وصل لكريم رساله من ورد انها عايزه تتطلق وهنا كانت صدمه لكريم 😨
طول الليل كريم صاحي منمش بيفكر ازاي المشاكل دي كلها بقت ف حياته مع ان حياته كانت هاديه من كام شهر بس ازاي دخلت ورد وبدأت تغيريه شويه بشويه من انسان مغرور ومعندوش قلب مش بيأمن بالحب ولا بالجواز ولا بالعلاقه بين الزوج و الزوجه وان الستات ميتوثقش فيهم وكل حياتهم هي فلوس وبس ويجروا ورا اي حد عشان الفلوس وبس زي امه ...ورد خلت الحاجات دي تروح شويه بشويه ي تري هي عملت كده عشان ف الاخر تسبني وتمشي وتطلق وتاخد مؤخر كبير وشقه وفلوس معقوله عملت ده كله عشان الفلوس طيب ايه اللي خلاها متطلبش الطلاق لحد دلوقتي ي تري ممكن تكون حبتني مثلا ولا عشان تاخد اكتر (فلوس) فضل كريم يكلم نفسه طول الليل لحد الصبح عقله بيقول انها فضلت عشان فلوس وقلبه بيقول انها بتحبه كريم لنفسه: طب اصدق مين ..ليه ده كله بيحصل فيا ي رب مره ماما سابتني ومشت ولما جت حبيبه لقلبي وروحي كمان هتمشي ليه ي ورد خلتيني احبك ..ليه عمري ما هسامحك💔
.......
عند ورد
ورد قافله علي نفسها ومبطلتش عياط وبتكلم نفسها: يعني ايه بعد ما كل حاجه تبقي حلوه ويجي الشخص اللي بحلم بيه يضيع من ايدي كده ليه ي كريم اتجوزتني طالما عندك زوجه وطفل ليه تعمل فيا كده ليه تكسر قلبي وتحرمني من الفرحه بيك ليه عيشتني ف حياه حلوه طالما ف الاخر هتسبيني عشانها ليه مقولتليش ده وقت جوازنا ليه لما بقيت مراتك رسمي كنت مبسوط ليه شفت الحب ف عينك ليه حسيت بدفى في حضنك ليه طول مانا معاك ببقي مبسوطه ونت مبسوط ليه خلتني احبك ي كريم ليه عمري ما هسامحك 💔
.....
طلع نهار ليوم جديد😓
كريم وورد كل واحد فيهم بيفكر ومنمش
في فيلا البدري ....
خبط باب اوضته كذا مره بس كريم قاعد ف اخر الاوضه ساند رأسه علي ايده وكل وشه احمر
قام كريم بهدوء وساعد نفسه اني يقوم سند علي الحيطه واكن جسمه مش ملكه
راح ناحيه الباب فتحه شاف ورد واقفه قدامه عينها حمرا وشها أصفر باين عليها الإجهاد
فضلوا باصين لبعض باصه عتاب وتعب وسكاتين
قطع السكوت ده ورد: تسمحلي ادخل
كريم بهدوء: اتفضلي هي لسه أوضتك
دخلت ورد وقعدت علي الشازلونج بتاعها اللي بتحبه
كريم : ي تري اي سبب الزياره اللي بدري اووي دي
ورد بهدوء: بص ي كريم احنا مش هنعرف نكمل مع بعض خلاص
كريم وقلبه بيتقطع مع كلمه هي بتقولها: انا هنفذ كل اللي هتقوليه بس بشرط اسمع السبب
ورد بدموع: بالله عليك ي كريم م تعذب فيا اكتر من كده انا اللي كنت فيه امبارح مش مستاهل اي سؤال منك احنا كان ف بينا اتفاق اننا نطلق لو طلبت ده صح
كريم بزعيق: وانا مش هطلقك غير لما اعرف السبب ي ورد سامعه
ورد قامت وقفت قصاده بزعيق ودموع : وانا مش هعرف اقولك السبب انت مش ليا نتي ليها لازم تطلقني ي كريم
كريم بعدم فهم : ليها مين! انا مش لحد غيرك صديقيني
ورد وقعدت علي الارض ف قله حيله : كفايه كفايه كدب بقا نت مش بتبطل كدب
كريم وقعد علي الارض قصادها: هششش خلاص بطلي عياط
وهنا ورد بصتله بحب : متسبنيش ي كريم
هنا ورد مقدرتش تمسك نفسها انها ترمي نفسها ف حضنه وتعيط
ورد بعياط : اوعي تسيبني ي كريم اوعي
كريم حضنها جامد ودموعه نزلت علي خدها قلبه بيتقطع لما بيشوفها ضعيقه كده مش عارف يعمل ايه غير أنه حالا يستسلم لروحه (ورد)
كريم بحب : عمري ما هسيبك
ورد من كتر التعب نامت ف حضنه
كريم اول ما شافها نامت قام وشالها رفعها علي السرير وخدها ف حضنه ونام هو كمان
فضلوا نايمين من كتر التعب وكل واحد فيهم مرتاح ف حضن التاني حاسس بأمان كريم كان عارف يحتويها يحسسها بحبه بس مش فاهم ايه اللي بيحصل بينهم وهي مفيش،في ايديها حاجه غير انها تعمل كده انها تضحي بحبها....
