احببتها عنيده

الفصل الاربعون💎

كريم: من بكرا ي حسن هتنزل الشركه مع يوسف وهتتعلم منه
حسن اتبسط: اكيد طبعا موافق
يوسف: وهتصحي الساعه ٧ الصبح تفطر وهنروح اوضه الجيم بتاع كريم اللي ف الجنينه لازم تتعود علي عيشتنا و أوضتك هتكون جمب اوضتي اللي ف الدور الثاني
حسن : حاضر...بس انا عارف ان كارما بنت عمي بس مين الأنسه وشاور علي شروق
كريم : اولًا مفيش حد عندنا هنا اسمه ابن عم يوسف اخويا وكارما اختكم ونت اخويا الصغير زيهم....ثانيًا شروق صديقه طفولتنا وهتتجوز هي ويوسف قريب
حسن 
حسن : تمم ..
شروق بصتله : ممكن انا اللي اوريلك الفيلا
حسن: اكيد ممكن
شروق : اوكيه ممكن دلوقتي
حسن قام: ماشي
شروق خدته و وريته كل حاجه
حسن : نتي عندك كام سنه
شروق : ٢٢ ليه
حسن : طب حلو انا اكبر منك بسنه واحده بس
شروق ابتسمت: مش فاهمه قصدك
حسن : نتي بتحبي يوسف
شروق : انا ويوسف حكايتنا بدأت من زمان اووي لما كنا أطفال بنلعب ونروح ونيجي مع بعض لحد ما انا سافرت وانا مسافره قولتله ان انا بحبه وهو قال بس كنا لسا صغيرين
انا سافرت ومشاعري اتغيرت و هو كمان ..بس لما رجعت حاولت اني ارجع احبه حب زمان بس كل اللي ف قلبي هو حب صحاب وحاجه جوايا عايزه تفضل مع يوسف حبيبها القديم وصاحب عمرها بس ..وحته يوسف متغير معرفش اي خلاه يطلب انه يتجوزني بس انا وافقت كنت مفكره اني هبقي فرحانه بس من ساعتها حته مقعدناش نتكلم سوا ...
حسن : طب ليه متكلمتيش معاه
شروق : يوسف مش مديني فرصه اتكلم ف حاجه ولا بنخرج ولا اي حاجه
حسن مرداش يضايقها اكتر : ان شاء الله كل حاجه تتصلح
شروق حست انها مرتاحه بكلامها معاها : تخرج انهارده !
حسن : اه طبعا بس يوسف..انا بحاول اصلح علاقتي بيه انا الفتره اللي كنت فيه بتعلم ف المركز فهمت يعني اي أخ وبجد انا عايز احس بحنيه العيلة اللي اتحرمت منها
شروق : متقلقش يوسف مش هيسأل حته رايحه فين ..يوسف اتغير معايا
حسن: لو قولتيله ووافق انا معنديش مانع
شروق اتبسطت: شكل الموضوع هيقلب جد ولا ايه
حسن ابتسم: قصدك اي
شروق: والله ما اعرف يلا بينا
حسن : يلا
________
جوا ف الفيلا
يوسف : انا مبسوط من التغير اللي حصل لحسن ده شكله اتغير طريقته كل حاجه
كريم : حاول تساعده يتعلم منك حاجه حسسه انك مهتم بيه وانك فعلًا اخوه الكبير خليك معاه
يوسف : حاضر ي كريم
ورد نزلت : زهقت من القاعده فوق كدا
كريم : ي حبيبتي مهو لازم تفضلي مرتاحه
حنان : نتي حامل دلوقتي ف الشهر كام
ورد : ف التالت
حنان : ربنا يقومك بسلامه
الجد : امال زين مجاش ليه انهارده
