحت فلوسي ببطنج ما غزر .

- عاد عيرينا . مو سددتلج طلعاتج .. هاي جزاتي ما تغزر بيج

- اندك الباب محسن ما يقبل تطلعين مو غؤرة ترى ما يثق بيج هههااااي

بس انة يثق بية الله يدري ليش تزوجني عليج جني احس شغلة ثقة وامان ما يامنلج

رحت اريد الزمها ركضت شاردة فتحت الباب وحمدية بيدها صينية وتبجي

- يا خوية محسن ولج صدك محسن متعور بضلوعة .
شو لزمي الصينية خايبة شنهي الفهاوة ثنينجن مصفنات وينة محسن بغرفة منو منجن

- راح شردتة العلوية لبيت عفاف

ردت علي العلوية

- ولج انة ولج انة .لو انت ام لسانين

ظلت حمدية بينا اريد الزمها اكطع معيصيمة بس حمدية تحاجز
وذيج مدري منو علمها ووزها علي جانت ما ترد تتجاهل بس من فترة خوش لسانها يرادد

تخوصرتلي ورى حمدية وهي تخزر

- يا ما مترباية لو امج كبل لا تموت تربيج جا هسة كسبت بيج اجر و تخفيف ذنوب

لو ابوج خير جا طلعتي بزر رحماني بس انت دتعكسين اخلاق اهلج بيج.

وسعت عيوني وغصة بداخلي جرح جبير
اتعير باهلي اصلا ما عشت عيشة اهل ..

عشت كلة بخوف وعدم استقرار ام نايمة وعايفتنا
بين اليكول انجنت بين اليكول اتعارضت ..

و الضحية احنا

برطمت و رجفت شفايفي ورمشاتي السريعة تريد تحجز عني الدموع ...

حسيت بشي ببطني يرف ....

خليت ايدي على بطني ورحت غرفتي قفلت الباب وحمديو تصيح

- ياع ولج جليل تعاي تغدي يمة موش يصلح هيج خية معصومة شنهي هيج تحاجينها موش تعرفين هاي يتيمة وكلشي ولا كسر خاطر يتيم

موش يرضالج سيد وليد ولا محسن يقبل بالكلتيه شنهي موش مترباية ..

لا موش مرجية منج

جنت اتصنت شجاوبها

- مللتني حسرة علي شادة وياي
اسكت اصبر اصبر اسكت متت والله شتريد موفرتلها بس هي معاديتني و حقي اردنها
حسرة الزلمة صاحني تركض كبلي حسرة اجاني تجي باي حجة تاخذه
مو عيشة مثل ما رجلها رجلي

النوب تضوج لان رزلني طلعت جبتلها ليطنها عود غدة

و محسن ما قبل على طلعتي ترزلت . تعاي شلون ترزلها ما ترزلني شلون باجر اطلع

عاد بعد كلبي ما قصر رزلها رزالة ناشفة كللهة احش رجليج.

وهاي لزمتها شوفي يغار علي اكثر ماكلج يحش رجليج كلي

مديت راسي اجت عيني بعينها
كتلها

- يمة منج يا ملاك انت ياتحت سواهي يا دواهي انت

تعيريني باهلي وهسة تطمطمينها عود بس اصطبريلي اروح لمحسن اسولفلة عليج

ردتني

- خايبة سولفي انت وكحة ع شنو اضوج روحي تعاي خية تغدي ويانا

- لا خية موش اكدرن بلا السيد ... اكلج جني اتوحمن .. و السيد يكول موش مال جهال كبرنا جا شنهي اريدلي وليد من نسلكم ويصيحوني ام السيد ..
هواي بعمري تخلف موش عيب

- ياريت والله .. يطلعلنا وليد اشيكر مثلج ..

رجعت حمدية تباوعلي كاضة باب غرفتي و هن بالممر

- حبيبة جلولة موش تزعلين خايبة محسن خطية و ثنينجن كبل لا تداهرن فكرن محسن هواية انشلع كلبة موش تدرن وجايز الله بيجن يوفجة

رديت

- شلي شغل هي تعيل تضوج لان رزلني اثكل منها يكول احش رجليج غير يغار اكثر منها علي يحبني اكثر منها

دكت حمدية صدرها

- يبووو نساوين اخر وكت عبن فرحانات بالرزايل شنهي ولجن كعدن هيدن اروحن اخذ اذن السيد اكلة اخوي بيت عفاف اريدن اشوفنة شرد من اختك و ضرتها ..زلمة شكبرة شردتنة موش حرم انتن .

