احببتها عنيده

(البارت الثامن عشر _الجزء الثالث )💎

في الفندق
كريم : قاعده هنا ليه
تاليا: كنت بدور علي مالك عشان اشوف الجرح واغيرله عليه
كريم: طب يلا اطلعي عشان  سلمي كانت بتسأل عليكي
ورد : تعالي معايا ي تاليا
ورد خدت بنتها ورجعوا
كريم قعد جمب مالك : اظن منستش اتفاقنا
مالك : لا منستش مجرد ما نرجع هعمل اللي حضرتك طلبته
كريم : كويس انك فاكر وبكدا تكون اثبتلي انك تستحق بنتي بجد
مالك : حاضر وانا قدها وقدود
كريم وقف : انا عندي حاجات لازم اخلصها مع مدير الفندق  ف همشي انا بقا
مالك وقف : تمام ي عمي
كريم : متقوليش ي عمي
مالك ابتسم: مجرد ما اتجوزها هقولك ي بابا
كريم مشي وسابه
________________________
في عربيه راكب فيها سليم وأنس وعلي
علي : الا قولي ي سليم انت مش هتتجوز سيلا بقا
سليم : اتجوز سيلا؟ليه
علي : مش بتحبوا بعض
سليم: لا مش بنحب بعض او هي ليها مشاعر تجاهي بس انا لا وعشان مجرحهاش  مرضتش ابعد عنها فجأه لحد ما تتعود وتقتنع
علي : انت مش شايف انك غلطت ف حقها
سليم : قصدك اي
علي : بنت عمتك قاعده معاك من الطفوله كبرتوا سوا ودخلتوا نفس الكليه واغلب الوقت معاك وعبرتلك بكل الطرق انها بتحبك وهي كانت مقتنعه انك بتحبها ليه تقعدها جمبك ده كله علي أمل انك في يوم هتقولها بحبك وتتجوزها فضلت مستنيه ده كله منك عشان تقولها الكلمه اللي هي منتظرها طالما مفيش من ناحيتك مشاعر ليه متعرفهاش ليه تستني ده كله وتعلقها بيك بأمل ليه وفي الآخر تقولها عايز ابعد عنك عشان أخيرا قلبي دق بس مش ليكي لوحده غيرك 
أنا شايف انك انت اللي الوحش مش هي حته لو هيا اي مفيش أوحش من انها تعلق نفسها بأمل وفجأه يروح
أنس : علي مالك اتكلم براحه
سليم: لا مش غلطان انا كنت دايما بحاول ابعد كانت مصره انها دايما تقرب مش بأيدي انا عملت اللي قدرت اعمله وبعدين  انت متعصب ومضايق اووي كدا ليه
علي : عشان بسبب اللي انت عملته هي دلوقتي بتضيع نفسها عشان تحاول تنسي زي ما انت طلبت
سليم : ازاي
علي بعصبيه: معرفش ابقي روح اسألها
أنس : خلاص ي شباب كويس اننا جبنا اللي كنت عايزه وادينا وصلنا نشوف الباقي فين ، ريناد هناك اهي

________________________
سيلا صحيت من النوم وشربت العصير اللي كان معمولها وفوقت ولبست
ونزلت تدور  على علي عشان تشكره
حد بيخبط
سيلا بتفتح الباب : افندم
جوري : سيلا عمتو عايزاكي تحت هي وعمو زين
سيلا : طب اصبري انا نازله معاكي
نزلوا تحت
زين متعصب جدا: اهي الهانم شرفت
كارما : انا معرفش انت بتزعق ليه هو كل حاجه زعيق ما تفهمنا في اي