كارما فرحت : هيجي بليل ي جدو عشان يقولك علي حاجه
الجد : هيقولي علي اي ي قلب جدك
كارما اتكسفت: خلاص بقا ي جدو هو يقولك
الجد: اي ده اتكسفتي ي كرامله ماشي اما نشوف
كريم : امال مريم مجتش ليه
ورد: كلمتني قالت هتيجي بليل عشان دكتور هشام عايزاها
كريم : ماشي
يوسف خد باله من كلامها: طب انا هقوم انا بقا
كريم: رايح فين
يوسف : مشاور كدا مش هتأخر...اه صحيح فاكر الأرض اللي اشتريتها زمان اللي كان عز ومراد عايزنها
كريم: مالها
يوسف: خلصت انهارده بانوها مستشفي
كريم ابتسم وفهم دماغه: اشمعنا
يوسف ضحك عشان عرف ان فهمه: هو كدا
كريم : ماشي
شروق دخلت وحسن بيهزروا:انا هخرج بليل مع حسن اشم شويه هوا بدل قعده البيت دي
يوسف من غير ما يفكر : ماشي وبص لحسن...ادخل اوضتي وخد اللبس اللي نت عايزه علي ما ننزل انا ونت نشتري لبسك الجديد
حسن ابتسم وحضنه
يوسف اتفأجاه  وكان متردد يحضنه وبص لكريم اللي ضحكله...حضنه يوسف ..يوسف حس احساس يعني اي تكون أخ كبير وحس بكريم والمسؤليه اللي شايلها
يوسف : تقدر تنام ف اوضتي علي تجهز أوضتك
حسن: حاضر
يوسف : انا ماشي بقا سلام
_________
مريم : ايوه ي عمر
عمر : نتي فين
مريم : انا ف المستشفي
عمر : مقولتيش ليه
مريم : ي عمر ده شغل بيجي فجأه وكمان نت مش قولتلي انك اشتغلت ف صيدليه ابن عمك الفتره دي ..يعني مشغول مرضتش اني ازعجك
عمر : انا مقولتش متزعجنيش ي مريم ..فيها لو كنت جيت وصلتك ورجعت واطمنت عليكي انا مش شايف فيها حاجه
مريم : ي حبيبي انا كويسه والله وحقك المره الجايه هقولك خلاص اقولك ابقي تعالا خدني ونروح لورد وكريم
عمر : خلاص ماشي
مريم : عمر
عمر : نعم
مريم : متزعلش مني
عمر فرح : مش زعلان خلاص...بعد ما نطلع من عند ورد وكريم هنروح لماما
مريم : ايوه ماشي اكيد
هشام: مريم تعالي لو سمحتي كدا
مريم : طب عمر هقفل انا متتأخرش عليا
عمر : ماشي ي حبيبتي
مريم : نعم ي دكتور
هشام : بصي في كمان ٣ ايام  مؤتمر هتستفادي منه وهيساعدك ف دراستك ..تيجي معايا
مريم : ماشي اكيد   هاجي انا مش عارفه اشكرك ازاي والله
هشام: لا شكر ولا حاجه المهم تجهزي نفسك
مريم : تمم
هشام : مش تعرفي فين الأول
مريم: فين
هشام: ألمانيا
مريم اتصدمت : فين
*****
يوسف : ايوه ألمانيا احجزلي طياره كمان ٣ ايام لازم أسافر بسرعه معرفش الراجل اللي موقف الشغل اللي هناك ده
عصام: امرك ي يوسف بيه هتتحجز .. عايزاها اد اي
يوسف : استني عليا  لبكرا كدا وهقولك اد بفكر مرجعش الا بعد فتره طويله
عصام : خلاص اول ما ترد عليا هحجزها
يوسف : ماشي
_____
بعد سااااعات
