احببتها عنيده

الفصل السادس و العشرون 💎

حنان : بصراحه عايزاكي تتجوزي يوسف
مريم بصت بصدمه ل ورد : ........
ورد: ايه اللي بتقوليه ده ي طنط وازاي تقولي كده من غير ما تعرفي يوسف عايز ايه و مريم عايزه ايه
حنان : هو انا بقول حاجه عيب ي بنتي دا انا بقول جواز علي سنه الله ورسوله
مريم : طنط لحد هنا وكفايا اووي واظن نتي عارفه يوسف عمل ايه معايا كويس وياريت متفتحيش الموضوع ده تاني بقا لأنك كل م تشوفيني تقوليلي كدا
ورد بتحاول تلطف الجو: خلاص ي مريم اهدي محصلش حاجه طنط عايزه مصلحتك بس ...ايه ي طنط مش عايزه تاكلي بقا ولا ايه
تعالي معايا ي مريم نجهز الاكل
قامت مريم متعصبه مع ورد تحضر الاكل
دخلوا المطبخ
مريم بانفعال: نتي كنتي عارفه صح كنتي عارفه انها جايه تقول كده ومع كده جبتيها
ورد بهدوء: ي حبيبتي اهدي انا معرفش حاجه وبعدين هي قالت الكلام اللي هتموت وتقوله والله هي طيبه خالص و بتحب عيالها مش اكتر
مريم بتعد من ١ ل ٣ بسرعه عشان تهدي نفسها : اووف اووف شهيق وزفير انا ....انا معرفش ازاي جايه تقولي كده و بعد م الكابتن يوسف عمل اللي عمله

ورد : ي مريم ي حبيبتي يوسف غلط بس اعتذر بدل المره ١٠ متقسيش عليه بقا واعتبريه صديق مش اكتر وعلي العموم بكره الصبح الساعه ٤ الفجر هعدي عليكي عشان نسافر مش عايزه اسافر ف الحر متتاخريش
مريم بضحك: احبك ونت هادي وعاقل
ورد بضحك: بت نتي شكلك شاربه حاجه يلا عشان ناكل انا هموت من الجوع ولازم امشي قبل ما كريم يرجع
مريم: احلي حاجه اننا ف اجازه مش عايزه ارجع الكليه والله دي بقت حاجه مقرفه
ورد : نتي سخنه! من أمته مش بتحبي الكليه ده انا بفضل اقولك منرحش ونتي هتموتي وتروحي في ايه؟
مريم : بصي هقولك
ورد: اهلا ...هببتي ايه
مريم : فاكره الولد اللي اسمه عمر
ورد : ماله
مريم : كنت ماشيه ف خبطت جامد ف دراعه وقع الكتب والحاجه بتاعته بس كان غصب عني حته انا مخدتش بالي اووي ان حاجته وقعت ...ف مشيت وموقفتش ف ندي عليا وهو مستغرب
فلاش باااك
عمر باستغراب: ي انسه
لفت مريم
مريم : نعم حضرتك محتاج حاجه
عمر وتنح شويه لملامحها: انا ..انا هعوز ايه ..لا عايز..لا مش عايز ..اصل تقريبا غصب عنك خبطتي فيا ف الحاجه وقعت ف بقول ممكن يكون حاجه من كتبك وقعت بس
مريم بابتسامه: لا مفيش حاجه وقعت
عمر بمشاغبه: طيب نتي خبطتي فيا مش هتقولي حاجه
مريم بابتسامه بسيطه : لا..عن اذنك
مشت مريم
عمر : طب استني متعرفناش..استني طيب
بس مريم مشت موقفتش
عمر قاعد ف المحاضرة سرحان ومش مركز
آسر : عمر ..عمر ..نت ي بني
عمر بخضده : ايه ...ايه ف ايه
آسر: انا اللي ف ايه ..نت اللي ف ايه
عمر : قمر ..لا لا كده بظلمها حاجه زي الملايكه كده انا كنت ناوي اضيقها وارخم عليها عشان معتزرتش علي اللي عملته بس لما شفته نسيت اسمي اقسم بالله
آسر: ايه حيلك حيلك مين دي اللي قلبت حالك دي واسمها ايه معانا ف الجامعه ولو معانا ف انهي كليه
عمر: معرفش ..بس انا هقولك هي عيونها خضره وشها طفولي كدا مش عارف اقولك ايه دي متتوصفش
آسر: متعرفش! امال اعجبت ب واحده ف خيالك
