ضفائر صبريه

١٠جزء ثاني ...

#قصة_ضفائر_صبرية١٠..

الجزأ الثاني

بقلم وئام علي ..

ورد خطأ تم تصحيحة يوم عودة خضر للبصرة يصادف ٢١ ووصوله كال  ليلا
حسب علمي التاريخ الي خرج من السجون هو ٢٠ و تاكدت من كوكول ...

١٠/٢٠____

هي الولادة من حلك الموت ...

  بيني وبين الموت كان اقل الاسبوع ...
انولدت اليوم من جديد بعد قرار الريس ...

طلعونا من السجن بالبداية بالساحة    ...

حسيت بغمامة سودة على عيوني ..  ظليت ارمش و ارمش...

واني اريد عيوني تعتاد على الضوة .. 

الم فضيع بعيوني ..  شوي و بدت الصورة تتوضحلي ...

هتافات السجناء بقت بعقلي تطن...

صداع وي احساس الوهن..

العذاب الي اكلته  اثاره انحفرت وشم بضهري و زنودي وايدي ..

و مست بروحي جنون فوك جنوني ...

اصوات التعذيب و الصراخ لسة بسمعي..

حسيت بيد على جتفي .. جان حازم..

- حمد لله على سلامتك على كولة المصرين السجن للكدعان ..

ابتسامه على وجهي وانة خاوي كل حيلي كمبصت بس اباوع للتلفزيون يقابل السجناء الي يمجدون مكرمة الريس ...

و جان بيهم بتهمة تجسس و سجناء عرب مو عراقين..

شكد حوى هذا السجن انفس انواع التهم..
جان اليدخل لهذا السجن ميؤوس منه يطلع ..
فطلوعنا جان فعلا ولادة من جديد..
ابتعدت عن الاضواء و الصحف المرئية والتلفزيون والهوسة .. 

من شفت يردون مقابلتي خليت ايدي على وجهي ورحت بعيد ...

تعبان نفسيا جسديا حالي مثل الي وصلت روحة للحلقوم و فجأة ردتله و احيت جسمه بعد ما جان يعالج الموت...

مو مال احجي .. احيانا الصمت اكبر سالوفة تنكال ..

خارج السجن انتظر بعد اتصالات ... و تأكيد شمولي بالمكرمة ...

شوي و مجد وعمي  ...

حضني عمي يشم بية ويبجي ..

- ولك طلعت من حلك الموت بعد كافي خضر كافي اترجاك كافي .  

دنكت بست ايد عمي خلص بعد مهمتي كل الي لمسوا حبيبتي ولو بطرف اصبع ولو بكلمة ولو بفتنة و وشايه ادت لموتها وحرماني منها كلهم دفنتهم  كل الجان سبب مباشر بموتها...

وسببوا قتلها دمرتهم قتلتهم والله التفتلي وطلعني من هاي الشدة ...

نويت ابدي اهتم لبيتي ...