احببتها عنيده

(الفصل الثاني عشر _ الجزء التاني)💎

في شركة البدري
كريم : دينا ابعتي الفكس ده ل مكتب مستر حسن وقوليله اني عايزه
دينا: تمام ي مستر كريم
كريم : الو ايوه ي يوسف اجهز اظن الراجل البايع هيعمل المزاد انهارده حسن قالي متقلقش يلا نص ساعه وتكون هناك سلام
يوسف : سلام
حسن : نعم ي كريم
كريم : يلا هنروح نخلص صفقه الارض الجديده دي
حسن : دلوقتي
كريم : ايوه يلا وقبل ما نروح هعدي علي المستشفي اشوف عمر
حسن : طب يلا
كريم واقف قدام الشركه: خليكم خليكم مش لازم تيجوا كلكم
حسن : بس دول الحرس الشخصين بتوعك
كريم بجديه : انا مش رايح احارب كفايا عربيه اخد عربيتن حرس ليه يعني يلا ي حسن  مش وقته
حسن : ماشي اللي تشوفه
كريم: العربيه الحرس التانيه تروح البيت مش محتاجها
الحرس : تمام ي فندم
__________________________
ف الباص بتاع ركان
ركان: مس هو فاضل اد اي ونوصل
المس: شويه كدا ي ركان نت زهقت ولا اي قوم ارقص وغني مع صحابك
ركان : لا لا مبحش انا الحاجات دي يعني قصدي  متعودتش
المس ابتسمت: خلاص ي حبيبي براحتك
ركان لنفسه : ياريت بابا وماما واخواتي كانوا معايا
___________________________
في المستشفي
كريم : انا المقدم كريم البدري
العساكر اللي واقفه علي الباب أدت التحيه العسكريه : اتفضل ي فندم  
كريم دخل لعمر وقعد قدامه: ها عامل اي دلوقتي
عمر بهدوء: الحمد لله بخير
كريم : أي اللي خلاك تهرب
عمر : غصب عني كنت خايف من سالم عارف انه مش هيسبني ف قولت هخرج برا البلد لحد ما تقبوضوا عليه
بس مريم اقنعتني وكنت هكلم سياده الرائد زياد بس ملحقتش سالم الكلب ده طلعلنا
كريم بص حاوليه وبصله: ونت شايف ان خروجك كان حل آخرته مستشفي ولو مكنش عرف ان نت ابنه مكنش سابك
عمر استغرب: ابنه أي دي مريم قالت كدا بس عشان يمشي
كريم سكت شويه وخد نفس: لا ي عمر انت ابنه للاسف ولدتك اللي قالت كدا و....
عمر : كمل
كريم بجديه : لا كفايا كدا مش وقته تعرف الباقي بس لازم تعرف اني مش هسيبك وهحميك متقلقش وهجيب سالم 
عمر : وانا واثق فيك
كريم : انا مضطر امشي بس هجيلك تاني ان شاء الله
عمر : وانا هستناك ..كريم هي مريم فين
كريم وقف وبصله: عمر حاول تبطل ف مريم الفتره دي وده عشان نفسك مش عشان حد لأنك هتتعب وعلي العموم هي مش هتنزل شغل انهارده ممكن تيجي بكرا
عمر بحزن: تمام
كريم خرج وادي التعليمات للعساكر اللي علي اوضه عمر  ومشي
حسن : خلصت
كريم: اه يلا
__________________
ورد : بس بقا ي جوري مالك ي حبييتي بطلي عياط
مريم جت علي الصوت: سبحان الله ريناد نايمه ومش صاحيه تجاملها ف العياط مثلا
ورد بزهق: والله زهقت مش مبطله عياط اكلتها وغيرتلها ومعرفش مالها
مريم : طب هاتيها اشيلها شويه 
مريم خدتها : بت ي ورد  البت دافيه ..ممكن تكون تعبانه
ورد : دافيه ازاي وريني كدا ....اه دافيه ازاي مخدتش بالي ..طب هنزل اجيب الأدوية بتاعتها من تحت خليكي معاها
مريم : ماشي انزلي
ورد نزلت تجيب الدوا
مريم وبترفع جوري : خلاص خلاص ي روحي ماما نزلت تجيب الدوا اهو
تلفون ورد رن
مريم خدته : رقم غريب وده مين
مريم ردت: الو ...الو ..اي العبط ده طالما بترن يبقي ترد وطالما مش هترد يبقي مشفش رقمك علي الفون ده تاني نت سامع والا هتبقي سنتك سوده
ورد جت : بتزعقي لمين ..