عمر نزل فتح باب العربيه  لمريم
مريم ركبت
عمر : يلا نروح لماما الاول
مريم: ماشي بس منتأخرش عشان انا مديه معاد لورد
شويه ووصلوا
طلعوا ودخلت مريم من بعده سلمت علي وفاء : ازيك ي ماما عامله اي
وفاء: الحمد لله ي حبيبتي نتي عامله اي
مريم :كويسه الحمد لله
وفاء : ادخل ي عمر نت غير هدومك انا عايزه العروسه ف كلمتين
مريم : خير
وفاء: احكيلي عن اهلك
مريم استغربت : انا مليش غير أخ وأخت
وفاء : لا مش دوول قصدي اللي كانوا معاكي ف الخطوبه
مريم: اهاا قصدك عيله كريم البدري دول يبقي عيله اختي ويعتبر عيلتي
وفاء : ايوه أيوه كريم ده احكيلي عنه
مريم : عايزه تسمعي اي يعني عنه
وفاء : كل حاجه
مريم مرضتش تتكلم كتير : انا معرفش حاجه عنه غير اللي كل الناس تعرفه
وفاء فهمت انها مش راضيه تتكلم : ماشي قوليلي بقا هتتجوزا أمته
مريم: لا لسا شويه مش دلوقتي خالص
وفاء : ربنا يهنيكم
عمر : ها خلصتوا
مريم: اه ..يلا؟
عمر : ماشي...عايزه حاجه ي ست الكل
وفاء: عايزه سلامتك ي حبيبي
نزلوا  وطلعوا علي فيلا
______
يوسف رجع البيت
الجد ف اوضته كريم مع ورد ف الجنينه شروق وحسن خرجوا كارما ف البلكونه مستنيه زين
دخل قعد علي الكرسي وشغل الشاشه
يوسف : دادا عفاف ..انا واقع من الجوع خلاص وهاتيلي زيت ياسمين وطالعيه اوضتي وسبيه فيها
عفاف : ليه
يوسف : سمعت انه عشان ريحته حلوه ف بيهدي الاعصاب 
عفاف: من عيني ث ويكون الاكل جاهز واجبلك الزيت حالا
دخلت عفاف تجيب الزيت وغصب عنها وهي طالعه السلم  عشان توديه اوضته وقع منها وقع اتكب غرق نص السلم
قام يوسف لما سمع الصوت : مالك ي دادا
عفاف : مفيش ده الزيت وقع من ايدي
يوسف : طب روحي نتي جيبي حاجه عشان تمسحيه وانا هاخد زيت تاني لاوضتي
نزلت تاني تجيب حاجه تمسحه ويوسف دخل وراه المطبخ
وصلت مريم وعمر
مريم : هدخل انا بقا علي تركن العربيه
عمر : ماشي
دخلت مريم ملقتش حد تحت خالص ف طالعه لاوضه ورد ممكن تكون فوق
هي طالعه ويوسف طالع من المطبخ
يوسف مسك العلبه بتاع الزيت وبيشم ريحتها بص لفوق ف لمح حد طالع ف بص تاني لاقها مريم
يوسف بعلو صوته : استني ي مريم استني
من خضتها من صوته بصت بسرعه معرفتش تتوازن
مريم صوتت وهي راجعه لورا
بس يوسف كان أسرع وعرف يسندها من ضهرها وبعدين عدلها وفضل باصصلها: في زيت ف الأرض
يوسف شالها
مريم مكنتش عارفه المفروض تكون رده فعلها اي : بتعمل اي
يوسف بهدوء : السلم  كله زيت ..وممكن تقعي
نزل بيها براحه لحد ما وصل لأخر السلم وهو لسا شايلها هي بصاله وهو باصص لها
يوسف: مريم انا.....
