ضفائر صبريه

١٣جزء ثاني...

#قصة_ضفائر_صبرية١٣
الجزء الثاني
وئام

م/ خل نكول واضحين جميع ما ذكر بالقصة بهذا البارت او بغيره  من رأي وميول هو للشخصيات خصوصا هذي القصة اني فاصلة نفسي عن شخصياتها

/م البارت امس نشرتة لكيتة محذوف نصة ممنشور عدت للتعديلات كلة راح عدت كتابتة و هم نفس الحالة اخر شي كتبتة بمسودة خارج الواتباد نسخت لصقت وهسة حنشر والله كريم ضامة نسخة خارج الوات خاف مينشر وينحذف

عدد كلمات البارت ٢٩٣٥

على ذن ربينة شعمل صدام بينا

بعد مو صحبتي اعداي وسألهم علينا

تعيرني انة باقي مو بيدي عراقي

طلع منا شقبضناه حرامي وكحة عينة ..

حاميها .حاميها .. . لا والله حراميها..

لا منها لا بيها اجت من برة اساميها

انا معوق عدي .. و مؤيد بعدة حي

محلي و ملحدي انا الكال وفعل

انا الجايع بتت و عمر كعدة نمت
حفيت و منعفت وشلت ربعي وصل

اجت امريكا وانتة نسيت الحجي الكلتة
و اظن تعرفني ما اخاف بس بالغيظ وقتة
حاربنا ووكفنا والمحتل هدفنة علتك كبرت وياي
بس ما تكبر انتة ...

لوموني لوموني وجذبوا الشفتة بعيوني
ذبحوني حرموني مثل البعث ظلموني
ضم سيفك خشب انتة وياه حطب
حي مثل الكصب اضعف ما موت
وك تهددني بمنو زلم ع الطك لفوا
حرب عندي لهو شوكت ما اريد افوت ...

شعب ما ينسى ضيمة على دمة العزيمة
اظن مو تسوية اصلاح ردنة مو جريمة ..

❣❣❣❣❣❣❣❣

واكف محتد الملامح ما اعرف شنو سالفتي الحظ ماكو هذي ٢ زوجة ينتهي زواجنا طلاق

بالمحكمة تباوعلي بتحدي رفعت عليها قضية طلاق خاصة بعد ما عرفت سقطت طفلي عمدا...

تلاكت عيوني بعيونها .

و باصرار وتحدي متبادل ..

انتهى زواج كل عمرة سنتين ...

طلعت من المحكمة مثل الي شارد من شي ...من خيبات حياتي ..

بأقرب منتزه ...

كعدت غمضت عيوني و دك نقالي ...

خليت السماعة على ذاني ..

اجاني صوت خالي ..

- شلونك مجد شخبارك بوية ...

ابتسمت وانة رافع راسي للسما و عيوني تداعبهن شمس.. لندن المستحية

- بخير ...

- شلون عويلك..

ضحكت ...
- توني طلكتهم ..