احببتها عنيده

الفصل الحادي والثلاثون 💎

يوسف : وبس ي ستي اديني حكيتلك كل حاجه وادينا وصلنا
شروق : يااااه ده كله حصل ده انا غبت كتير بقا
يوسف بضحك: يلا ي ختي انزلي زمان الكل هيتفاجئ بيكي
شروق : هي كارما هنا !
يوسف : لا هي مسافره مع صحابها
شروق : طب كريم
يوسف: اكيد جوه تقدري تنزلي علي فكرا
شروق : طب يلا انزل نت كمان ....ايه ده استني كدا في خاتم واقع تحت اهو
يوسف : فين ده
شروق نازله تجيبه: اهو جنب الدواسه استني
شروق جابته
يوسف بيفتكر ده بتاع مين : اه ده بتاع مريم
شروق ؟: مين مريم دي مجبتش سيرتها ف القصه
يوسف : اقولك انا عشان مريم دي لوحدها قصه غير القصه
شروق : لااااا ده شكل الموضوع كبير انزل انزل انا جعانه
نزلوا من العربيه ودخلوا
************************
كريم طلع من عند حسن
ركب عربيته وكان ماشي ف طريق البيت بس فكر ف حاجه ولف بعربيته واتوجه ناحيه مكان تاني
وبعد ساعات .....
نزل كريم وركب عربيته وساق بسرعه علي البيت
استقبله عصام بفتح باب العربيه: نورت ي كريم بيه ...عصام سكت شويه وبعدين...الف مبروك ي كريم ربنا يوفقك ..
كريم ابتسم : الله يبارك فيك ..يوسف جوه
عصام :ايوه وفي بنت مستنيه حضرتك
كريم باستغراب وابتسم : بنت!عايزاني انا ..و ورد جوا ربنا يستر عليها وعليا..ماشي ي عصام اركن العربيه

دخل كريم البيت كانت شروق قاعده بضهرها ف مش عارفها وكمان بشعرها
كريم بضحك : احم احم ايه ي جدو انا اخرج كام ساعه ارجع ألاقي معاك بنت
لفت شروق : واخيرا سياده المقدم نور البيت
كريم بصدمه : مش معقول شروق يخربيتك نتي جيتي ازاي ونزلتي أمتي ومين اللي جابك
شروق : ي عم نت داري بالدنيا .بس سيبك نت ..نت وحشتني اووي والله ووحشني البيت القديم وقعده جدو وقفله يوسف لما يتعصب وهبل البت كارما
كريم : ونتي كمان والله ي زفته ...رجعنا تاني للجنان والصحيان لحد الفجر هتقعدي اد ايه
شروق : لا انا مش هسافر تاني خلاص انا زبطت شغلي برا وحولت كل حاجه هنا لمصر
كريم : نورتي ف بيتك ي شيكو
ورد بصدمه : كريم ايه اللي ف ايدك ده
كريم بهدوء: ده المسدس بتاعي رحت جبته من المبني الخاص بالاداره انا رجعت الشغل
ورد جرت عليه فرحانه : بجد انا مبسوطه اوووي ي حبيبي ربنا يوفقك يارب
كريم حضنها جامد ..هي اتكسفت ف ضحكت وبعدت شويه عنه
يوسف : عايز اتكلم معاك
الجد : استني ي يوسف
الجد وقف واتجه ناحيه كريم ووقف قدامه وبصله : ربنا يبارك فيك ي بني ويكرمك ويارب تكون بدايه جديده ل رزق جديد ...
كريم حضن جده جامد: إن شاء الله ي جدو مش هخزلك ابدا
الجد : طيب انا هطلع ارتاح انا بقا عشان اخد ادويتي
كريم : عفاف
عفاف جت بسرعه : وصلي جدو لفوق وشوفي الممرضه فين عشان الادويه
طلع الجد ...
يوسف : ممكن بقا ندخل المكتب نتكلم
كريم: ماشي
دخل كريم و يوسف
وشروق قعدت مع ورد تتعرف عليها
..........
