ضفائر صبريه

تكملة ٤٠

صايرة بارتاتي قسمين بس تحملوا المهم اختم واخلص

حبيبي تعال طولت ٤١٨٥ كلمة .
تفاعل ع كل فقرة رجاءا يلة القصة من شهر بهاشتاك اول وان دل دل تفاعلكم حتى بالفقرات طيب بس من كم بارت قلانين ليش

-----------------------
بداية البارت ....

جليلة
ما عندي احد ..  احس الدنيا ضدي ...

ما عندي غير هذا الحل ...
اهم شغلة اطلع من البيت قبل لا يكشف حملي

اخذت تقريبا ورق هواي بيهن  مليونين الف دينار  احتياط ما اعرف شنو الضروف .

طلعتي صح  مجازفة  بس شسوي خل هسة اطلع من يمه احافظ على حياتي وطفلي وبعدين اشوف شلون تصفى ... .

وكل الي اريده مازن او عمي يحاجون محسن يحلل واني ابقى عدهم اامن حياتي الى ان تطلع تحاليله ...

وقتها كل هذا هو تفكيري

هو اطلع احمي حياتي ...

الفكرة الي اخذتها عن محسن هو اخو لغازي الي بيبي سولفتلي يدري اخته مظلومه قتلها عبن يمة موش عدنا بت تفكد الشرف ويبقونها حتى لو جانت مغصوبة.

بيبي بدل ما تطمني الله يرحمها بسوالفها زادت الخوف داخلي راح انقتل..

بيبي تكول ....

المن تعيش وشرفها راح هيجية تفكير وادمنا يبتي خل احاجيلج محيسن اول واقفلن عليج الغرفة يومها لمن اشوفن اامنج على حياتج..

...
ابني بس احاجيه يسمعني يبتي حنين وطيب بس هاي عصبيتة دمه الحار ورثهن من اخوته. 

جان هذا ليلة الماتت وعافتني اتخبط بضنوني بخوفي من رجلي ...

حظنتني يومها وباستني وهي فرحانة ايدها على بطني

- عبن دخاترة موش زينين يكولون على وليدي موش عندة خلفة
اااخ يمة كون اشيلن خلفتك يمحسن ..  بس انت موش شفتلك خلفة...

يلة يبتي نامي شدي لحافج خل الله يعافيج..

ننام والنا "رب" موش ينام  ( تلفظ ورى الباء نون وليس تنوين كسر)