زين طلع الشيك بتاع البار ورماه في وش كارما: ادي آخره تربيتك عرفتي اي سبب انفصالنا نتي علي طول هامك علي الخروجات واصحابك  والسفر وناسيه عيالك عرفتي ليه كنت رافض تشتغلي عشان تهتمي بعيالك وياريتك عرفتي، ولا نتي عارفه بناتك فين ولا بيعملوا اي وانا علي طول ف شغلي ومعتمد ان في حد اقدر اعتمد عليه ف تربيه عيالي
كارما بدموع : وانت متكنش معاهم ليه ها ليه انا بس اللي مسئوله انا تعبت من كل حاجه كل حاجه بالنسبالك اوامر وبس ، محسسني انك جايبني لتربيه العيال والتنظيف ، بناتك انا ربيتهم احسن من اي حد
زين : لا مهو واضح بنتك كانت بتشرب ي هانم امبارح طول الليل ونتي قاعده مع صحابك ولا عارفه حته بنتك فين 
سيلا : بابا
زين : بابا اي نتي بعد اللي نتي عملتيه ده ليكي عين تتكلمي
علي لسليم: عرفت كان قصدي علي اي اديك شوفت
علي : ي فندم بنت حضرتك معملتش حاجه ومكنتش هناك اساسا
زين : يعني اي امال ده اي
علي : انا عارف ان ده شيك بأسمها بس مش هيا اللي شربت هناك ده كان انا وانا كنت سيبت الفيزا بتاعتي في مصر وهي كانت هناك قاعده مع صحابها مش اكتر ولما سمعت الخناقه اللي حصلت بيني وبين اللي هناك وانا قولت اني قريبكم ف قامت تشوف ان ليه بقول كدا وعرفتها اني صاحب أنس وحلت هي المشكله انما هي مشربتش حاجه
كارما: انت زي ما انت مش هتتغير ظلمت بنتك وظلمتني
زين : قدري شعوري شويه انا زيي زي اي أب كان هيعمل كدا لما يجيله شيك زي ده
سيلا كانت واقفه مش عارفه تعمل اي وليه علي مقلش الحقيقه
زين : متزعليش مني ي سيلا بس انا بخاف عليكوا
سيلا : عادي ي بابا محصلش حاجه ده سوء تفاهم
كارما خدت بعضها وطلعت مضايقه
سهيله: روحلها ي  زين  اكيد زعلت
زين : هروحلها
زين راح وراها
........
جوري : ريناد
ريناد : اي ي بت في اي
جوري : الشاب اللي اسمه مصطفي من امبارح واي مكان بنروحه هو ورانا
(مصطفي الشاب اللي ركان نزل يدور عليه ف البحر لما مامته فضلت تعيط )
ريناد : ده بارد ، بس غريبه عايز اي ده
جوري   : معرفش انا هقول لباباي او ل أنس او سليم حالا
ريناد : هشششش هو اي حاجه كدا متبقيش زي العيله الصغيره احنا ملناش دعوه بيه وخلاص
جوري : طيب
____________________
سيلا متعصبه: ممكن لحظه
علي : افندم
سليم : أنس تعالي معايا
أنس : فين
سليم : تعالي بس 
سيلا لما هما مشيوا: أنت ليه عملت كدا ليه مقولتش الحقيقه
علي : مزاجي
سيلا : متعصبنيش
علي : بصي بقا عشان نعرف نتعامل مع بعض الفتره الجايه؛ عشان منتعبش من كتر الاسئله ، بصراحه نتي من نوع البنات اللي انا بحبه النوع الرخم والشرير ده انا اجي بقا عشان اغيرك
سيلا: انت اهبل ي بني ولا شكلك كدا
علي : كدا بقا هنزعل من بعض مش عيب تقولي علي جوزك اهبل
سيلا: انت مريض نفسي ولا عندك حاجه ف مخك ولا اي ....
