احببتها عنيده

(الفصل الثامن عشر _الجزء التاني)💎

في فيلا كريم
ورد : دادا عفاف اعملي لمريم كوبايه عصير وهاتيه الاوضه بتاعتي
عفاف : حاضر حاضر ي بنتي
ورد : تعالي ي مريم معايا
طلعت مريم و ورد الاوضه
ورد قفلت الباب : اسمعيني ي مريم كويس، اللي حصل ده مينفعش حد يعرفه نتي سامعه ، متتوتريش وان شاء الله ربنا يحلها من عنده
عفاف خبطت : العصير ي ورد هانم
ورد : تسلمي ي دادا
ورد : خدي ي مريم اشربي ده عشان تهدي وبعدين نفكر  ف حل للمصيبه دي
مريم خدته منها : انا خايفه اووي ي ورد لو حد اكتشف  المصيبه دي هتسجن
ورد بخوف : لا لا ان شاء الله،  اهدي بس خلينا نفكر ي مريم ، اقولك علي حاجه حاولي تنامي والصبح نروح للعياده ونشوف هنعمل اي
مريم: ماشي
_____________________
تحت ف الفيلا
يوسف : والله ي حسن جسمي تعبني اووي وكريم قلقني حاسس ان في حاجه
حسن : هو قالك هيرجع أمته 
يوسف : قالي انه هيقعد هناك فتره
حسن : هناك فين هو سافر
يوسف: اه رايح العريش ، معرفش هو اتنقل ولا عشان المهمه
حسن : متقلقش عليه كريم جامد وبطل ان شاء الله يرجع بخير
يوسف : يارب ، انا هطلع انام شويه،  ولا اقولك هستني الفجر يأذن واصلي وبعدين انام
عفاف كانت نازله
حسن: نتي نازله منين ي دادا الفجر كدا
عفاف : ورد هانم كانت عايزه عصير لمريم هانم
يوسف : مالها مريم
عفاف : معرفش والله هي جت من برا باين عليها تعبانه او متوتره وهي دلوقتي نايمه ف اوضه ورد هانم
يوسف : طيب روحي نتي ي دادا وانا هطلع اشوفها
حسن طلع اوضته
و يوسف طلع لاوضه ورد خبطت
ورد فتحت: يوسف !
يوسف : مالها مريم دادا عفاف بتقول انها تعبانه
ورد : لا لا تعبانه اي هي بس مش عايزه تسيبني لوحدي مش اكتر
يوسف: طب ينفع اكلمها
ورد: هي نامت خلاص
يوسف : طب خلاص الصبح بقا ، الولاد عاملين اي
ورد : كل حاجه تمام،  هو كريم مكلمكش
يوسف: لا كلمني وطمني عليه انه كويس
ورد : طب الحمد لله
يوسف : يلا عن اذنك هروح اصلي وانام بقا
ورد: ماشي اتفضل
ورد قفلت الباب ونامت جمب مريم وبتفكر هتعمل اي
___________________________
في شرم
زين ف اوضته هيتجنن ان سهيله لسا مطلعتش من اوضه الضابط
زين : لا اكتر من كدا مش هينفع
زين قام يفتح الباب لقي سهيله واقفه كانت لسا هتخبط
زين بعصبيه: هو ده اللي مش هتأخر وهجيب معلومات وزفت الفجر قرب يأذن ونتي لسا مع البيه
سهيله: تمام ي فندم المعلومات اهي اللي تقدر توصلنا للخاين اللي هنا و كمان في ملفات هنا بتقول ان الضابط ده مش جاي بس عشان ياخد معلومات ده جاي عشان يخلص حساب قديم مع ضابط مخابرات سابق تقريبا الضابط ده لما راح قبل كدا عندهم خد معلومات مهمه من تحت ايده وتقريبا اتعاقب عقوبه شديده بسببها ف هو جاي يصفي حساب قديم اكتر من انه جاي ياخد معلومات والملف ده فيه صوره و الاسم  بتاع ضابط المخابرات المصري اللي جاي ينتقم منه
زين : نتي عرفتي تجيبي المعلومات دي كلها منين
سهيله: وانا دخله كان معايا شريط منوم حطله منه ف العصير بس وعرفت اخد اللي انا عايزاه
زين : وريني الملف ده
زين خده وفتحه وشاف الاسم و اتفأجاه 
