ضفائر صبريه

مشهد البارت القادم

ضفائر صبريةج٢ بارت ٢٦
مقطعين  دون ترتيب او اضافة وصف عود من اكتب البارت اعدلة وارتبة مع وصف مشاعر  بارت قادم ..  
ما يريد بعيونج ندم كلولها
لو جاج ملفوف بالعلم كلولها
ما يصلح تنوحين ليلة زفافة
ما يقبل تكولين وسفة و حسافة
ماشي على درب حسين  ما لحظة عافة
يشوفه مو بالعين بكليبة كلولها ...
كلولها لا تحزن كبال الناس
خل تمشي مرفوعة راس
لو جاج كاشخ بالعلم كلولها
كلولها الليل الاسود ينجلي
ما ميت....   ابنج .....هلهلي
٠٠٠٠٠٠٠٠٠
نبضات كلبي تدك عيني على جماعتي واحد واحد
سكون رهيب الا من صوت الدواعش و نبضات كلوبنة وي  انفاسنا المحتضره  بين ايدين رايات سود ترفرف كشياطين .

صوت تنفسي ... و شهكات  لحظاتي الاخيرة

وانة  ايدي مربطة ورى ....

مهمتي فشلت .... و انكشفنا ...

شهكت نزلت دموعي  تتبعثر على خدي وي كل دمعة ارسم بخاطري فرد من عايلتي كل احلامي و امي موش خوف لا انة ما اخافن راضع الموت عبن من زغري  شفت الهوايل  و الظلم ..

انة افكر بامي  .....

العلك  الزغير الي احتفظ بيه  بزندي جوا ملابسهم و  الصحيفة السجادية الي بمحفظتي   هي احد  سبب  كشفوني ....

رفعت عيوني وهزيت راسي ابعد دموعي ... انة زلمة عار انزل دمعة كدام عدوي.....

اجت عيني بواحد منهم ... لهجتة الفصحى  ملحونة بلكنة خليجية

- ايها الكافر ...

شمر هن  و العلك و كتاب الصحيفة السجادية بالكاع و داسهن برجله بجبروت و استهزاء بمذهبي و معتقداتي
صحت بكل كبرياء جنوبي غيور

- ايماني واحساسي  شيعي يرفض العار
هويتي وانتمائي حسيني كربلائي
تربة كربلا من الازل موقع سجودي
ما اخون الوعد صاحب عهد امضي بعهودي ...

- انت تشرك بالله استغفر ربك اما تعود الى الاسلام والسنة النبوية او تقتل  و عقاب الخائن الكافر هو الموت حرقًا ليكون عبره لكل رافضي كافر  ...

- اشهد ان لا اله الا الله و اشهد ان محمدًا رسول الله .. و اشهد ان عليًا ولي الله و اولاده المعصومين حجة الله

رفسني بحلكي و الدم كت ...

التفت لجماعتة

- حسنا احضروا مشعل ليحرقوا هؤولاء الروافض

دبات بنزين ترش على جماعتي و يحرقونهم واحد واحد وهم يلوذون بالبداية رادوا جمعنا بقفص بس فضلوا حرق انفرادي حتى الي وراه يتعذب بشوفة حرق اخيه

ابجي على جعفر و محمد و كاظم
لهيب النار و حرارتة وانة .........

***********************

الوجه مزلغ ... و الزيك مهدول تركض حافي تلاكي التابوت و العلم الملفوف بيه ...

رجة بالقرية وطلق نار .   تحية للشهيد

هوسات نسوان القرية الوكفن وي ام الشهيد و هن يواسنها

- يا بو سيار هذا العندك منين عمامه بالفشك صاروا ميادين يابو سيار ....

حتى عموميتة عشيرتة شدت بيارق و هوسات زفتة
الموت يمرنا ويزلك و احنا نجلب بيه الموت يمرنا ويزلك و احنا نجلب بيه .....

عريس ما تهنى بعرسة .... العريس انزف لعروستة هي ارض النجف تحظنه ...

نزلوا التابوت فزعت ام الشهيد وهي تطلب يفكوه
- فجوا تابوتة مامش ريحة ولدي خل اشوفنه .. اشبع شوف منه عبني موش شامه عطره و كلبي مدري شبيه ......

يوخرنها النسوان تلطم على وجهها
- موش شامه عطرك يمحسن وين رحت غاد وليدي ..
اتفقت وي الاصدقاء نجمع كلنا الي بالسوك والي يعرف صحبانة يتصل نروح نشيعة بزفة تليق بعريس ما تهنى
محسن نسيبي صاحب فضل ستري وستر عائلتي
ما اعرف شلون انطيه جزائة كل هذا الكدرتلة وانة ابجي حظه و حظ بت خالي الي ترملت وهي بهذا العمر ..
صوت الزفة اجينا  من الشارع اقودها  اني واعز اصدقاء محسن  ورانة  كل جماعة محسن اصدقاء الجامعة الي  اشتغلوا مثل محسن بسبب عدم التعين ...
بين صفكة وبين لطمة و ن صيح ببجي يوجع السامع كلوب موجرة نيران مشعوله من حزن المفارك نيران كلوبهم  مشتعلة مستمدة شرارتها  من نيران  حرق محسن وربعه ...
- عريس وربعة يزفونة ..  و بأرض النجف يودونة

وكفت جانب ما اعرف دبكة جنوب و هوستهم وهم يكولون
محسن دمك فدوة لفتوة السيستاني

محسن كلنا نطوع و ثارك نجيبه
محسن كلنا  نطوع و داعش نذلها

هوسات و مهاويل و التابوت يتصدر كدامهم ع جتاف الاصدقاء و سيارة وصلت و نزل منها
صياح وهو يمشي تجاهم ....