علي سابها ومشي
__________________
عند ركان
آسر : نتي بتتكلمي بجد ، انا ، انا اللي امه داعيه عليه
ركان  : مش وقته اعترافات هسندك عشان تقوم مش هنستني الاسعاف،  الاصابه مش خطر متستهبلش
آسر:  ي بني حرام مش عارف اخد حته وضع الموت
ريتال : بطل كلام دلوقت
ركان: اسنديه معايا ي ريتال
ريتال قامت وسندوه لحد عربيه ريتال
ريتال : انا هسوق وهات عربيتك وتعالا ورايا
ركان : ماشي انا وراكم
راحوا بسرعه علي المستشفي
ركان نزل ونزلوا آسر ودخلوه بسرعه لاوضه العمليات
ريتال بخوف : نكلم ابله مريم تيجي
ركان : متقلقيش لما يطلع  من العمليات نكلمهم 
ريتال : انا خايفه
ركان راحلها ولف دراعه علي كتفها : متخافيش هيبقي كويس الطلقه جت ف مكان مش خطر هيطلع بسرعه
ريتال سندت برأسها  علي كتفه: انا السبب في اللي حصل ، انا مش فاهمة ليه تمشي ورايا وليه تصمم انك تفضل
ركان اتعصب : نتي شايفه ان كنت اخد بعضي وامشي يعني واسيبك مع العصابه دي
ريتال: انا مش ضعيفه واعرف احمي عن نفسي كويس
ركان : اي كان بس ف الاول والاخر نتي واحده هما كتير والكتره تغلب الشجاعة
ريتال: كنت هحل الموضوع مش لازم عنف
ركان : انا مش هرد عليكي هسيب اللي حصل بقا يفهمك ان دول مينفعش معاهم غير عنف ، وبعدين نتي ازاي متقوليش علي كل اللي حصل ده
ريتال: مكنش ينفع اقولك ، قالولي انهم ممكن يرفعوا قضيه ضد الشركه بالعقد اللي معاهم وده ممكن يضر الشركه وهيضرك انت وآسر
ركان : برضه كان المفروض تقوليلي وانا كنت هتصرف
ريتال : حقك عليا ي ركان بس عملت كدا من خوفي عليكم
ركان : خلاص نطلع من هنا وانا هشوف الموضوع ده ، هتعملي اي مع آسر
ريتال  اتكلمت بخوف: مش عارفه ومعرفش ازاي قولتله كدا اساسا بس حسيت فجأه اني هخسره
ركان : طب بس اهدي دلوقتي استني هقوم اجبلك حاجه تشربيها
عدي فتره ......
الدكتور طلع : الحمد لله هو كويس واتنقل علي اوضته وشويه هيفوق
ريتال: نقدر نشوفه
الدكتور: ايوه اتفضلوا بس الممرضه هتاخدكم عشان تتعقموا
ركان: تمام
_____________________________
عند كريم
كريم : عايز كل تسجيلات الكاميرات بتاعت مداخل ومخارج اماكن العربيات
مدير الفندق : طبعا احنا تحت أمرك ي كريم بيه كلها هتكون جاهزه
كريم : خلصها واديها لعصام
مدير الفندق : حاضر كل اللي حضرتك تؤمر بيه ، بس هو في حاجه
كريم : اعتقد انك عرفت اللي حصل امبارح وانا عايز اعرف اصل اللي حصل بنفسي
مدير الفندق : حاضر انا هبعتهم كلهم مع استاذ عصام
كريم : احنا ماشين كمان شويه تقدر تبعت التكاليف كلها للبشمهندس يوسف
مدير الفندق : نتمني زياره حضرتك لينا مره تانيه
كريم وقف : قريب بإذن الله ، عن إذنك
كريم طلع من اوضه المدير و طلع يشوف جوري و ريناد فين مشفهمش من الصبح
____________________________
ريناد اتعصبت: لا كدا انت زودتها
مصطفي: انا كلمتك
ريناد: ماشي ورانا ليه
مصطفي : انا حر
ريناد : لا مش حر ، انا ممكن حالا اخليك تندم انك ضايقتني
مصطفي: ي سلام هو نتي مفكرا نفسك اي ، ومين قالك اني ماشي وراكي اساسا بعدين مش نتي اللي اتريقتي عليا امبارح
ريناد : عشان انت تستاهل
مصطفي ضحك : والله انا مستغرب جرأتك دي جيباها منين ، علي فكرا انا اكبر منك المفروض تحترميني
ريناد: اكبر مني ب  كام سنه بقا علي اللي انت عامله ده
مصطفي : انا فى ٣ حقوق وحضرتك
ريناد سكتت : وانت مالك بقولك اي ملكش دعوه  بينا وياريت تمشي من هنا
جوري واقفه ساكته : خلاص ي ريناد بقا خلينا نمشي
مصطفي : شايفه الرقه مش دبش زيك
جوري : خلاص حصل خير يلا ي ريناد
ريناد : اووف يلااا
مشيوا و ريناد متعصبه
كريم قابلهم : كنتوا فين ي حلوين وماشين من غير حرس ليه
جوري : زهقنا ف قولنا ننزل نتمشي
كريم رفع حاجبه: مالك ي ريناد ساكته ليه مش عوايدك
جوري : اصل....
