احببتها عنيده

الفصل الثامن والثلاثون 💎

عمر خد مريم وطلعوا
الجد : بقالنا كتير متجمعناش..
حنان : ربنا يلم شملكم يارب
كريم: يارب ي خالتو
كريم ابتسم  وندي علي عفاف: دادا عفاف
عفاف جت بسرعه: خلي عصام يدخل
عفاف : من عنيا
عفاف طلعت ندهت علي عصام
عصام دخل بسرعه وهو خايف : امرك ي كريم بيه ..انا غيرت طقم الحرس  زي ما حضرتك قولت
كريم ابتسم  : تعالا اقعد معانا ...ونتي كمان ي دادا واندهي علي عم عبده الجنايني..نتوا جزء من عيلتنا
كلهم فرحوا بكلامه وفعلا اتنفذ اللي طلبه كريم
كانوا قاعدين يهزروا ويضحكوا واخيرا الهدوء دخل العيله من شهور
___________________
في الكافيه عند عمر ومريم
عمر اتكلم بحنيه: مريم انا اسف علي اللي حصل الصبح اعذريني..مكنتش اعرف اللي نتي عملتيه وفعلا انا فخور بيكي ..انا كلمت  زين وقالي اننا نعمل الخطوبه علي الضيق كدا عشان كريم واللي حصل  وقال نعملها بعد بكرا عشان اجازته اي رأيك
مريم كانت مبسوطه انه بياخد رأيها ودي حاجه حلوه انه يشاركها اي حاجه ف حياتهم حته لو اتفق مع أخوها: ماشي ي عمر اللي يشوفه زين يتعمل
عمر اتبسطت: خلاص يبقي بعد بكرا خطوبتنا رسمي الف مبروك ي حبيبتي
مريم ابتسمت: الله يبارك فيك 🤍
عمر: هتروحي الصبح ل كريم
مريم:اه ان شاء الله
عمر : خلاص هوديكي وهستني لما تخلصي واهو بالمره اتعرف عليهم عايز اتعرف عليهم كلهم كريم وجده وخاله كريم حنان و كارما وشروق لازم اتعرف عليهم
سكت شويه وبعدين كمل و يوسف
مريم كانت رافعه القهوه بتاعتها وبتشرب لما سمعت اسم يوسف نزلتها
مريم بصت الناحيه التانيه وبعدين بصتله شبكت ايديها ف بعض واتكلمت بجديه: بص ي عمر..نت تقدر تتعرف علي اللي نت عايزه ف العيله مش هقولك لا حقك دول عيلتي فعلا بس كله الا يوسف ..احسن ليك وليا ابعد عنه متحاولش تدخل معاه ف نقاش او حته هزار ابعد عنه وملقش دعوه بيه نهائي تلاشي وجوده لو بتحبني
عمر ملامح الغضب ظهرت علي وشه : مش فاهم اشمعنى يوسف يعني
مريم غمضت عنيها واتنهدت: اعتبره من غير سبب لا انا بقبله ولا هو بيقبلني مش بنطيق بعض وعلي طول خناق ناقر ونقير ف زي ما انا خدت قرار اني اتلاشي وجوده لازم نتي كمان تعمل كدا انا معنتش متحمله مشاكل تاني ...ده طلبي الوحيد منك ابعد عن يوسف
عمر مش مقتنع ان ده السبب : طيب ي مريم
مريم : تمم ..يلا بقا نمشي ولا اي حاسه ان الكلام خدنا واتأخرت
عمر : ايوه يلا عشان اوصلك
عمر دفع الحساب وقاموا مشيوا
بعد شويه من السكوت وهما ماشين
مريم : عمر  اوقف البيت عدي
عمر داس علي الفرامل بسرعه : معلش سرحت شويه
مريم : خلاص مش لازم ترجع ده هما بيتين
عمر نزل ونزل الشنطه : لا انزلي يلا وانا هطلعلك الشنطه لفوق
مريم هزت رأسها انه ماشي
وطلع وهي وراه
عمر : يلا ادخلي هشوفك الصبح
مريم : ماشي هستناك ...تصبح على خير
عمر : ونتي من اهل الخير ي دنيتي
مريم ضحكت وفتحت الباب ودخلت و هو نزل ركب عربيته وروح علي بيته
اول ما دخل شاف مامته مستنياه
مامته وفاء : أي ي حبيبي اتأخرت كدا ليه قلقتني عليك
عمر : اسف ي ست الكل والله حقك عليا بس خلاص انا لقيت الانسانه اللي بحلم بيها فاكره البنت اللي كلمتك عنها قبل ما اطلع المعسكر عرضت عليها الجواز  و وافقت انا مبسوط اووي وقررنا أن خطوبتنا بعد بكرا انا اتفقت علي كل حاجه ي ست الكل زي ما قولتليلي مش محتاجه تروحي ف حته خليكي مرتاحه ..حته يوم الخطوبه انا هصورلك كل حاجه صوت وصوره وهتظهر عندك علي الشاشه انا عايزه متعمليش اي حاجه ولا تتحركي
وفاء : علي خيره الله الف مبروك ي بني وربنا يجعلها زوجه الدنيا والاخره
عمر : الله يخليكي ي امي يلا عشان تنامي نتي منمتيش من ساعه ما كلنا يلا
عمر سحب الكرسي المتحرك اللي مامته قاعده عليه ودخلها الاوضه و شالها حتها علي السرير وباس ايديها وقفل النور ودخل اوضته يحلم باليوم اللي هتعيش معاه مريم حبيبته.
