احببتها عنيده

الفصل الخامس عشر 💎

يوسف خد كريم البيت واول لما دخل نام
مريم  و ورد راحوا الامتحان ورجعوا البيت
شويه و كريم صحي
يوسف: ايه ي عم منيم جمل ده كله نوم
كريم وبيفوق: هي الساعه كام يعني محسسني اننا الفجر
يوسف : الساعه ٥ ونت هنا من الساعه ١١ تقريبا ي عم
كريم : طيب خلاص ..المهم انا دلوقتي عندي مشاكل بالهبل
يوسف: كل حاجه هنحلها بس يلا نبدأ نحل  مشكله مشكله
كريم :طيب هو احنا بنحل المشاكل كده هاتلي قهوه يلا
يوسف: اصل انا الخدام بتاع اهلك انا
كريم: خلاص اخرس هتنيل اعمل انا وهعملك صدقه
يوسف: امشي ي اااض بس اعملهالي سكر بره بقا
كريم بضحك: اصل انا الخدامه الجديده تؤمر ي باشا
يوسف بابتسامه : كريم نت بقيت مستفز غور
كريم عمل القهوه وبدأ يمسك مشكله مشكله عشان يعرف يحلها
كريم : نبدأ بمشكلتك الأول من السهل للصعب..اخرك ايه مع مريم
يوسف: ولا حاجه عادي يعني هو انا عملتلها حاجه
كريم: عينك بتقول ان في حاجه تانيه انطق
يوسف: زين ☹مين زين ده وليه حضنها وشالها وهزر معاه ومعرفش كان عايز ايه كمان
كريم : ونت مضايق ليه
يوسف واتعصب:  هو ايه اللي ليه وهو يلمسها ليه اساسا
كريم: وبعدين برده فين الاجابه
يوسف: نت عايز ايه عايزني اقولك بحبها ..لا مش هقول لانو مينفعش قولتلك اني معجب بيها وده كفايا لاني فعلا مش بحبها ف متحاولش بقا
كريم ببرود: والاعجاب يخليك تضايق كده لما حد يجي جنبها
يوسف: معرفش بقا بس كنت هقتله
كريم بضحك: طيب اهدي ..دي مشكله حلها معروف بس نت اللي مكبر ..نخش بقا علي الرسايل
يوسف: حوار الرسايل ده فيه حاجه غلط معرفش ايه هي
كريم بقلق: ايه هو الغلط
يوسف : مريم عارفه انك ابن عمي مش صحبي  كنت بتكلم مع جدو كالعاده وكانت واقفه وسمعت كل حاجه وبعدين خدت بعضها ومشيت مع انها كانت تعبانه اووي وراحت الشغل ونت عارف بتشتغل عند مين عند عز ومراد اعدائك في الصفقه  الجديدة ف انا لما عرفت بتعبها رحت لشغلها وانا لسه بره جت الرساله الاولي ف دخلت وخدتها ومشيت وروحنا والصبح خدت بعضها ومشت ورحت بليل كانت تعبانه وفضلت لحد الصبح جنبها.. وسألت دخلت الشقه ازاي  قولتلها اني كسرت الباب ومريم ذكيه وعرفت اني مدرب تدريب خاص وجابت سيره زين انه مدرب وانه رائد في المخابرات وانا اتكلمت شويه وبعدين نزلنا وراحت الشركه تجيب مرتبها هي طلعت من هنا وجت الرساله التانيه من هنا وبس

كريم : عندك حق محدش يعرف مضمون الرسايل دي غيرها وكمان الرسايل مش بتبعت غير وهي مع مراد
كده مريم مشتركه في حاجه من دي
يوسف: صدقني ي كريم لو طلعت هي اللي بتعمل كده مش هرحمها
كريم: اهدي انا لازم اعرف ايه علاقتها بمراد وساعتها هعرف مريم معاه ولا لا
يوسف: وهتعرف ازاي
كريم: من ورد..لو طلعت مريم علي علاقه بيه يبقي مراد هو اللي بيهددك
يوسف: هقتله
كريم : ما تهدي بقا ي عم باتمان
يوسف بضحك: خلاص ههدي ي طرزان
كريم : بس لازم احل مشكله ورد ..ورد عايزه تعرف كل حاجه والا ننفصل
يوسف: ونت هتعمل ايه
كريم : كنت هقولها بس لما حسيت ان اول مشكله بينا هي بتهرب ومحاولتش تقف جنبي وتسبني انا اللي اجي احكلها وجعي قولت يبقي ننفصل احسن
يوسف: هتعرف تعيش من غيرها
كريم : مانا عيشت من غير حاجات كتير ايه المشكله يعني جت عليها
يوسف: مش عايز جدو يعرف اي حاجه
كريم : اكيد طبعا
يوسف : كفايا علينا دوول انهارده يلا نروح نشوف استاذ زين اللي عامل البيت كباريه ده