عمر زعق : مريم
كان كريم و ورد سمعوا الصوت ودخلوا وشافهم
يوسف نزلها
مريم: عمر ثانيه هفهمك
عمر : تفهميني اي
مريم : كان في زيت علي الأرض ويوسف لحقني قبل ما اقع....صدقني هي دي الحقيقه
عفاف: لا مؤاخذه ي يوسف بيه مكنتش لاقيه الحاجه اللي همسح بيها
يوسف : ولا يهمك ي دادا
عمر : المفروض دلوقتي اني اقول عادي ونعدي الموضوع
مريم: مفيش موضوع اصلا ...كنت هقع وهو لحقني
عمر : إياك  اشوفك قريب منها تاني
مريم : عمر ...لو سمحت تعالا نقعد
عمر قعد ويوسف قعد وكريم  و ورد
كريم حاول يلطف الجو: اي ي مريم مش عوايدك تيجي بعد الشغل
مريم : والله غصب عني ي كريم..بس يلا جاهز نشوف الجرح
كريم : ماشي
  مريم فتحت الجرح وشالت اللزق
فرحت طهرت مكانه وقفلت من غير ما تحط لزق تاني
مريم : مبروك  تقدر ترجع شغلك عادي الحمد لله جرحك لم بس متجهدش نفسك اووي يعني ..يعني خير الامور الوسط
ورد : الحمد لله يارب الحمد لله 
زين دخل : السلام عليكم
كريم : وعليكم السلام اتفضل ي سياده الرائد
زين بص لمريم : هو جدو فين ي كريم
كريم: دادا عفاف رني علي الممرضه تقول لجدو ينزل
عفاف : حاضر
زين : طب علي ما جدو ينزل ...مريم عايز اتكلم معاكي شويه
ورد بصت لمريم وشاورتلها بعنيها اللي هو عشان خاطري اديله فرصه
مريم : ماشي
طلع زين مع مريم  
زين : مريم هتفضلي كدا كتير
مريم وبدأت الدموع تنزل من عنيها وهي مش بصاله : نت اللي غلطت معايا ي زين مكنتش متوقعه انك ممكن تعمل كدا
زين رفع رأسه: نتي عارفه اني مبحبكيش تعيطتي بقا
مريم : لا زين نت كنت هتضربني
زين : انا فقدت اعصابي بس والله بس مكنتش هعملها ي مريومه
مريم عيطت جامد اوي: وحشني اسمي منك
زين قام وحضنها جامد
مريم : مش هتأكل بعقلي حلاوه صالحني زي زمان
زين بعلو صوته : ي ورد ..ورد
ورد : انا هقوم اشوفهم
كريم : لا مش هتروحي اقولك تعالي
كريم شالها
ورد: نت خايف عليا زياده عن اللزوم اووي علي فكرا ...
كريم : هو اي حد حامل...دي ورد يعني نمله شايله حبايه رز
ورد ضحكت ونزلها قدامهم
كريم : ف اي ي بني سرعتنا
زين : ورد اللهي تطلعي حامل ف ولد حلو زي كريم كدا لتنجزي
ورد فهمته: اشطا موافقه
زين : جاهزه
ورد : جاهزه
زين شال مريم
زين : اخلصي ي ورد انطقي
ورد : حاجه تعدي البحر ومتتبلش!
زين : ي شيخه حرام عليكي ...
مريم : مش مخابرات حل بقا
زين : ما تغششني ي كريم
كريم عمال يتكلم من ورا ورد ويفهمه بلغه الاشاره
زين : مش فاهم منك حاجه ارفع ايدك فوق شويه
مريم فضلت تضخك علي شكله
زين : ايوه فهمت ...العجل ف بطن أمه
ورد وهي عماله تضحك جامد : صح صح نزلها
كريم : امال  عاملي فيها رائد مخابرات بقا ونت مش عارف تفهم اللي بقوله
زين بيقلده:  ي عم  تعملي كدا..اللي يشوفك يقول بتفك تعويذه
كلهم ضحكوا ودخلوا جوا لقوا الجد و كارما
كارما بصتلهم: اي اللي حصل ي جماعه هتموتوا من الضحك
ورد : مريم بجلاله قدرها سامحت زين واخيرًا
يوسف بصلها بصه وقال جواه: أمته اسمع انك سامحتني انا ..طب ما نتي طبيعيه زي الناس اهو
افتكر زمان لما قالتله ان مفيش دافع اني اسامحك مفيش اجبار عليا هسامحك ليه يمكن عشان بتحب أخوها طبيعي تسامحه انما عمرها ما هتحبني ف مستحيل تسامح
زين : جدو انا جايلك انهارده اقولك ان فرحي انا وكارما يبقي يوم الخميس ده انا خدت اجازه شهر من الشغل وجهزت كل حاجه
الجد : اي ي بني مستعجل علي اي ده انهارده التلات