.......................
يوسف اول ما صحي عرف من الحرس ان ورد مع كريم ف اوضته من زمان ف مرداش يدخل دلوقتي بينهم وراح يشوف حل لمشكلته مع مريم
نزل علي السلم بسرعه عشان يسلم علي جده ويلحق يطمن عليه ويمشي
وهو نازل لمح كارما قاعده بتعيط ف حضن خالتها حنان
يوسف بخوف: في أيه مالها
حنان : معرفش ي بني والله من الصبح بتعيط
يوسف: مالك ي كارما ف ايه
كارما بعياط : زين
يوسف بعصبيه: والله كنت عارف هو اصلا سبب المشاكل كلها
كارما : مردش عليا من امبارح فون ولا حته بيرد علي الرسايل
يوسف باستهزاء: والله نتي بتستهبلي ده كله وقرفانه عشان مردش يكش يولع بجاز
كارما : متقولش عليه كده
يوسف بضحك: خلاص يتطلعله جن ازرق
كارما : روح دلوقتي هاتهولي شوفوا فين يلا وطمني عليه
يوسف فكر : علم وينفذ ي فندم
مشي يوسف فرحان انه هيعرف يبعد زين شويه عن مريم عشان يعرف يتكلم معاها
شغل العربيه وساقها بسرعه كبيره
وصل عند البيت وطلع رن كتير بس محدش رد وكان لسه هيرزع الباب بس زين فتح
زين : اي ي عم حد يصحي حد كده
يوسف دخل مسكه من رقبته ورفعه شويه عن الارض: طالما حبيت كارما يبقي لازم تهتم بيها سامع يعني مصحاش القاكي اختي عماله تعيط ونت السبب
زين فك نفسه من يوسف
زين : عياط ايه وسبب ايه ي عم اهدي علي نفسك شويه
يوسف : نت مش بترد عليها ليه
زين خبط بأيده علي رأسه: الفون 🤦♀️عندك حق كارما
نزل بسرعه بلبس البيت ركب عربيته وطلع علي فيلا البدري
صحت مريم علي صوتهم ف طلعت ف خلاص كان يوسف نجح انه يمشي زين من البيت
مريم : يوسف نت هنا
يوسف: لا هناك..ي ستي هو نتي هبله انا واقف قدامك مش واخده بالك
مريم بضيق: اصتبحنا واصتبح الملك لله
يوسف : مش ناويه قلبك يحن عليا بقا
مريم : نت مش بتزهق وبعدين احنا ف ايه ولا ف ايه نت ناسي اللي حصل بين ورد و كريم المفروض نقف معاهم وفكك مني بقا انساني اكنك متعرفنيش لاني عمري ما هسامحك ومش عايزه اعرفك اصلا انا بكرهك ي يوسف سامعني
يوسف : وانا مش هنسي ومش هبطل وانهارده في حفله مهمه الساعه ٧ لدراستك عايزه تيجي تعالي مش عايزه نتي حره
مريم : اطلع ...