ف المكتب
يوسف : فهمني بقا عملت ايه ف الإداره
كريم ببرود : ولا حاجه
يوسف : بقولك ايه خف
كريم : قولتلهم اني ليا شروط لرجوعي
يوسف بستهزاء: وايه هي شروط سعتك
كريم: محدش هيبقي قائد عليا انا اللي هدي الأوامر ف اي مهمه مش هسمح ان اي حد يحصله حاجه
يوسف يضحك : ايه ي عم نت ف مخابرات مش قوات خاصه
كريم : لا معنتش هبقي ف المخابرات بس ...انا دخلت ف قسم كمان
يوسف: نت اهبل
كريم : لا..اسمع بس انا هشتغل حاليا ف المخابرات بس لما تكون في مهمه صعبه ف مكافحه المخدرات هنزل انا بس مش أساسي بس ده طلبي
يوسف : اشمعنا مخدرات
كريم : عشان عمك ورجالته بتوع السلاح والمخدرات لازم اخلص الناس منهم
يوسف : انا مش فاهم وفقوا ازاي ...دي اول مره تحصل مقدم مخابرات يبقي ف قسم كمان غير قسمه
كريم : مش عاجبهم خلاص هما محتاجين ليا
يوسف : ماشي ي عم الف مبروك
كريم : الله يبارك فيك....مبسوط نت بشروق كنت بتسمع صوتها اهي جت بنفسها
يوسف: بطل هبل احنا كنا أطفال وانا بحبها دلوقتي الوضع اختلف
كريم :طب تعالا نتطلع نشوفهم
.......
اول ما طلعوا
شروق : يوسف عشان خاطري نطلع مع ورد الرحله دي
كريم: رحله ايه
ورد بتوتر: اصل هقولك بقا
كريم: اه قوليلي بقا
ورد : مريم طالعه معسكر هدفه فسحه يعني ف قولنا نغير جوا ي كريم عشان خاطري
شروق : ايه ي كريم نت ناوي متوفقش ولا ايه ده ازعل منك اووي
كريم : اد ايه
ورد : احنا نروح يومين كفايا
يوسف : وشغلك
كريم : فرحتها عندي اهم من الشغل ..ماشي ي ورد ..نروح
ورد : ربنا يخليك ليا
يوسف : هنروح أمته
ورد : الفجر
كريم : قول لعصام يجهز العربيه
ورد : كريم .دي رحله نتفسح انا مش عايزه رجاله وعربيات كتير احنا هنركب معاهم ف الباص عشان خاطري..وبعدين نت معايا اهو ده كفايه عليا انا واثقه ف قدراتك متقلقش😂
كريم : ماشي ي ستي
ورد بحب: هطلع احضر اللبس بقا
شروق :خديني معاكي
.........................
عمر : أتاخرتي كدا ليه قلقت عليكي
مريم : معلش ..نزلت من البيت متاخر..
عمر : هتطلعي المعسكر صح
مريم: ايوه ان شاء الله
عمر : انا طلبت العشا علي ذوقي يارب يعجبك
مريم: اكيد ان شاء الله
بعد شويه من هدوء الاتنين
عمر: نتي طالعه المعسكر
مريم: اه اكيد هروح
عمر بفرحه: يبقي اكيد هشوفك ف الباص
مريم : احم اه اكيد ...يلا بقا عشان كدا هتاخر
عمر : طيب ثانيه..مريم عايز اقولك علي حاجه
مريم اتوترت جدااا: قول ي عمر
عمر : انا معجب بيكي جدا وعايز اطلب ايدك من اخوكي بس..عايز اعرف رأيك الأول
مريم غمضت عنيها وقالت بتنهيده: عمر ...احنا لسا متعرفين علي بعض ..ممكن ناخدشويه وقت نعرف بعض اكتر واول ما هقرر هقولك
عمر : وانا هستني قرارك
مريم : يلا بقا ؟
عمر : يلا عشان اوصلك
مريم : لا هروح انا عشان هروح لورد صحبتي
عمر : خلاص ماشي خدي بالك من نفسك
مريم: حاضر سلام
عمر بعد ما هي قامت ومشت: بحبك ومش هسيبك تضيعي من ايدي ان شاء الله هتبقي شريكه حياتي
...يارب اديني القوه والصبر اني اقنعها
*************
وصلت مريم ل فيلا ورد
مريم: عفاف اذيك وحشاني فين ورد
عفاف : اذيك ي انسه مريم انا الحمد لله كويسه ...ورد هانم هتلاقيها ف الجنينه تقريبا او ف اوضتها
مريم بابتسامه: ماشي ي عسل روحي نتي كملي معلش عطلتك
عفاف بضحكه : نتي تؤمري 😂
مريم : تسلمي 💛
راحت مريم الحديقه الأول
مشت شويه لقت كريم ف اكيد ورد معاه ف كملت
مريم بابتسامه : اذيك ي حضره المقدم ..فين حرم المقدم كريم البدري بعد اذنك
كريم بضحك: اهلاااااا انسه مريم أخت ملكه روحي
مريم : اش اش والله وبقيت تعرف تقول كلام حلو بس فين بقا صاحبه الكلام ده
يوسف : انا جبت قهوه ليا وانت جبتلك.........