************
ف فيلا البدري
زين : طب انا هستأذن انا ي جماعه وهبقي اجي اشوفك بكرا ي كارما واطمن علي كريم
كارما : ماشي ي قلبي هستناك
كريم : معلش ي زين قول للعقيد حسام يجيلي ضروري لان مستحيل ورد تخليني اطلع وانا عايزه ف حاجه مهمه
زين : اول ما انزل مقر القياده هقوله علي طول بكرا
ورد: كريم يلا يا حبيبي عشان ترتاح
كريم كان مبسوط بالقعده مع عيلته: شويه كدا ي ورد
عفاف : ايوه والنبي ي ورد ي بنتي بقالنا كتير مفرحناش
الجد : بس ي وليه ي خرفانه نتي الواد تعبان نتي مش شايفه ي وليه نتي
يوسف ضحك  : انا نفسي تبطلوا خناق طول النهار..نت عارف ي كريم لو قعدت طول النهار زي ما هتقعد كدا هتفضل تضحك من هنا لبكرا بسبب جده  ودادا عفاف ..طول النهار يقولها ي وليه ي خرفانه
كريم ضحك جامد لحد ما كح
ورد: لا ي كريم كفايا كدا لازم تنام بقا
كريم هز كتفه: انا عارف انك عنيده وهتفضلي تزني يلا ي ستي نتطلع
قاموا هما الاتنين و ورد ماسكه دراعه
كريم : يلا ي جماعه تصبحوا علي خير
شروق كانت مبسوطه: كريم..بما انتا كلنا متجمعين يوسف عايز يعرفكم خبر كدا
كريم بص ليوسف واستني يتكلم ؟؟؟
يوسف  فهم : انا ي جماعه انا و شروق قررنا نتجوز علي طول اول ما كريم يبقي كويس
الكل بارك ليوسف ماعدا كريم  و ورد اللي فضلوا واقفين ساكتين
كريم قطع السكوت ده : مبروك ي شروق  ومتكلمش مع يوسف 
ورد: طب ي جدو احنا هنتطلع احنا
عم عبده طول القعده مش بيتكلم ومندهش بس اول ما اتحرك كريم بس مكنش لسا طلع اتكلم
عم عبده : سبحان مغير الأحوال بقا ده كريم البدري بيضحك وبيهزر وبيسهر..دي حاجه متدخلش العقل ابدا يكونش ده الهدوء ما قبل العاصفة...ده كان بيدخل الجنينه كنت ببقي هموت من خوفي و حاسس ان آخرتي علي ايده ولحد حالا لسا نفس الخوف عندي معقوله ده كريم بيه بيتكلم بهدوء
كريم وقف يسمع الكلام   ولما خلص لف ظهره واتكلم بضحك: متعودتش علي كدا ي عم عبدو ده بس يوم إفراج كدا بما ان كارما كويس وانا كويس قولت اعمل معاكم واجب من بكرا كل حاجه هترجع تاني والخصم هيرجع تاني  ف ألحق اتبسطت
ولف تاني وكمل طلوع علي السلم
الجد شاور علي كريم وعمل نفسه من بنها  : سمعت قال اي انا مليش دعوه مش هلحق حد فيكم لو اتخصمله حاجه زي كل مره نتوا حرين ولا اعرفكم
يوسف ضحك  : جدو خلع منكم
الجد : اعمل فيك اي ي واد نت ده نت حته مش اصغر أحفادي عشان تبقي مشاغب كدا قوم ي ولد نام قوم جتك القرف
يوسف: معاك حق انا طالع انام تصبحوا على خير ي شباب
شروق : وانا كمان طالعه 
كارما : وانا كمان طالعه يلا ي جدو عشان اطلعك معايا
الجد : ماشي ي حبيبه قلب جدو
كلهم طلعوا وناموا عشان يستعدوا ليوم جديد 🤍
*******
الشمس طلعت نورت
ورد : قوم ي حبيبي يلا عشان تأكل وتاخد الدوا
ورد قعدت تلعب ف شعره شويه لحد ما صحي
كريم بيفتح عينه بصعوبه: مفيش ف الدنيا احلي من اني اصحي اشوفك قدامي كدا ده بالدنيا وما فيها
ورد: علي فكرا انا بتكسف من كلامك ده
كريم ضحك : ومين قالك اني مش عارف ده خدودك بقت عامله زي الطماطم
ورد اتكلمت برقه : يوووه ي كريم بقا
كريم : تعرفي ان اسمك حلو ومميز اووي عمري ما قابلت بنت اسمها ورد ونتي بصراحه اسم علي مسمي
