ضفائر صبريه

٣٣..ج٢

#قصة_ضفائر_صبرية٣٣
الجزء الثاني
وئام علي
انطفت الكهرباء توها اجت ب ٢
كلمات البارت ٧٥١١

هم مثلي بعدك تنسأل هم بعدك تهز ايدك ..

راحوا الغيرك يا كلب خلي المحنة تفيدك
تضحك علية عالبعد..لحساسك الكاتلني
ابجي ع روحي من الصبح وتكلي خوش تغني .
واذا سألوك وين تعيش دليهم على عيوني ..
من تكعد كبال التحبة خجلان متهني جنك وانت ما متهني
يالعفتني استعجلت خايب شجاك

حاط الله ويا الاجة مني وخذاك
التفت شوف جنازتي تصيح وراك
انت عايفلك بشر ميت عليك
كضني الضريح يعيش من يلزم ...
 

........

ظليت  احجي و يلزموني عبالهم شاربلي شوي ما يصدكون عرض محسن هيج

- انجب تحجي ع محسن وانت من العرك ما تفرزن تشتمة ولك وتتبلى عليه

فك روحة منهم محسن وهد بكل قوتة وبيدة  سجين ياي 

رفعت السجين .. الا اليوم اموته

صارت بينا ملاحم
رفعت ايدي و انة بكل قوتي اتوجه بالسجين لبطنه  ....

بس  صوت اخوي الي ما ادري يمته اجة من محلة  ...

ويمكن ما انتبه للياي بيدي ...

وكف بينا عود يحاجز

- انتم خوان اول تالي شب....

صرخة ....ااااخ

اجت ضربتي باخوي

الم  الي بوجهة ما انساه  و كعته على  ارض وهو ينزف الدم  بغزارة

اخوي مريض سكر الدم بصعوبة يتخثر...

احتاريت بيه ...

و محسن وباقي الولد شالوه للسيارة 
..
اجت  سيارة  الشرطة هناك منو بلغ المفرزة

اخذوني....ردت اصعد وي اخوي بس كلبجوني ... انحب واصيح

- عمت عيني عليك خوية بية ولا بيك

خوية شلون ساعة شيطان واجت بيك...

بقى اخوي يومين بين دم ومغذي ...
الرهبة من افقد اخوية خلتني اراجع امور هواي بحياتي

طلعوني بكفالة ...

بس ما مر يومين الا اجت مفرزة شرطة وياهم مليشيا لحزب ال****

واعتقلوني.. شادين عيوني

تهمتي هي محاولة اغتيال مسؤول بحزب ***

و تهمة الشروع بالقتل لمحسن ...

وياها تهم ملفقة

لو جنت ادري محسن اخو الاستاذ صباح
لا اتورط وياه ولا وي اهل بيته

بس بكلبي عرفت حوبة عرض محسن الي تلاعبت بيه ما خطتني رغم هي بادرت و ما جنت اعرفها منو .. بس مصايحي بالسوك على عرضه..