Destiny !
Ep_2
ကံတရား ဆိုတာ သိပ်ဆန်းကြယ်တယ်ဗျ ခင်များတို့ ယုံမလားတော့ မသိဖူး ။
အချစ်ဆိုတာက ပိုပြီး ဆန်းကြယ်တယ်လို့ ထင်တယ် ။
* ချစ်ခြင်းတရားတွေတိုင်းတော့ happy ending ဖြစ်ချင်မှဖြစ်လိမ့်မယ် *
ပြောရမယ်ဆိုရင် ကံတရားက
စီမံသလိုပေါ့ဗျာ သူ့သဘောပေါ့ .....။
ဒါပေမယ့် လူသားတိုင်းတော့ အချစ်နဲ့ထိတွေ့တတ်ကြတာပဲ ။ အဲ့အချစ်က ပျော်ရွှင်ရသည်ဖြစ်စေ နာကျင်ရသည်ဖြစ်စေ အနည်းဆုံးတော့ ကြည်နူးကြရတာဘဲ !
မြှားနတ်မောင်တို့ ဖူးစားရေးနတ်တို့ ရှိတယ်ဆိုတာတော့ ကျွန်တော် သိပ်မယုံချင်ဘူး ။
အချစ်ရေးမှာ ကံမကောင်းတဲ့သူတွေအတွက်ကျတော့ မြှားနတ်မောင်က ဘက်လိုက်သလို ဖြစ်နေမှာပေါ့ မဟုတ်ဘူးလား ??
>>>>>>>>>>>>>>>>>>>>>>>>
"ညီမင်းယံ ဟိုကောင်မလေးနဲ့မင်း အင်္ကျီအရောင်တူတယ် ကြည့်စမ်း soul mate တွေများလား "
"တော်စမ်းပါကွာ မင်းတို့ ငါ့ကို ဘာလို့ လူတိုင်းနဲ့ လိုက်ပေးစားနေကြတာလဲကွာ "
"မင်းကလည်း "
"မစကြပါနဲ့တော့ကွာ ငါ့မှာ ချစ်ရတဲ့သူရှိနေပြီကွ "
"ဘာ ! တကယ် ? ဘယ်သူလဲ ဘယ်ကလဲ "
"ဖြည်းဖြည်းအော်ပါကွ မပြောပြဘူးကွာ လုံးဝပဲ "
"မင်းကွာ bff တွေမှ မပြောပြရင် ဘယ်သူ့သွားပြောပြမလဲ မပြောချင်နေပေါ့ကွာ ကိုယ့်ဘာသာ သိရတဲ့တစ်နေ့ မင်းသေဖို့သာပြင်ထား "
"အဟက် မင်းတို့မသိစေရဘူး "
အဲ့ကောင်တွေက အဲ့လိုပဲ ။ ကျွန်တော့်ကိုဆို တွေ့သမျှ မိန်းကလေးတွေနဲ့ လိုက်ပေးစားနေတာ ။
အမြင်ကတ်လာလို့
ချစ်ရမည့် သူရှိပြီ ဘာညာပြောလိုက်တာ တကယ်တမ်းကတော့ .... အင်း... မရှိပါ ။
ကျွန်တော့်ကို ရင်ခုန်အောင် လုပ်နိုင်သည့် သူဆိုလို့ မရှိသလောက် ... အဲ...
အဲ့အကြည့်စူးစူးတွေ ဟာကွာ ရင်ခုန်ပြန်ပြီလား ကျွတ်စ် မဖြစ်နိုင်တာ !
* စင်ဒရဲလားက ဘာလို့ အဲ ရှိန်းက ဘာလို့ အတန်းရှေ့က ဖြတ်သွားတာလဲ *
အဲ ရှိန်း လို့ခေါ်လိုက်မိပြန်တာလား ?
ဟာ ကျွန်တော် ဘာတွေ ဖြစ်နေတာလဲ ။
* အဲ့တာ အထီးပါဆို စိတ်ထိန်းစမ်း ညီမင်းယံ ! *
ထူးဆန်းသည် ... ရှိန်းထက်နိုင်ကို တွေ့တိုင်း မျက်လုံး အကြည့်က သူ့ဆီက ခွာလို့မရတော့ ။ မျက်လုံးချင်း ဆုံရင် သူ့အကြည့်တွေက သိပ်ကို အင်း တစ်မျိုးကြီး ... အဲ့တာကြောင့် ကြောက်လို့ ရင်ခုန်တာဖြစ်မှာပါ ။
"မင်း ... မင်း ဟေ့ကောင် ညီမင်းယံ မင်း ဟိုနေ့က စင်ဒရဲလားကို ကြွေသွားတာများလား ? "
"အာ သန့်စင် ! မင်းဘာတွေပြောနေတာလဲ
ပေါက်တကရတွေ ငါက straight ကွ သူတောင်းဇားရဲ့ "
"မင်းအဲ့အကိုကြီး အတန်းရှေ့က ဖြတ်သွားတာကို လိုက်ကြည့်နေတာ မျက်လုံးတောင် ကျွတ်ကျတာ့မယ်ကို "
"တော်စမ်းကွာ ဆရာမလာပြီ တိတ်တော့ "
"အေးပါကွာ လက်ပူးလက်ကြပ်မိလို့ကတော့ မင်းမလွယ်ဘူးမှတ် "
"ကျွတ်စ် "
ဟာ ဒုက္ခပါပဲ ... သန့်စင်ဆိုသည့် ကောင်က လူအကဲခတ် သိပ်တော်တာ ။
ချက်ချင်းကို ရိပ်မိတာ .... အဲ မဟုတ်သေးပါဘူး ။
ရိပ်မိတယ်ပြောရအောင် ကျွန်တော်က သူ့ကို ကြိုက် ...ကြိုက်.... ဟာကွာ ဖြစ်စရာလား !