كريم بضحك: يلا
روحوا علي الفيلا
واول ما دخلوا كان الكل قاعد تحت في اوضه الإستقبال وصوت ضحكهم عالي
يوسف بضيق: مش بقولك عاملها كباريه
كريم : اتقل
دخلوا الاوضه وقالوا السلام وقاعدوا
زين قاعد وجمبه مريم في حضنه وجمبها ورد
ولما مريم خدت بالها من عيون يوسف اللي حست انه هيقوم يقتلها قعدت كويس وبعدت شويه
كريم  : مقولتليش بقا ي زين شغال ايه وفين احكيلي
زين: انا رائد في سلاح المخابرات عندي مهمات علي طول عشان كده انا بعيد عن وردتي ومريومه علي طول
كريم : بجد بس شكلك صغير علي رائد دي
زين: اشتغلت كتير علي نفسي عشان اوصل لهنا وعملت مهمات كتير انا الحمد لله شاطر في شغلي جدا وليا اسمي مفيش ولا مهمه فشلت الا مهمه
كريم : بصراحه عندي فضول اعرف ايه المهمه
زين : اني الاقي شخص
كريم بضحك: ازاي يعني مش عارف تلاقي شخص
زين : ده مش اي شخص ده اهم شخص دخل سلاح المخابرات علي مر التاريخ مقدم عنده كفائه عاليه جدا جدا واحنا لسه تحت التدريب كانوا دايما بيقولونا علي مهماته الصعبة وان الموت بيخاف منه عمره ما فشل في مهمه وعنده ذكاء يطلعه من اي مشكله وقوي جدا كانوا بيحمسونا بيه ولحد دلوقتي اي قائد بنشتغل معاه بيحكلنا عنه هو قعد تقريبًا سنتين وبعدين اختفي محدش قدر يلاقيه نهائي هو عارف اسرار كتير للبلد وأثناء شغله كان حامي اي منطقه فيها
زين : للأسف كلنا بندور عليه في كل مكان ولحد دلوقتي مش عارفين مكانه وحته منعرفش اسمه ولا حد يعرف اسمه لانه معروف باسم مستعار K1والوحيد اللي يعرف اسمه رافض يقوله بس ي سيدي
كريم وملامحه اتغيرت: وانتم عايزينه ليه
زين : واحد زي ده لو معانا كل حاجه هتتغير كل مشاكلنا هتتحل بخبرته
كريم بضيق وبص ليوسف : ان شاء الله تلاقوه
زين: المهم بقا نت شغلك طبيعته ايه
يوسف قاطعه: ايه مسمعتش عن شركات البدري احنا عندنا شركات في كل بلد حته البلاد الاوربيه
احنا بنبي مشاريع كبيره ونستثمر فيها مولات عمارات فخمه فيلات نوادي مستشفيات  فنادق في حاجات بتفضل بأسمنا نستثمر فيها وفي حاجات بنبنيها لناس وفي حاجات بنبنيها ونبيعها وفي حاجات خاصه بينا
زين : وحضرتك بقا مهندس
يوسف : ايوه مهندس عماره
زين : اه ربنا يوفقكم
كريم : طيب العشاء جاهز تقريبا اتفضلوا ...بس ثواني هي فين كارما
الجد: اهي جت اهي كانت في الشركه
كارما: كيمو وحشتني ازيك ي يوسف
يوسف: ازيك ي كارما اتاخرتي ليه
زين بإعجاب: مش تعرفونا 
كريم: اه ده زين ابن عم ورد .دي كارما اختي الصغيره
زين : تشرفنا ي قمر
كارما: احم اه الشرف ليا
حنان يلا نتعشي ي ولاد انا جوعت
كريم : يلا ي خالتو
اتعشوا وقعدوا مع بعض شويه يتكلموا
حنان : بقولك ي ورد تعالي عايزاكي ونتي كمان ي مريم
الاتنين: حاضر
حنان خدتهم اوضه كريم
حنان بحنيه: احكيلي ي ورد مفيش نونو جاي في السكه ولا حاجه
ورد : لا مفيش
حنان: ليه بقا وناوين أمته
ورد : لا معرفش وحضرتك بتسألي ليه
حنان: انا زي ام لكريم ف اعتبريني امك كمان
ورد : والله انا فعلا بحبك وبحب حنيتك بس الموضوع ده يعني مش بحب اتكلم فيه
حنان : نتي بتحبي كريم ي ورد
ورد بكسوف : مكنتش بحبه بصراحه بس دلوقتي بدأت
حنان : خلاص ي مسهل ..ونتي ي مريم بتحبي يوسف
مريم بدهشه : ها ااااا حب لا حب ايه لا طبعا مستحيل انا احب يوسف لا ازاي ي طنط ازاي تتخيلي لا لا اووعي تفكري ..
