احببتها عنيده

(الفصل الحادي عشر _الجزء الثاني)💎

زياد: هو فين
مريم : في العنايه المركزه بس صدقني هو كان هيقولكم بس سالم ده طلع فجأه وكان هيقتله صدقني هو كويس وكمان دكتور يعني متعلم صدقني هو اضحك عليه ياريت تساعده
زياد : والله احنا منقدرش نعمل حاجه مش احنا اللي هنحقق معاه ده مش شغلنا بس سياده القائد متعاطف معاه وبيحاول يطلعه متقلقيش المهم انه مقبوض عليه ولازم يكون في جنود هنا عشان لما يبقي كويس ناخده
مريم : تمام شكرا لحضرتك ..ياريت متقولش لكريم حاليا واستني لما يرجع للشغل عشان ميشغلش باله
زياد : تمام عن اذنك
مريم اطمنت علي عمر ومشيت 
..................
في فيلا البدري الصبح
ركان : دادا عفاف فين بابا
عفاف : بابا لسا في اوضته ي حبيبي
ركان: لا مش معقول الساعه ٦ بابا بيصحي بدري ....خلاص خلاص عرفت هو فين
ركان جري علي مكان اجهزه الجيم
ركان: بابا
كريم بصله ونزل من علي المشايه: أهلا بالوحش صباح الخير
ركان اتخض: بابا اي ده مالها ايدك
كريم : متقلقش دي خربشه بس كبيره شويه
ركان: بتوجعك يعني  ...خالتو مريم شافتها
كريم : ايوه ي حبيبي متقلقش بابا أسد
ركان ضحك : مانا عارف
كريم : ماشي ي عم 
ركان :  بس صباح النور..كنت عارف انك هتبقي هنا عايز ادرب معاك
كريم : وماله تعالا ي بطل
طلعه علي المشايه التانيه واتكلموا وهما بيجروا
ركان: بابا ..ماما قالت لحضرتك اني هروح الرحله انهارده مش بكرا
كريم : ايوه ي سيدي ماما قالت خد بالك من نفسك وماما معاها تلفون ليك ده بتاعك عشان تطمن عليك
ركان فرح: بجد ي بابا بتتكلم بجد
كريم : اه بتكلم بجد بس بقولك اي متفرحش اوي كدا قدام ماما هي اصلا مش راضيه انك تخده خايفه ده يطمع حد فيك ويخطفك عشان كدا متبعدش عن المس وأصحابك ومتطلعوش من جيبك خالص خالص  تمام
ركان: تمام
كريم : يلا كفايا كدا عليك انهارده يلا ندخل عشان نصاحيهم ونفطر
ركان: يلا بس بابا عايز اقولك علي حاجه
كريم : قول
ركان : أنس مش مهتم بدراسته كويس ودايما مع مس الرسم ف كل حته وتاليا عصبيه وبتتخانق مع البنات صحابنا كتير وبتفضل تقول باباي صاحب المدرسه وحاجات كتير
كريم : انا هتكلم مع أنس انا عارف انه بيحب هوايه الرسم بس لازم يهتم بدراسته اما بس ست تاليا صاحبه المشاكل دي ف هي لسا صغيره بس برضه هتكلم معاها ي ركان انا مبسوط منك لأنك واخد بالك من اخواتك
ركان: طب ينفع اتكلم عن الباقي
كريم : طبعا انا سامعك
ركان: فارس علي طول قاعد مع البنات حته مبيجيش يقعد معانا هنا ف البيت ودايما عايز ماما شروق ومليكه قاعده لوحدها عكس فارس خالص مش بتتكلم مع الكل
اما آسر فهو اكتر من ابن عمي هو صاحبي وانا وهو تقريبا نفس التفكير وعلي طول سوا وسليم مش بيفارق سيلا علي طول واخدها جمبه وبيدافع عنها اما ريتال ف هي مش وراها حاجه غير الخناق مع آسر وآسر برضه بيعمل فيها مقالب
كريم ضحك جامد: لا لا ده للموضوع شكله كبير  ..صدقني ي ركان ايام الطفوله دي احلي ايام عيشها مع اخواتك واتبسطوا اما فارس ومليكه ف انا واخد بالي بس عمك حسن هيحل المشكله دي متقلقش والباقي لانهم لسا صغيرين بس