زين : معلش بقا عشان الشغل
الجد : الف مبروك ي ولاد
الكل فرح وباركوا لكارما وزين
كريم: تأمر المطابع بطبع دعوه الفرح والصحافه يكون عندها علم هعملها اكبر فرح احجزلي اكبر فندق ف القاهرة كل حاجه لازم تكون جاهزه
يوسف: متقلقش كل حاجه هتكون جاهزه
_____
حسن وشروق رجعوا متأخرين بليل
حسن: انا متبسطش كدا قبل كدا
شروق: والله ولا انا خالص ...بس هموت وانام تصبح على خير
حسن: ونتي من اهله
******************
عدي يوم  الاربع والكل مشغول ف التحضيرات
الصبح الخميس
عصام: احجزلي طياره بكرا ولا اي
يوسف : ايوه احجزها ل اربع او خمس  شهور كدا ولا حاجه
عصام : ماشي
ورد فتحت عنيها كريم كان ف وشها كان حاضنها طول الليل
كريم : هتفضلي تعكسيني كتير
ورد: نت مش بتبطل العاده دي أبدًا
كريم : مهو نتي اللي بتبصيلي وانا نايم
ورد ضحكت: طب قوم يلا عايزه اروح الكوافير واجيب الفستان واظبط نفسي
كريم : حيلك حيلك نتي مش هتتحركي من هنا كله هيجيلك لحد عندك
ورد : ي خرابي عليك
كريم حط رأسه  علي بطنها عشان لما البيبي يجي ميقولش اني كنت بعذبك
ورد: هتحب البيبي اكتر مني
كريم : لا طبعا انا مبحبش ف حياتي اكتر منك بس متغيريش منه نتي بس
______
شروق وحسن كانوا علي طول سوا رايحين جاين مع بعض ويوسف خد باله وكان بالنسباله الموضوع عادي
شروق : يوسف عايز اتكلم معاك شويه
يوسف : اتفضلي
شروق : نت بتحبني
يوسف سكت
شروق: انا بس مكنتش عايزه اجرحك لو كنت بتحبني بس بما انك لا ف عادي هقول وانا قلبي جامد ...انا مش بحبك ي يوسف الحب اللي يخلينا نعيش سوا يمكن اول ما رجعت مصر كنت عايزه حد جمبي ومكنش في غيرك بس اللي بينا صداقه حقيقيه نتي صاحبي الواحيد نت وكريم بس انا محستش معاك بأي حاجه ونت مكنتش مهتم بيا اساسًا كزوجه كنت مهتم ك صديقه ف عشان لا اظلمك ولا اظلم نفسي لازم نرجع علاقه الصداقه اللي بينا
يوسف : انا فرحان جدا بكلامك ده انا كان نفسي اقولك كدا بس مقدرتش عشان انا اللي طلبت منك الجواز
شروق : وانا مبسوطه اننا هنرجع صحاب تاني ...وعايزه اقولك علي حاجه بما اننا رجعنا صحاب
يوسف بشغف: اي
شروق : انا بحب
يوسف : بجد
شروق: ايوه والله ...انا بحب حسن انا معجبه بيه اووي بيهتم بيا وبيفرحني وفي حاجات مختلفه شخصيته عجباني
يوسف فرح اكتر : ده خبر حلو طب ما تقوليلوا
شروق : لا هو ممكن يقولي لا عشانك هو بيحبك اووي
يوسف:  سبيها عليا
شروق : شكرا اووي ...وعلي فكرا انا عارفه انك بتحب مريم باين عليك اووي ...طاوع قلبك ورحلها وقولها
يوسف سكت
_______     
مريم: دكتور هشام معتقدتش اني هعرف اجي
هشام : ليه
مريم : عمر مش هيرضي اني اسافر
هشام: علي العموم passport (جواز السفر)لو فكرتي تاني وعايزه تيجي انا هبقي فى المطار
مريم : ماشي
______
نهي : بلاش نعمل اي حركه غبيه دلوقتي استنوا اما افرحهم تخلص
عز : معاها حق
مراد: كلها اسبوع
**********
مريم راحت ل ورد وشروق وجهزوا
كريم بيجهز مع حسن ويوسف
زين وكارما ف الفندق كل واحد بيجهز ف اوضه
يوسف : حسن نت بتحب شروق
حسن اتوتر
يوسف : انا وشروق سبنا بعض واحنا مجرد صحاب وهي بتحبك وقالتلي
حسن:  بجد ...يعني اقدر اكلمها عادي
يوسف : تقدر وانا لسا جاي من عند جدو وقولتله علي خطوبتكم الأسبوع الجاي يوم الحد
حسن: بجد ب يوسف مش عارف اقولك اي شالت هم من علي قلبي
الجد خلص وحنان راحت جابته ونزلوا
و التلات ولاد نازلين من سلم والبنات نازله من السلم التاني