ركضت معصومة تتوسل

- لا تحجيلة ما يقبل اترزل

- لا والله موش حمدية الا اكللة عليجن موتنا كافي شنهي سالفتجن...

خوصرت

- يأدب اختة اني ما عندة علي حكم ..

هزت حمدية ايدها
- خايبة سيد يشور بيج مجربة شارتة دخيل بخت جدة رسول الله ..

ركدي جليل موش تكولين ما كايلتلج شارتة بالايد عبن ابن بيت راضي

يطير حمام كاشفنا على السطوح.
راح السيد يكلة موش اكلك لا تطير حمام بس نبه جيرانك عبن حرم عدنا .

و الله الولد عارج السيد و طرده .. موش احترم عمره
بس السيد راح من بابهم وصعد المطيرجي طاح من البيتونة وذاك هو مكسر مجبس

بعد كيفج انة كتلج ...

خلت وطلعت .

سديت باب غرفتي حيل ..

و ذكرت امي وبابا .
ايمن اخر نظرتة كبل لا يروح

حضنت روحي ونحبت بجيت

وهاي بطني بيها شي يرف ويدغدغ .. وانة منا ابجي

ضربت بطني راشدي

- اشش شتريد انت مالي خلكك .. ضايجة وانت جنك فرحان على ضوجتي

لفيت راسي نمت نومة كهف و عفت البيت وكلشي لام طيرة ....

محسن بقى يم عفاف مجد يداريه بالليل كمت اخابر علاوي لو يسار ياخذوني هناك يمهم ابات

ما التزمت انو ابقى يم العلوية وامها تبات عدنا ...

هي شافتني هيج هم غارت مني بالليل تجي لو عدنا و تريد تبات عود

بس محسن يدزها يم اهلها ..

بيوم كلي
- ردي بيتج تبات وياجن ام معصومة

زعلت وردت اهددة بهلي عود عشتوو مثل العلوية

- انت ماتريدني الا اخلي مازن لو عمي يطلكوني منك

ماحسيت الا برفسة برجلة
- شنهي ولج

شردت ابجي وصدك خابرت عمي مغلق رحت خابرت مازن يقنعة يطلكني و اتفقت وياه حجة بس حتى ينضب ما يكول ماعدها ظهر

فوك ما قبلت بضره هسة حيل مأذيني ما يريدني يمه

و مازن شو ما صدك اجة بحجة يزوره ظل يلمح ع طلاك من صدك ومحسن طرده

و لعب بية طوبة يكلي مازن يريد طلاق
نكرت لان صدك ما ردت طلاق ردت بس يخوف محسن

- كذاب اصلا ردتة يقنعك تعالج تحلل بلكت احبل ...

استمرت عرايكنا اني ومعصومة

لمن مل محسن شرد منا ولحكناه تالي رجع للبيت ...

--------

صابرين .

اخيرا اخيرا عمو رجعلنا النقال .

كاعدين اني وخيتي ... و صبا مبين عليها .

الهم ..

- شبيج خية ...

- صابرين علاوي عندة معحبة

طكيتها ضحكة ...

- ياااا ههههه وينة وين الحب والمعجبات امس جان يسويها ع روحة و امي تغسله ههههه

-وحدة لازكتلة . ويانا بالعدادية
. رابع هي اقري شنطتني ...

- يا فاتحة الظرف غير تنطيه لصاحب الشأن.

- لا .. ما اريد اخوي يتعلم دروب .

شوفي الادب سز منطية رقمها وكاتبتلة اني الي نشنتلك بكروب احلا لمة ل( ...) المختلط

وصاحبة منشور علاوي يمته تعشكني

ضربت خدي ...

- عزة ولج هاي شنووو

جيبي نقال علاوي بالبوكة

- مخلي رمز ..

- دجيبيه .. اعرف رمزة ...