سهيله: اسمه المقدم كريم محمود البدري اشتغل زمان اووي فتره مش كبيره وبعدين قعد ومحدش عرف عنه حاجه ولما ظهر تاني رجع اشتغل في المخابرات كام شهر وبقدره قادر عمل طلب نقل للعمليات الخاصه مع قوات الصاعقه وفعلا اتنقل هناك وبقاله ١٠ سنين شغال هناك
زين: كريم يبقي جوز اختي
____________________________
ف العريش
كريم : ها ي زياد التجهيزات خلصت
زياد : ايوه وكمان النقيب احمد و النقيب عماد جه و الرائد حامد وصلوا
كريم : يبقي كدا احنا زي الفل ، صليتوا
زياد: ايوه طبعا ي فندم ،العمليه دي خطر ي قائد نت متأكد ان عمر ده كان بيقول الحقيقه قبل ما يموت
كريم : متخفش ان شاء الله هنخلص علي العصابه دي انهارده قول بس يارب يكون سالم من ضمنهم
زياد:ان شاء الله هنجيبهم
كريم: هات سلاحك و يلا بينا
طلع كريم للكتيبه برا
كريم بصوت قوي: جاهزين ي رجاله
جنود الكتبيه: جاهزين ي فندم
كريم : إن شاء الله زي ما احنا رايحين كاملين هنرجع كاملين، نتوا وحوش ي رجاله ، اتحركوا ي رجاله يلا
كريم ركب العربيات مع رجالته وكلهم اتحركوا
وبعد ساعه وصلوا للمكان اللي عمر قالهم عليه
كريم ل زياد : طلع مبيكدبش التكفرين قدامنا
زياد  : معاك حق ي فندم بس المكان مليان عربيات و رجاله
كريم: القاصد غالب واحنا اقوي منهم ، وكمان هما مش مستعدين فجأه هيجروا زي الكلاب قدامنا،  محدش فيهم كان متوقع ان عمر يكون قال علي أماكنهم قبل ما يقتلوه
زياد : هنعمل اي دلوقتي
كريم ف اللاسلكي: محدش يتحرك غير ما اديكم الاشاره
كريم ف اللاسلكي  : عماد عماد معايا
عماد : معاك ي فندم
كريم : خد اللي معاك و اقفوا  علي الطريق التاني اللي ممكن يهربوا منه ،مش عايز حد يهرب نت سامع
عماد : تمام ي فندم
كريم: حامد خد القوه اللي معاك ولف من ورا المبني
حامد : تمام ي فندم
كريم : أحمد خليك جمب العربيات وجاهز
احمد : تمام ي فندم
كريم : وانت ي زياد قول لجزء من القوه يوزعوا نفسهم علي المبانين دول انا عايزهم من كل جهه محاصرين مش عايز حد فيهم يهرب سامعني
زياد : تمام ي فندم
وبعد دقايق من تمركز رجاله كريم
كريم ف اللاسلكي : جاهزين ي رجاله،  يلا الله اكبر
كريم اول واحد بدأ ف الضرب للي كانوا بيحرسوا المبني بره
ابتدأ الضرب من الطرفين
التكفرين مكنوش متوقعين ده ساعد كريم ورجالته ف الضربه الاولي
كله واخد مكانه وملتزم بيه
كريم ف اللاسلكي  : أحمد أحمد ، أحمد نت فين
احمد : تمام ي فندم
كريم : في عربيه بتتحرك اتجاه عماد خلص حامد خلص علي اللي سايقها واللي ماسك الرشاش فوق
كريم : زياد ، آمني
زياد لفت انتباهم علي ما كريم يعرف يفتح الباب عشان يدخلوا  
كريم فتحه : اتحركوا ي رجاله
مكنوش بيسيبوا حد غير ما يخلصوا عليه
ف الجهه التانيه(التكفرين)
مساعد سالم : ايوه ي ابو عمران (سالم) الطواغيت هجموا علينا من كل حته ورجالتنا استشهدوا،  ومش عارفين نمشي
سالم : وهما عرفوا مكانكم منين ، حاول تهرب منهم وأنا لا علي هنا انت واللي عايشين
مساعد سالم: مش عارفين البدري هنا وموزعهم ف كل حته
سالم اتعصب: والله والذي خلقني وخلقه لاقتله بيدي هذا العدو الكاره للدين عدو الله ، قم بأخلاء المبني حاول والذين استشهدوا ف هم ف الجنه ان شاء الله 