مريم بصت وراها وبصت ليوسف وسكتت
كريم : طب انا هروح اشوف عصام عايز ايه ثواني ي يوسف و جاي
فضلوا باصين لبعض شويه ساكتين
يوسف جواه : اد ايه نتي وحشتيني بجد اخيرا شوفتك
مريم جواها: معرفش ليه بس طول مانا شايفاك رغم خناقنا ببقي مبسوطه قلبي مش فرحان غير وانا معاك وبتخانق معاك
قطعهم صوت شروق:هااااالواااا يوسفففف بقالي ساعه بنادي
يوسف : معلش ي شروق مخدتش بالي
شروق بابتسامه لطيفه : طبعا طالما القمر دي واقفه هنا ..طب مش هتعرفني
مريم بحب : تسلمي نتي الأحلي..انا مريم أخت ورد
شروق باستغراب: مريم بتاعت الخاتم اللي مع يوسف
يوسف كتم بوقها: هشششش نتي مش كنتي بتحضري للمعسكر ايه اللي نزلك
شروق بكلام مش واضح:هتكلم ازاي ونت حاطط ايدك كدا
يوسف شال ايده
شروق : نت رخم ليه ها....نزلت اقولك هنمشي أمته معلش ي مريم انا شروق صديقه الطفوله لكريم و يوسف بس ليوسف اكتر بصراحه عشان قريبين ف السن وقريبين في كل حاجه
مريم اتقفلت: اه طب تمم هي ورد فين معلش
شروق : ف room(الغرفه)بتاعتها
مريم : okay thank you (ماشي شكرا )
مريم سابتهم وطلعت متعصبه
شروق : واو دي بتتكلم English(انجليزي)
يوسف: مريم دكتوره
شروق : ماشي بس هي دي نفسها مريم بتاعت الخاتم
يوسف: اه
شروق : وساكتني ليه
يوسف : عشان مش عايزها تعرف
شروق : ليه
يوسف: سيبك من سيره مريم بقا ...خلصتي اللي وراكي متاكده انك عايزه تروحي ده نتي لسا راجعه من سفر
شروق: هروح ومعنتش تقولي شروق قولي روقا زي ما كنت بتقول
يوسف : انا طالع انام شويه
شروق : لااااا مفيش نوم لو نمت مش هنعرف نصحيك ي كابتن
يوسف: لا هصحي والله  يلا تصبحي على خير
شروق بنرفزه: monkey(قرد)
طلع يوسف علي اوضته مش عشان ينام عشان يفكر
اول مره يحس نفسه متلغبط مش عارف عايز ايه ولا مين ......اهي شروق صديقه عمره وحب الطفوله بقت معاه ومش هتسافر اللي كان كل ما يزعل يروح يسمع صوتها
بس مش هي لوحدها ف حياته مريم واخده حاجه ايه هي هو مش عارف شاغله دايما تفكيره اهي دايما بيتخانق معاها بس بتوحشه
يوسف وقف ف البلكونه وبص للسما: يارب ريحيني وقولي الطريق الصح مش عايز اظلم حد ولا عايز اقسي علي حد يارب ريحيني وريح تفكيري
*****************
كريم : يوسف راح فين
شروق: مش عارفه كريم بس هو طلع فجأه حاسه ف حاجه غريبه
كريم بابتسامه: هو اتكلم مع مريم
شروق استغربت: لا تقريبا انا جيت وهما ساكتين بس ليه
كريم : ولا حاجه اطلعي نامي بقا وانا هطلع لورد احضر معاها حاجتها
شروق : اطلع نت انا مش هنام
كريم: خليكي قاعده لحد ما تنامي ف الجنينه
مشي شويه 
شروق : كريم
كريم وقف: ها نعم
شروق : ورد بتحبك اووي وبجد هي جميله اووي انا اول مره اشوف بنت بالجمال ده وطيبه كدا اوعي تسيبها
كريم ابتسم: عمري ما هسيبها..❤ ممكن تطلعي تنامي بقا
شروق ضحكت : شويه كدا وهطلع ..تصبح على خير
كريم: ونت من اهله
************
مريم : وبس ي ستي هو ده كل اللي حصل وانا قولتله اديني وقت
ورد فرحانه: مبروووك انا فرحانه اووي والله اقبلي طبعا ...بس ليه حاسه انك مش مبسوطه