يوسف : بس متكلميش ...اكملك انا ...اطلع بره ي يوسف بررره😂سلام والبسي حاجه شيك عشان في ناس مهمه كارت الدعوه اهو باااي ي قلبي
مريم : غور بقا غور
طلع يوسف مبسوط انها هتيجي ونفس الوقت زعلان من كلامها
نزل راح علي الشركه وطلب من عصام انه يروح مكان الخطف ويعرف أدق التفاصيل عن المكان ويجيب تقرير كامل
عصام: امرك ي يوسف بيه
اليوم عدي بسرعه ف الشغل خلص يوسف رجع الفيلا
يوسف : دادا عفاف
عفاف: امرك ي يوسف بيه
يوسف : ورد نزلت من فوق
عفاف: لا ي بيه منزلتش من ساعه ما جت
يوسف : معقول ده كله طيب محدش يطلع خالص طول ما كريم لسه مزلش
عفاف: حاضر ي بيه
يوسف : كارما فين
عفاف: مع زين بيه من الصبح ...وقالوا انهم هيتعشوا بره
يوسف : وجدو
عفاف : خد الدوا ونام شويه
يوسف : طنط حنان
عفاف : طلعت من شويه تشتري حاجات
يوسف بضحك : كفايه عليكي تحقيق كده روحي كملي شوفي كنتي بتعملي ايه
عفاف : حاضر ي بني
طلع يوسف غير هدومه لبس بدله شيك جدا وبص لنفسه ف المرايه: قمر ي ولاه.. لازم لازم تخليها تسامحك
نزل يوسف وهو يقول للقمر قوم وانا اقعد مكانك
ركب عربيته وف ثواني كان ف مكان الحفله مجرد ما دخل لمح البنات كلها بتبصله
بنت ١ : شوفتي القمر اللي داخل ده
بنت ٢: مش ده يوسف صاحب كريم البدري يلهووي عليه وعلي جماله طول بعرض بعضلات بجسم رياضي بضحكه وعيون عايزين يتاكلوا
دخل يوسف شاف مريم كانت سبقته وجت قبله
اتجه ناحيتها: ازيك ي دكتوره
مريم برسميه: اهلا
يوسف : انا يوسف البدري
مريم بدهشه من هبله اللي قدام الناس: تشرفنا
يوسف : الشرف ليا
مريم كملت كلام مع الناس اللي كانت بتتكلم معاهم بس باصه ليوسف اللي كل البنات هياكلوه بعنيهم
مريم : عن اذنكم ثواني
مشت مريم ليوسف كام خطوه
مريم : ينفع نتكلم ثواني
يوسف بحب: اكيد.
بعدوا شويه
مريم: ممكن اعرف ايه اللي جابك وبعدين نت جبتني هنا ليه
يوسف : أولا جبتك عشان.. شايفه الراجل اللي واقف لابس بدله كحلي ده ..ده وزير الصحه تمم ولما يعرف مواهبك هيعرف يساعدك ف اي قسم هتبقي فيه وانا عارف انك مش محتاجه لده بس العلاقات كويسه
مريم بغيره: ونتي جيت ليه ..نت مش مهندس برضه
يوسف : ايوه مهندس بس اي المشكله لما اجي حفله فيها ناس عرفاني...وبعدين تعالي هنا نتي غيرتي ولا ايه
مريم : نت مجنون ولا ايه اغير علي مين عليك نت فكر ف غيرها سلام ومشت
يوسف بابتسامه: علي فكره فستانك حلو اووي ونتي محلياه اكتر واكتر
مريم وقفت شويه ومبصتلوش ابتسمت ومشت
يوسف: (ضحكت يعني قلبها مال وخلاص الفرق بينا اتشال يلا ي قلبي روحلها يلا قولها كل اللي بيتقال)😂💙تصدق هقولها فعلا 😂
بنت ١: ممكن ترقص معايا
يوسف فكر : اكيد طبعا
راح يوسف رقص مع البنت قدام مريم كان بيرقص معاها بس عينه مع مريم
البنت أثناء الرقصه: نت مش مركز معايا ليه شكلك معجب بحد هنا
يوسف : ليه بتقولي كده مانا برقص اهو
البنت : علي فكرا انا اعجب برضه
يوسف وهمس ف ودنها: انا مش بيملئ عيني غيرها
البنت اضيقت: طيب معلش كفايا كده شكرا
هنا مريم شالت عنيها من عليه وركزت انها تستغل الفرصه انها تتعرف علي الناس
جه وقت انها تمشي الوقت أتأخر
يوسف : يلا ي دكتوره المفروض تروحي
مريم: شكرا ي بشمهندس بس انا حبه المكان
يوسف بهمس : امشي قدامي بدل مانتي عارفه هعمل ايه
مريم بعند: هتعمل ايه
يوسف بهدوء : هجيبك اتنين دلوقتي اخلصي امشي قدامي
مريم : وانا بقول مش همشي
يوسف : خلاص بس افتكري انك نتي اللي طلبتي
مريم : طلبت ايه....
شالها يوسف وطلع شايلها قدام الناس كلهم
مريم : نزلني ي يوسف بقولك نزلني
يوسف :....