عمر: مش ف خيالي ولا حاجه هي موجوده
سحر: بتتكلموا عن مين ..سمعت كلامكم كلوا علي فكرا وعرفتها وهروح اقولها
آسر: بت استني
عمر :ششش سيبها...يمكن اعرفها واعرف اي حاجه عنها
باااااااك
مريم : وبس وبعدين بقا سحر جت قالتلي وانا من ساعتها مش عايزه ادخل الكليه اساسا والحمد لله اننا كنا خلصنا وخدنا الاجازه
ورد بضحك: ي ختي حلوه ونتي مكسوفه...بس نتي ندله ازاي متجيش تقوليلي
مريم : هو احنا كنا فاضين...المشاكل مش بتخلص
ورد : طب يلا نكمل كلامنا بعدين عشان منسبهاش لوحدها بره ...شيلي نتي المكرونه البشاميل بس متمديش ايدك وتاكلي منها ف السكه بطلي العاده دي
مريم : حاضر ي قمر ..زين وحشني
ورد : تشوفيه ف خطوبته بقا هو هيسبقنا هو وكارما علي هناك
مريم بحب: ربنا يتممله بخير ي رب ويبقي أسعد واحد ف الدنيا
ورد بزعيق : مريم
مريم بابتسامه: ايه
ورد طلعت تجري وراها : مش قولت متاكليش منها
حطوا الاكل وقعدوا اتغدوا وهما مبسوطين بس ورد مكلتش عشان تاكل مع كريم مع أنها كانت جعانه خلصوا وشربوا عصير
حنان : يلا ي ورد ي بنتي هنتأخر كدا وكريم هيقلب الدنيا
ورد : ايوه معاكي حق ..
حنان: بت ي مريم متتاخريش الفجر وهاتي معاكي لبس حلو بقا وفستان خطوبه اخوكي عقبال خطوبتك
مريم بلطف: ان شاء الله..نورتينا
حنان: يلا سلام عليكم
نزلوا وركبوا مع عصام وطلعوا علي الفيلا
...............
ف شركه البدري
كريم: خدي الورق ده وجهزي للاجتماع حالا
سهام(سكرتيره) : تحت امر حضرتك ي فندم ..بس مستر يوسف مش موجود ومن غير وجوده مش هنعرف نبدأ الاجتماع للاسف معاه المشروع
كريم: طيب اتفصلي نتي دلوقتي وجهزي للاجتماع و البشمهندس هيكون موجود ف بدايه الاجتماع
سهام: تحت امر حضرتك
خرجت سهام من الاوضه وقالت لنفسها : .... ي ربي الوقفه قدامه تخوف انا مكنتش عارفه اتنفس ..معرفش ازاي ده يقدر يحب ويتحب زي الناس الطبيعيه واحد معندوش قلب كل حاجه عنده اؤامر
.........
كريم: ايوه ي عصام
عصام: ايوه ي كريم بيه ..انا وصلت ورد هانم وخاله حضرتك..
كريم : مش بتكلم عشان كدا انا عايز يوسف
عصام : ٥ ق واعرف لحضرتك هو فين
كريم : ابعتلي العنوان بس متروحلوش
عصام: امرك
.....بعد ٥ق
عصام بعت رساله لكريم بعنوان يوسف
كريم ف نفسه: معرفش والله انا من غير عصام ده كنت عملت ايه ..كنت هفضل ادور علي اللي اسمه يوسف
خد جاكت البدله بتاعه ومفاتيح عربيته ونزل
كريم : خليكوا هنا محدش يجي ورايا
الحرس: بس
كريم : اسمعوا اللي قولتوا متخافوش المكان اللي رايح فيه أمان
ساق عربيته بسرعه كبيره وصل النادي وطلع علي السطح
كريم بعصبيه: مالك
يوسف : ايه اللي جابك هنا
كريم : لسه بتسمع صوتها
يوسف : هو في غير صوتها بيهديني
كريم : طيب ايه اللي خلاك متعصب
قعد كريم جمب يوسف وحط ايديه علي كتفه
كريم : من أمته مش بتيجي تقولي علي اللي مضايقك
يوسف: من ساعه ما خبيت عليا وخلتني اغلط ف حق مريم
كريم : عارف اني غلطت بس نت مش مديني فرصه اصلح غلطي
يوسف: دي اخر محاوله معاها وبعد كده ابقي اعمل اللي نت عايزه
كريم: طيب احكيلي مالك بقا
يوسف : انا شفت عمك انهارده
كريم : عمي مين خليل!
