ضفائر صبريه

٣١...ج٢

#قصة_ضفائر_صبرية٣١
الجزءالثاني ..

الدنية حفرة وهم تطيح
ترجع الحكني هم تصيح
وانة اكلك ابقى جوة
هنا مكانك الصحيح
يمكن الغيمة خلتلك
بس ترى بزودي عليت
راح اسود عيشة اهلك
يلي وياي ابتليت
كالوا ما صدكتهم
لا تقدره مو اوادم ...
--------
اجيتني وخربت حياتي
وهدني وياك التعب
رجع ايامي القديمة
الراحت بهم وعتب
روح ولا ترد الي
خليني مبتلي
وبجرحي ملتهي
انهيلي هل قهر

و الدمعة و السهر
شيصلحة النكسر
ما اريد الك اثر ...

٠💔💔💔💔💔💔💔 ( ٦٩٤٣ كلمة قسموهن ع ٣ ايام مو بيوم واحد تقرلي بارت عيونكم مو زين) اذا البارت يطلع مو كامل وماكو يتبع حذفي القصة عيدي تحميلها اي طاريء سوي الطريقة

البارت تحدي وي نازك الحمراني تكول على بارتي السابق يابس مو جريء

اني اذا اجرأ هذا حدي اكثر ما اكدر اكتب صريح المحلكم بالمناهج 😁
.
.
.

ركضت حمدية وهي تخمش بخدودها

- خوية اخذني وياك خوية اخذني يبعد كل طوايفي

- كتلج رجعي مامش حرمة تطلع ردي انت وامي لزمي امي لا تخلينها تتبعني اليوم جعيفر انة الك ردي يمه .. كافي الحجي الي وصلي ...

عاينت لكرايبي يصير ابن عم ابوي

- شلون سمعتهم .. ها.

- خوية البنية عدنا ببيتنا .. شردت بروحها العزيزة .. و خليت مريتي وامي موش يخلن احد منهم عليها احد

باوعتلة وركضت لبيت ال سليم ( اسم وهمي )

رفعت الرشاشة و بالجو دكيتهم

- وين الزلم عبنكم نساوين و ضميتوا روحكم .. موش ابن راضي اذا موش خليت طلقة بيك يا جعيفر.. ولك تاخذ بعرضي ولك تجيب سيرة رضيعتي بلسانك ...

اطلع ولك اطلع والله و بكل مقدساتة لو موش اخافن الله بعراضكم ادوسن بيتكم واسحلنك يالحرمة اطلع ...

رميت بعد طلقة بالجو ...
جن امي تمد ايدها تريد تاخذ الرشاش

- كتلك امش جبير حمولتك تكعدهم على بساط العشاير.

- يمة و الله يسلم راسج عوفيني يمه .. موش جاهل انة شنهو شايفتني يمة و واسكتن .. انة ازلمة من ظهر ازلمه... ارويهم الزلم شتكون.

طلع ابوهم

- ام حمدية اخذي ابنج و فجينا شره لا نخلي دمومة شوايخ ( فرع نهر صغير) نسكي بساتينا

شوي و اشوفن وراي زلم متحزمة وبيدها رشاش

رموا

- تهادد ولدنا يا بيت سليم ..عبنك جنيتم على رويحتكم ..

درت جن اشوفن عمومية ابوية هادين وياي...
زلمتهم الجبير جن يحجي..

- شنهي ناوين على حروب شنهي عمي داكينا يوليدات حضروا رشاشكم