كريم بص لورد : كالعاده واخده قلبي ي ورده حياتي
ورد سرحت ف عينه اللي دايما بيدوخها دوول : البدله هتأخد منك حته
حسن: انا بحبك ي شروق يوسف حكالي انا معجب بيكي من اول كلمه نطقتيها
شروق : وانا كمان بحبك
أما يوسف ف هو واقف حاطط ايده ف جيبه و مريم مربعه ايدها وباصه بعيد
الجد: يلا ي حبايب ف فرح مستنينا هناك
عمر جه خد مريم 
راحوا الفندق ودخلوا القاعه ورد قعدت وكريم جمبها
يوسف : مش هتقوم تسلم علي الناس
كريم اتكلم بصوت رجولي حاد: لا مش هقوم اللي عايزني يجيلي مش هسيب ورد
شويه و كارما دخلت دخله أميرات كانت فعلا زي الأميرة و زين جمبها طول بعرض
ورد دموعها نزلت عشان أخوها: ربنا يحميك
كريم : واختي برضه زي القمر
ورد : اخويا احلي
كريم : نتي احلي
ورد : نت دايما الكسبان ف الكلام
قعدوا والفرح كان كلاسيكي جدا والاغاني انجليزي وعصريه
طول الفرح مريم مشالتش عنيها من علي يوسف
عمر ده كله ملاحظه
عمر : مريم عايزه ف موضوع بره
مريم طلعت معاه واتكلموا
وبعد ما خلصوا
عمر : انا هبقي اوصلك واروح
مريم دمعت: طيب
ودخلوا تاني وهي عينها لسا مراقبه يوسف
كارما وزين قاموا يرقصوا سوا
كريم : اسف بس مش هخاطر ونرقص افرضي وقعتي
كريم كان خايف علي ورد خوف رهيب
ورد: ماشي
الناس كانت بتيجي تسلم  علي كريم مكانه
وبعد ساعات من الرقص والفرح اللي فعلا مكنش اتعمل  ف شياكته
خلص الفرح وكارما ودعت الكل بدموع وحضنت كريم جامد : شكرا علي حاجه عملتها معايا من وانا طفله احد دلوقتي كنت ليا اب واخ وصديق كنت كل حاجه
كريم : عيطينا بقا مانتي غاويه نكد ..ربنا يحفظك ويبارك فيكي واشوف عيالك قمر زيك كدا وابقي خالو
كريم لزين : خلي بالك منها..لو زعلتها في يوم خبرك هيبقي تاني يوم ..متنساش كارما وراها راجل
زين: كارما ف عنيا
الجد: الف مبروك ي قلب جدو...لازم ي كارما ي بنتي تأخدي ف وقت ف التفكير ف كل حاجه واعقلي المواقف..خديها نصيحه وحطيها حلقه ف ودنك الست هي المسيطر الأساسي علي البيت ف لازم تستخدم مخها صح ..ربنا يرزقك نتي واخواتك الذريه الصالحه
زين وكارما ركبوا بعد ما سلموا علي الكل
وصلوا وطلعوا شقتهم
زين كان عامل شقه شيك جدا علي زوقه
ودخلوا فيها
زين: ها اي رأيك
كارما: حلو اووي
زين : طب هشيلك لحد الاوضه زي الافلام
وشالها دخلها
كارما: برا بقا لو سمحت عايزه اغير
عمر : مع السلامه وخدي بالك من نفسك
مريم ابتسمت بدموع: سلام ...وسلملي علي طنط وفاء
كريم خد ورد والجد وحنان وساق هو و يوسف وحسن و شروق سوا وعصام بعربيات الحرس وراهم
ورد : هموت وانام
كريم : وانا
وصلوا البيت
اول ما دخلوا
يوسف: جدو ..كريم انا مسافر ألمانيا ف طياره الصبح الساعه ٩
كريم: ليه
يوسف: في مشاكل هناك فى المباني ولازم اروح بنفسي
كريم: ماشي قد اي كدا
يوسف سكت وبعدين كمل: ٤ او ٥ شهور كدا
كريم اتصدم: ليه ده كله يعني
يوسف : معلش ي كريم مش هرجع غير لما يخلصوا
كريم : تعالا معايا علي مكتبي
الجد : يوسف خد بالك من نفسك وطمني عليك كل يوم
كريم طلع ورد : مش هعرف انام غير وانا ف حضنك هستناك
كريم : مس هتأخر
نزل تحت
كريم : ده مش حل انك تهرب منها
يوسف: هي مين دي
كريم : مريم
يوسف: هي ملهاش دعوه
كريم : بتحبها
يوسف : لا
كريم : نت حر بقا
يوسف: مريم مخطوبه وبتحب عمر
كريم: بتحبك نت
يوسف: اللي بيحب بيسامح دي  علامه من علاماته
كريم : مهي متعرفش انك بتحبها!