يوسف: لا عبد العزيز
كريم بصدمه : شفته فين
يوسف : شفته صدفه وكان معاه ولد اسمه حسن عنده حوالي ٢٣ و بيقول انه اخويا معرفش تاجر السلاح عايز مني ايه وايه الهبل اللي بيقوله ده
خايف يطلع اخويا فعلا مش عايزه يكمل معاه مش عايزه يبقي زيه
كريم: هو ده اللي مضايقك سهله هحل الموضوع .
ولا نت كئيب كدا ليه قوم يلا ورانا شغل عايزين نخلص عشان نروح ننام عندنا شغل بكره
يوسف : والله نت مزاجك رايق
قاموا الاتنين ونازلين
يوسف : استني نسيت اقفل التسجيل بتاع شروق
كريم : طب اطلع اقفله ي حنين عايش ف وهم وبتسمع صوت طفله عندها ٥ سنين
يوسف: اخرس ي زفت
طلع يوسف قفله بسرعه ونزل ركب مع كريم
يوسف: ابعت حد ياخد عربيتي
كريم بضحك: حاضر ..امسك نفسك هسوق بسرعه
يوسف بضحك: امسك نت نفسك
......
نهي : ايه هتفضلوا كدا قاعدين ساكتين مش هتعملوا حاجه
مراد: مين قال كدا مريم لسه بتاعتي
عز : لسه معانا ورقتين لسه ملعبناش بيهم
نهي : وهتلعبوا بيهم أمته
مراد : عرفت انهم مسافرين بكرا
عز : كريم ذكي هو مسافر غير عشان خطوبه اخته ف ارض كبيره ف الغردقه معروضه للبيع
مراد : واحنا ليه نضيع الفرصه ومنخدهاش
نهي : خلاص يبقي نتطلع بكرا من القاهره علي الغردقه
.......
كريم و يوسف خلصوا شغلهم وروحوا
يوسف : انا هروح لجدو عايزني وبعدين هطلع انام
كريم : ماشي متتأخرش علي ما تصحي عشان لسه هنعدي علي مريم
يوسف بحب: ماشي
كريم طلع علي اوضته خبط محدش رد دخل ..ورد نايمه
قعد جمبها ف هدوء مشي ايده علي شعرها براحه
ورد فتحت عنيها: كريم ..نت جيت ..اتاخرت كدا ليه انا كنت مستنياك ..اما اقوم احضرلك الغدا
كريم: نامي نتي ي ورد انا كلت انا ويوسف
ورد بابتسامه: نت بتكدب عنت بعرفك من عنيك ..نت مش بتاكل من غيري
كريم: نتي مكلتيش
ورد : لا مرضتش اكل مع طنط حنان و مريم بس شربت معاهم عصير
كريم : طيب يلا قومي ننزل نجهزه سوا
.....