مريم : واهو ده اللي بتكلم فيه المفروض لما يقولي افرح... هو فيه كل حاجه اي بنت بتتمناها بس انا مفرحتش انا عادي في حاجه منعاني حته افكر ي ورد مش عارفه افكر حته فيه انا تعبانه اووي
ورد خدت مريم ف حضناها: طب بس خلاص اهدي ..ادي لعمر فرصه ي مريم هو طالع معانا المعسكر
مريم : اه طالع
ورد : طب كويس اهو كمان كريم هيشوفه استهدي بالله كدا وخدي وقتك ...نتي شوفتي يوسف
مريم بحزن : اه
ورد : عرفتي  مش عارفه تفكري ف عمر ليه ......يبقي شوفتي شروق
مريم : اه اتعرفت عليها
ورد: بصي شروق دي طيبه جدا جدا بس من نظره عينها يوسف بالنسبه ليها مش بس صديق طفوله هي بتحبه بس متوقعش ان يوسف بيحبها
كريم خبط على الباب
ورد : اتفضل
كريم : اسف علي الازعاج ي مريم بس ورد وحشتني اووي
مريم ضحكت: ملكه روحك طب تمام بتطردني بشياكه
ورد : ملكه روحه!هو قال عليا كدا😂😂😂😂
مريم : ايوه ي ختي شوفي روميو ده بقا انا ماشيه
ورد : أوضتك جاهزه
مريم : لا انا هروح البيت مش هبات هنا
ورد : مش نتي مجهزه حاجتك ف البيت
مريم : اه ..بس الباص هيجي عند البيت عندي
ورد: مش مشكله  هنروح سوا مش هتمشي دلوقتي هتسمعي الكلام ولا اكلم زين
مريم : خلاص هبات اقعدي ساكته  نتي زنانه تصبحوا على خير
ورد ببرود  : ونتي من اهل الخير
طلعت مريم وقفلت الباب وراها
كريم : وحشتيني اووي
ورد : نت لحقت انا كنت معاك تحت من شويه
كريم مسك ايديها وباسها نتي علي طول وحشاني
ورد لسا هترد بس حاست انها داخت وقامت تجري علي الحمام وقفلت الباب
كريم اتخض عليها وراح يخبط علي الباب: ورد نتي كويسه..ورد افتحي الباب
بعد دقايق
ورد : انا كويسه ي كريم هطلع اهو
طلعت ورد : متخافش انا كويسه ممكن بس عشان شربت قهوة وانا مش بحبها بس قولت اجرب عشان كدا رَجَعت
كريم : بلاش سفر
ورد : لا عشان خاطري ي كريم انا كويسه والله
كريم : نتي متعبه وعنيده وانا عارف بس لو تعبتي هناك هنرجع
ورد: وانا موافقه
كريم: طب نامي وارتاحي
كريم خدها ف حضنه وغطاها كويس و نامت ف حضنه
********
يوسف مش عارف ينام
طلع من اوضته وراح علي اوضه مريم بس هو ميعرفش انها باتت ف الفيلا
دخل الاوضه ومجرد ما قعد علي السرير نام
مريم كانت ف الحمام كانت بتغير هدومها
طلعت مريم من الحمام اتخضت لما شافته نايم بس مردتش تصحيه
قعدت جنبه علي الارض وبصت ف عينه
مريم : معقوله معرفتش تنام غير هنا .. معنتش عارفه انا عايزه ايه
نامت هي جنبه علي الارض  وسندت علي ايده من غير ما تحس
بعد ساعات
كريم صحي وقام من جنب ورد من غير ما يقلقها
راح علي اوضه يوسف يصحيه
كريم بيفتح الباب ولو اول مره باب اوضه يوسف يتفتح من غير ما يحتاج يتكسر
دخل كريم دور عليه ملقاش حد قفل الباب ونزل الجنينه
كريم : انا قولت انك هتنامي ف الجنينه....شروق شروق شرووووق
شروق: ايه ي  كريم  (what time is it)(كم الوقت)
كريم: الساعه بقت 3 مش ناويه تجهزي
شروق : خلاص هروح اهو
قامت شروق علي اوضتها وكريم عمال يدور علي يوسف
طلع تاني اوضته واتصدم: نتي لحقتي ...نتي صحيتي وجهزتي وعملتي ده كله أمته