ريناد قاطعتها: لا ولا حاجه ي عمو اصل الخناقه اللي حصلت بين عمتو واونكل زين مضايقاني
كريم: حصل اي
ريناد حكتله
كريم : طب تعرفوا هما فين
ريناد : اه هتلاقيهم هناك كدا وشاورتله علي المكان 
كريم : طب يلا روحوا اقعدوا مع اخواتكم او كلمهم ينزلوا يقعدوا معاكم وانا هبعتلكم الحرس برضه
جوري وريناد : حاضر هنكلمهم ينزلوا
كريم راح المكان اللي قاعد فيه زين و كارما
صوتهم زعيقهم كان عالي اول ما جه كريم سكتوا
كريم قعد قدامهم: بصوا بقا عشان الموضوع ده انا قولت مش هدخل فيه لحد ما تشغلوا عقلكم وتحلوه بس تقريبا الوضع محتاج حد تالت
كارما بزعيق : كريم انا ...
كريم بنبره صوت حاده: اسكتي،  دلوقت انتوا عايشين مع بعض بقالكم عمر فاهمين بعض واتعودتوا علي كل تفاصيل يومكم،  كارما مفيش حاجه اسمها خروج كل يوم وسهر كل ليله وكلام حب ٢٤ ساعه مش ده الحب نتي فاهمه غلط انتي عندك بنتين زي القمر ربنا مباركلك فيهم واحده مهندسه والتانيه دكتوره نتي مش قريبه من ولا واحده فيهم مبقولش حاجه عن تربيتك ليهم انا بتكلم في قربك ليهم زين طول اليوم بعيد عن البيت  في شغله زيه زي اي راجل نتي المسؤله عن البيت مخدتيش بالك من ريتال وان في حاجه غريبه بتحصل معاه او هي ف مشكله ريتال بنتك كان مجهزه كل حاجه عشان تسافر وتكمل شغلها بره مخدتيش بالك من سيلا ومن مشاعرها تجاه سليم وان سليم مش بيبادلها نفس المشاعر بس مش راضي يقولها طب متعرفيش انه قالها وانه بيحبك مليكه بنت عمه ومليكه رفضت قربه منها عشان متجرحش مشاعر سيلا مع اننا عارفين ان مليكه بتحبه من وهما صغيرين بس سيلا كانت دايما بتخده منها نتي متعرفيش اي حاجه عن بناتك وسيباهم ومهتمه بالخروجات والفسح في الوقت اللي المفروض تكوني جمب ريتال وتعرفي ليه عايزه تبعد عن الكل وتبقي مع سيلا وتفهميها ان مش ده الشخص اللي ربنا كاتبهولها وتعرفيه ازاي تتخطي اللي هي فيه عشان متحقدتش علي مليكه لما تعرف كل ده كان دورك ونتي نستيه بأيدك تنجحي حياتك وبأيدك تخربيها ، زين وانت كمان عارف انك مضطر انك تكون في شغلك وانك شغلك طبيعته كدا بس بيتك ليه عليك حقوق مراتك من حقها تخرج معاك وتحس انك مهتم بيها مينفعش تكون بتغيب عنهم كتير وتيجي ومتديهمش حقهم من حقها تسمع منك كلمه حلوه تحس انك لسا بتحبها تكون مع بناتك وتحتويهم تاخد اجازه  عشانهم وتسافروا وانت عارف اني اقدر اساعدك تاخد اجازه بس دايما انت رافض
أنا شايف ان كل واحد فيكم غلطان كل واحد بيفكر من نحيته محطتش نفسه مكان التاني،  كل اللي اعرفه ان اللي انتوا فيه ده لازم يتحطله حد
كريم : زين طالما خطبت واحده يبقي معنتش عايز كارما
زين : لا طبعا سهيله مش خطيبتي سهيله زميلتي وانت عارف عملت كدا عشان اخليه تفهم ان وجودي في حياتها كان مهم
كريم : كارما لسا بتحبيه؟
كارما : هو عارف اني عمري ما بطلت احبه
زين : وانا بحبك ونتي عارفه بس خلاص بقيت بحس انك مش عايزه تكملي
كارما : انا قولتلها غصب عني ي زين انت ما صدقت وطلقتني انا مستحمله ده كله عشان بحبك واليومين دول انا كنت بخرج في كل حته بس مكنتش مبسوطه عشان نت مش معايا