فتحنا النقال رحنا للفيس ندور الاشعارات

ولكينا المنشن بحساب ستار زازة ( انكلش)

فتحناه و نلكة التعليقات جماعة علووي و هم ينشنولة هم بتعليقات

- حبها يمعود حبها

والي كاتبلة اي ما تحبيني عوفج من علاوي

ورد علاوي
يمعودة و الله طينتي عيشتي وين ما اروح وراي ما عندج اهل ؟

مسحي منشورج انة ابن عشاير ما تخافين اهلج يحسون ترى اكول لاخوج منو انت خاف حسابج وهمي عرفتج..

باوعت لصباا

- نحجي شتكولين ؟

- يمعودة لا تدرين هسة امي تكبرها وهو ما دام ممنطي وجه ع شنو نكبرها

- اي صح النوب تعارك عمو مجد خطية امي حيل تأذيه من تعاركة لان هو اقترح النقالات امي مجانت تقبل بيهن ...

- اشش امي اجت...

- بنات خالج راح وي نسوانة ههه و الله اخوي كاسر خاطري تورط ..

حتى العلوية العاقلة عود تخبلت عليه

- اي والله خطية خالو زغير مو مال نسوان ثنين

- يا ههههه ...خايبات بس ههه اخوي كدها وكدود ولو ما احب رجال يثني ..

غمزت لصبا

- اي ماما دربالج على عمو معجباتة هواي لا يورطنه النوب شلون بيج

وسعت امي عيونها

- شكلتي ولج ؟ سامعة شي .. شايفة شي

- لا ههنه نشاقى

- الله يطيح حظج ..

وخلت وطلعت

ضربت ايد بيد اني وصبا وضحكنا

شبكت صبا وبستها

- اموت عليج ههههه شفتي بثانية عصبتها لو مستمرة اليوم عمي ينشحت برة
بس كلت خطية وين ينام هههههه

- اشش كافي ولج...

----------

محسن...

شوي احسن اسند طولي صارلي عشر ايام عد عفاف بس موتني موش عايفاتني وانتقلت الكركة هناك يم العالم لو العرايك .

النوب الا يباتن يمي .. و هناك كل وحدة تريد بحضني ..

تالي كلت اردن بيتي ..

مالحكت اطبن ركضت معصومة وهي تكول

- اخر مرة الها وهي ما قبلت قفلت غرفتها عليها اليوم يمي

ردت جليلة وهي تعوج حلكها

- لازغلطين

- اسكتي ام ثرب.. شوفي حالج وجه لو لغد طالعلج لا وصدرج شكبرة ام كرش شوفي كرشج

- بس بس ولج ام شبر ونص ...

جليلة وهي تكض ايدي

- حبيبي يمي مشتاقتلك

كضت معصومة ايدي الثانية

- لا يمي عيني انت خاف تنكلبين عليه تخنكيه بكرشج

دسوي دايت سوي ضيم ...

اشتكت جليلة- شوفها عالت بية هسة من ادعسها برجلي تلومني هاي البكة ولج بكة انت ام شبر ونص

خليت ايدي على راسي
- كافي سكتن موش كلة لوك لوك لوك

شجاج علوية مو راحتي يمج جانت

- هي تستفزني ..

- كافي يابة جليلة تعبان انت عود كبرتي بطلي يمعودة

عاينت لجليلة روحن من يمي انامن بغرفة وحدي

شوي و جليلة طلعتلي مبدلة نفنوف مخصر والكرش طافر جان زغير كلش

باوعت لمعصومة

- تشوفين حالتي موش بخير وهاي موش اخذناهة حللناها تزركين بيها هنانة يم شارع المكاتب اكو دكتورة نسائية خل تجيكها

احسن بجليلة حامل ...

