احببتها عنيده

الفصل السادس💎

كريم خرج راح ليوسف يقعد معاه
يوسف: انا عرفت مين صاحب الرقم
كريم: مين
يوسف: عمك خليل
كريم ببرود : حاجه متوقعه من شخص زي ده بس انا هعرفه
يوسف : هتهبب ايه ..ارحمنا غباء والنبي
كريم: قوم ي واد نت امشي من هنا ..قوم
يوسف 😂 : خلاص ي عم اهدي ربنا يسهلك..اشوفك بكره الصبح..خلي بالك نت بدل المصيبه بقا عندك ميه مريم لوحدها ممكن تخلي القصر الجميل ده مكان للحرب والخناق والله 😂😂😂
كريم: والله نت اللي رخم🤦‍♀️
يوسف: ماشي ي حنين..سلام 🤭
عند ورد ومريم كانوا بيتكلمواعن موضوع الجواز المزيف وأمته هينتهي ..ولكن قاطعهم صوت خبط قدام الباب سكتوا فجأه وحسوا ان في حد كان بيتصنت علي الباب
ورد: انا هقوم اشوف مين اللي بره ربنا يستر
طلعت ورد وملقتش حد بس حست ان في حد بيراقبها
دخلت تاني لمريم
مريم: مين!
ورد: مفيش حد ..بس مش مرتاحه في حاجه غلط في حد كان بره
مريم: ربنا يستر .يلا ننام
كلوا نام ...
الصبح في بيت كريم البدري
كلوا اتجمع علي السفره للفطار ما عدا ورد ومريم اللي صحوا متاخر جدا ونزلوا بسرعه
ورد: صباح الخير ي جدو
مريم: صباح الخير
الجد: صباح النور ي بنات يلا عشان تفطروا معانا
ورد: مين اللي حضر الفطار
كريم: دادا عفاف جت انهارده الحمد لله
ورد: كويس والله
قعدوا يفطروا
خلصوا اكل ..وقامت مريم عشان تستأذن عشان كُليتها وبعدين شغلها
كريم: مش كنتي بتشتغلي عشان اختك و ورد طيب ورد اهي كويسه واختك الحمد لله سافرت
مريم: مهو علشان اسدد الدين اللي عليا ليك وكمان دراستي والشقه اللي انا فيها
كريم: مفيش عليكي ليا حاجه انسي الكلام ده
ورد: انا فهمتك ي مريم ان الموضوع ده منتهي بقا يلا عشان تلحقي محاضراتك
يوسف جه فجأه ومن جنب مريم
يوسف: ي صباح الفل💜
مريم: بسم الله الرحمن الرحيم..نت بتطلع منين 🤦‍♀️
يوسف: من اي حته ي ستي انا كده رجل خفي 😂
ورد بضحك : صباح النور
مريم: هو فين النور ده والنبي
يوسف: هو نتي طبيعيه ي بنتي متاكده..هو لازم خناق نتي غريبه اووي 😒
مريم: نت شاغل بالك بيا ليه
يوسف: بصراحه عجبني الجو بتاع القط والفأر ده 😁
مريم : والله طيب تحب تشوف جو تاني ولا كده كفايا
يوسف: زي ايه مثلا
مريم: زي فيلم عبده موته كده
يوسف: انا بقول اخش اشوف كريم... سليم احسن
مريم بابتسامة: احسن برده
يوسف: بعد ما مشي شويه وبصوت واطي معرفش ايه اللي شددني ليكي بس
كريم: سمعتك علي فكرا
يوسف: مبروك ..اطلع من دماغي بقا
كريم: مريم بتشتغل علي فكرا
يوسف: ونت ايه عرفك
كريم: هي اللي قالت
يوسف: انا هشوف الموضوع ده
كريم: المهم...بليل تكون موجود عشان هقول لجدو علي اللي اسمه خليل ده
يوسف: ماشي يلا علي شغلنا
راح كريم ويوسف الشغل ..ورد في البيت ..مريم خلصت الجامعه وراحت الشغل بتاعها وبترجع متأخر شويه وباقي العيله مع الجد واخدين بالهم منو
كريم ويوسف خلصوا شغلهم ورجعوا علي البيت
ورد بتكلم مريم لان الساعه بقت ٩ وهي لسه مجتش وهي بتخاف من عز ومراد اللي ياما بهدلوهم وهي حاليا بتشتغل معاهم في نفس الشركه
كريم دخل الاوضه لورد
كريم: مالك في ايه
ورد: مريم..مريم لسه مرجعتش
كريم: هتلاقيها في الشغل
ورد: لا هي بتطلع ٨ونص الساعه ٩ ونص ولسه مجتش
كريم: طيب اهدي زمانها جايه ممكن الطريق وحش
ورد: يارب
كريم : طيب انزلي عايز اقول قدامك حاجه
ورد: انا مش هنزل من هنا غير لما مريم تيجي ..وبعدين انا ماشيه كمان كام يوم الشهر خلص كده
كريم بصلها وسكت شويه
كريم: نتي عايزه تمشي ي ورد
ورد: .....
كريم: ردي
ورد: ...