وصلوا للعربيه: اركبي
مريم : نت مفكر نفسك مين ها للمره التانيه بتغلط معايا انا مش مضطره اسمع كلامك لاي سبب من الأسباب سامع ..واللي نت عملته ده انا ممكن اروح القسم واعملك محضر لأنك ملكش الحق تلمسني اساسا وإياك تفكر تعملها تاني نت سامع
يوسف بعصبيه : اركبي
مريم وحاولت تغيظه: تمم انا كده كده هركب لان السواق مجاش ف مفيش،حل غير انك تحل محله ي ياريت توصلني بسرعه
يوسف ركب وهو ساكت وشغل العربيه ومشي بسرعه وفجأة وقف العربيه قدام قاعه مناسبات صغيره
مريم : ايه وقفنا ليه
يوسف: ف بنت كلمتني حالا وعايزه مساعده وبتقول انها هنا ..هنزل اشوفها وياريت تنزلي نتي دكتوره
مريم: انا هبقي دكتوره لسه متخرجتش ومع ذلك هنزل
نزلوا وبطئ هو شويه من حركته ف بقت هي سبقاه
ف هي دخلت الأول القاعه مجرد ما دخلت الأنوار اشتغلت وكلمه اسف ف كل مكان ف القاعه مكتوبه بالورد والبلالين الحمرا واغنيه رومانيسه اشتغلت
مريم كانت فرحانه ومن فرحتها دمعت من شكل القاع الحلو بس تمالكت نفسها شويه
مريم : كل اللي بتعمله ده ملوش اي ستين لازمه انا مش هسامحك اللي عملته ده محدش يسامح عليه ومع كل اللي نت عملته انهارده ده انا برضه لسه عند قراري
يوسف : حته لو انا هفضل احاول بس عايز اقولك حاجه لما انا هبدا اتغير معناها ان جه دورك نتي ف بدايه الغلط
مريم : مش فاهمه
يوسف: هتفهمي بعدين يلا عشان اروحك
مريم مشت جنبه وركبت جنبه وهي ساكته حتي لما وصلت طلعت ف هدوء وهو روح علي طول زعلان
.......
عند كريم
ورد بتفتح عنيها لقت نفسها ف حضن كريم ملجأها الوحيد كريم نايم وهي بتملس علي شعره سمعته وهو بيحلم بكابوس:ماما ماما متسبنيش ي ماما انا عايزك جمبي انا بحبك ي ماما وي ماما هو هيرجع متسبنيش ي ماما انا بحبك اووي ي ماما والله والله هسمع كلامك ومعنتش هزعلك ماما ماما
ورد حضنت كريم: مش هسيبك ششششش اهدي خلاص انا جمبك
وفعلا كريم هدي ف حضنها ومجرد ما حس بالأمان فاق
ورد: ياريت لو اقدر اقولك مطلقنيش ي كريم
كريم : لا تقدري ي ورد
ورد بخضده: نت صاحي
كريم : بحس بيكي
ورد بلطف : انا جعانه
كريم : والله وانا
ورد : هي الساعه كام
كريم : ١١
ورد :يلهووي من ٨ الصبح لحد دلوقتي نايمه ده انا محستش بنفسي
كريم بابتسامة: ولا انا
ورد بخجل: ي تري بيقولوا علينا ايه تحت
كريم وقرب منها: ما يقولوا اللي يقولوه
ورد بكسوف: طيب بما ان مزاجك رايق كده اطلبهم تحت يطلعوا الاكل
الاتنين مستغربين بعض هما ازاي كده وهما لسه متخانقين وهيطلقوا بس قراروا ان طالما دي آخر ايام ليهم مع بعض ف ليه يقضوها فخناق ف يشبعوا من بعض شويه
دقايق والاكل كان في اوضتهم
كريم: ورد ايه هتنامي ف الحمام اطلعي الاكل هيبرد
ورد : طالعه اهو
طلعت وقعدوا كالوا مع بعض
وشويه وفون ورد رن ولما جت تشوف من صدمتها ب الإسم نستها اسمها
#إسراء ابراهيم
#احببتها عنيده
أنت تقرأ
احببتها عنيده
Romanceتحكي الروايه عن بطل تزوج ليرضي جده رغما عن رفضه للزواج ولكن تزوج من عنيده جعلته ينسي غروره وخطفت قلبه منه واحبها بعد معاناه واصبح يعشقها وهي كانت تكرهوا ولكنه جعلها تغير هذه الفكره بعد مشقه في هذا الزواج ولكنه تزوج من عنيده 💜 اي كومنت يهمني جدا و...
