قصة_ضفائر_صبرية٢٣ الجزء الاول
مثل العود من يذبل بلايا اوداع
مثل الماي من ينشف بلايا وداع
تدريني هرش واجرت بية الكاع
يارخص العشك من ينشرى وينباع
جنت بليل المحبين لذتنا على الخاطر
جان الشوك بيك ارسوم بكل لهفة خاطر
جنت وياك خلك الكاع للبيض وصبر شاعر
شلون الماي يكدر ينكر جروفة
شلون العين تكدر شوفهة تعوفه
ابو جفوف الحنينة شلون يرضى تبيعنا جفوفة
وبيا جلمة تنكال كل ذاك الفرح ينشال
-----------------------------بذاك اليوم المشؤوم من طالعت عيون صبرية الجامدة عن الحياة ...
الوجه الاصفر الدم الي بدة يغطي تحتها من النزف ايد على بطنها وايد تمدها..
- خضر ..
جان صوتها همس متعب ...وكف وقتها غازي بيني وبينها ونظرة حقد علي..
- العار ينغسل يا خضر والك يمي مرة بس لازم ارفع راسي..
مثل الاسد الي يحمي اشباله..كضيت غازي من متنة اريد ادفعه..
بحركة مدرب عليها كونفو حسيت انشاليت وانركعت بالكاع...- غازي لاتقتل مرتي وابني غازي لااااااا...
بس هو مدرب جان يلاعبني ملاعب ويضحك ما هامة المنظر ماهامة الصار بيدة الثانية سحب مدري منين حربة مدري سكين ياي ..
و حسيت بحرارة على خدي نزلت لبلعومي حسيت بالم بلحظة ظليت اتقاوة وياه بضعف و انة اريد اوكع ... لمن كسرلي رجلي ... وكعت على الكاع اريد انهض ما اكدر وهو يضحك..
و احس خنكة بضلوعي فعرفت كسر رجلي ...- كتلك الك مرة بس ما يمنع شوف شلون اخذ روح الي باعت الشرف وتتهم اخوي
- الي تكولة صح صبرية صياح غاصبها صبرية شريفة غصبن عليكم كلكم ... مرتي ورايدها وحامل ببني
جان صوتي كوة يطلع احس بلعومي وصوتي يطلع مشحط..
صرخة من جانب صبرية بوهن هامس شبيه بصوت هسهسة
- لا تقتله ماله ذنب بشي يخوي انتة جاي تظلمني وتظلم رجلي..
- اشش و تحجين بعد ...
كلبت عيونها وهي بسبيل الاغماء ..
من شفته يريد يطبرها بسيفة
حاولت ازحف وانة دوخة اجتني حاولت اكضة من رجله بيدي اعثره بس رفسني على جرح وجهي صرخت متأذي ....
بزاوية الحجرة صوت انفاسها تشهد قصة قتل البرائة قتل الشرف وقتل الأنسانية ...
وانة احس بتشنج بكل جسمي ما ادري شسوالي وانة كوة اكوم انرفع سيفة و نزل على بطن صبرية ...
يبقرها....من اعلى لاسفل...تلاكت صرختي وي صرختها ....
بطريقة بشعة السيف تغلغل قطع احشائها و من ظمنها جنين سبع اشهر متكامل.. صرخة انين صدرت ...من داخل التمزق الي احدثة حسيت صرخة طفلي يستنجد مثل امه الي عيونها متوسعة و هي بصراع معالجة الروح وفقط رمشات قليلة تدل انها على ثواني وتفارق الحياة..
أنت تقرأ
ضفائر صبريه
Randomمن ياخذنا الحب لدرجة الهوس و من نفقد المحبوب نحرك الاخضر واليابس الي بطريقنا قصة انتقام عاشك قصة تجمع الحب و طابع الاجرام قصة تتغير الطيبة بكلب عاشكنا للشر قصة ضفائر جانت حرز انتقام .. و تخطيط لموت ضحاياه بكل برود و قسوة قصة ضفائر صبرية قري...