احببتها عنيده

الفصل الحادي والعشرون💎

واول ما فتح باب الاوضه شاف ورد عماله ترقص وتتطنط وحاضنه شوكولاته في ايدها
كريم بضحك: هو الهبل اشتغل ولا ايه
ورد وجريت عليه : نت اللي جبتها صح
كريم بفخر: اكيد صح ..اظن كده ملكيش حجه صالحتك اهو مفيش خصام تاني وصدقيني كل حاجه هتتحل ي ورد
ورد : انا واثقه فيك ي كريم مش ناوي تثق فيا بقا
كريم : يوووه بقولك ايه انسي الكلام ف الموضوع ده بقا
ورد : ايه اللي مخليك مش راضي تثق فيا ايه اللي مانعك
كريم : امي او اللي المفروض انها ماما وكده اللي عملته ده كفيل يخليني اكره كل الستات بس ده محصلش وحصل اني معنتش بثق ف حد تقريبا
ورد : عملت ايه
كريم : دورت علي راجل واتجوزته ف بابا اتجوز وسابها والاتنين سافروا وبعتوا لجدو انهم مش هيقدروا يربوني ولازم هو يجي لانهم سيبني لوحدي محدش منهم فكر فيا اني لسه طفل صغير معرفش حاجه فجأه لقيت نفسي من غير اب وام وجدو لما كبرت شويه حكالي اللي حصل والرساله اللي ماما وببعتتها وبس كده..باباكان بيثق ف ماما جدا بس اخرتها ايه الثقه منفعتش ف حاجه واتخانقوا وأطلقوا  ..ودلوقتي انا معرفش عنهم اي حاجه غير ان بابا مبيحبش ولا هيحب اد الفلوس كل فتره يبعت جوابات وتهديدات ان نبعتله فلوس والا هيقتلني عشان يبقي هو وريث جدو وهو ميعرفش ان جدو كاتب كل حاجه بإسمي هو مفكر لما اموت فهو الوريث الوحيد هو وخليل بس للأسف هو اهبل بقا اما ماما ف سنين معرفش عنها اي حاجه الملخص موضوع الثقه ده صعب
ورد بحب : بس مش كل الناس امك ي كريم انا فهماك وحاسه بيكي بس طالما هنكمل سوا يبقي لازم منخبيش حاجه علي بعض المفروض نكون واحد

كريم بهدوء: وانا ايه يضمني انك متمشيش نتي لو طلبتي من جدو اني اطلقك حالا مش هرفض لان ده اتفقنا واحنا لسه مكملناش الست شهور اللي اتفقنا عليهم وانا وعدتك وجدو وعدك اش يعرفني انك مش هتمشي ليه ابني حاجات ممكن تحصل وممكن لا

ورد :مش همشي عمري ما همشي وبالنسبه لموضوع الطلاق ف فاضل كام شهر  ويخلص ده كله وتنسي الاتفاق ده
كريم بانفعال : انا مش هعرف اقولك حاجه كده افهميني
ورد : خلاص متقولش بس صدقني هتقول لوحدك وده اللي انا عايزاه لازم تثق فيا تثق ف مراتك ي كريم
كريم : انا بحاول ي ورد وده شئ صعب بعد اللي شوفته
ورد : وانا مش هضغط عليك ..يلا ننام
كريم بخبث: ننام!
ورد بابتسامه: قصدي يعني تقدر تنام علي السرير مش زي امبارح كده ويبقي بينا فاصل زي ما كنا بنام قبل كده
كريم بضحكه بسيطه: ماشي ي ستي بس نتي اللي طلبتي
ورد بكسوف: تصبح على خير ي كريم
كريم : ونتي من اهله
........