كريم : ماشي هتمشي كمان يومين اللي هو اخر الاسبوع
كريم ساب ورد ونزل ومرضاش يقول حاجه غير لما تنزل وهي مش هتنزل غير لما مريم تيجي وقال ليوسف كده
الساعه ١٠ ونص وهي لسه مرجعتش
ورد نزلت عشان تروح تدور علي مريم
كريم: نتي رايحه فين نتي اتجننتي
ورد: ملكش دعوه بيا انا هروح اعمل اللي انا عيزاه
يوسف: اهدي ي ورد وانا هروح ادور عليها
دخلت مريم في عز العصبيه والزعيق ده كله
مريم: اهدي ي ورد انا كويسه
ورد جرت حضنتها: الحمد لله...نتي قافله الزفت ده ليه
مريم: هحكيلك بس اهدي
يوسف بعصبيه: كنتي فين
مريم: ونت مالك
يوسف : مفيش حاجه اسمها كده ..نتي بتفكري في نفسك بس ...مفيش زفت حد يقلل عليكي يعني فكري فيا شويه
مريم : فيك🙄
يوسف: اقصد فينا
مريم: انا كويسه اهو اهدوا بقا
كريم: جدو عايز اقولك حاجه
الجد: خير ي كيمو
كريم : انا عرفت مين اللي حط الشطه في الاكل عشان تتعب ويخليني اتعصب علي ورد
الجد: مين
يوسف: خليل بيه
كريم: كان رقمه علي فون ورد في نفس اللحظه اللي خالتو قالت إنها شافتها يعني سابت الاكل عشان ترد علي فونها وهو نزل حط الشطه في الاكل
الجد باتساع عينه : نت ي خليل تعمل كل ده
اطلع بره ي ....
كريم: اطلع بره ي خليل
خليل ببرود : ايوه انا اللي عملت كده فيها عشان هي حاولت تتكبر عليا وده عقابها
طيب ي كريم جدك يعرف الحقيقه اللي نت مخبيها بقا
كريم بصدمه: قصدك ايه
خليل : ها ي ورد ...كريم جوزك
ورد بخوف شديد: ها ..اه ..ايوه طبعا ..كريم جوزي
خليل بضحك بسخرية: هههههه...افهمك انا بقا
حفيدك متجوزش ولا اي حاجه هو عمل كده عشان نت طلبت ده لما تعبت عمل خطه انه يقول ان ورد مراته قدام الناس بس و بعد شهر يعملوا نفسهم اتخانقوا وأطلقوا وسابوا بعض ولا اكن حاجه حصلت وهي وافقت عشانك الاتنين كدبوا عليك وخانوك
الجد وملامحه اتحولت ليأس: نت ي كريم تعمل كده تضحك عليا انا ي كريم
كريم: والله ب جدو انا عملت كده عشانك
الجد: ونتي كمان ي ورد ..ده نتي غلاوتك من غلاوته تعملي كده
راحت ورد قعدت قدامه
ورد: جدو انا اسفه والله سامحني بس عشانك عملت كده ي جدو والله غصب عني كدبت عشان صحتك والنبي سامحني ي جدو
كريم راح قعد قدامه جنب ورد علي الارض
كريم: ي جدو شوف ايه اللي يريحك وانا اعمله والله
الجد : انا مش عايز حاجه ..طلعوني اوضتي
ورد: عشان خاطري ي جدو بلاش تزعل مني
الجد:....
طلع الجد اوضته
كريم : عرفت منين الكلام ده
خليل : ههههه من مريم هي جت قالتلي وخدت فلوس
مريم : 😧😧😧😧 ي نهار اسود نت بتقول ايه انا معرفكش اصلا والله كداب ي ورد والله كداب
ورد: نت كداب مريم مستحيل تعمل كده
خليل : لا حصل هي واحده شمال اصلا
يوسف قام وضربه وفضل يضرب فيه لحد ما فقد الوعي: قول تاني قولت عليها ايه كده ...ابقي اسمعك بتنطق اسمها تاني اصلا
كريم: كفايا ي يوسف كفايا
كريم بعد يوسف وطلب من الحرس ياخد خليل علي اي مكان ويطلبوا دكتور
مريم: والله ي استاذ كريم ما عملت حاجه والله والله ما أعرفه
كريم: انا مصدقك والله وبعدين قولتلك اعتبريني اخوكي وبلاش استاذ دي ..خديها ي ورد فوق وخليها تبطل عياط وهديها
مريم: لا لا انا مش هقعد هنا عايزه اروح شقتنا ي ورد بعد اذنك
ورد: مستحيل تمشي نتي عارفه الساعه كام
مريم: والنبي ي ورد سبيني امشي ...كفايا اللي حصل بسببي
يوسف: أطلعي انهارده طيب والصبح ارجعك
كريم بهمس: نسابهم شويه ونتطلع لجدو
ورد: ماشي
طلعت ورد ومعاها كريم لجدهم يحاولوا يخلوه يسامحهم
و مريم بتعيط علي اللي حصل وقعدت و يوسف واقف بعيد عنها شويه

#إسراء ابراهيم
#احببتها عنيده