زين مسك ايديها وباسها : حقك عليا ي كارما انا كنت متعصب مسيطرتش علي نفسي انا رديتك بعد طلاقنا علي طول
كريم : انتوا قبل ما تغلطوا في حق نفسكم غلطوا في حق ولادكم اعتقد هما بس اللي اضروا من اللي حصل
كارما : معاك حق ي كريم احنا لازم نروحلهم ونتكلم معاهم ونحاول نصلح اللي فات
زين : شكرا ي كريم
كريم قام وقف : انا معملتش حاجه ،بذره الحب موجوده  كانت محتاجه بس اللي يصحيها بينكم اسمعوا بعض ف المشاكل اتناقشوا واوصلوا لحل ياريت مشفكوش زعلانين تاني
كارما مسحت دموعها وقامت هي وزين يروحوا ل سيلا
كريم بص عليهم وهما ماشين وبص للسما : عارف ي جدو انك سامعني للحظه حسيت اني انا انت افتكرت لما كنت بتحل المشاكل بيني وبين ورد و بين يوسف ومريم حفيدك الشقي كبر وبقا بيتكلم زيك ربنا يرحمه ي جدو
كريم طلع فونه رن علي ورد : ايوه ي ورد
ورد : ايوه ي حبيبي انت فين
كريم : زين و كارما اتصالحوا وطلعوا سوا
ورد : بجد
كريم: ايوه ي ستي بناخدها واحده واحده خلصنا من يوسف و كارما
ورد : ربنا يفرح قلبهم يارب
كريم : نتي فين
ورد: انا وتاليا وجوري وريناد تحت جوري وسلمي و مليكه رنو عليا ونزلنا نقعد معاهم شويه قدام البحر ومتقلقش عصام بعتلنا حرس
كريم : خلاص ماشي اناهروح اطمن علي الشباب كدا واجيلك
ورد : ماشي ي حبيبي هستناك
________________________
في فيلا كريم البدري في القاهره
فارس : بس بقا ي يارا بس نتي ازاي كدا
يارا بدلع: مالك بس ي حبيبي هو انا طالبه كتير ده هما ٥٠ الف جنيه
فارس: نتي مش بتشبعي فلوس خالص كدا
شروق نزلت
دادا عفاف : مدام شروق الانسة يارا جوا
شروق : طب روحي نتي ي عفاف  اعمليلي قهوه
شروق دخلت : بتزعق ليه ي فارس
فارس : ولا حاجه ي ماما عايز ٥٠ الف جنيه
شروق استغربت: ليه ده كله
فارس : عايزاهم وخلاص
يارا بصوت واطي : عايزاهم انهارده ي بيبي ضروري
شروق اتعصبت: هي اللي طلبتهم صح
فارس : لا ي ماما
شروق : مفيش فلوس
فارس: يعني اي لو مجبتليش هطلع اخد الفزيا بتاعتك واخد اللي عايزه
شروق اتعصبت وزعقت: عايز تسرقني يعني
فارس  : سميها زي ما تحبي
شروق ضربته ب القلم : كان معاهم حق اني دلعتك فضلت اقول لا لا لا ابني راجل انت مش راجل ومتقدرش تبقي مسؤول عن بيت وعيله انت عيل عمك كان معاه حق اني اسيبك تعتمد علي نفسك انا اللي كنت غلطانه اطلع بره الفيلا مش عايزه اشوفك هنا تاني لآخر يوم ف عمري انت مش ابني ولا اعرفك
فارس طلع متعصب ووراه يارا واول ما طلع رايح ياخد عربيته
الحارس: مش مسموح لحضرتك تاخد اي عربيه
فارس خد بعضه ومشي وميعرفش رايح فين
يارا : يعني اي انا هطلع من الليله دي من غير جنيه اعتبر الخطوبه دي متمتش وحته الدبله مش هديهالك دي بتاعتي ويلا بسلامه
فارس خد بعضه وراح لمحمد (ابن زياد صاحب كريم من زمان ف الشغل ) كان عرض عليه انه يدربه ويعلمه حاجات كتير
_____________________________
في المستشفي
ريتال دخلت اوضه آسر هي  و ركان
ريتال : هو هيفوق أمته
ركان : اهدي ي بت بقا ما الدكتور قال شويه وهيفوق
وبعد شويه.....