مريم: ممكن تبطل تردد الكلام ده بقا انا لا هسامح ولا هقبل اسف ويارب تكون فاهم ده كويس
يوسف بإصرار: مستحيل مش هبطل
مريم : خلاص نت حر سلام
يوسف : هوصلك
مريم : مفيش داعي
يوسف باستهزاء : مفكره نفسك باتمان ولا الرجل الحديدي
مريم ببرود : لا سوبر وامن ملكش فيه..ابعد عن وشي
يوسف : اركبي عربيتي وبطلي لماضه وعند اتفضلي
مريم : لا
يوسف : اخلصي
مريم فكرت شويه انه الوقت متأخر جدا هتروح مع مين ف وافقت
طول الطريق ساكتين لحد ما وصلت للبيت نزلت بسرعه ومدلتهوش فرصه للكلام طلعت واول ما دخلت فضلت تعيط و نامت من تعبها
اما يوسف ففضل نايم تحت ف العربيه ومرضاش يمشي
.....
كارما: ابعد عني ي زين
زين : ممكن تفهمي ولا لا
كارما بعصبيه: مش عايزه أفهم حاجه
زين بصدمه : خلاص نتي حره انا ماشي بس مريم تبقي اختي الصغيره سلام
كارما باستغراب: استني استني مريم اختك ازاي
زين ببرود: زي الناس اختي الصغيره فيها ايه
كارما : يعني مش بتحبها
زين باستغراب : لا طبعا بحبها ...لا بموت فيها ومعنديش اغلي منها بس ك أخت مفيش أخ مبيحبش اخته ويخاف عليها ويحميها
كارما بدموع: انا اسفه ي زين انا مكنتش اعرف وبغير عليك
زين: هششش خلاص محصلش حاجه ..بس بعد كده قبل ما تحكمي علي حاجه لازم تفهمي الأول العين كدابه مش اي حاجه هتشوفيها حقيقه افتكري الكلام ده علي طول ومتنسهوش
كارما بطاعه: حاضر
زين: يلا عشان اروحك
كارما : ماشي يلا
زين: علي فكرا قولت ل كريم اني عايز اتجوزك
كارمابفرحه: بجد .بجد ي زين انا بحبك اوووي
زين: وانا كمان بحب ي كارما... يلا نروح ؟
وصلوا البيت وكل واحد راح لاوضته ونام
.....
كل عيله البدري نامت بس ف ناس مش هيجلها نوم طول ما عيله البدري قادره تنام عادي
نهي : وبعدين هتعملوا ايه
مراد: معرفش بس انا قولتلك اهو كريم سابنا المره دي لهدف
عز : كريم مش سهل بس مش هو لوحده ..نهي
نهي : نعم
عز : نتي الخطه الجايه
نهي : ازاي
عز : هقولك
مراد : انا مش هسيبوا لا هو ولا يوسف
عز : الضربه الجايه قويه عليهم بس استني عليا
...........
طلعت شمس يوم جديد
كريم فتح عينه لقي ورد ف حضنه ولفه اديها علي وسطه ورافعه رجليها علي رجله
ورد بتفتح عنيها لسه : صباح الخير ي كر...
سكتت شويه لما لقت نفسها ف حضنه
ورد بعفويه: ده ازاي ..نت بتستغلني ي كريم علي فكرا و انا عارفه لاني نومي هادي
كريم بضحك: بصراحه نومك هادي جدا ..حته شوفي رجلك فين كده
ورد اتكسفت: احم احم انا قايمه اخد شاور
كريم بضحك وقام اتعدل : هبله بس زي القمر وهي مكسوفه
خلصت حمامها طلعت ملقتش كريم ف الاوضه ضحكت وراحت تزبط شعرها سرحت شويه ف ازاي اتقلب حالها كده من واحده عايشه لدراستها واخواتها لوحدها اتجوزت بطريقه غريبه وبعدين حبت الشخص ده بس في بينهم تحدي مين اللي هيخلي التاني يحبه الأول ف هتستني لحد ما يجي هو وكمان حاجات كتيره ف حياته وماضيه نفسها تعرفها بس لازم تخليه يثق فيها شويه عشان يعرفوا يكملوا
بس قطع سرحانها ده رساله علي فون كريم اللي نساه
راحت ورد مسكت الفون : أول مره ينساك
سابته ومردتش تفتح الرساله بس اتبعت رساله كمان ف الفضول خلاها تفتحهم
الرساله من رقم متسجل بنهي : كريم..وحشتنيني اووي موحشكش ليالي زمان
هنا ورد رجعت لورا وسندت علي الدولاب ونزلت قعدت علي الارض ضمت رجليها لصدرها وقعدت تعيط : اهو انا بس دلوقتي عرفت مين نهي ي كريم دي حبيبتك عرفت ليه كل شويه تفكرني بموضوع طلاقنا نت متجوزني غصب وانا زي الهبله افتكرت انك بتحبني...بس لا خليكي قويه ي ورد نتي لا بتحبيه ولا حاجه و لو فتح موضوع الطلاق اقبلي علي طول مينفعش تكوني مغصوبه علي حد نتي ليكي كرامه وكبرياء ي ورد سامعه وكملت ورد عياط وقلبها وجعها وعقلها بيسأل ي تري فعلا كريم محبهاش امال هي حبته ليه ها ليه .....
