مريم سابته ودخلت للمستشفي
وهو فضل واقف مكانه باصص قدامه وضميره بيأنبه
......................
عصام: ايوه ي يوسف بيه..تمام تحت امرك
عصام قفل مع يوسف وطلع لاوضه الجد
عصام خبطت وفتح الباب : يوسف بيه اتصل من شويه عشان يطمن حضرتك ان كارما معاهم وهما هيرجعوا البيت بأسرع وقت
الجد رفع ايده يدعي لربنا: الحمد لله
حنان طلعت تجري علي اوضه الجد: زين جه محدش يعرفه اللي حصل لحد ما يبقوا يجوا بلاش يضايق ان محدش قاله
الجد: معاكي حق ... انزل ي عصام للوليه اللي اسمها عفاف دي اقولها وفهمها اصلها قراره
عصام : امرك عن اذنك
الجد : ورد فين
حنان: من ساعه ما جت نايمه في اوضتها شكلها مرهقه
حنان : ربنا يرجع الولاد بسلامه
--------
عند ورد ف اوضتها
ورد نايمه بتكلم نفسها وبتندهي علي كريم ف الحلم
صحت فجأه...ورد : كريم ..كريم نت فين
حنان سمعت صوتها راحتلها: اي ي ورد حاسه نفسك كويسه
ورد خايفه وسألتها : كريم فين
حنان : كريم راح يجيب كارما وجابوها وجاين
ورد : يعني كريم كويس...
حنان استغربت: ايوه ي حبيبتي كويس
ورد: وكارما
حنان: كلهم بخير
ورد قلبها مش مطمن ...: طب شروق ومريم فين
حنان: شروق ف اوضتها ومريم معرفش خرجت راحت فين
ورد: طب جدو فين
حنان : بيرتاح ف اوضته
ورد : طيب ي طنط انا هقوم انزل تحت استني كريم
حنان: اخوكي تحت
ورد اتخضدت: زين!! ..اي اللي جابه دلوقتي
حنان : مش عارفه
ورد قامت وقالتلها انها نازله تشوفوه ونزلت
ورد : زين ! مالك فيك اي ..اي اللي جابك
زين مبسوط انه شافها: اقعد ي ورد واهدي كدا مالك انا كويس الحمد لله اهو اهدي نتي بس ..كل الحكايه ي ستي اني خلصت المهمه الحمد لله ونتي عارفه اخوكي شاطر يعني ورجعت ..بس من ساعه ما رجعت ملقتش حد لا كريم ولا يوسف ولا حته كارما هما فين
ورد فهمت انه ميعرفش اللي حصل لكارما: مفيش اصلهم خرجوا يجيبوا حاجات للجدو وزمانهم راجعين
زين بصلها ولقاها متوتره عرف انها بتكدب: بتكدبي ليه ي ورد اي اللي بيحصل
ورد : مفيش حاجه انا بس حاسه اني تعبانه من الصبح
زين علامات القلق ظهرت علي وشه : تعبانه مالك قومي نروح لدكتور ..
ورد : لا متخفش انا بقيت احسن
زين : طب مريومه فين
ورد : معرفش انا صحيت ملقتهاش
زين : انا هرن عليها
_____________________
نهي بدموع: كل خطتنا فشلت فشلت مش عارفه اعمل اي عشان اكسر غروره واخد منهم فرحتهم
مراد : كل اما احاول اعمل مصيبه تتقلب ويتطلعوا منها ...نت ساكت ليه ي عز اتكلم شوف حل
عز : كريم مش هيسكت هيعرف مين اللي نشر خبر ان يوسف ابن عمه عشان كدا ابوه محمود ظهر وخطف اخته .....بس من رابع المستحيلات انه يعرف ان انا اللي بعمل كل ده
نهي : معنتش عندنا غير فرصتين غير كدا مش هنلاقي حاجه وهيبقي دي نهايتنا
مراد : مستحيل هنفكر وهندخل علي الخطه اللي بعدها لازم نقضي علي عيله البدري
________________________
عمر قلقان علي مريم اللي مكلمتوش ومضايق انها سابته الصبح ف الباص وركبت معاهم ...رن عليها مش بترد ..قرر يروح لبيتها
.....
