ضفائر صبريه

١٨....

#قصة_ضفائر_صبرية
بقلم وئام علي ...

فتحت الباب شفت محمد .

- شفت الله ما يقصر تفضل اعرف ناس و كدرت اطلعلك بيان وفاة بس هيج كلاوات..

استغربت

- شلون سويتة والله عجيب امرك.

- عوفك مني شوفة ورقة كلاوات يعني ما مسجل بسجلات النفوس ولا المستشفى بس ورقة وتوقيع وختم و المستشفى ما تملك نسخة هاي توديهة لاهل المرة تدعم كذبتك..

فرحت بالورقة واخذتها والله محمد خوش محمد
و الله ما قصر ...

- وبتاريخ ورى جيتك للبصرة باسبوع ...

شوي و صوت جوا صاح لمحمد

- سيدي وصلوا الخلية ..

باوعلي محمد مرتبك و بضحكة كال ...

- شفت هيج صحبان يمجدون الونسة هههه سيدهم بالعرك و المزة ...

نزل مستعجل .. جان درج بيتي ع الشارع بس الي بالحديقة يكدر يحاجي الي اعلى درج بيتي ...

وكفت و صفنت ضيكت عيني المح جماعة دخلو هيج ٣ نفرات واحد رفع راسة وسعت عيوني و دك كلبي و رجفت ايدي و بيدي ورقة وفاة صبرية ..
وجهة فوك يركز صوبي و من محمد طلعلة طك تحية عسكرية...

بس محمد مدري شكله ..
انة بسرعة رجعت ورى و مرتبك محتار شافني لا ....

عرفني لا ...

اني مجنت طالع كلي بس الخوف خلاني اتوقع كلشي..

عيني على الغرفة ...

و نبضي يزيد ... و همي يوم على يوم يزيد ويكبر   

رجعت للشباك ابتسمت للجادر الي مخليته والزرف الزارفته بالجادر كد عين...

باوعت و حتى احس من الخوف عركت .. النبض يزيد بس اكول هسة يصعد هسة يقتلها و ما اكدر اسوي شي اني اعزل...

شلون شسوي ... هذا محمد يعرف صياح وهسة غازي شديصير محمد شتلعب . 

الحمل جبير يا ربي ... لو ابوي داعمني وامي متكفلة مرتي ما اعاني هيج..

و هم مرتي تعلمها امي احس صبرية تحتاج  احد يوعيها مرة تفهمها ..

حسيت بالغل داخلي والحقد على اهلي . 

مو بيدي اعرف عقوق بس الشيطان جان قوي ...

بدة يتغلغل كرهي الهم .. و الله لو يصير شي على صبرية اول ناس يدخلون خطيتها امي وابوية   ..

يمكن مجنون اني وهيج افكر .  

استغفرت ربي ..  و بقيت اراقب الشارع فارغ و غازي جوة ببيت صديقي والله يستر ...