احببتها عنيده

الفصل الثالث عشر 💎

كريم دخل الشركه بكل نرفزه وبدأ يزعق في اي حد قدامه 😑
دخل مكتبه رزع الباب بكل قوته  ..طلب من السكرتيره   تبعت ليوسف حالا يجيله 😤
السكرتيره: مستر يوسف بعد اذن حضرتك تيجي لمستر كريم حالا 😵
يوسف : هو جه أمته 😨
السكرتيره: حالا ومستني حضرتك ي فندم 😧
يوسف: طيب ماشي جااي😶
بعد دقايق دخل يوسف لكريم وهو عارف انه داخل علي عاصفه من الزعيق 🙂
يوسف بمرح: ايه ي عم في أيه ..الشركه كلها خايفه بره ومن الصبح أوامر أوامر اهدي شويه ده ابن عمك😏
كريم بحزم: يوسف احنا مش فاضين ..قولي اي حكايه الرساله اللي جتلك دي ☹
يوسف: انا اتبعتتلي الرساله وخلاص وحاولت اعرف من مين بس الرقم متشفر عليه 😟
احنا في ورطه لو حد عرف اي حاجه عن صله القرابه بينا صدقني ابوك  هينزل يقتلك ويقتلني هو حته ميعرفش ان جدو كتب كل حاجه باسمي انا ونت💔
كريم: مين ده اللي يقتل مين  ايه ي يوسف نت متعرفش نت مين  نت يوسف البدري واناكريم البدري مين يقدر يقرب من حد من عيلتي ده انا ادفنه مكانه🙄
يوسف: انا عارف الكلام ده كويس بس ده ابوك 😑
كريم باستهزاء : ابويا مين ي يوسف ..ده سبني وانا طفل لجدو وطلق امي ورماها وبعدين هي راحت اتجوزت وسافرت انا ابويا مات ولو رجع تاني انا أللي هموته بنفسي 😒
يوسف: خلاص ي كريم اكيد اللي عمل كده مش هيسكت وهيبعت تاني ساعتها هنعرف هو مين اكيد حد قريب مننا 😓
كريم بتوعد: اي كان فهو بيلعب مع الشخص الغلط😏
يوسف: نت ليه منعت ورد من الخروج وليه جت لوحدها وازاي تسيبها 🙄
كريم قام  بغضب ضرب ايده علي المكتب: اقولك انا عشان هي واحده عنيده مستفزه وبتتصرف من دماغها مفكره نفسها متجوزه عيل هيسيبها تعمل اللي هي عايزاه من غير اذنه دي اتهبلت 🤦‍♀️
يوسف ببرود  : اهدي ي اااض في أيه قولي ايه اللي حصل 😵
كريم حكي ليوسف كل اللي حصل 💔
يوسف: عشان كده كانت بتسال مين نهي ☹
كريم بخوف: قولتلها ايه😒
يوسف: قولتلها مقدرش اتكلم في الموضوع ده اسالي كريم 🙄
كريم بضيق وضعف: لسه الماضي بيجري ورايا ي يوسف 💔
يوسف بجديه: نت بتحب ورد؟ 🙂
كريم بضعف: مش عايز احب  كفايا اللي حصلي من نهي😶
يوسف: ورد مش نهي ونت عارف كده كويس 😏
كريم: لما بشوفها ببقي عايزاها تفضل قدامي بخاف أبعد عنها بحس بشعور غريب وسعاتها ببقي مضايق من ضعفي ده ي يوسف مش عايز ابقي ضعيف تاني ويحصل زي ما حصلي من نهي 💔
يوسف: سيب قلبك وبطل قسوه ورد مش نهي احسنلك تحكي لورد هي مراتك
كريم: شكلنا مش هنكمل وانا عارف انها هتطلب الطلاق مين هيستحمل كريم البدري بقسوته
يوسف قام وراح تجاه كريم وأشار تجاه قلب كريم: ده دق لورد ..ورد كسبتك ي كريم  اعترف بده
مشي وقبل ما يخرج وقفه صوت كريم
كريم : يوسف
يوسف: ي نعم