مريم : لا ده حيوان بيرن ومش بيرد متشغليش بالك اديها الدوا بس
جوري خدت الدوا ومريم فضلت تحاول تنيمها لحد ما نامت
ورد : الحمد لله انها نامت يلا ننزل عشان متصحاش
مريم : ايوه يلا و ريناد كمان بتاكل رز مع الملايكه
نزلوا الاتنين...
شروق : علي ما افتكرتوا اننا هنا
كارما ضحكت: لا ونتي الصادقه ده هما ما افتكروش دول نازلين صدفه
مريم ابتسمت  : مالكم في اي عاملين شبه الستات اللي بيقعدوا ينموا علي الناس ف الشارع
قعدوا مع بعض شويه
ورد: عملتي اي امبارح ف الخروجه ي كارما
كارما: كنت مبسوطه اووي حسيت اني رجعت صغيره ١٠ سنين فاتوا 
ورد : ربنا يخليكم لبعض يارب
شروق : نتي عارفه ي بت ي ورد نتي غريبه اووي وفي حاجه غريبه يعني عندك طله تخطف اي حد من جمالك ونفس الوقت سعات هاديه وبحس انك ملاك نازل من السما وسعات بحس انك مشاغبه وعنيده ومش هشوف اعند منك ف الدنيا بس نتي عملتي اللي محدش عرف يعمله ويعتبر اكبر إنجاز ليكي خطفتي قلب كريم و خلتيه يتغير و خلتيه يعترف بحبه ليكي مع ان ده من أصعب ويعتبر أمر مستحيل كان يحصل نتي عملتي كدا ازاي
ورد ضحكت واتكسفت: معملتش حاجه والله
كارما : ربنا يحميهم العلاقه اللي بين ورد وكريم تحسيها كدا روميو وجوليت بيحبوا بعض بطريقه جنونيه وعدوا مع بعض مشاكل كتير اووي اتمني اني ابقي انا وزين كدا ف يوم من الأيام
شروق ضحكت: اما بقا في هنا ثنائي تاني اتعذبوا ولسا بيتعذبوا ف قصتهم يوسف ومريم
مريم : نتوا هتشتغلولي بقا اقعدوا ساكتين لا الا هقوم والله انا مش ناقصه
ورد : خلاص خلاص اقعدي
كارما : انا طالعه الدور التالت
ورد اتخضدت: ليه... ليه طالعه
كارما: ولا حاجه  هشوف اوضه الكراكيب دي كنت حاطه فيها صور للعيله
ورد : لا مهو ..مهو ..
كارما : مهو اي ف اي ي بنتي
مريم : مامتك فوق
كارما برقت:...........
__________________________
في الباص
المس : يلا ي ولاد انزلوا
ركان نزل هو وأصحابه
المس هندخل الملاهي محدش يمشي من غير ما يقولي
ركان وأصحابه: حاضر
وبعد ساعات من اللعب والتنطيط
المس : يلا ي ولاد اركبوا الباص تاني هنروح نتغدا كفايا كدا
ركان : ايوه والنبي ي مس انا تعبت اساسا
المس بحنيه : لا ي حبيبي خلاص يلا بينا
ركبوا واتحركوا
السواق: ي استاذه
المس : نعم في حاجه
السواق: في حاجه غلط ف الباص البنزين بيخلص تقريبا الخزان بيسرب لازم نقف
المس : تمم اقف طبعا
وقف السواق علي جمب ونزل والمس نزلت
المس: ها لقيت فعلا الخزان بيسرب
مراد  جه من وراها مغطي وشه ورافع سلاح ومعاه رجاله : من غير ولا حركه زي الشاطره هتطلعي فوق ومسمعش صوتك
المس مرعوبه: نت نت مش خايف من الناس اللي حاولينا
مراد زعق : بقولك اطلعي نت والسواق ده فوق
الاتنين طلعوا
مراد ل واحد من رجالته: ظبط الخزان واطلع سوق الباص ده مكان ما قولتلك يلا
الاطفال فوق خايفين وبيعيطوا
ركان مش خايف بس خاف علي صحابه ف قرر يعمل حاجه طلع تلفونه و رن علي كريم من غير ما حد ياخد باله
_________________________
كريم دخل المزاد ومعاه يوسف وحسن
وشويه و عز المغربي دخل
البايع : هنبدا المزاد ب ١٠ مليون
عز : ١١
البايع: ١١ مليون عز بيه
كريم : ١٥ مليون
البايع: ١٥ مليون كريم بيه مين يزود