قامت ورد ولبست فستان شيك وجهزت نفسها وطلبت من الحرس ان عربيه تجهز حالا
شويه ونزلت
ورد بثقه: جدو انا رايحه مشوار ومش هتأخر
كريم بأستغراب: وهو نتي ماشيه كده من غير م تستأذني من اللي متجوزاه دي حته عيبه
ورد ببرود : قولت راحيه مشوار
كريم بنرفزه : مشوار ايه ده بقا اللي من وش الصبح
ورد بزعيق: يوووه هو في ايه هو انا في تحقيق م قولت خارجه هو انا ف سجن وبعدين انا حره هنا مش جاريه عشان استأذن قبل ما اخرج وادخل اظن انا مراتك وده بيتي ومن حقي اخرج وادخل براحتي وعشان ترتاح بقالي كتير منزلتش ولا خرجت هروح المول اللي جمب شركتك هعمل شوبنج وبعدين هروح لواحده صحبتي وبعدين هترجع تلاقيني في بيتك متخفش اووي كده ده اذا كنت خايف وكمان معايا الحرس بتوعك ولا نت مش واثق فيهم
كريم مسك اعصابه ومردش عليها وكان رايح ناحيه باب الفيلا عشان يمشي
ورد اتجننت من رده فعله ولا اكنهاضيقته حنه: نسيت تليفونك ي كريم بيه
كريم وقف وطلع يجيبه: اللهم طولك ي روح
ورد مشت وركبت وهي علي اخرها من تجاهله ده
كريم طلع يجيب الفون ومشفش الرسايل ولا حاجه خده ومشي
وصلت ورد علي المول بدأت تتدخل محلات كتير ف كانت هتدخل محل للملابس الحريمي: بعد اذنك استني هنا مينفعش تدخل واما اخلص اكيد هطلع مش ههرب يعني معرفش اصلا كريم محبكها كده ليه
الحارس: امرك ي فندم انا منتظر  هنا
ورد ببرود::تمم
دخلت ورد وبدأت تنقي حاجات وهناك سمعت بنت بتنادي علي حد يجي ف اوضه تغير اللبس
ف راحت ورد تشوفها فيها ايه
ورد : ي انسه كنتي بتنادي علي حد عايزه حاجه
البنت: ايوه معلش نسيت بقيت الطقم ده بره ممكن تجبيه
ورد بلطف: اكيد طبعا حاضر
جابت ورد اللي البنت طلبته وادتهولها
البنت : متشكره ممكن بس تفضلي واقفه هنا متميش مفيش حد معايا وبصراحه بخاف افضل لوحدي ف اي مكان كده وبعدين شكلك بتعملي شوبينج زيي ف اي رأيك نمشي مع بعض
ورد بحب: اكيد طبعا ي حبيبتي انا عند الكاشير مستنياكي وهنكمل سوا ولا يهمك
البنت : تمم ي حبيبتي
فعلا البنت خلصت وكملت مع ورد.لحد ما خلصوا وهما خارجين مروحين
البنت بوجه بشوش: تعالي نشرب سوا فنجان قهوه ف الكافيه ده بيعملوا قهوه ايه عمرك ما شربتي ولا هتشربي زيها
ورد ضحكت: والله الكلام معاكي حلو وماله نشرب قهوه
البنت : طيب يلا بس استني خليهم يخدوا الحاجات ويحطوها في العربيه ويستنوكي فيها اكيد مش هدخل الكافيه ببودي جارد يعني
ورد بابتسامه: بودي جارد!والله دمك خفيف طالعه منك حلوه اووي يلا بينا ي ستي من غير بودي وجارد
ورد : خد الحاجه بعد اذنك حطها ف العربيه واستناني هنا انا هروح الكافيه اللي جمب المول ده هنشرب قهوه هناك ونرجع وملوش داعي انك تيجي
الحارس: بس ي هانم كريم بيه قال
ورد : دلوقتي انا اللي بقول يبقي تسمع كلامي
الحارس: أمرك يا هانم
راحت ورد مع البنت بيضحوا جامد وقعدوا اتكلموا وجه وقت القهوه
ورد : أخيرا وصلت القهوه ده انا كنت فقدت الامل خلاص
البنت بضحك: طيب اشربي بقا
شربت ورد القهوه كلها: عندك حق هي حلوه بس انا عمري ما شربت احلي من قهوه مريم صحبتي قوليلي بقا اسمك ايه
البنت : ....
