ضفائر صبريه

١٠

#قصة_ضفائر_صبرية
نور القمر ( وئام)

تفاعلكم ضروري قبل لا تقرون نجمة دوسوها وشكرا
احاول انشر يومي او بين يوم ويوم ادعولي ميصير ضرف طاريء يمنع و غلسو البارت ممراجعته 

نبدأ باسم الله  الحلقة ١٠

---------------------------

هناك عفاف برجعتها شافت صبرية  و رادت تلحكها تحاجيها على خضر بس من شافت صياح و صبرية تمشي وراه تبعتهم.

تتختل بالنخل و هم اصلا ولا منتبهين ..

ضربت صدرها وهي تشوف صدرية  تدخل وياه للبيت..

- صبرية ؟ لا ما اصدك ولج يا خاينة ...

ربطت كلشي تصرف صبرية و الي بركبتها و رفضها لخضر ..

الخوف  وعقدة الجول تجاوزتها وركضت وهي تتجسس تريد تفهم شنو بينهم .

ترددها تدخل عليهم  بقت محيرة ...

يمكن ربع ساعة او نص ساعة طلعت صبرية تعدل بملابسها و تواجهت وي عفاف وشهكت ورجعت ورى ...

تلاكت عيوني بعيون صبرية الي تمسح بعيونها اول مرة اشوف بملامح صبرية الذلة وانكسار، ياربي حتى نظراتها تغيرت.

مو صبريتنا هاي حيل تغيرت...

ظليت ابلع بريكي و عيني على صياح، ماحسيت بنفسي ارفع ايدي و اضرب صبرية راشدي.

دنكت ما جاوبتني وهذا هواي  حز بيه مو صبريتنا هاي لا ...

- شلون هيج تسوين ولج غازي يكتلج ويدفنج.

باوعت لصياح ورجعت اباوع لصبرية الي بس تبجي وانة متفاجأة لا مو صبرية هاي ابد.

- ولج وخضر اليوم يعقد عليج.

عافنا صياح و هو يمشي لسيارة مركونة ع بعد امتار و هو يفر بالسويج..

ركضت صبرية اله

- راح نزوج مو ..

ضربت خدي من الشفتة بعيوني شديصير بالدنيا ليش هيج يا رب .

شفت صياح دار وجهة  على صبرية و حاجاني
- لا يروح بالج بعيد صبرية تحبني و جنا نتفاهم شلون نخلصها من العقد خاصة خضر عاند ما ترك الموضوع

صحت بيه
- انت اكبر جني محروك صفحة اهله ولك مو علي هاي القشمريات

جان عينة على صبرية ويحجي و هل مرة حاول يستميلها.

- كتلج الحل يا صبرية فكري زين  تعاي هسة وياي اختاري لو انا لو خضر و تعرفين النهاية شنو اذا اختيارج خضر لازم اروح تجين لو لا ؟

- بس وابوي شلون اشرد.

ظلت  مثل الخبلة تحاجي روحها اشرد...
ها لا شلون يصير ... بس اذا بقيت اموت ..
لا اذا شردت يلكاني غازي ويذبحني .