الجد: اهلا ي استاذ يوسف والله لسه بدري
يوسف: نعم ي جدو ..نعم ي حبيبي..هقولك علي حاجه متفكرش كتير ف موضوع ابنك وحفيدك الجديد ده لانه محلول
الجد: وهتحله ازاي ي فصيح
يوسف : كريم هيحله
الجد اتخض: نت قولت لكريم ..ليه ي بني كدا انا مش بحب ازعله ونت عارف انه بيزعل لما اشوف حد منهم بيفتكر اللي عملوه فيا وفيه بس غصب عني مهما عمل هيفضل ابني
يوسف: عارف ي جدو عشان كدا قولتله اني شفته صدفه وهو صدق خلاص وقال انها هيحلها
الجد : طيب الحمد لله ..انزل اتغدي يلا
يوسف بضحك: والله كنت قربت انسي
الجد: تصبح على خير ي بني
يوسف: وحضرتك من اهله
......نزل يوسف عشان يطلب من عفاف تحضر الاكل
كريم : اديني عملت السلطه اعمل ايه تاني
ورد : وانا خلصت وهغرف اهو روح اقعد علي السفره يلا
كريم : لا تعالي نقعد علي تربيزه اللي ف الجنينه
ورد بحب: خلاص ماشي يلا
يوسف : ايه ده نتوا هنا
كريم بضحك: والله انا عارف هي دي اوقاتك اصلا ي مفرق اللحظات نت
يوسف بابتسامه: ما نت اللي بتختار أوقات غلط ي عم
كريم: نت صحيح مكلتش تعالا كل يلا
يوسف : بس لو مكنتش تمسك فيا
دخلوا الجنينه وحطوا الاكل..وبدوا ياكلوا
ورد مبتسمه: طبعا عارف خطتك مع مريم استغل طيبه قلبها
يوسف : والله انا تعبت من خططكم دي يبقي الأول خطه ورد وبعدين خطه كريم اللي معرفهاش
كريم : إن شاء الله كل المشاكل هتتحل بس نت قول ي رب
يوسف : انا بقول نكمل اكل عشان نحلق نسافر
كارما فرحانه : كريم انا ماشيه متتأخروش علي ما تيجوا
كريم : زين فين
زين : انا اهو بس كنت بطلع العربيه بتاعتي
كريم : ماشي خد بالك منها ومتسوقش بسرعه وانا هبعت عربيه حرس وراك
زين : ملوش لزوم ل ده كله ي عم انا شغال ف المخابرات يعني مش محتاج لاي حرس
كريم : مهو عشان شغال ف المخابرات بيبقي ليك أعداء ف كل حته ف العالم اسمع الكلام الحرص واجب
كارما : خلاص ي زين عادي يلا ي حبيبي عشان منتأخرش
زين : خلاص ي ستي يلا بينا
كارما: باي ي كيمو ...باي ي ورد ..متتأخرش ي يوسف
كريم : باي ي قلب كيمو
ورد : باي ي حبيبتي
يوسف : إن شاء الله..ونت امشي براحه بلاش تبقي عامل زي الطياره
زين : ملكش فيه
كارما : خلاص ي جماعه..ابوس ايديكم بلاش خناق
زين : معاكي حق يلا انا مزاجي رايق اصلا
زين مسك ايديها وخرجوا ركبوا ومشيوا
كريم : عصام حضر عربيه تحرس عربيه زين بيه
عصام: أمرك ي كريم بيه
قامت ورد : عن اذنكم هطلع انام
يوسف : مالها فجأه كده
كريم : اقولك عشان قولت لكارما انها قلبي
يوسف : والله لسه منستش حاجه من اللي اتعلمتها ي كريم
كريم : عيب عليك ده انا خبره هطلع انام انا بقا واتكلم معاها
يوسف : ربنا معاك
....طلع كريم ورا ورد خبط علي الباب ودخل
كريم : طلعتي هنا ليه
ورد وهي مضايقه: عايزه انام
نامت ورد وادته ضهرها
لف كريم ونام جمبها حضنها من ضهرها : عارف اضيقتي من ايه ومبسوطه انك اضيقتي علي فكرا محدش هيتقالوا كلمه قلبي واكون اقصدها فعلا غيرك ...معنتيش قلبي بس بقيتي روحي ي ورد
لفت ورد وهي بتضحك ومكسوفه: نت وقلبك ملكي
وحضنته جامد و نامت ف حضنه .....
طلع يوسف نام ف اوضته وهو مش قادر هيموت وينام
الكل نام عشان يرتاح قبل الفجر عشان يلحقوا يوصلوا قبل الجو ما يبقي حر و ورد بتتعب من السفر ف الحر
.......
أذان الفجر أذن.....