آسر فتح عينه
ريتال قامت قعدت جمبه علي السرير
ركان ابتسم: حمدلله على السلامة ي عم عشان تبطل رخامه اهو خدت عقابك
آسر اتكلم براحه: ي قسوه قلبك مش مهم انت دلوقت انا هحكيلك علي حاجه ، انا حلمت بحاجه كدا خير اللهم ما اجعله خير ان ريتال كانت حاطه رأسي علي رجلها وانا بسألها مين اللي هي بتحبه ردت قالتلي انت حلم غريب عجيب
ريتال بصت ل ركان وبرقت 
آسر : اي ي جماعه سكتوا ليه
ريتال : احم احم،  انت قولت حلم
آسر : اهاا
ريتال: طب انا طالعه اجيب حاجه
آسر ضحك ومسك ايديها: طب بس اصبري بهزر
ريتال : بجد انت رخم
آسر : حلم اي ي ستي ده احنا عرفنا بعد معاناه
ركان : المهم اني كنت عارف قبلك
آسر : طب نتي وبتحبيني واعترفتي انتي هبله عايزه تمشي ليه من البلد وتسبيها وحبتيني أمته أساسا
ركان : معرفش والله نتي حبيتي الكائن ده ازاي
ريتال: فاكر اليوم اللي كنا في الشركه وكنا بنشتغل وانت نمت لما حصل مشكله وحصل هجوم علي الشركه كان اليوم الوحيد اللي سهرت معاك فيه انت نمت من هنا وانا قمت كملت الشغل اللي باقي من هنا وبعدين
فلااااااااش بااااااك
ريتال خلصت التصاميم بتاعت آسر : كنت عارفه انك هتنام اساسا انت واحد
كسلان
ريتال راحت قعدت جمبه علي الشازلونج ومسكت فونها وفضلت تقلب فيه وبعدين قفلته فجأه وفضلت باصه علي آسر قربت منه شويه وفضلت باصه لملامحه اكتر 
ريتال بتكلم آسر وهو نايم : تعرف اني يومي مبيكملش من غيرك اكتر واحد خانقني في حياتي وقارفني وهفضل اتحداه باقي عمري كله بس معرفش كل ما ببقي معاك ببقي فرحانه وانا قريبه منك وحته وانا مش طايقاك فرحانه برضه المهم تكون موجود خايفه اكون وقعت في اللي مانعه نفسي عنه من زمان ، برضه بكرهك مهما عملت بس بفرح وانت معايا
ريتال باسته بوسه خفيفه علي خده ونامت علي كتفه
وفضلوا كدا طول الليل
ولما النهار طلع
ريتال صحيت متعصبه من اللي حصل امبارح وقررت انها تبعد عنه عشان مش هتعرف تمنع حبها ليه انه يظهر وراحت حكت لركان وهو اللي رفض سفرها عشان ده مش حل حته وهي بعيده هتفضل تحبه
بااااااااااااااك 
ريتال : وبس  ده ملخص
ريتال حكت كل حاجه ماعدا بوسه الخد
آسر ضحك : اي ي ستي في اي هو اللي نتي عماله تعمليه ده كله عشان اكتشفتي انك بتحبيني،  ده انا شتمت اللي نتي بتحبيه ده ابشع الشتايم عشان هو السبب انك هتسافري
ريتال : ما خلاص بقا غير الموضوع ده لحد ما تتطلع من هنا
آسر   : طب يلا انا عايز اروح اساسا
ركان : اصبر شويه
ريتال: لا طبعا مفيش خروج لحد ما تبقي كويس
آسر : لا بقولك اي شغل الحنيه ده مينفعش فين ريتال الجامده اللي ٢٤ ساعه خنقاني
ريتال : موجوده بس مختفيه دلوقت عشان انت كنت بتودع بس
آسر: ايوه كدا ارجعي تاني هتجوزك ونتي كدا لا اما مش هتجوزك
ريتال اتوترت: .....