في المستشفي
الممرضه طلعت من اوضه كريم وقالت لمريم اللي كانت واقفه علي باب الاوضه: اتفضلي ي دكتوره تقدري تشوفيه
مريم : ممكن لو سمحتي تنادي علي الاتنين دول عشان يجوا يطمنوا عليه
الممرضة ابتسمت : اه طبعا
يوسف كان دخل وراح جاب القهوه لكارما وفضلوا قاعدين ف الريسبشن
راحتلهم الممرضه وقالتلهم ف كارما قامت واكنها بتجري علي الاوضه ويوسف وراها كانت مريم دخلت
كريم بيفتح عينه
مريم فرحت : حمدلله علي السلامه
كارما راحت جمبه ومسكت ايده بأيديها الاتنين وعيطت: عمري ما كنت هسامح نفسي لو جرالك حاجه ...كنت هموت من خوفي عليك ...حمدلله علي سلامتك ي كيمو
يوسف بضحك: خلاص وقعت ي فالح ادي اول علامه ف جسم حضرتك...ولااا قوم يلا وبطل دلع ..واول حاجه تعملها لازم تبطل تتدرب ف اي جيم حرام عليك ي عم مجلناش من عضلاتك حاجه غير انك اتقل حد شلته
كريم ضحك : يخربيت دماغك
كريم بص لكارما واتكلم براحه: ما تبطلي عياط ي حجه نتي جايه تتوبي هنا
كارما ضحكت: نت ف اي ولا ف اي .....وبجد ي مريم انا مش عارفه اشكرك ازاي...ومعرفش لو مكنتيش موجوده كان حصل اي
مريم : متعمليش اي حاجه ولا تقولي حاجه كريم زي زين غلاوته من غلاوه اخويا بزبط اكيد مكنتش هتردد ثانيه انقذ زين لو مكانه ...بس لازم اقولك ي كريم نت اول شخص اتعامل معاه جراحه وكنت بموت وانا بطلعلك الرصاصه كان قلبي هيقف من الخوف بس ربنا بيحبك حسيت انو اداني الشجاعه اني اكمل
كريم قام يتعدل وكارما ساعدته واتكلم بهزر: الحمد لله مش مخليكي عايزه حاجه فتحتي وشرحتي وطلعتي وقفلتي وحاجه زي الفل يلا اي خدمه تعليم ببلاش اهو
مريم: مكنتش اتمني اني اتعلم ف حد من العيله
كريم : اهو اللي حصل
دخل الدكتور هشام: حمدلله علي السلامه ي بطل
كريم : الله يسلمك
هشام: لا ده نت بقيت عال اووي وتقدر تروح وقت ما تحب ..مش هوصيك لازم راحه تامه عشان الجرح ميفتحش بلاش نط وجري واي إجهاد ومتقلقش معاك دكتوره شاطره اووي ولعلمك لولاها مكتتش لقدر الله عايش دلوقتي
مريم : متقلقش ي دكتور مراته مش هتخليه يقوم من السرير لما تعرف ف دي اطمن
هشام: المهم بس الادويه والاكل وتغير الجرح ي دكتوره نتي عارفه ده شئ مهم
مريم : إه طبعا حضرتك متشلش هم
هشام : تمم هستأذن انا بقا
مريم : دكتور هشام انا موافقه وهاجي اتدرب واشتغل مع حضرتك من بكرا
هشام فرح والضحكه بانت علي وشه وغمازاته بانت: هستناكي
مريم ابتسمت: ماشي
طلع وقفل الباب يوسف مكنش عنده اي رده فعل كمل كلام عادي مع كريم
كريم : يلا ي ستي عدي الجمايل اديكي هتدربي في مستشفي كبيره اهي ونتي لسا متخرجتيش..اي خدعه
مريم : ماشي ي كابتن..المهم دلوقتي ورد متعرفش نستني شويه كدا لما تفوق عشان تعرف تمشي وتروح تشوفهم اكيد كلهم هيتخضوا لما يشوفك كدا
كريم : ربنا معايا
__________________
بعد كام ساعه
كريم : يلا انا بقيت كويس
يوسف : انا كلمت عصام يجيب العربيه
عصام خبطت علي الاوضه مخدود: كريم بيه حصل اي
كريم : متقلقش ي عصام انا كويس
كريم بيحاول يقوم بسرعه ف اتوجع: آه ه ه
مريم ضحكت : يعني مش كويس اووي
يوسف سنده : بطل كلام ي عم البطل
كريم : طب بس افوق من اللي انا فيه وبعدين هوريك
طلعوا من المستشفي وركبوا العربيه
وبعد دقايق
وصلوا
كلهم نزلوا ويوسف سند كريم ونزله
_______
جوا ف الفيلا
حنان للجد في عربيه تحت ..اكيد دول الولاد
الجد: طب يلا ننزل
شروق سمعت الصوت ف نزلت كله تحت وزين كمان و ورد كانت طالعه بتجري عشان تطمن علي كريم
دخلت مريم الأول وهي بصالهم وهما مستنين يطمنوا عليهم
ورد وقفت فجأه لما شافته داخل ويوسف سانده
ورد اتصدمت وحست ان الدنيا بتلف بيها
جرت عليه بسرعه وحضنته عكس مكان الجرح ف يوسف بعد وانهارت من العياط : اي اللي حصلك ي كريم نت كويس طب حاسس بأيه في حاجه بتوجعك طب مين اللي عمل فيك كدا ...