ركان ابتسم: معاك حق ي بابا
كريم : طب يلا نصحي ماما واخواتك
ركان : يلا
كريم خده ودخلوا
ركان: انا هصحي ماما انهارده
كريم : ماشي ي عم
ركان طلع يجري وخبط علي الباب
ورد : أدخل
ركان : ماما نتي صاحيه
ورد : ايوه ي حبيبي صاحيه ونازله هو بابا معاك
ركان: ايوه بس قالي اطلع اخد منك حاجه
ورد رفعت حاجبها :  هو لحق يقولك ماشي ي ركان التلفون عندك ف الدرج خده
ركان فرح وجري علي الدرج خده : تمام ي ماما عايزه حاجه انا نازل بقا
ورد: طبعا ما نت خدت اللي نت عايزه ماشي ي اخويا انزل وانا نازله وراك
ركان طلع من الاوضه و مشي فرحان وماسكه جامد ليقع
___________________________
كريم: تاليا ..مليكه قوموا يلا ي بنات الفطار
تاليا بابتسامه: صباح الخير ي باباي
كريم : صباح النور ي استاذه مشاكل جالي شكوه منك ف المدرسه نتي بتدربي العيال ف المدرسه ي تاليا وبتقولي بابا هيعمل ويسوي واني صاحب المدرسه
تاليا بصت للارض: ما هما ي باباي اللي بيضايقوني وبيقولوا ان عندهم حاجات كتير وانا كمان بقول
كريم: لا ي تاليا مينفعش اي حد يقول كلمه تضايقني اضربه كدا غلطت ممكن المشكله تتحل بالكلام وكمان مينفعش تبقي مغروره مع صحابك افرضي ف واحده فيكهم معندهاش اللي عندك تزعل يعني
تاليا: خلاص ي باباي متزعلش انا عرفت انه غلطت ومش هيتكرر تاني اوعدك
كريم : شاطره ي قلب بابا نتي
تاليا قامت وحضنته
مليكه : صباح الخير ي عمو
كريم : صباح النور ي مليكه ....مليكه هو نتي مش بتقعدي مع تاليا ف المدرسه ليه
مليكه: بحب اقعد ف الجمب الصغير كدا لوحدي
كريم : لا متقعديش ف الجمب الصغير اقعدي مع تاليا بعد كدا عشان مزعلش منك
مليكه: حاضر ي عمو
كريم : يلا البسوا للمدرسه وانزلوا للفطار
كريم خرج وراح ل أنس
خبط ودخل
كريم : أنس..أنس نت ف الحمام
أنس : ايوه ي بابا انا طالع اهو
كريم : وكمان لبست شاطر..الا قولي انت عامل اي ف المدرسه
أنس اتلبك: بصراحه ي باباي درجاتي مش حلوه ف معظم المواد لاني مشغول مع مس الرسم الفتره دي
كريم : اممممم طب وبعدين نت شايف ان كدا صح انت صح يعني شوف نت وقولي ينفع نهتم بماده ونسيب الباقي
أنس: لا مينعش طبعا
كريم : يبقي اديك قولت طالما بتحب الرسم يبقي تنظم وقتك انك تعمل كل اللي وراك ف كل المواد ها اي رأيك ولو معرفتش ممكن تسيب الرسم ده ليوم معين ف الاسبوع وكدا حلينا المشكله
أنس: معاك حق ي باباي شكرا ..بس حضرتك مين اللي قالك
كريم قام وفتح الباب عشان يطلع: العصفوره يلا انزل للفطار
يوسف قابله وقافل وشه : باقي الولاد تحت ي كريم انا صحيتهم
كريم : ماشي بس نت عامل شبه المطلقين كدا ليه
يوسف : مفيش حاجه
كريم : ما تقول في أي ي بني
يوسف : مفيش حاجه ي كريم بقا سابني دلوقتي
ونزل
كريم : مالو ده كمان ...انا هروح اطمن علي جدو
خبط ودخل
كريم بابتسامة: باشا مصر كلها عامل اي ي حبيبي
الجد : هتفضل بكاش طول عمرك..نتي ي اخويا اللي متعور مش انا انا سبع اهو وزي الفل
كريم : بتغظني ي جدو يارب علي طول بخير ي سيدي
الجد : ها عامل اي في شغلك
كريم : انهي فيهم اصلي عايش بشخصيتين