كريم : ابن عم ورد تلاقيه وتعزمه يجي يقعد عندنا فتره الاجازه بتاعته عشان عارف انها هتطلب تشوفه هو أخوها في الرضاعه
يوسف : ماشي ي حنين
كريم: ايوه صحيح فين مريم
يوسف: في شقتها
كريم: ليه ..ترجعها الفيلا زين عايز يشوفهل واكيد ورد كمان
يوسف: طلعلي منين زين ده بقا 😒
كريم 😂: بتغير
يوسف: اغير من ايه هو انا خفيف زيك ي اهطل
كريم: لم  لسانك الحلو ده...طيب ي يوسف نت معجب بمريم
يوسف: معجب بتصرفاتها هي قويه ..بس نت عرفني مليش في الحب انا ..نت عارف انا تعبت اد ايه عشان نوصل انا ونت للي احنا فيه مش عايز حاجه تشغلني 🙂
كريم : حقق حلم جدو ي يوسف وشو بنت الحلال واتجوزها ☺
يوسف: ي عم لما احللك مشاكلك الاول ..غور بقا انا ماشي 😂
كريم بهدوء: بااي
خرج يوسف من المكتب  ينفذ اللي طلبه منه كريم
ف ثواني جااب رقم زين وعزمه علي الفيلا زي ما كريم طلب
فاضل المهمه الصعبه ازاي هيرجع مريم وهو عارف انها هتتعبه😂
رن يوسف علي مريم كتير بس هي مرضتش
يوسف لنفسه: يارب صبرني علي البلوه دي 😟نفسي افهم مش بترد ليه
قفل وقال هيروح بنفسه احسن
وهو بيقفل الفون لقي ان  نفس الدكتوره اللي بعتها لمريم  رنت عليه كتير
قلق ف رن عليها
يوسف: ايوه حضرتك رنيتي عليا ليه خير
الدكتوره: علشان الانسه اللي روحت عشان اكشف عليها بصراحه انا رحت العنوان بزبط بس ملقتش حد رنيت كتير بس محدش رد عليا في مشيت
يوسف: ازاي يعني انا كنت عندها قبل اكلمك
الدكتوره: انا وصلت هناك بعد مكلمتك ليا ب ١٠ ق
يوسف : طيب سلام شكرا
قفل معاها ونزل ركب عربيته وراح للعماره اللي ساكنه فيها
نزل من عربيته وطلع  رن عليها وخبط كتير اووي لحد ما اتعصب خلاص
يوسف: مريم !مريم افتحي الزفت ده احسن والله اكسره
محدش رد رجع يوسف لوراه وخبط الباب مرتين بقوه الباب اتفتح(يوسف جسمه رياضي ونتعلم كل فنون القتال  وسهل عليه فتح كسر الباب) دخل دور عليها
لقاها نايمه في اوضتها ندي عليها مردتش قرب منها يحاول يصحيها هو   ...درجه حرارتها عاليه جدا وتقريبا هي  مش نايمه هي مغمي عليها
يوسف : مريم ..مريم فوقي..طب اعمل ايه شوفي عنادك بيوصلك لايه
يوسف طلع فونه بسرعه ورن علي الدكتوره
يوسف: دقيتين وتكوني في نفس العنوان اللي ادتهولك الصبح
الدكتوره بخوف : حاضر حاضر
جت الدكتوره بسرعه دخلت شافت حاله مريم طلبت منه ادويه وحقن وقبل ده كله يقولها فين مكان المطبخ عشان تجيب مايه تعملها كمدات
راح يوسف جاب الادويه وهي كملت الكمدات وادتها حقنه وطلبت من يوسف انه يسيبها ترتاح ويفضل يعملها كمدات لحد ما الحراره تنزل والحقنه اللي خدتها هتفوقها شويه عشان تديها الدوا
شكر يوسف الدكتوره ومشت وفضل يوسف جنب مريم طول الليل
.................................