ورد : كريم يلا قوم
كريم : ما تخلينا وبلاش نسافر انا عايز انام
ورد : معلش قوم يلا نصلي الفجر ونمشي
كريم : ايوه يلا
قاموا اتوضوا ولبسوا وصلوا الاتنين
كريم : هتلاقي كلوا لسه نايم
ورد : طب يلا بس ننزل
...نزلوا الاتنين
الجد: صحي النوم ..ي حلوين
حنان: اي ي عيال مستنينكم بقالنا نص ساعه
ورد بضحك: لا واضح اننا هنلاقيهم نايمين عشان تعرف اننا اخر ناس صحت
كريم: طب كويس أنكم صحين...بس ثواني فين يوسف
الجد ضحك افتكر عمايل يوسف لما كانوا بيجوا يسافروا: والله عمركم ما هتتغيروا
كريم : اهلا..احنا كدا هنسافر بكره
انا هطلع اصحيه
طلع كريم فضل يخبط علي الباب كتير
الجد : قافله من جوا صح ...والله يوسف ده هيجنني ف يوم من الأيام
ورد : عرفت منين ي جدو انه قافله
الجد: يوسف لما كنا بنيجي نسافر ف اي مكان كان بيبقي عارف انه هيقوم غصب عنه ف يقفل الباب عشان محدش يضيقه ف نومه
ورد : والحل كان بيبقي ايه
الجد : لا بنتأخر او مش بنروح او كنت بكسر الباب بس خلاص بقا ي بنتي انا كبرت وعجزت ف بقي كريم الحمد لله اللي بيكسره...
كريم : انا تعبت من كسر الابواب ....عصام هاتلي حبل وحصلني علي السطح
ورد: هتعمل ايه
كريم : متخافيش ...انزلوا يلا واركبوا العربيات جدو وخالتو حنان ف عربيه عصام وانا هاخد ورد معايا من غير سواق
نزلوا واستنوا تحت علي مايشفوا هيعمل ايه
خد كريم الحبل وربطه كويس وحدفه من علي السطح بحيث يعدي من بلكونه يوسف
مسك كريم الحبل ونط بضهره
ورد علت صوتها جامد : كريم حاسب
الجد: متخافيش ي ورد كريم عارف بيعمل ايه
دخل كريم البلكونه وفتحها وفتح تلاجه يوسف الصغيره اللي ف اوضته وجاب ازازه مايه ساقعه وصبها علي وشه
يوسف: صحي مخضوض : ي عم مش هتبطل القرف ده بقا حرام عليك والله
كريم بزعيق: نت مش هتبطل تقفل الباب..انا مش عارف هتفضل تقفله كدا كتير ..اخلص قوم غير ف ثواني تكون تحت .
يوسف : نت دخلت ازاي الباب مش مكسور
كريم : اخلص ي ناصح ..تعبت من كسر الابواب بتاعتك قولت اجرب البلكونه..
يوسف : نهارك ابوك اسود نت كسرت ازاز البلكونه
كريم : لا المره دي مكسرتوش المره الجايه هكسره
يوسف بضحك : والله انا عارف انك حرامي وبتنط من البلكونات اصلا والله لا بلغ عنك
كريم بضحك: ي عم بطل كلام بطل كلام ارحمني ...
يوسف: انزل نت وهتلاقيني ف افاك علي طول
كريم: هلاقيك فين
يوسف : ف افاك علي طول والله
كريم : اما نشوف
نزل كريم لقي ورد خايفه ومتوتره
كريم : ف ايه
ورد : نت مجنون ازاي تنط كدا افرض حصلك حاجه
كريم : متخافيش انا كويس
ورد: حركه زي دي محتاجه تدريب ونت عملتها صح نت عرفتها منين
كريم : بطلي دموع وخوف قبل ما تتكلمي
مسح دموعها: خلاص بقا عشان خاطري
ورد : يلهووي مريم بترن انا قولتلها تنزل من ساعتها زمنها واقفه ف الشارع
كريم : اهو يوسف جه اهو هخليه يروح يجبها
....يوسف بسرعه هات مريم معاك وقابلني علي الطريق ..بس فوق من النوم ده نت هتسوق
يوسف : حاضر حاضر مش هتأخر
ركب عربيته وطلع علي بيت مريم

# إسراء ابراهيم
#احببتها عنيده