يوسف: كريم انا مسافر ومش هرجع غير وانا كويس
كريم : خد بالك من نفسك وقبل ما تمشي كلمني
________
كريم طلع لورد وخدها ف حضنه ونام
و يوسف طلع يفكر  ف كلام كريم وقرر انه معتش هيبص وراه ويسافر
________
يوسف صحي من النوم الساعه ٧ وجهز حاجته ومشي قبل ما حد يصحي ويفضلوا يعيطوا زي كل مره
راح ناحيه بيت مريم يمكن يشوفها بس مطلعتش
مريم من فوق: ايوه ي دكتور ..انا اسفه مش هعرف أجي المؤتمر خليها مره تانيه
******
زين : ي صباح الفل علي احلي كارما
كارما : صباح الخير ي روحي
زين : كانت احلي ليله ف عمري امبارح
كارما اتكسفت: احم اناجعانه
زين : اناعملك فطار بقا اي محصلش
كارما: اي ده نت بتعرف تطبخ
زين : طبعا
___________
يوسف وصل المطار وفضل مستني طيارته شويه
ظابط جه : حضرتك البشمهندس يوسف البدري
يوسف : ايوه انا في حاجه
الظابط: لو سمحت اتفضل معايا ثواني ف مشاكل ف شنط حضرتك
يوسف قام معاه
الظابط: اتفضل ادخل الاوضه دي وانا هجيب الشنط واجي
يوسف: طيب
يوسف بيمسك اوكره الباب عشان يفتح لقي الباب حد فتحه من جوا
يوسف : لا مستحيل
مريم ابتسمت: مهو مينفعش يعني اسيبك تمشي كدا من غير ما اقولك انا مسحامحاك ي يوسف
يوسف افتكر لما قالت ان لازم يكون ف دافع انها تسامحه
يوسف ضحك : بتحبي...
مريم قاطعته: ايوه بحبك من اول يوم شوفتك ومن اول خناقه ومن اول هزار لما تضحك بحس ان الدنيا بخير واني فرحانه لما بتهزر قلبي بيرقص لما بتتكلم بحس اني مطمنه...مكنش ينفع اسيبك تروح من ايدي انا بحبك وعايزه اكمل باقي حياتي معاك
يوسف: انا بموت فيكي ي مريم اوووي مكنتش متخيل لو كنت سافرت من غير ما اشوفك قبل ما الظابط دع يجي كنت راجعلك
المأذون: ها ي اخوه هنكتب الكتاب امته
يوسف : ده جه ازاي ونتي عرفتي منين أني مسافر
كرين قالتلي بليل وانا قررت اني هجيلك والمأذون كريم اللي بعته كان عارف اننا لبعض وكريم هو اللي خلاني اسامحك لما قالي اني لازم اواجه مشاعري وحقيقه اني بحبك
يوسف ضحك : هو قالي زمان انا الوحيد اللي هعرف اخليها تسامح وصدق ابن الايه...طب وعمر
فلاش بااااك ف الفرح
عمر : انا مش هعرف اكمل معاكي ي مريم
مريم : ليه ي عمر
عمر : نتي بتحبي يوسف صح ولا لا
مريم سكتت
عمر : اللي بيحب حد بيتمناله الخير روحيله ي مريم نتي سعادتك معاه هو نتي بتحبيه اووي
مريم : بس ي عمر
عمر : انا كويس وبالعكس مكنتش هسامح نفسي لو فضلت مع بنت مش بتحبني انا وقلبها مع غيري كل المواقف من يوم ما رحتلها المكتب اسأل عليكي والمعسكر والراجل اللي قال انك حبيبته لحد اول امبارح لما شوفت نظرتك وهو شايلك احنا هنفضل صحاب جدا واي حاجه عايزاها هتلاقيتي