الدكتور دخل : ها ي  بطل عامل اي
آسر : عايز اخرج
الدكتور: مستجعل علي اي علي العموم هو كويس وكل حاجه طبيعي بس برضه عشان نطمن اكتر
ركان: هو ينفع يطلع ويكمل في القاهره عشان احنا مسافرين
الدكتور: السفر كتير عليه لازم يكون معاكم دكتور او ممرضه
ركان : مامته دكتوره واخوه وبنت عمته وبنت عمه يعني العيله فيها كتير
الدكتور: تمام كدا ماشي اول ما يقدر يمشي تقدر تخرجه الف سلامه عليه
ركان : الله يسلمك ي دكتور شكرا
ركان : نص ساعه ونخرج
_______________________________
جنى : هو راح فين ازاي ميجيش يتكلم معايا تاني
فونها بيرن
جنى : الو ...الو باين مفيش شبكه هطلع بره
جني طلعت بره الاوضه : الو الو مفيش حد بيرد
سمعت حد بيتكلم آخر الممر
الشخص : ازاي كارما وزين يرجعوا ليه بيتجمعوا تاني لازم كلهم يتفرقوا لازم يعيشوا ف آلم وفراق وضعف
جنى مشيت براحه وكل ما تقرب تسمع الصوت أوضح لحد ما وصلت فى الاخر وبصت عشان تشوف مين
شافت حد من ضهره بيتكلم ف الفون لابس اسود ف اسود ومغطي راسه
جنى مسكته من كتفه عشان تشوف ده مين
حد ضربها علي رأسها ف وقعت علي الأرض
اللي ضربها علي رأسها : امشي من هنا بسرعه قبل ما حد يجي
البنت اللي لابسه اسود ف اسود هزت رأسها بماشي وجريت
وسابوا جني واقعه 
____________________
كريم: بتعملوا اي ي شباب
أنس : ولا حاجه ادينا قاعدين بما ان ماما خدت سلمي معاها ف مضطر استحملهم معرفش آسر وركان وريتال فين
سليم  :  للاسف آسر مش هنا ف هنقعد مكتأبين لحد ما يجي
علي : انا دمي خفيف بس انا مش المود
يوسف جه ومعاه مريم
كريم : أخيرا الباشا شرف
يوسف : انت عارف مريم بقا لازم تنزل تشتري الدنيا كلها وتيجي
مريم : وفيها اي يعني مش حاجات محتاجاها احنا بنيجي كل يوم...
كريم  : بس بس خلاص مش جبتي اللي انتي عايزاه خلاص 
مريم : يسس
كريم : امال ركان وآسر وريتال راحوا فين
مريم : معرفش مشفتهمش من الصبح امال ورد فين
كريم : قاعده قدام شويه مع   البنات
مريم: طب عن اذنكم هروح اوريها الحاجه
يوسف : ماشي
يوسف : هتلاقيهم راحوا يجيبوا حاجه
كريم  : ركان تلفونه بيقول باظ ف رن علي آسر رنيت علي ريتال مقفول
يوسف : طالما هما التلاته مع بعض متققلش
كريم : مهو المشكله ان هما التلاته مع بعض يعني لازم اقلق
يوسف ضحك : لا لا متخافش ، ما تيجوا نلعب
كريم : لا حول ولا قوة الا بالله،  وانا اقول آسر طالع لمين 
يوسف : ي عم قولت حاجه غلط ده هنلعب يعني احنا ف اجازه
كريم : عايز تلعب اي
يوسف : أي حاجه نلعب كوره طايره ي عم حاجه سهله اهي
سليم : موافق
علي: يلا بينا
أنس: لا انا مليش ف اللعب
يوسف : خليك انت ي عاقل
علي: لا هيقوم يلا
علي شده وقاموا ونادوا ل زين من عند سيلا
______________________________
ركان وآسر و ريتال طالعين من المستشفي
ريتال : هنركب عربيتك ي ركان وابقي ابعت حد ياخد بتاعتي
ركان : ماشي
ركبوا ورجعوا علي الفندق
ركان : بصوا بقا من غير وش  هسند آسر وهطلعه علي اوضته يرتاح شويه علي معاد السفر ونتي استني هنا هننزل نشرح اللي حصل لبابا وعمو براحه كدا
ريتال : حاضر
آسر : يلا ي عم انا اصلا كويس مش محتاج اوض بس يلا عشان مكسفكش
ركان : انا مش فايق بصراحه لروقانك ده يلا
نزلوا ومن غير ما حد من الحرس ياخد  باله طلعوا ف الاسانسير  وطلعوا علي اوضه آسر وقعدوا علي السرير 