ورد ضحكت: يلا عشان منتأخرش
كريم : الطف بعبادك يارب😒😂دي مجنونه
ورد : هروح اصحي مريم
ورد خبطت بس محدش فتح ف دخلت
ورد شافت مريم نايمه جنبه علي الارض  ويوسف نايم
ورد ف سرها: يارب تكوني عرفتي ليه مش عارفه تفكري ف حد ..عشان نتي مشغوله بالتفكير ف يوسف بس
طلعت من الاوضه وراحت اوضتها تاني
كريم : انا مش عارف الواد يوسف ده فين معقوله مش هيجي
ورد: لا هو موجود شوفته داخل اوضته من شويه
كريم : طب هروح اشوفه كان فين
ورد مسكته: لا استني رايح فين مش تقولي هتفطرني ايه انا جعانه
كريم : نجيب حاجه علي الطريق ي حبيبتي
ورد : كدا ماشي
كريم : خلاص متزعليش انا هنزل احضرلك حاجه سريعه علي ما ينزلوا
ورد: بحبك ي كيمو
كريم: بموت فيكي ي ملكه روحي
كريم باس رأسها ونزل
*************
ورد خدت فون كريم و رنت علي يوسف بحيث يصحي
***
يوسف سمع الرن طلع الفون وفصله فتح عينه وجاي يقوم لقي حد نايم علي ايده التانيه شغل كشاف الفون شاف مريم
يوسف بهدوء حط ايده علي رأسها يحاول يفوقها حجبها اتزحلق من علي شعرها الناعم لانها مكنتش مثبتاه هي حطته بعشوائيه لما شافته قبل ما تنام
يوسف حط ايده بهدوء علي شعرها  : قوليلي اعمل ايه تعبتيني بعنادك ي مريم ..اد ايه شعرك حلو زيك  انا مشفتش بنت اجمل منك بس برضه مفيش اعند منك
فاقت مريم من حركه ايده ..رفعت رأسها من علي ايده وبصتله : نت صحيت
يوسف حرك راسه:   ب ايوه
مريم : نمت كويس
يوسف : بقالي كتير منمتش مرتاح كدا
مريم : اشمعنا هنا
يوسف : معرفش بس مرتحتش غير هنا
مريم : كنت عارف اني هنا
يوسف: لا كنت عارف اني مش هعرف انام غير هنا
مريم : وبعدين معاك ..شويه حنين وشويه عصبي وشويه بتضيقيني انا مش عارفه أتصرف ازاي
يوسف : نمتي جنبي طول الليل علي الارض ليه
مريم : ليه بتتعصب لو حد غيرك اتكلم معايا
يوسف : ليه بتضيقي لما برقص مع غيرك
مريم: ليه بتتعصب لما تشوف عمر
يوسف : ليه بتزعلي لو عملت كدا مع غيرك
ورد خبطت علي الباب
مريم : مين
ورد : انا ورد افتحي عايزه اقولك علي حاجه
مريم بصت ليوسف وضحكت  : تقريبا نت وحشت الحمام بلاش تستحمي الله يكرمك
يوسف : طب هو نتي ممكن تسيبي ايدي عشان اقوم بس لو عايز تكملي تمم
مريم : اووف ابتدينا مخدتش بالي
يوسف : متقوليش اووف
مريم : مش وقته خناق ي أرخم مخلوق علي وش الارض
يوسف : مش هدخل الحمام هنط من البالكونه ٥ق وهتلاقي كريم ف اوضتي
مريم : نت حر...ثواني ي ورد
فتحت باب البلكونه
مريم واقفه اكنها مش فارق معاها وزي ما قالت هو حر
نط يوسف
مريم صوتت  : يووووووسف
يوسف : هشششش انا كويس ادخلي
**********
مريم فتحت لورد
مريم : ثواني هدخل الحمام اغير
مريم مستنتش رد ورد ودخلت بسرعه جهزت وطلعت
مريم : يلا ي ورد فاضل نص ساعه والباص هيجي لازم نبقي عند البيت
ورد : كل حاجه جاهزه يلا ننزل
*****
كلوا نزل ما عدا يوسف بيجهز حاجته وكريم بيجهز الفطار ل ورد
كريم بحب: احلي فطار لاحلى ورد
ورد: تسلم ايدك ي حبيبي تعالا نبقي ناكل علي ما يوسف ينزل ...شروق ..مريم تعالوا افطروا
