ضفائر صبريه

٢٣..جزء ثاني

#قصة_ضفائر_صبرية٢٣
الجزء الثاني
وئام علي....

*اركض ورى حضي الطلع معثر *

------(٥٣٤٨)كلمة
دون مراجعه و فلاونزة كتبتة دون تركيز الاحداث بدت تقل تدريجا للختام لذا حتلاحظون عدد كلمات المشاهد تكثر الحدث يقل
البارت اغلبه برعاية محسن .. 

*************

بس تركتهن مستعجلة افتح الباب ...
تلاكت عيوني وي زيتونيتة  اخيرا بالاول عين مستهزئة  بس توسعت نظرتة فجأة . 

الى تفاجأ تعجب تغير لون وجهة طلع جفيته ويمسح  كصتة العركت و رجفة بشفافة و اهتزاز احبال صوتة و رجفة حروفة و عينة تتفحصني تسافر  بتضاريس ملامحي و تنزل لشفايفي وهو ينطق...

-شلونكم عيني...

دنكت و رجعت باوعتلة وي رفرفة عصافير كلبي ...

- هلا هلا .. احم شلونك ابو يسار سفرة سعيدة

- هلا بيج ام عليوي .  سويلي طريق خاف البنات ملابسات حجاب..

- لا... لابسات فوت ابو يسار  محسن بالاستقبال ...
شفتة راح صوب الاستقبال حيل مدوهنة مرتبكة بس لا حس بشوقي اله ...
صحت عليه

- لا لاتروح للاستقبال منا باب الاستقبال مقفول تعال منا من المطبخ مو غريب انت

جان يمشي كدامي نزع حذائة و هو يوصي ابنة هم ... الي فات ركض لعلاوي
دخل وتحمحم

- يا الله يا الله..

صوت بنتي صابرين وهي تتمضحك

- فوت عمو شنو هاي سمنان طالع تخبل ...

- من ذوقج بنتي ..
بس شفتها دنكت تتهرب من عيونه خاصة من خزرها

بسمار بنتي حسيته بيه قصد و نظرة مجد بيها قصد ثاني.
بس بتي التافهة بدكاتها هم رجعت تهوبز..

- حتى ماما صايرة حلوة كضت يمكن ساعة كل ساع تركض للمراية ترتب بنفسها

تعجبت هاي بنتي منين جايبة اللواتة ليش احس بنتي عبالك كلبها مو علي...

بلعتها  و انة ارحب بضيفي

- تفضل خوية هاي صابرين اليوم تحب تحشش علي هو يومية اني هيج.

بعدنا ما طلعنا من المطبخ حجت صابرين
- بس انتم مو اخوان...

تجاهلتها ومجد صفن بوجهها وبعينة نظرة هي دنكت .. مثل التحس بذنب

- صابرين عندي سالفة وياج بعدين

استغربت ليش هيج يخزرها يمة عيونة صارت تلالي ( بيها بريق معين)

ردت بس انفرد ببتي هاي ادب سز مدري على منو طالعة خالة ما عدنا هيج بزرية ...النوب لسانها شطولة و كل عمرها راح يصير ١٥..