ورد : وانا ورد مع ان اسمك مبحبوش بس نتي قمر خالص
البنت: تسلمي..يلا نقوم بقا اتأخرنا
ورد كانت  بتحاول تقوم : ايوه ..صح ...معاكي ..حق
البنت وهي بتسندها : مالك ي ورد ف ايه
ورد بتقل: معرفش داخيه اووي حاسه هيغمي عليا
البنت: طيب تعالي علي الحمام تشطفي وشك تفوقي
ومجرد م دخلت الحمام وقعت ورد علي الارض وفجاه طلع شابين كتموا نفس البنت ببنج وشالوا ورد وطلعوا من الباب الوراني للكافيه
.......
كريم في الشركه عمال يزعق ويشخط ف اي حد قدامه
كريم بزعيق : كل ده عشان يوسف مش موجود ...ي ربي انا معنتش فاهم حاجه احنا لسه كنا كويسين مجرد دقايق ولقيت واحده بتتخانق وبتعلي صوتها وبطالب بحقوق المرأة..اما اطلبها اشوفها فين ..لا واطلبها ليه انا ناقص انا هطلب الحارس
وهنا فتح فونه وشاف الرساله وفهم ان كل اللي حصل الصبح بسبب الرساله دي
كريم غمض عينه وخد نفس وبدأ يهدي نفسه ويبدأ يفكر فى حل للمشكله الجديده
رن علي ورد مش بترد رن علي الحارس
كريم بعصبيه: ورد هانم فين مش بترد ليه
الحارس بخوف: الهانم مش معايا دخلت الكافيه اللي جمب المول من ساعه ولسه مطلعتش وأمرتني اني مدخلش هي مع واحده اتعرفت عليها ف المول
كريم واتنفض من مكانه: انت اتجننت ازاي تسيبها ي غبي بسرعه تتدخل وتخليها ترد بسرعه انا معاك مش هقفل
الحارس بخوف شديد: حاضر ي فندم انا داخل اهو
بعد دقايق
الحارس برعب: كريم بيه..ورد هانم
كريم قلبه وجعه لثواني وعقله اتشل عن التفكير لما سمع اسمها: مالها ورد
الحارس: مش موجوده ف المكان بس شنطتها وحاجتها هي وصاحبتها موجوده زي م هي
كريم وبدأ يتحرك وينزل بسرعه جنونيه عشان يوصل للكافيه : الحمام شوف الحمام ولو في باب خلفي ولا لا وشوف الكاميرات بسرعه وانا جايلك اتحرك
الحارس: حاضر
وف ثواني كان كريم ف الكافيه دخوله خلي الكل بترعب كريم البدري بيعمل ايه ف مكان هادي زي ده كريم ليه هيبه تخوف اي حد دخل بسرعه للحارس
الحارس: انا هحكي لحضرتك كل حاجه ....................
كريم بزعيق: لو جرالها حاجه هقتلك دي غلطتك ازاي تسيبها تروح مكان لوحدها ...كلملي عصام بسرعه(رئيس الحرس ومع كريم من يوم م بدأ شغل)وخلي عصام يجبلي يوسف من اي مكان بسرعه وزين كمان شوفهم فين
........