كريم : البدري كدا حاف ي ابن ال ك ل ب
كريم ضرب عليه كل خزنه سلاحه
زياد ف اللاسلكي : نضفنا المبني ي فندم قتلناهم
كريم : اتجمعوا برا سالم مش هنا
وبعد ما كلهم اتجمعوا وكريم طالع لوحده من المبني عشان يروح لرجالته
طلع واحد إرهابي من وراه كان لابس حزام ناسف
زياد : حاسب ي فندم حااااااااسب
اتفجر الحزام واتفجر الارهابي ومعاه كريم
____________________________________
طلع الصبح ليوم أليم عدي علي رجالته بصعوبة ولحد دلوقتي محدش فيهم مصدق ان بعد ما خلاص خلصوا ومفيش ولا واحد فيهم اتخدش من الكلاب دول ، قائدهم يستشهد
اتجمعوا الكتبيه في الوحده
زياد بحزن وبصوت قوي : القائد كريم البدري كان لينا صاحب واخ واب قبل ما يكون قائدنا واحنا مش هنرتاح غير لما نرجع حقه و نقتل الباقي وزي ما هو قال ودايما كان بيقولنا ان القاصد غالب ودي الطريقه اللي هنخلص علي باقي التكفرين
________________
ورد فاقت مخضوضه : بسم الله الرحمن الرحيم
مريم : في اي مالك ي ورد
ورد : مش عارفه شوفت نفسي قاعده قدام قبر وبعيطت
مريم: اهدي اهدي هتلاقي بسبب اللي حصل امبارح بس
ورد بصتلها: ممكن ، تلفونك بيرن
ورد : دي رساله مش رن
مريم اتوترت : ينهار ابيض ينهار ابيض
ورد: في اي ي بنتي مالك
مريم : في حد ، حد باعت فديو للي حصل امبارح وانا ونتي بنمسح الحاجه وبنلف هشام
ورد خافت : هيكون مين ، ايوه انا قولتلك اني شوفت حد برا نتي مصدقتنيش
مريم : وهنعمل اي دلوقتي
ورد: اكيد اللي بيددهك هيرن انا متأكده
مريم: يارب انا اي اللي عملته ف نفسي ده بس
______________________________
يوسف: ايوه ي سياده الرائد في اي
زياد: مش عارف اقولك اي ، بس نت وعيلتك كلهم لازم تفتخر باللي هقولهولك ده
يوسف : في اي ما تقول
زياد : المقدم كريم البدري
يوسف اتخض : ماله
زياد بحزن : استشهد انهارده الصبح
يوسف : نت بتقول اي ، بقولك اي والله ما ناقص مقالب علي الصبح وقوله يبطل رخامه
يوسف قفل الفون وقام لبس ونزل
يوسف : دادا حضري الفطار
كارما: صباح الخير
يوسف : صباح النور
ورد نزلت هي ومريم
يوسف: مريم نتي كويسه
مريم بتوتر: اه كويسه
ورد : هو كريم مرنش من امبارح
حسن: لا مرنش وده مش عادته يعني
وفاء : هتلاقيه مشغول
حنان : ملكيش دعوه نتي
جمال دخل يجري عليهم : شوفته الأخبار ف التلفزيون
حسن : ماله
يوسف: خير فيه اي
ورد : ما تقول
جمال : افتحي بس ي ست ورد ونتي تعرفي
يوسف فتح التلفزيون
الاخبار:( شهد اليوم استشهاد القائد المقدم كريم  محمود البدري بانفجار حزام ناسف أثناء تأديته لمهمه ف العريش للقضاء علي بعض العصابات الارهاييه ولم يكن هناك أي مصابين فهو الشخص الوحيد الذي استشهد اليوم بعد أن قام بالقضاء عليهم جميعا )
الكل كان باصص للشاشه محدش مصدق اللي الأخبار بتقوله

#إسراء ابراهيم
#احببتها عنيده
تم تعديل الفصل ١٦ كامل واتشال منه اخر جزء عشان الاحداث تليق بشخصيه كريم الضابط

ادعوا للشهداء ..
وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا ۚ بَلْ أَحْيَاءٌ عِندَ رَبِّهِمْ يُرْزَقُونَ
ربنا يرحمهم ويغفرلهم ويسكنهم الفردوس الأعلى من الجنة  ويحفظ مصر وجيشها وشعبها .