الجد: عامل اي ف شغلك اللي ف الشركه الأول
كريم : اهو ماشي الحال في كذا صفقة هتتحل انهارده وأظن الشغل ماشي كويس الحمد الله
الجد: طب وفي المخابرات
كريم : بصراحة لازم المشكله دي تتحل الأول وبعدين يبقي كله تمام ...طبعا نت متعرفش مين الصيف اللي عندنا انهارده مدام وفاء مرات ابنك محمود طلعت مامت عمر الإرهابي اللي اتقبض عليه وانا وعدته انها هتبقي ضيفتي للأسف مقدرش امشيها هي قاعده فوق هتتعامل كويس لاني وعدت بس مش اكتر
الجد : بس دي امك يا كريم حاول تسمعها  
الجد : وانا مين كان يسمع لكلامي زمان ومين كان معايا ...لا وكمان الراجل اللي اتجوزته زمان وضحك عليها وهي صدقته سالم اكيد فاكره طلع ابو عمر ولفه ما يعلم بيها الا ربنا
الجد : ربنا ينجيك منه ي بني و وتجيبه
كريم : ادعيلي ي جدو يارب ...المهم تيجي تفطر معانا تحت
الجد : نت عارف اني معنتش بقدر اقوم من السرير ي كريم اهو الولاد ملين عليا البيت ف غيابك نت ويوسف وحسن وكارما وأهو الاسبوع قرب يخلص وكل واحد فيهم هيرجع بيته ..معتش فالعمر كتير ي بني
كريم : متقولش كدا ي جدو ربنا يديك طوله العمر والصحه والعافيه
الجد : متكولش بعقلي حلاوه وانزل للوليه اللي اسمها عفاف دي وقولها تحضر فطاري وتجيب قهوتي زي ما يحبها احسن والله انزلها
كريم ضحك: استهدي بالله كدا وانا هبعتها باللي نت عايزه
الجد : ماشي وخد الباب وراك
كريم : تمام اووي كدا بتطرد بشياكه
كريم قام وباس ايد جده وخد الباب ونزل
الكل تحت مجمعين ما عدا مريم
كريم :  دادا عفاف
عفاف : نعم يا كريم بيه
كريم : فطار جدو وقهوته يلا عشان الدوا
عفاف: من عنيا هو بس لو يصبر عليا شويه إنما هو قارش ملحتي علي طول كدا
كريم ضحك : والله نتوا تضحكوا يلا ي دادا حقك عليا انا
عفاف: والله انا ما صابره غير عشان ي كريم بيه ي بني
كريم : تسلميلي يا دادا يلا عشان متتأخريش عليه ف يتعصب
عفاف: حاضر
------------------------------
ورد : امال مريم فين ي يوسف
يوسف قافل وشه : معرفش ومش مهتم اعرف
ورد استغربت: ازاي يعني نت مشفتهاش من امبارح
يوسف : لا شفتها ويارتني ما شوفتها
كريم : هو نت هتفضل تقول الغاز ما تقول في اي
يوسف : الهانم المحترمه اللي بتحترم جوزها وبيتها ......
كريم : بس بس اقعد ساكت متكملش  ....
بص للولاد. .كملوا أكل ي ولاد معلش اصل يوسف متعصب من الشغل
يوسف فهم ف سكت
خلصوا اكل
عصام : العربية جاهزه للولاد ي كريم بيه
والباص الخاص بالرحله كمان جاهز ل ركان بيه
كريم بهدوء : تمم يلا ي ولاد
كلهم سلموا علي كريم و ورد وزين وكارما و شروق وحسن ويوسف
تاليا: باي يا باباي
كريم : باي يا حبييتي
تاليا حطت ايدها ف وسطها: ي اي ؟؟
كريم : ي تاليا قلبي حاجه تاني !
تاليا : نو خلاص يلا اشوفك بعد المدرسه
كلهم مشيوا ماعدا ركان
ركان :بابا انا ماشي
كريم : خد بالك من نفسك ومتنساش اللي قولتلك عليه
ورد خايفه اووي : خد بالك من نفسك ومتلعبش لتقع ومتسبش ايد المس وخليك مع صحابك ومتتخانقش مع حد ولو حد ضايقك متردش عليه نت مش معانا واتصل بيا كلمني طمني ومنتاخرش وكل كويس و.....