مريم نازله رايحه تجيب حاجات شافت عربيه يوسف ف قلقت
راحت ناحيتها وخبطت علي الازاز: يوسف ..يوسف
يوسف فاق وطلع من العربيه وهو بيدعك ف عينه: نعم
مريم بابتسامه: بتعمل ايه هنا نت منمتش صح وبعدين بتعمل ايه هنا لحد دلوقتي نت هنا من امبارح نت فعلا عقلك مش موجود
يوسف : انا اسف
مريم : نت مش طبيعي ومجنون...تعالا افطر ..لا تفطر اي تعالا اتغدا
يوسف : هتسامحيني
مريم: انا غلطانه خليك واقف كده بقا
يوسف برجاء: لا لا ده انا هموت من الوجع
مريم بابتسامه: طيب تعالا اطلع انا مجهزه اكل
طلعوا فوق ومريم قدمت الاكل وكلوا
مريم: تشرب ايه
يوسف : اي حاجه من ايدك ي دكتوره حلوه
مريم بابتسامه: خلاص ي بشمهندس تشرب قهوه انا قهوتي مفيش حد يعرف يعمل زيها
دخلت عملت القهوه وقدمتهاله
يوسف شرب وفعلا عمره ما داق قهوه طعمها حلو كده
يوسف : تسلم ايدك
قاطعهم حد بيخبط علي الباب جامد
يوسف وقف: في أيه مين اللي بيخبط كده
مريم : معرفش
يوسف: طب خليكي هفتح انا
فتح الباب وهنا دخل مراد بعصبيه وغرور
مراد : نتي مفكره انك لما تخلي كريم يدفع الفلوس اني هسيبك لا ي حبيبتي انا هتجوزك غصب او برضاكي هتجوزك وانسي موضوع السفر ده
هنا قعد يوسف وحط رجل علي رجل وبصله باستخاف وابتسامه: وبعدين...
مراد: نتي مين اصلًا عشان تسأل دي خطبيتي وهنتجوز
مريم : خطيبتك ف عينك
مراد مسك دراعها: وهتبقي مراتي كمان
يوسف قام ورفع ايده ولفها حولين رقبته وخنقه: تؤ تؤ كده مش صح خالص متلمسش حاجه بتاعت غيرك ي سكر وبعدين نت مش بتحرم هو انا مش كنت هقتلك م ترحم نفسك وعايزك تفتكر الكلمه دي علي طول مريم نو
وسابه ولف يوسف لمريم واداله ضهره بس مراد كان تقريبا عايز ياخد علقه محترمه
رجع مراد من وراه وحاول يضربه
بس يوسف أسرع واقوي و محترف ف ثواني كان صد الضربه ووقع مراد بحركه واحده وفضل يضربه ب البوكس لحد ما كان هيفقد وعيه
مريم : كفايا ي يوسف كده
سابه يوسف وبعدها قام مراد وانسحب وكل مشاعر الانتقام جواه
قفل يوسف الباب ولسه هيمشي جه حد يخبط بنفس القوه
يوسف : دي باين عليها ليله مش معديه
فتح الباب وهنا شاف عصام
يوسف بخضه: ف ايه
عصام: كريم بيه
يوسف اترعب علي كريم : ماله كريم
حكاله عصام علي اللي حصل
يوسف لمريم : مريم انا لازم امشي ونتي تروحي للفيلا عند جدو مع عصام هيوصلك ويجيلي
مريم بدموع: ورد هترجع
يوسف بحب: هترجع بس نتي اسمعي كلامي
مريم : حاضر يلا انا جاهزه طب وزين فين
عصام: زين بيه مع كريم بيه ف الكافيه
مريم : ماشي
يوسف : يلا بينا
وصلوا مريم وراحوا للكافيه
يوسف : احكيلي اللي حصل وفين كاميرات المراقبة تجهز
كريم : جيت!
يوسف : عشان ورد جيت وعشان مريم وبس
كريم : وبس
يوسف : وعشانك ارتحت

#إسراء ابراهيم
#أحببتها عنيده