مريم ابتسمت بدموع: شكرا ي عمر اووي بجد نت صاحب حقيقي
بااااك
يوسف كان فرحان من قلبه بجد شال مريم ولف بيها : انا مش مصدق نفسي
المأذون: ها انا كتبت اين الشهود
كريم والعيله كلها جت من وراهم
كريم : موجودين انا و زين شاهدين
مريم : حته زين العريس نزل
كتبوا الكتاب المأذون : بارك الله لكما وبارك عليكما وجمع بينكما ف خير
ورد: لولولولولولي
كريم : علي فكرا نتيجه امتحاناتكم طلعت وماشاء الله جايبه كله امتياز نتي ومريم يعني خلاص كدا ورد اتخرجت وبقت البشمهندسه ورد اما نتي ي مريم ف انا اخدتلك اجازه شهر علي هترجعي يكون فاتك شهر بس من الدراسه
يوسف : الطياره
مريم : هسافر معاك انا مجهزه نفسي هتسافر نقضي شهر العسل برا
يوسف : ده نتي رأسمه علي كبير بقا
مريم : امال
سافروا والكل ودعهم
وكله رجع لشغله كريم رجع للعمليات الخاصه وبسرعه خد علي الجو ومهتم بالشركة ف نفس الوقت وحسن بيتعلم كتير وخطب شروق ومعاها علي طول
ورد علي طول مهتمه بنفسها والبيبي
زين بيدلع كارما  حامل ومش مخليها عايزه حاجه ولما بيروح مأموريه برا البلد كارما بتروح تقعد مع ورد
الجد علي طول قاعد يقرأ
يوسف ومريم بيعشوا اجمل ايام ف حياتهم ومبسوطين كالعاده الجو بينهم لازم خناق بس بسيط وبيرجعوا علي طول

وبعد ٥شهورررررر
نزل يوسف ومريم
مريم : متقولش لحد اني حامل عايزه افرحهم انا
يوسف: ماشي ي ستي
يوسف: ايوه ي كريم نت فين
كريم : انا ف الفيلا ورد تعبانه من الصبح
يوسف: طب انا ومريم تحت طالعين اهو
اول ما دخلوا سلموا علي الكل وكانوا وحشنهم جدا
يوسف و مريم : طلعوا لاوضه ورد وكريم اللي كان قاعد معاها كارما
مريم : وحشتوني اووي
سلمت عليهم جامد
مريم : عايزه اقولكم حاجه انا حامل
ورد فرحت وكارما
كريم: مبروك ي يوسف وحشتني اووي
مريم: كريم هي ورد ف الكام
كريم : ف أواخر ال ٨ ليه
مريم اتخضدت: طب هي شكلها مش طبيعي ما نوديها المستشفي
كريم: انا حاسس بكدا يلا جهزوا العربيات وركبوا راحوا المستشفي واول ما الدكتور شافها قال جهزوا اوضه العمليات كشف عليها:  هتولد البيبي لف حاولين رقابته الحبل السري ولازم
وبعد ساعات
طلعت ورد وجمبها البيبي بس مكانتش فايقه كلهم دخلوا عشان يشوفوه اما كريم ف راح لورد وشال الشعر من علي وشها: حمدلله علي سلامتك
ورد فتحت عنيها : هو فين
مريم ادتهولها: ولد مبروك ي قلبي
كريم باس رأسها: ربنا رزقني بيكي وبعدين رزقني بأجمل هديه منك
ورد بصتله: ركان هسميه ركان

#إسراء ابراهيم
#احببتها عنيده  

ودي كانت نهايه الجزء الأول وهنكمل بقا الجزء التاني
يارب تكون عجبتكم هستنا تعليقاتكم 💜