حنان بضحك : خلاص خلاص اهدي بس هو نتي لو مش بتحبيه كنتي اتلبكتي كده
مريم : وبعدين بقا لا لا مفيش حب ان شاء الله
حنان و ورد  ضحكوا جامد و مريم حست  بكسوف وان خدودها بقت فراوله من كتر الكسوف
مريم : بقولكم ايه انا نازله ل زين ساااموا عليكوا
وهنا خبط كريم
ورد: ادخل
كريم : معلش بس ي ريت ي خالتو تكملوا بكره معنتش قادر
حنان : ماشي ي حبيبي يلا ي مريم
نزلوا وكريم دخل خد هدومه ودخل الحمام
و ورد بره مستنياه
طلع كريم من غير ال تي شرت
ورد اتكسفت: ايه ده ازاي تطلع كده
كريم : الجو حر وزهقان هنام كده عندك مشكله
ورد : ايوه طبعا عندي
كريم: خلي اللي عندك عندك بقا انا هنام
ورد:قررت هتعمل ايه
كريم : في أيه
ورد : بلاش استعباط
كريم : اتكلمي كويس
ورد : نت عايز مني ايه
كريم : ولا حاجه نتي اللي عايزه
ورد: عايزاك تحكيلي
كريم: هو مش انا جوزك المفروض تقفي جمبه صح ولو في مشكله تسانديه حته من غير ما تعرفي علي ما هو يقولك
ورد بندم: ايوه جوزي والمفروض اعمل ده مش عارفه استحمل وافضل افكر كده عايزه اعرف كل حاجه
كريم : نتي خيارتيني لا اقولك لا ننفصل
ورد: ....
كريم : وانا مش قادر اتكلم دلوقتي ولا  هعرف اصلا انا مجروح ف هختار التاني ننفصل
كريم: انا هريحك من القرف اللي نتي فيه
ورد: قرف !...وهتريحني!
كريم : ايوه نتي اللي طلبتي هطلقك..انتي طا....
وهنا ورد منعته من الكلام
ورد بزعيق: أسكت أسكت وبطل كلام خليتك تتكلم كتير عايز تتطلقني..ده مستحيل مستحيل ابعد عنك ولا حته دقيقه انا مراتك ونت جوزي وليا لوحدي نت ليا وبس واوعي تفكر تقولها عايز تسيبني ي كريم خلاص نت حر ي كريم نت حر طلقني
كريم : نتي مجنونه ي بنتي منين بتقولي كل الكلام ده ومنين عايزاني اطلقك
ورد بعياط : هو كده
كريم : انا اسف معلش انا مكنتش هطلقك اصلا عارف انك هتعملي كده ف اهدي بقا واسكتي
ورد: يعني مكنتش هتسبيني
كريم : اهو اللي بيلاقي ورده لحياته بيسيبها برده
مينفعش اسيبك لحد غيري ي ورد نتي مراتي
ورد: ومفيش طلاق بعد ٦ شهور نت سامع
كريم بابتسامه: ايه العنف ده
ورد : خلاص سامحتني علي اللي حصل في الفندق
كريم : لا
ورد : طب اعمل ايه يخليك تسامحني
كريم: معرفش
ورد قامت من علي السرير وجرت عليه حضنته جامد وهو حضنها هي حست اكنه كان مستني حضنها كان بيعصرها مش بيحضنها
ورد بحنيه : سامحتني
كريم بخبث: لا
ورد بعدت شويه باسته من خده
ورد بدلع: خلاص
كريم : خلاص بس لو نختم بقا ونكمل
ورد بضحك وكسوف: اتلم
كريم شالها ونايمها جنبه ونامت في حضنه
تحت ...
زين : مريومه مش هتقومي تنامي
يوسف بتريقه: ايوه صحيح ي ست مريومه مش هتنامي
مريم بضحك: لا شويه كده 😂
زين : طيب هقوم انا بقا واشوفك الصبح ي مريومه
مريم بابتسامه: ماشي ..باي
طلع زين والجد وحنان  ومفضلش غير مريم ويوسف
ومريم هتموت من الضحك علي طريقه كلام يوسف
يوسف بنرفزه : بتضحكي علي ايه
مريم بضحك: ولا حاجه ..اهدي بس
يوسف بزعيق وبيجز علي سنانه: قسما برب العزه لو فضل يكلمك كده وحضنك ولا قرب منك هيزعل مني نتي حره بقا
مريم بتغيظه: ونت مالك نت
يوسف وهو بيقرب منها لحد ما وقعت علي الكنبه وهو قدامها وقريب من وشها: تحبي تعرفي ليه
مريم: لا لا خلاص ي يوسف عرفت أبعد بقا
يوسف: ماشي
يوسف بعد شويه عنها  ورجع تاني شالها
مريم وهي بتحاول تنزل : نت بتعمل ايه
يوسف بخبث : اللي كان بيعمله
طلع بيها لحد اوضتها فتحها ودخلها
يوسف وهو طالع: تصبحي علي خير ي ..ي مريومه قال
مريم بضحكه: ونت من اهله
😂😂
#إسراء ابراهيم
#احببتها عنيده