كريم : ي ورد...ي ورد اهدي ي حبيبتي انا والله كويس هحكيلك علي كل حاجه بس نقعد حته
ورد : طب اقعد اقعد بسرعه
ساندته علي اقرب مكان وقعدته والكل مصدوم ومستنين يفهموا اي اللي حصل
كارما كانت متأخره برا بتكلم عصام يعرف محمود اتحبس ولا لسا وجت بعد ما هما قعدوا
دخلت كارما
الجد : حمد الله علي السلامه ي قلب جدك
كارما حضنته وقعدت تعيط ف حضنه
زين : كارما
كارما بصتله واتفاجأت بوجوده مسحت دموعها : زين !نت جيت أمته
كارما وقفت قدامه وبصت ف الارض ودموعها نزلت : حمدالله على السلامه
زين رفع وشها ومسح دموعها: اي اللي حصل
كارما مسكت ايده : هحيلك علي كل حاجه تعالا نقعد دلوقتي برا لوحدنا
طلع معاها بعد ما سلمت علي الكل وطمنتهم
الجد قلبه وجعه وخايف علي كريم : أي اللي حصل ي بني احكيلنا
يوسف : انا هحكيلك انا ي جدو
حكي يوسف كل حاجه من ساعه ما دخلوا وبعدين لما عرفوا مكانها ونزلوا ولقوا عبد العزيز مربوط ومحمود ضرب كريم وبعدين يوسف دخل ضربه عشان يطلعوا وسعموا صوت ف كريم رجع ف محمود ضربه ويوسف كان بيحاول يخرج كارما قبل ما محمود يضربها او يأذيها بس مريم كانت جايبه العقيد حسام وجايه ونزلت انقذت كريم وحكي عن شجاعتها لحد ما وصلوا للمستشفي وبعدين اطمنوا عليه وجه البيت
ورد عيطت اكتر ومسكت وشه : ي حبيبي ده كله حصلك وانا مش معاك يا ريتني كنت مكانك ولا اني اشوفك بتتوجع
كريم مسك ايديها اللي علي وشه وباسها: بعد الشر عليكي ي ورد ..متخافيش انا كويس بس عايز انام شويه وبطلي عياط مبحبش اشوف دموعك ..دموعك غاليه
ورد مسحت دموعها : طب يلا أسند عليا عشان نطلع فوق وتنام
كريم لما شاف جده ساكت : جدو متقلقش عليا حفيدك اسد يفوت ف الحديد
الجد : ربنا يقومك بسلامه ي روح جدك
شروق : الف سلامه عليك ي كريم
كريم :الله يسلمك ي شروق
عفاف دمعت: الف سلامه عليك
كريم : ي دادا حته نتي بتعيطي... ليه ي جماعه والله كويس متقلقوش
ورد ساندته وطلعوا
ورد : هغيرلك ال تي شرت ده الأول
كريم : ماشي ياريت
ورد جابت لبس تاني عشان يغير وساعدته يلبس
كريم :تسلم ايدك
ورد دمعت تاني : ولا يهمك المهم تقوم بسلامه
كريم شدها قعدها جمبه: ي ورد بطلي عياط بقا والله انا كويس والله
ورد : بالنسبالي كويس يعني مفيش ف جسمك حته خربوش مش واخد رصاصه
كريم : ي ستي جوزك مقدم يعني دي حاجه طبيعيه اني اتعور او اخد رصاصه...اهدي ومتزعليش لو بتحبيني وعايزاني اخف متعيطيش نتي ليه مش مصدقه اني لما بشوف دموعك بضايق من نفسي لاني السبب فيها!!
ورد : خلاص مش هعيط تاني..بس يلا نام وارتاح
كريم : حاضر
نام كريم وهي قفلت النور ونزلت
ورد ل مريم : بجد ي مريم مش عارفه اقولك اي
مريم : ولا اي حاجه نتي لازم تحافظي علي اكله وانه ميعملش اي مجهود ولو حصل حاجه رني عليا بس ده كل اللي عليكي اعتني بيه كويس وانا هاجي كل يوم اغير علي الجرح
ورد بحب: حاضر وحضنتها
مريم : متخافيش هو كويس
ورد : ربنا يقومهولي بسلامه يارب
مريم : إن شاء الله هيبقي زي الفل انا همشي انا بقا هروح الأول اشوف زين مشفتوش
ورد : ماشي وانا هدخل اعمله الغدا بأيدي
مريم : كدا هيخف أسرع
#إسراء ابراهيم
#أحببتها عنيده
أنت تقرأ
احببتها عنيده
Romanceتحكي الروايه عن بطل تزوج ليرضي جده رغما عن رفضه للزواج ولكن تزوج من عنيده جعلته ينسي غروره وخطفت قلبه منه واحبها بعد معاناه واصبح يعشقها وهي كانت تكرهوا ولكنه جعلها تغير هذه الفكره بعد مشقه في هذا الزواج ولكنه تزوج من عنيده 💜 اي كومنت يهمني جدا و...
