ضفائر صبريه

٢٠ جزء ثاني

#قصة_ضفائر_صبرية٢٠

الجزأ الثاني...

وئام علي... ام مصطفى. 

"اتركي فسحة لنفسك... الحزن ليس بلون الثياب الحزن ليس بنسيانك انك انثى امرأة الحزن خين تدمى القلوب حنينا .."

عدد كلمات البارت
(٧٠٥٥) كلمة ... قدمت النشر من يوم الاثنين لليوم هو الاحد ❤
ان شاء الله يوم الثلاثاء بارت .. و اذا كدرت اقدم نشر هم انشر الاثنين باجر اندعوا ابني عموري ما ينحس يخليني اكتب ❤❤❤
لا تنسوا تعليق الفقرات احب اقرا تعليقاتكم واراءكم
نتطرق لمجد وعفاف و نصفي هاي السنين قبل الختام حسب رغبتكم بطلت اختصر 😂

💥💥💥💥💥💥💥💥💥

من شفت هذا النذل يباوع عليها ما تحملت ظليت اخوزرلة
..
و هديت ارزلها ...

عاندتني دفعتها و حتى غلط غلطت عليها نار وشبت بداخلي سنين الغيرة الكاتمها غيرتي من خضر هسة لكتلها منفذ...

و لكيت نظرات الرجال حجة .. اطلع قهري بيها...

رفعت ايدي اريد اضربها راشدي سنين متحلف بيها وحق سنين غربتي وليالي وحدتي..

و سنين الي بهذلتني ..  حتى بزواجاتي ما تهنيت ..مال بيها كتلة تشفي غليلي ...
بس كلبي ما ينطيني.
نزلت ايدي...

اتمنى لو اعوضها بس سوالفها و رفضها المتكرر الي حيل مس كرامة الرجل داخلي.

بس رجعت سيطرت عصبيتي علي خاصة من سمعتها تكلي ..

-لا تلطشلي انت لزكة شنو ؟
رفعت ايدي هل مرة واريد انطيها راشدي من راشدياتي الي تعرفها زين قبل من تتعدة حدودها.

بس فاجأتني بعيونها الزادت وسيعة وهي تخزر بية بتحديظ..و   لزمت ايدي... توكفها .. و عيونها تحولن لدوائر واسعة مخوزرتني صح لمعت بعيونها دموع بس الكرامة اقوى..

تشنجت ملامحها و  بسنونها ضغطتهن حيل ...

على شفايفها و هي تردني بعصبية ..

- ابد مو من حقك.. نزل ايدك افضل تنزل ايدك و لا تجاوز علي بعد .

وخرت ايدي و لويت شفافيفي  وانطيتها ظهري .. وانة مغمض عيوني..

- شوفي اكلج عفاف .. انتهى وكت رأيج اليمشي مشيتيه علي ورفضتيني بهذلتيني . لا انا الناسيج و ماشي بحياتي ولا انت الي تقبلين بية تنطيني وعد ورى سنة  خضر اعقد عليج تكونين الي  ترى سنين ثنينا نلعب لعبة غض البصر كتم الحب مخافة الله   لا نوكع بالمحضور .. المحضور راح ليش ترفضيني ما اضغط عليج بس اريد منج وعد..

- انة سبب موت خضر و ما اريد اخونة وهو بكبره اريد اوصل جهالة بأعلى مستويات ..

جنت حاجزها على الحايط بين ايدي بس ابد ماكو تقارب جسدي مبتعد عنها بس حاجزها لا تشرد لمن انهي كلامي . ايدي مستندة الحايط وراي