كريم : خلاص ي ورد متخافيش عليه
ورد : لا طبعا هخاف
ركان باس ايداها لا متخافيش ي ست الكل
ركان خد حاجتك وركب  الباص
عفاف: كريم بيه اعمل اي مع وفاء هانم
كريم : هي فين دي
عفاف: نزلت في اوضه السفره
كريم : حضري فطارها وطنط حنان صحيها برضه هي مفطرتش
عفاف : حاضر
كريم : خلاص ي قمر نتي خايفه ليه متقلقيش
هذا الشبل من ذاك الاسد
ورد : والله نت فايق ورايق بس بحبك
كريم : يااه علي الكلام هو ده الكلام وانا بموت فيكي يا ورده حياتي نتي
ورد : طب يلا نعرف مريم فين
كريم: يلا أو نشوف عملت اي انا مليش دعوه انا مش هكدب هقول انها خرجت
ورد : نعرف بس اي اللي حصل الأول
دخلوا تاني للصاله
يوسف : الهانم خرجت امبارح من غير ما تقولي مره للمستشفي بتاع الجيش ومره لعمر بيه ودي أسود كانت قاعده فالشارع وهو واخد طلقه وكانت هتعمله تنفس صناعي لولا اني جيت والإسعاف جت ف وقفت دي اتهبلت قلتلها تعالى روحي معايا قالتلي لو بتخيرني بينك وبينه هختاره خليه ينفعها المريض بتاعها قالت مش هتسيبوا يموت عشان غيرتي
كريم  : عمر مين عمر اللي كان خاطبها زمان
يوسف : ايوه
كريم : ازاي يعني ده انا حابسه بأيدي امبارح
يوسف اتصدم: لا ثواني مش فاهم حاجه نت كنت عارف ان عمر رجع يظهر تاني ومقولتش مثلا وقابض عليه بتهمه اي 
كريم : إرهاب بس هو من اللي اضحك عليه زيه زي غيره مقتلش ظباط بس هيتحاكم شاف مريم ف المستشفي بس امبارح معرفش حكايه انه هرب دي حته زياد مقلش
كريم : ثانيه واحده
كريم رن علي زياد بانفعال
كريم : ايوه يا زياد عمر حاول يهرب
زياد: عارف انا كنت عنده بليل في المستشفي والدكتورة مريم كانت معاه
كريم : ومقولتليش ليه
زياد : كنت هقول بس لما ترجع بكرا قولت تفصل انهارده شويه
كريم : تصرفك غلط وحسابك معايا ميري لما اجي هعدي علي عمر انهارده ف المستشفى
وقفل الفون
ورد : ايوه مريم فين برضه
يوسف : هتلاقيها بايته معاه أصلها بتحب المرضي
مريم: لا ي يوسف مش بايته مع حد انا جيت هنا لما خلصت شغلي مع مريض عنده أصابه مش اكتر ونمت ف جناح فوق لوحدي عشان اسيبك براحتك
يوسف بصوت عالي: طب والله كويس انك لسه مهتمه بيا
مريم : وطي صوتك انا معملتش حاجه غلط
يوسف بنرفزه: متستفزنيش انك تخرجي من غير ما تقوليلي ده مش غلط متجوزه سوسن يعني ولا اي مش مالي عينك انا عشان تاخدي إذني
مريم : لا طبعا راجل ومالي عيني بس انا لو كنت قولتلك مكنتش هتوافق ولو مكنتش نزلت كان عمر هيموت
يوسف : عمر عمر عمر ياادي زفت عمر ...من الاخر كدا نتي اخترتيه امبارح صح يبقي بسلامه خليكي معاه
مريم: لا مخترتوش انا اخترت أنقذ حياه انسان علي اني اختار عصبيتك
كريم : بس انتوا الاتنين
يوسف لازم تفهم ان مراتك دكتوره وجودها بره بليل ده طبيعي لازم تتقبل ده عشان متعملش ده من وراك نت ونت بتتجوزها كنت عارف ده انها هتشتغل دكتوره يعني متقبل فتكمل للآخر خايف عليها وديها وجبها بليل وادخل اقعد معاها علي ما تخلص لو عايز إنما تمنعها  ف هتهرب انها تعمل الحاجه من وراك
مريم ابعدي عن عمر طالما هيسبب بينك وبين يوسف مشكله ومتقلقيش هو ك صديق أو معرفه قديمه انا هخلي احسن دكتور يشوفه واطنمك علي طول ولو احتجناكي هقولك وأظن مش محتاجه تخبي حاجه علي يوسف بعد كدا لأنه مش هيمنعك وهيتفهم ده
مريم : حاضر وانا موافقه
يوسف : وانا عندي شغل عن اذنكم
يوسف خد بعضه وركب عربيته وطلع علي الشركه
مريم : عاجبكم كدا يعني
زين: انا من زمان اساسا والشخص ده مش بينزلني من زور
مريم : ده وقته برضه ي زين
كارما: سبيه بس شويه يهدي
مريم : علي العموم انا حاسه نفسي تعبانه هطلع انام ومش هروح المستشفي انهارده عن اذنكم
كريم : وانا هروح الشركه ورايا شغل كتير ...جان هيجي بليل يتعشي بدل امبارح

ورد : ماشي مع السلامه يا حبيبي
حسن : خدني معاك
زين : وانا هروح اشوف الشغل نظامه اي
كلهم راحوا شغلهم
و ورد طلعت تعمل التصاميم الجديده المطلوبه ل جان
كارما لسا مشافتش وفاء لأنها خلصت اكل وطلعت أوضتها تانيى
شروق وكارما بيتكلموا و حنان خرجت

#إسراء ابراهيم
#احببتها عنيده