في فيلا البدري
كريم دخل متعصب كانت ورد قاعده تحت مع الجد وحنان خاله كريم وكارما اخته قلقانه علي مريم وخايفه من كريم
كريم  : جدو حبيبي ازيك وحشتني
الجد بزعل: علي اساس فاكر جدك اووي
كريم بمرح: اخص عليك ي جدو بقا تزعل مني والله كان عندي حاجات مهمه في الشركه نت عارف انه الصفقه الجديده دي شاغله بالي
الجد: ربنا يكرمك ي بني ويفتحلك ابواب الرزق. امال فين يوسف
كريم بقلق: والله ما اعرف ي جدو ممكن يكون رجع
شقته
ورد: ازاي يعني يرجع وميقوليش فين مريم
كريم مردش عليها وراح سلم علي خالته حنان
وبعدين كارما
كارما : كريم عايزه اتكلم معاك في حاجه
كريم  بحنيه: تعالي وراياعلي  المكتب ي كارما
دخل كريم المكتب ووراه كارما
كارما: يوسف
كريم بخبث: ماله ي ست كارما
كارما : مش هو كان بيحبني ي كريم وهيتجوزني
كريم : مين قال كده هو قال كده
كارما : لا بس هو صاحبك ومتربي معانا وانا حبيته
كريم : ده مش حب ي كارما ده اعجاب اقولك ليه مكنش قدامك غيره طول حياتك نتي ما عشتيش غير معاه ده تعود مش حب في فرق ي حبيبتي
كارما : عندك حق ي كريم
كريم: انا لو شايف انك بتحبيه كنت جوزتهولك ي ستي
كارما بمرح : لا ي عم انا اتجوز واحد مش بحبه ليه
كريم : ماشي ي ام لسان طويل اتفضلي يلا من غير مطرود
كارما: عايزه اقولك علي حاجه
كريم: انجزي
كارما: ورد
كريم بعصبيه: مالها
كارما: من الصبح قلقانه علي مريم وكل ما نجيب سيرتك تخاف نت عاملها ايه
كريم بخبث: متخافيش ي كارما ومتشغليش بالك ي حبيبتي نتي مش بكره باين هتنزلي الشركه ؟
كارما: ايوه انا زهقت من قاعده البيت دي انا متعوده علي الشغل المهم مكتبي جاهز ي مديري في الشغل
كريم بضحك: جاهز ي قمر ..يلا اطلعي نامي وارتاحي
كارما حضنته وطلعت
و ورد بره علي اخرها من تجاهله ده
طلع كريم من المكتب واتجه لجده يسلم عليه قبل ما يطلع ينام
كريم : تصبح على خير ي جدو
الجد: ونت من اهل الخير ي ي بني
ورد : كريم ..كريم انا بكلمك
كريم اتجه للسلم يطلع للجناح بتاعه 
دبدبت ورد علي الارض ونفخت
ورد : عجبك كده ي جدو
الجد: اهدي ي ورد اهدي ي بنتي واطلعي راضيه
ورد بضعف : حاضر
طلعت ورد ورا كريم
دخل هو الأول خد هدومه من الدولاب ودخل الحمام
ورد وهو داخل الحمام: ي كريم
دخل وقفل الباب جامد
غيرت هدومها واستنتوا لما طلع من الحمام
كريم اتجه للسرير واداها ضهره
ورد بدموع: ي كريم ..كريم رد عليا بقا ..متزعلش بس نت اللي خلتني اعمل كده ليه مخبي عليا مين نهي وليه اي حاجه بطلبها بتترفض كريم عشان خاطري بصلي بقا
كريم بعد ما سمع صوتها وأنها هتعيط بصلها
واول ما بصلها عيطت
كريم : بتعيطي ليه دلوقتي
ورد :كده 😭
كريم : خلاص بطلي عياط
ورد : نت ليه مش راضي ترد عليا
كريم بزعيق: عشان لو اتكلمت هتزعلي مني ومن عصبيتي ف خليني ساكت عشان لو اتعصبت مش بشوف قدامي
ورد : لا أتكلم...ليه بتعمل كده
كريم بهدوء  :...خلاص ي ورد وعد نتكلم الصبح بس دلوقتي نامي وبطلي عياط
ورد: يعني معنتش زعلان من اللي انا عملته
كريم بزعيق: بقول نامي ي ورد
ورد: حاضر..بس انا عايزه اطمن علي مريم
كريم بعصبيه: بطلي زن بقا عامله شبه العيال..مريم مش طفله عشان كل ٥ ق عايزاها جنبك
ورد..:...😳
كريم بزعيق: بارقتي كده ليه قولت نامي واطفي النور ده ومش عايز لا كلام ولا صوت
ورد : بس انا مش بعرف انام ف الضلمه
كريم: اللي قولته يتنفذ
طفت ورد النور ونامت جنبه علي طرف السرير كالعاده
.......
عند عز وادهم المغربي
نهي : انا مستعده اعمل اي حاجه المهم اني اخد حق الذل منه هو وصاحبه
ادهم بخبث: حلو اووي وبعدين
عز ببرود:جايه ليه
نهي: عشان عارفه أنكم أعداء كريم ويوسف وأنكم عايزين المناقصه الجايه باي شكل والا هتعلنوا افلسكم
ادهم : موافق انك تساعديني بس بايه
نهي : انا اعرف معلومات كتير اووي عن كريم ويوسف وعن شركاات ا البدري
عز :ديل
نهي بضحكه شماته: ديل
ادهم: والله وجالك يوم ي كريم

ي تري ايه المشاكل اللي جايه وكريم هيعرف يحلها ولا لا  وممكن يكون كريم مخبي ايه علي ورد و ورد مخبيه ايه وهل زواجهم هيكمل؟!
شاركوني برأيكم 😍
#إسراء ابراهيم
#احببتها عنيده