ضفائر صبريه

٥

#قصة_ضفائر_صبرية

وئام علي ام مصطفى نور القمر
بكيفكم 😂

           _الحلقة الخامسة ._

دنكت  و طرحت الموضوع
-  عندي يمج حجاية عمة لا ترديني  اريد اخطبها  ما تنطوني ياها اريد اعرس و اخذها ، و هناك ما يهمني نادرة بشغل بيت لو لا حتى خبز  عود نجيب صمون

جبت حجايتي بضحكة اخفف من توتري..

صفنت عمتي محتارة منو اقصد عفاف لو صبرية 

- اذا عفاف سهلة ابوها كطع قسمتها من الريف وهي خبلة مامش نصيب الها الا اذا ربك غاسملها (قاسملها )
تاخذ واحد يتحملها ومن مدينة ..
الزلمة هنانة يريدلة الي تكف تسنده يريد ترباية الدلة و دهن الحر موش ام حليب قواطي ..

يمة عفاف تفيدك من ثوبك   ربيتو  سوى  واامن عليها يمك والله شايلتلها هم  مدامك  راضي بيها وبمرضها اكول لابوها وعلى بركة الله ..

باوعت لعمتي حكيت راسي مستحي شلون اركعها ...

بس هذا مستقبل وعمر مو على مود حرجتني ادمر نفسي بوحدة ما احبها لا وتكذب هواي .

- احم... عمة عفاف ربت يمنا صعب ازوجها حاسبها اختي الما جابتها امي..

رفعت عمتي عينها وهي  تركز بعيني مثل الضاجت وردت من ورى خلكها..

- نورية موش فاضية مملوجة خاف تقصد صبرية بس يمة هاي موش مال مدينة وامك ما تريدلك بنت عربية ما عايزة مشاكل وي امك.

- عمة بس انطيني اشارة خضرة اكلب عاليها واطيها وعوفج  من امي..

- خضر يوليدي ابوها موش ناطيها هواي خطبوها يكول هاي العزيزة ما تنطي بس لشيخ ابن شيخ....

- اهووو يا شيخ دخيل بختج اني هم ابن شيوخ وفوكها دارس واستاذ مدرس بعد شتردون..

- يمة مالي خلك مرت ابوها كاطعة قسمتها توز براس الحجي ولا صبرية معرسة ولا ابوها راضي ينطيها لصياح ...

انقهرت كلش جمارتي تروح للحرامي

- عمة كولي ما راضية علي مرة مننطيها بس لشيخ مرة مرت ابوها تنهش براس ازلمتج 

صدكي عمة الا اخلي جبيركم بيده ينطيها الي ..

وسعت عيونها

- خايب هلا خضر شناوي

- كل خير عمة كل خير اروح للحوش اريد اكل من ايدكم ريوك...

طلعت من الفضلة وانة اريد ادك الباب لاكيت صبرية وبيدها حطب ..