خزرتها واذا حامل موش من ردتها وياي من جانت امي عايشة تتقيأ هي

يعني اكيد الشهرية موش تجيها وساكتة

هنانة عصبت صحتها كضيت ايدها حيل

- انت حبلة ولج مو؟ موش تحجين ها الشهرية موش تجيج احجي حبلة هااا

صيحت عليها وهاي خافت وشردت
استغفرت ربي بطنها موش مال كرش من خليت ايدي احسنها موش لينة

شلون وهي كالت اجتني الشهرية ورى بغداد ٣ مرات خل تطلع حبلة ومجذبة على وضامته اطين عيشتج يجليل

ردتني العلوية

- شدعوة خوفتها شنهي شبيك .
يومية يمك توك انتبهت لبطنها

- متحشمة هناكة موش مثل البستة برز موش اتصورن كرش هاي ضامة ابني عني خل تبين حبلة اعلمنها .

العصر تاخذينها تحلل هسة اروحن انامن نعست ..

دخلت غرفة . جانت لخالتي سعاد الله يذكرها بالخير...

زعلان عليها عبن بس تلفون عزتني موش اجتني للفاتحة بس هي كلبها جزع منانة من موتة خضر..

تمددت الغرفة معصومة مسويتها مال خطار .

و الله هاي المرة نويدرة لو تبطل من تقلد جليلة غمضت عيوني ونمت ..

-------

- الو زهرة .. شلونج خوية

- منير ...مشتاقتلك يمتة ترجع ...

اريد ارجع وياك .. هنا ما مرتاحة وي امي .... ورجلها

- حبيبي بالعطلة راجع واخذج .. دربالج على نفسج زازة ..

- ههههه بس انت تسميني زازة .. اموت بيك خوية

..

منير
سديتة وابتسمت .. زهورة اختي هاي متعلقة بية

مات ابوي امي اهلها زوجوها اني تعبت شقيت و هسة مسافر لروسيا هناك ادرس هندسة نفط

اجي للعراق بالعطل ...
هاي اخر سنة الي واتخرج...

اخيرا اخذ اختي عندي .. متعلق بأختي كلش .

-----------

جليلة ...

شك بية حامل وهو ما يخلف ببالة هيج يمة شلون خزرني

البيت هدوء بالثنتين العلوية متمددة بالصالة منعسة
و محسن نايم

رحت لغرفة العلوية

عيني على كنتورهة فتحتة جنطة فلوس محسن

فتحتهن

بس حجي بيبي نصايحها شلون

بس شلون اعيش و ما عندة عمي وانة حامل طبيب ولادة

اشرد هسة لا يموتني محسن تالي عمي يكعد يحاجيه اامن اول ع حياتي وتالي اخلي مازن وعمي يتفاهمون وياه ويحلل و يتاكد

اخذت ضبتين جانت اكو عراقي بس الاكثر ورق ما اعرف الضبتين شكد
ما اعرف بالدولارات بس كلت يجوز مليونين

يمشني لمن تفرج ما اعرف الضروف شنو خاف ما يتقبلني
وماكو وسيلة اعيش عمي يكول فلوسة ضاعت

رحت اخذت ذهبي كلة

و ذكريات بسيطة البوكس والدب

ضميت اكثر الفلوس بقاعدة بالبوكس
و خليت فوكها غراضي و الدب

و خليتلي كم قطعة ملابس

و لبست صايتي

و طلعت بسكتة .....

..........

محسن

الساعة ب ٣ كعدت نقزة بكلبي موش مطمن

كعدت بزة بضلعي خفيفة من يومين اتحركن عادي و جن ضلعي رم شوية
هم يالله يرحن يحللن ادز وياهن علاوي

موش اقبلن وحدهن

ادورنهن مامش
لكيت العلوية نايمة كعدتها

- هم يالله ترحن
راح اكعد ذيج خاف نايمة هم ادعيلي انت علوية بلكت ببخت جدج حبلة . طاك كلبي ع وليد بنية

ابتسمتلي

- ان شاء الله خير...

رحت ماكو جليلة
و الغراض هوسة اجت عيني على ورقة طايحة يم جربايتها

دنكت و بعصبية رحت بسرعة غرفتي

جنطة فلوسي ع الجرباية مشيولات منهن دفترين

( عملة دولار)

ظليت ارجفن وصحت

- علويةةةةةةةةةة لحكي

بس اجت ركضت وايدي على صدري وبيد

كضيت العلوية من خناكها رادت تموت بيدي ...

- كولي وينها موش مصدك موش تعرفين مجانها ... جليلة وين ؟

صايرات صحبة ... و ينها وين شردت ...