ورد : عارفه ان اسمي حلو بابا الله يرحمه كان دايما يقولي ان نتي فعلا ورده فيكي كل الصفات اللي تخليكي اسم علي مسمي كنت بحبه اووي كان سندي ف الدنيا
ورد فضلت تحكيله شويه عن حياتها القديمه  والماضي بتاعها وازاي عاشت مع زين ومريم
ورد : ونت ي كريم مش ناوي تحكيلي عن حياتك بقا ..نت متخيل انك واحده  متعرفش حاجه عن اللي متجوزاه ..لازم تثق فيا ي كريم انا كل يوم بكتشف فيك حاجه جديده ..المفروض اني عرفاها مكنتش اعرف انك المقدم اللي زين بيدور عليه مكنتش اعرف حكايه نهي وكنا ممكن نسيب بعض مكنتش اعرف ان يوسف ابن عمك مش صاحبك معرفش ليه باباك عمل كدا وليه بيكرهك ونت بتكرهوا معرفش حاجه عن مامتك او عن طفولتك ليه مراد وعز اعدائك احكيلي طالما قررنا نكمل حياتنا سوا
كريم قام اتعدل : هحكيلك ي ورد هحكيلك
مريم كانت وصلت وبتخبط: ورد  كريم اي حد ي بشر  يرد عليا
ورد : ايوه ي مريم جايه اهو
فتحتلها
مريم: صباح الخير ي حجه اي نموسيتك كحلي الساعه ٩
ورد : ما تبطلي ي بت احنا لسا علي الصبح
مريم : طب علي العموم كلهم مستنينكم تحت علي الفطار بس هغير علي الجرح الأول علي الله يطمر
كريم بهزار : هو نتوا كلكم كدا لسانكم متبري منكم
ورد رفعت حاجبها : كلكم مين انا من ضمن كلكم دي
كريم : لا طبعا انا بقول عليها وعلي زين نتي الفلته اللي فيهم بعيد عن اول جوازنا كنتي أسوأ
مريم : هنقعد ندلع ونسيب الجرح بقا
مريم قعدت وجابت الحاجه قدامها: استعني علي الشقي بالله
كريم : أي نتي هتموتيني ولا ايه
مريم : لا بس لو فكرت تزعل ورد اه ممكن افكر
ورد : اوختشي حبييتي
كريم : اوختشي حبييتي ..طب وجوزك  اي
ورد بهزار : اوختشي حبييتي برده
كريم : لا والله
مريم فكت اللزق
مريم : أي ده ي كريم نت مخدتش الكبسولات اللي بتساعد الجرح يلم
ورد اتخصدت: لا انا اديته كل الكبسولات
مريم : لا هو مخدهاش الجرح شكله اكني لسا مخيطاه حالا
كريم : ايوه وبعدين مانا خدت كل حاجه
مريم : ورد هاتيلي الادويه كدا
مريم شافتها: الدوا مش موجود اصلا
ورد : طب ثواني هبعت حد يجيبه بس ازاي ده اديت الورقه ليوسف يجيب الحاجه
كريم : يوسف مجبش حاجه ده طلب الادويه وهي جت اكيد نسي عادي يعني دلوقتي عصام يجييه واخده
مريم كملت تغير علي الجرح وطهرته كويس
مريم: انا خلصت ..ياريت تهتم بالأدوية وراجعيها نتي ي ورد ....اه بالمناسبه ي ورد الكليه منزله إعلان عن مسابقه تخلصيه ف الاجازه بما انها اخر سنه ليكي هتعملي مشروع هندسي عن التخصص اللي نتي فيه وتقدميه اول ما ندخل الدراسه...اعتقد انها فرصه حلوه ليكي هتشتغلي بعدها علي طول معرفش التفاصيل اووي بس واحده من صحابي ف كليه الهندسه وكانت بتقول
ورد: خلاص ماشي انا هبقي اشوف واقولك
مريم : انا هنزل انا بقا عندي معاد مع دكتور هشام وبعدين اجيب فستان الخطوبه زين قرر انها بكرا
ورد زعلت جواها ومردتش
مريم: متضايقيش نتي لازم تفضلي مع كريم ومتقلقش انا مش زعلانه ومش هتأخر وممكن اخلي شروق تنزل معايا
ورد بصت مستغربه : نتي عارفه ان شروق ويوسف هيتجوزا
مريم ابتسمت: اه عارفه اي المشكله ...شروق بنت طيبه اووي وجميلة وربنا يوفقهم..يلا انا هنزل بقا عشان ألحق عايزه حاجه
ورد : سلامتك
مريم خرجت من الاوضه وخدت نفس وطلعته بصعوبه ونزلت

#إسراء ابراهيم
#احببتها عنيده