ركان : هتنام شويه ومتتحركش اديك سمعت
آسر : هفكر
ركان : انا مبهزرش
آسر: خلاص ماشي بقا
ركان : ماشي انا هنزل بقا عشان ريتال
آسر : ماشي
______________________
أحمد الجوهري ( رجل الأعمال  اللي طلب من جني لما ترجع القاهره تنظم حفله لعيد ميلاد والدته )
كان طالع من اوضته وشاف حد مرمي ف آخر الممر
ف راح يشوف مين وف نفس الوقت طلع ركان من اوضه آسر
ركان : انا اي اللي هيمشيني من هنا تاني هلف من الناحيه التانيه وخلاص
من الجهه التانيه
احمد الجوهري: أنسه! دي جنى ، جنى جنى جنى فوقي
احمد شالها وماشي من جهه ركان
وهنا ركان شافه وهو شايلها اتصدم
ركان وقف مكانه يتأكد انه فعلا دي جني
احمد وقف قدامه : افتح الاوضه اللي جمبك
ركان خد منه مفتاح الاوضه وفتحها فعلا أحمد دخل جني نيمها علي سريره
ركان متعصب وقلق عليها : أي اللي حصل
أحمد: معرفش انا لقيتها كدا واقعه
ركان : طب هات مايه لو سمحت
ركان قعد جمبها ومسك ايديها وحاول يفوقها
احمد جاب المايه وادهاله
ركان رمي شويه منها علي وشها عشان تفوق وفضل يدعك في ايديها فتره
بدأت جني تفوق
ركان بقلق: جني شايفاني
جني : اه انا كويسه هو اي اللي حصل
ركان : انتي اللي ازاي وصلتي لهنا
جنى حاكتله علي اللي حصل
ركان اتعصب واضايق اكتر:  كدا الموضوع زاد عن حده متخافيش نتي دلوقتي ف أمان
احمد : خوفتيني عليكي اووي ي انسه جنى حمد الله علي السلامه لو عايزه تفضلي هنا شويه لحد ما تبقي كويسه ياريت
جنى لسا هتتكلم
ركان : لا هي كويسه وهتروح اوضتها
أحمد: انا بسألها هي
ركان : وانا اللي برد في مشكله
جني : خلاص خلاص انا كويسه  ومش هروح اي اوض انا نازله تحت
ركان وقف ومديلها ايده جنى مسكتها وقامت ومشيت معاه ساكته
نزلوا تحت
ريتال : اتأخرت كدا ليه
ركان : ولا حاجه
جنى : انا هروح ل سلمي هي مع مدام ورد علي البحر
ركان : خديها ي ريتال وروحي نتي وهي لماما وانا هتكلم مع بابا لوحدي
ريتال : بس !؟
ركان : من غير بس اسمعي الكلام
ريتال : حاضر   
ريتال راحت مع جني لورد و ركان راح ل كريم
ركان واقف بعيد شايفهم بيلعبوا وفرحانين
ركان: بابا
كريم وقف لعب  وقال بأبتسامة اخيرا سياده الرائد ظهر
كلهم وقفوا وراحوا قعدوا وركان قعد معاهم
يوسف : شايفك جاي لوحدك يعني فين التاني
كريم استغرب: ما تتكلم ي بني ساكت ليه
ركان : ريتال كانت رايحه مكان واحنا رحنا وراها وطلعت مورطه نفسها ف اتفاق مع واحد كان جاي علي انه شغل .........
ركان حكلهم علي حاجه لحد ما جابوا آسر فوق
كريم : وآسر كويس
ركان : ايوه الحمد لله كويس هو صاحي وقاعد فوق اصريت انه مينزلش مع انه كان عايز
يوسف  كان مخضوض: انا هطلع اطمن عليه 
سليم: كلنا اكيد هنطلع
أنس : طب مين هيقول ل خالتو مريم
ركان : ريتال هتتصرف
يوسف : طب يلا
كلهم قاموا
ركان: بابا عايزك لو سمحت
كريم: طب اطلعوا انتوا وانا هجيلكم
ركان حكاله اللي حصل مع جنى وهو متعصب ومضايق جدا
كريم : طب اهدي شويه ده انت مكنتش متعصب علي آسر كدا ، طب هي كويسه
ركان : آه اللي اسمه احمد الجوهري ده شافها وشاله لولا انها بس كان مغمي عليها كنت ضربته بوكس خليته يفكر مرتين قبل ما يلمس حد تبعنا
كريم ابتسم : طب متقلقش وهدي نفسك شويه ، كلها كام ساعه ونرجع واشوف مين اللي اتجرأ وحاول بس وعمال يفكر انه يأذي عيلتنا
ركان : مش قلقان المهم نعرف بسرعه