ကျွန်တော် ဘာတွေ တွးမိနေတာပါလိမ့် ။ မဖြစ်နိုင်တာ ။ ကျွန်တော် ကြိုက်တာ Yoon Eun Hye လို type မျိုးပါ ။
" ငါ မမကိုပဲ ချစ်တာ သေချာတယ် !
ဆက်မတွေးနဲ့တော့ ညီမင်းယံ "
》》》》》》》》》》》》》》
ကန်တင်းမှာ စားသောက်ပြီး သကာလ ...
"ညီမင်းယံ မြန်မြန်စား paper ချိန်တတ်ရဦးမယ် "
"ခြည် ရာ ဖြေးဖြေးပေါ့ အေးဆေးမှဝင်ကြမယ်လေ တော်ကြာ စာတွေသင်နေရဦးမယ် "
"ကျမှာ နင်က "
"ငါကျရင် နင်လည်းမအောင်ဘူး "
"shit "
"အရိုင်းအစိုင်းမ "
ခြည် ဆိုတာကတော့ စိတ်ကုန်ဖို့ အကောင်းဆုံး bff တွေထဲက တစ်ယောက် ။
"ခြည် သိလား ဒီကောင် ချစ်နေတဲ့သူရှိပြီတဲ့"
သန့်စင် ဒီကောင် ဆေးထိုးပြီ ။
"အဟွတ် အဟွတ် "
ကျွန်တော့်မှာ ရေသောက်နေရင်း သီးတောင်သီးသွားရှာသည် ။
"ဟုတ်လား ဘယ်သူလဲ "
"မပြောဘူးကွ ဒီကောင်လျှိုထားတယ် "
"သိလို့ကတော့ သေဖို့သာပြင် "
"အေး ငါလည်းကြိမ်းထားတယ် "
ဒီ ၂ ကောင်နဲ့တော့ ခက်တယ် သိပ်စပ်စုကြတာပဲ ။
》》》》》》》》》》》》》》
"တီချယ် ဝင်ခွင့်ပြုပါ "
အုပ်စုလိုက်ကြီး အရှေ့ပေါက်ကနေဝင်ကြပြီး အနောက်ဆုံးတန်းမှာ နေရာယူကြသည် ။
ကျွန်တော်က အရှေ့တန်းတွေနဲ့ အလက်ဂျစ်ရှိသည်လေ .. ဒါကြောင့် ထိုင်ရင် နောက်ဆုံးတန်းပဲ အမြဲ ထိုင်သည် ။
"ဟေ့ကောင် မင်းယံ ထကွာ "
"သန့်စင်ရာ ငါခဏအိပ်ဦးမယ် "
"မသာရဲ့ ဆရာမ စာသင်နေတယ်ဟဲ့ "
"အင်း "
မှောက်အိပ်နေရာက မထချင်ထချင်နဲ့ ထပြီး စာအုပ်မှာ ပုံဆွဲနေလိုက်ရသည် ။
ဟုတ်တယ်လေ စာလိုက်ကြည့်နေရင် တော်ကြာ ထပ်အိပ်ချင်နေမှဖြင့် ။
ကျွန်တော်က စာနဲ့လည်း ဓာတ်မတည့်ပါ အလက်ဂျစ်ရှိသည် စာမြင်တာနဲ့ကို ငိုက်တာ ။
"ဟေ့ကောင် ရပ်စမ်း "
"မြန်မြန်လာကွာ ကြာတယ် တိုးတိုးတိတ်တိတ်နေဟ ဟိုမှာ စာသင်နေတယ် "
အသံတွေ ဆူညံနေလို့ ပြတင်းပေါက်ကနေ ကြည့်လိုက်တော့ ....
"ရှိန်း .... ရှိန်းထက်နိုင် ! "
ဩော် သူ ကန်တင်း သွားမလို့ ထင်ပါရဲ့ ။
်မျက်စိတစ်ဆုံး လိုက်ကြည့်မိတော့ ....
"အမလေး လန့်လိုက်တာ ! "
"မင်းဘယ်သူ့ကို လိုက်ကြည့်နေတာလဲ ညီမင်းယံ "
"အဟမ်း ... ကြည့်စရာလား ဘယ်သူ့ကြည့်ရမှာလဲ လျှောက်မတွေးနဲ့ "
"ဘယ်သူက ဘာပြောနေလို့လဲ "
"အာ စာကြည့် မစနဲ့ "
"ဟောဗျာ ငါဘာကို စလို့လဲ ရှက်ရမ်းရမ်းမနေနဲ့ "
"မပြောတော့ဘူး "
ကျွန်တော် ဘာလို့ သူ့ကို လိုက်ကြည့်မိနေတာပါလိမ့် ။
ရှိန်း က မိန်းကလေးလည်း မဟုတ်ပဲနဲ့ ။
ပြီးတော့ ကျွန်တော်က straight စစ်စစ်ပါ ။ မဖြစ်နိုင်တာ မဖြစ်သင့်တာ ။
မရဘူး ကျွန်တော်သူ့ကို ချစ်မိလို့မရဘူး
လုံးဝ မချစ်သင့်သည့် သူကို မချစ်ရဘူး ....
ဦးနှောက်က အမိန့်ပေးနေပေမယ့်
နှလုံးသား ဆိုတာကလည်း စကားနားထောင်သည့် အမျိုးမဟုတ်တော့ ရင်ခုန်သံတွေက အထိန်းအကွပ်မဲ့ နေပြန်ရော ။
* ရူးချင်လာပြီ ညီမင်းယံရာ မင်းဘာတွေဖြစ်နေတာလဲကွာ *
》》》》》》》》》》》》》》》》》》