ضفائر صبريه

١٢ جزء ثاني ...

#قصة_ضفائر_صبرية١٢
الجزء الثاني
وئام علي ..
البارت دون مراجعة لاتنسون تعليق الفقرات مهم ❣

ألي الله
للفنان القدير الراحل فؤاد سالم

إلي الله بعد عينك
يا مسافر على الغربة
الي الله
يللي ما حسبت حساب
فركتنه شكثر صعبة
حزين الگمر بغيابك
غريبه عيوني ببابك

إلي الله ليصبر الروح
يا غالي لو تريد تروح
وبغيابك يا بعد الروح
عَ الغربة الي الله

تغيب ولا تظن انساك
تظل الروح دوم وياك
واتنطر خبر ملگـاك
يا مسافر الي الله
الي الله بعد عينك
يا مسافر إلي الله

❣❣❣❣❣

محسن .....

ورى ما اندك الباب رادت عفاف تروح تفتحة ما قبلت لان لازم افرض نفسي لازم تحس انة كبرت موش ذاك الجاهل...

غيرتي على اختي و عرضي جبير وجثير .. خاصة عرضي انمس والي مسه هو يربطني بيه رابط رحم ...

فحيل اتحسس من هيج امور .. و اي كلمة حتى لو عفوية احسبها بقصد

منعت عفاف الطلعة للطوارش الباب
...
مديت ايدي فتحت الباب جان رجال غريب يتلفت كل ساع و شاد لثام ع وجهه

- صباح الخير هذا بيت ابو غازي ؟

هزيت راسي اي..

مستغرب يتلفت هواي و تقرب مني همس وهو خلى بيدي ظرف ...
-هذا الكم يوصل لمنتوبة معتوق ..

ام غازي...

- هي امي بس منو انت و شعرفك بامي .؟

-هذي امانة ولدها صباح .وهو بخير و بأيران ..
مجان يكدر يواصلكم قبل .. بس هسة دز بيدي رسالة يطمنكم...

رجعت ورى ما مستوعب ...

- شتحجي اخوي كالوا ميت؟
صفنت بوجهة و كالو هم مختفي مجان اكو دليل موته.

رجفت ايدي فتحت الضرف كلة فلوس وورقة رسالة لامي..

ووعد انو قريب امريكا تسقط الحكم ويرجع

- اوكف لا تروح هسة راجع..

ركضت للغرفة بس اجت عيني بعفاف وانة ادور الورق شهكت بجيت..

الكابوس الي دمرنا رجع ...

ظلت عفاف تحوم صحت بيهة ماكو شي..

طلعت وكمبصت يم الباب وخليت الورقة والدفتر جواها ساند على فخذي وكتبت بس بدون سلام كلام غليظ و حاد

"لا تفكر ترجع لانك موش اخوي رباط الرحم موش كافي للخوة الخوة شهامة وعرض و شرف وانت ما تملكهن لانك عار كبرت ترى واطلبك حك و علي موش محيسن انة اذا ما علكتك بالنخلة يا ساقط متبري منك و من اخوتك وهاي فلوسك ما نريد لا تفكر ترجع "