يوسف : نت بتزود جامد كدا ليه واحده واحده الارض دي لو جابت ٢٠ مليون يبقي بندفع ضعفها وبنخسر فيها ايوه الارض حلوه و وتستاهل١٥ مليون بس اكتر من كدا يبقي احنا اللي خسرنا
كريم : ممكن تهدي انا عارف بعمل اي 
عز : ١٦
كريم : ٢٠
البايع اتفأجاه: نت متأكد
كريم : طبعا هو انا بلعب
عز بعصبيه : ٢١ مليون
كريم فونه رن : ركان بيرن ليه دلوقتي ..معلش ي يوسف افضل زود مليون قصاده علي ما ارد
يوسف ومش مقتنع : نت مجنون ٢٢
كريم : ايوه ي ركان
ركان بصوت هادي : بابا  ف ناس جم عايزين يخطفوا الباص واصحابي
كريم : بتقول اي مين دول تعرفهم
ركان : لا ي بابا بس اصحابي بيعيطوا انا مش خايف بس خايف ل يقتلوا صحابي
كريم بخوف : ركان اسمعني الفون اللي في ايدك ده هتعملها صامت خالص بحيث ميعملش صوت نهائي وهتسيبه مفتوح اوعي تقفله فاهم وهتحطه ف الكوتشي لانهم اكيد هيفتشوكم طالما حراميه  وانا هاجيلك متخافش ي حبيبي تمام
ركان: حاضر  ي بابا
كريم قفل معاه ودخل ليوسف : يوسف
يوسف: في اي
كريم لسا هيتكلم بص بعز اللي بصله بنظره شماته وضحك بخبث ي تري هيقف ياخد الارض ولا هيلحق  ابنه : لو طلع اللي ف دماغي صح هقتله
يوسف : فهمني ف اي
عز : ٢٥ مليون
كريم بصوت قوي وصمود : ٥٠مليون
الكل اتصدم وعم السكوت علي الكل الموضوع مبقاش ارض تساوي كام الموضوع بقا مين اللي هيقدر يعمل اللي هو عايزه
عز معهوش اللي يعيشه كويس لو دفع مبلغ زي ده : ٥١ مليون
كريم ضحك وبصله من فوق لتحت : مبروك عليك الارض
كريم بنظره انتصار : يلا ي يوسف ونت ي حسن ورانا شغل سلام ي عز بيه
طلعوا التلاته ركبوا عربياتهم
كريم : حسن نت روح علي الشركه وتستني جان مارك هو هيجيلك والساعه ٨ يكون ف الفيلا ويوسف جاي معايا وخلي عربيه الحرس معايا انا وقول لعصام يحصلني علي الموقع اللي هبعتهوله
حسن : حاضر
يوسف بضحكه سخريه : حقيقي انا مشفتش حد شرير زيك   ......نت عارف كويس ان ارض بالسعر ده خساره لصاحبها حته لو تحتها دهب يعني ...عشان كدا سألت علي رصيد عز المغربي بس احنا معرفناش معاه كام ازاي ضربت رقم زي ده مش ممكن كان هو اللي يسيب الارض وساعتها هنكون احنا اللي خسرنا 
كريم بصله : ولا هتشوف.....عارف ان الارض متستحقش اكتر من ١٠ ل ١٥ بالكتير ولكن كنت لازم اذله شويه ..وكمان انا كنت ضابط مخابرات لفتره مش هينه هو كان بيزود بقلب جامد من تعابير وشه ولما سمع انه جالي تلفون كان واثق اني هسيب المزاد وامشي متوقعش اني اعمل كدا وقبل ما يقول ال ٥١ فكر كتير وده اللي اكدلي اني لو زودت بعده هو مش هيزود وانا اللي هلبسها ف عشان كدا نهيت علي كدا وهتشوف علي بليل اي اللي هيحصل الارض دي بتاعتي وهتتكتب بإسمي وهتعرف ازاي ...
يوسف فتح بوقه شويه وبرق: يخربيتك دماغ شياطين نت مش طبيعي
كريم : عز كان جاهز وبعت ناس تهجم علي الباص بتاع ركان
يوسف : وهو عرف منين ان ركان ف رحله
كريم : المهم دلوقتي انا قبل ما ادي التلفون لركان كنت فاتح برنامج للموقع عشان اعرف مكانه بالتحديد عشان ورد متقلقش عليه ودلوقتي انا معايا مكانهم خطوه ب خطوه
يوسف : ومستني اي يلا
كريم للسواق : انزل نت هنا وروح علي البيت بتاكسي انا اللي هسوق
كريم ركب مكانه وساق بسرعه كبيره و وراه عصام وعربيه الحرس

#إسراء ابراهيم
#احببتها عنيده