شروق : نو حبييتي ..هاكل حاجه بسيطه ف الطريق
مريم: مش وقته ي ورد احنا كدا هتاخر معرفش بيعمل ايه ده كله
كريم : كلي نتي ي حبيبتي دول عيال وحشه سييك منهم
مريم : صبرني يارب
وبعد ١٠ق
مريم: كدا كتير
يوسف ببرود : يلا
مريم : ما لسا بدري والله
يوسف : هو نتي مش رحمه نفسك ليه فهميني
مريم : انا مش هرد عليك يلا بقا وبطل كلام  كتير احنا متأخرين
كريم : يلا يلا اطلعوا اركبوا العربيات هطلع انا ويوسف لجدو نطمن عليه
طلعوا هما ركبوا وطلع يوسف وكريم يطمنوا علي جدهم
كريم: جدو احنا ماشين عايز حاجه
الجد: لا يسيدي مع السلامه وخدوا بالكم من نفسكم
يوسف : مش عايز تيجي معانا
الجد: لا ي عبيط نت انا هستناكم تيجوا بسلامه..وبعدين كارما راجعه بليل وحنان المروشه دي  راجعه بكره الصبح
كريم ضحك: اعمل فيك ايه ي جدو
الجد : انزل يلا نت وهو من هنا ..نتوا ايه اللي مطلعكم
عندي ي زفت نت وهو يلا خدوا بالكم من نفسكم ومن البنات سلام واتطفوا النور ده يلا بسلامه
يوسف ابتسم : يلا ي كريم ٥ق وهنطرد من البيت كله
الاتنين: سلام ي جدو
********
نزلوا الاتنين وركبوا  العربيات ل بيت مريم  وهو مكان الباص
ورد ومريم مع كريم وشروق مع يوسف
بعد دقايق كانوا قدام بيت مريم
نزلت مريم من العربيه وطلعت تجيب حاجتها علي ما الباص يجي
نزلت بسرعه لما سمعت صوت الباص
مريم : اهلا انا الدكتوره مريم سليمان
المشرف : ايوه اسمك مكتوب ومحجوز ٤ كراسي
مريم خبط بايديها علي رأسها: ياربي نسيت احجز لشروق 
كريم : مفيش مشكله انا و ورد هنيجي وراكم بالعربيه
عمر نزل من الباص  : لا مفيش داعي انا كنت حاجز لمريم وهي كمان حجزت لنفسها ف في كرسي فاضي متقلقش
يوسف مسك اعصابه شويه ووقف قدام عمر وبصله جامد : ونت كنت حاجزلها ليه ان شاء الله مفكر انها هتطلع معاك
مريم بتبعد يوسف : يوسف ممكن تهدي اللي ف الباص دول زمايلي فكر ف شكلي شويه ..مفيش مشكله هو سألني اذا كنت هطلع ولا لا وانا قولت اه ف اكيد حجز
كريم خد يوسف بعيد: بطل جنانك ده بقا...ي بني افهم مفيش علاقه بتربطكم ببعض نهائي عشان تتدخل ف حياتها هي حره ومش كل شويه تعملها مشكله عشان زميلها او اي كان نت ملكش دعوه بيها نت سامع وياريت متنساش شروق وان احنا طالعين نغير جوا
يوسف : يلا عشان منتأخرش
طلعوا ..
ورد : عايزه اقعد جنب الشباك
كريم : طفله متجوز طفله ادخلي
ورد وكريم قعدوا جنب بعض قدامهم يوسف جنب شروق ومكنش في مكان لمريم غير جنب عمر
.......
طول الطريق يوسف مش مركز مع حد غير مع مريم وأنها قاعده جنب عمر ازاي
وشروق بتحاول تتقرب من اللي المفروض حبيب عمرها
كريم مش شاغل باله بحد غير بملكه روحه وحياته ورد
ورد تعبانه وحاسه بدوخه بس بتداري ده عشان ميرجعوش
مريم عارفه ان في عيون صقر مراقبها جنبها وبتحاول تتلاشي الكلام مع عمر حته  لو فتح كلام هو معاها
عمر بيحاول يرضيها ويكسب قلبها
*******
بعد ساعات وصلوا .....

#أحببتها عنيده
#إسراء ابراهيم

كل سنه وانتوا طيبين بمناسبه السنه الجديده ...ويارب تكون سنه سعيده علي الجميع...❤