دفعتني وهي تننفس كوة و تبجي

- ما اعرف والله ما اعرف .. شنو صحبة شو عرايك وتدري

- وينها ولج وين راحت خافنج شردتيها تخلصين منها ولج راحت وخافن حبلة وفوكها باكتني موش تابت ولج جليلة كتلج حلال

من شفتج موش شفت خير
- هسة ادورها اكيد مقلب خاف عد عفاف تخوفنا

دفعتها من وجهها

- ولج شنهي موش تفهمين سوابق موش تدرين باكتني وانطتهن لمرة ابن عمتها وهسة اكيد عمها قشمرهة ولج كعدت موش لاكيها عمها و اكيد مازن الجلب اكيد وياه شردها عمها وي مازن و ركبتيني العار يا جليلة ركبتيني العار موش محسن اذا ما ذبحتج بس طلعي وياه وي مازن شاردة ...

اخذت مسدسي .. و انة اعبيه مخزن مملي و اشيل الفارغ العلوية تلطم و هي تكضني

- محسن والله ما اتصور عدها شي بس هي من فترة قلقة مدري شبيها و بس نجيب سيرة الحمل ما لاحظت شلون ترتعب هدي لا تعصب وين تروح تنحل والله ..

باوعتلها و بعيوني دمعة عصبيه حركتها نار كلبي الي تسعر من حطبات احساس الخيانة ...

بصوت بيه غصة وبحة و نفس مكطوع كتلها

- العار موش يغسلنة الا الدم يا علوية و المرة التشرد وي رجل نسميها نهبت
و هاي عمها يلح يشردها يزوجها لمازن اكيد تقشمرت ولج ركبتني عار شتحجين...

و جلنار شردت نهبت وي ابن عمتها وهي بذمتي
ترديني ازين شواربي و اسكتن . الشرف غالي علوية

- اسمع محد يدري كلشي لا تسويلها تلكاها
تتاكد لا تعيد غلطتك من ظلمتها ...

- هة لا ومسولفتلج كلشي
- امس حمدية زل لسانها وسولفت

دفعتها و هنا اجت عيني ع ميز معصومة ورقة ركضت وطلعت ادعم و اقرا ..
و اقرا رسالتها العافتها
- موش كادرة ابقى اخاف منك تكتلني لان شي صار
و اكيد ما تصدكني ... لا تدورني

رايحة .. و ما اكلك وي منو رايحة اريد اعوف الماضي انساني ...
و اكيد اكو تفاهم بعدين من استقر
لازم احد يفهمك

رسالة مستعجلة موش مترابطة شنهي انسى ماضي شنهي نتفاهم

رسالة موش مال واحد عندة عقل لعبتيني مرتين موتج حلال.

هنا تخبلت خاصة من كم يوم و مازن يريد اطلك هي موديته يحاجيني ...

اجاني بيت عفاف يحجي يلمح

و من سألت جليلة نكرت تكول كذاب

اااخ ولج تلعبيني ...

مرة اي زعلت عبن كتلها لزكتي روحي بيتج

كالت لعد اخابرن مازن يحاجيك نطلك هم ضرة علي وقبلنا هسة موش تريدني يمك

عود كلت زغيرة و تدلع بالتزعل بس من مخابرة مازن يتوسط اطلكنها هنا شكيت .

هو الشردها وين يرحون مني جتالهم اليوم

بسيارتي كوة اسوقن اكثر من ساعتين شوي
خابرلي صديجي

- محسن وينك شفت المرة وحدها .. بالعشار .

صحتلها خوية شنهي متيهة محسن ادريه ازدحام

راحت ما جنها تسمع

خوية جنك زين صرت  تعال للفرع والله وحدي كوة مدبرها مادام تطلع تمشي ارجع لشغلنا ..

ترددت وتالي قررت

- خوية اي هاي تيهتني هسة خابرت عليها اتفقت توكفلي مكان تدري بعد نسوان من تدخل السوك تنسى روحها ... خوية موش اليوم جنت يم طبيب مريت بالسوك
وين شفتها بالضبط متت موش لاكيها 

- يم الداكير

يتبع القسم الثاني من بارت .....

----