ضفائر صبريه

تكملة بارت سابق

#قصة_ضفائر_صبرية تكملة ٥٩ بالبيج
بقلم وئام .. عدد كلمات التكملة ٥١٩٥ يعني مو بارت زغير
و بارت امس كان عدده 👇👇٥٤٩٥👇 يعني مو زغير

شفت امي حجيها كلة صح عبنها تفهم بالحياة

و هنا فكرت استميل جليلة مدام هي زغيرة اكدرن بساع استميلها و اراضيها

خابرت مجد هذا فنان بالرومانسيات

رحت على السطح وانة مكمبص اخابرن ..

- السلام عليكم

- هلا بزيون شبيه صوتك جنك تخابرني من جوة بطانيتك

- لا والله بس ردتك بشغلة بعيد عن نساويني تدري انة بالريف

صوت ضحكة مجد

- اي عمي حالك حال شهريار كل ليلة مرة

مو مثل خيك مجد كبر و شيب و اختك ماخذة نص حيلة

جريت نفس
- يمعود على شنهي تتحسدلي اسمك بالحصاد ومنجلك مكسور وحدة الدكاترة منعوها مني ..

و الثانية تتملعب بية يوم زين يوم مادة بوز ...

- مسكين انتة ... هههه يمعود هو انة ابدل ضفر عفوف ..

بسمرتة

- لازم اجت يمك و حولت الموجة ...المهم هاي جليلة متاثرة بقصص و امي هم تكول لازم اعبرن عن حبي مو بس بالحجرة ..

يعني لازم اصيرن شاعر رومانسي

رجع ينصب علي وانة منسلك سلك

- عاد انت بالرومانسية شلونك اسألني عنك هههه

- اهووو تساعدني لو لا

- يعني شلون اساعدك انت شتحس من تجي لنسوانك احجيه

- شبيك هو كلب مو تكسي و العلوية عاقلة اصلا عدهم هل تملعب بالكلام تضيع وقت والحب عدها استقرار احترام امان ما تمانع بغزل ..

حتى مرة كتلها يا راحتي ..

ضحك علي
- الله مبدع هههههه تعاي ولج عفاف افتح مايك سمعي غزل اخوج يا راحتي هههه العلوية عاقلة ومترباية على نمط بس عندك جليلة حسب تقيم عفاف تحب قصص الحب ياخي صيرلها بطل فارس احلام ههههه