احببتها عنيده

(الفصل الرابع_الجزء الثاني) 💎

كريم طلع ل اوضته يلبس فتح الباب ودخل كانت ورد بتسرح شعرها الطويل الناعم
كريم قرب من ضهرها لف ايده حاولين وسطها وباسها بوسه خفيفه من رقبتها غمض عينه ولف ايده بتملك اكتر
كريم : عندي مهمه جديده لازم امشي
ورد فكت ايده وبصتله : هو مينفعش تسيب شغلك ده احنا الحمد لله مش محتاجينه ف حاجه نت عندك اللي يعيش احفاد احفادنا وليك اسمك ف العالم ليه بقا تكمل ف مهمات خطر انا ببقي خايفه ونت هناك
كريم: بصي ي ورد انا طالما رجعت واتعودت ف مستحيل اسيبه لان الضرب والخطط والحاجات دي هي كانت حلم عمري اني ابقي ضابط مثلا وبردوا انا مش داخل هناك عشان فلوس انا داخل مغامره وكمان لازم استغل قوتي و ذكائي ف حاجه تانيه غير الإستثمار والشركة والصفقات..متخافيش ي ورد هرجع
قرب منها كريم وباسها من رأسها: أنا مضطرب البس وانزل بقا مش هتأخر
لبس كريم بسرعه : يلا ي قمر انا نازل عايزه حاجه
ورد بخوف: خد بالك من نفسك و متتاخرش عليا مش هنام
كريم : عارف
نزل كريم من الباب الوراني ركب عربيته وطلع علي مركز القياده
____________________________
يوسف : هي مريم راحت فين
زين هتلاقيها قاعده مع ورد وكارما فوق
حسن: لا تقريبا الدكتور برا ف الجنينه
يوسف : طب عن اذنكم هطلع اطمن عليها
زين : اطلع ي روميو..وانا هقوم اشرب سيجاره
حسن : وانا اطمن علي مليكه و والولاد والعب معاهم شويه
يوسف : يلا قوموا ونتوا عاملين شبه الباندا كدا
زين : امشي من هنا يالا..هفضل مش بطيقك طول حياتي
يوسف بضحك: ومين سمعك ...وهو حد قالك اني واقع ف دباديبك ...انا طالع
زين خد السيجاره وطلع فوق لاوضته ودخل البلكونه ولعها وفضل يفكر ف كارما وازاي هي اتغيرت بعد الجواز مبقتش تهتم غير بالولاد ولا حته بقت بتهتم بنفسها بقا كل همها الشغل وأنها تشتغل او تخرج معتش بيلاقي فيها كارما اللي حبها وخطفته من اول نظره حته كلامها الحلو معتش بيلاقيه....معتش كلامها غير علي انه علي طول مسافر تهتم بنفسها لمين ..زين قال لنفسه : طب انا اعمل اي اسيب الشغل واقعد ف البيت طب مهو قبل ما نتجوز عارفه طبيعه شغلي واننا هنعدي بفترات زي دي ولازم تكون معايا وتستحملني وانا بحاول علي اد ما اقدر اني ابقي معاها ومحسسهاش بنقص وكل شويه اقول كلام حلو واجيب هدايا عشان متحسش اني اتغيرت بس دايما بلاقي منها برود ان كل اللي بعمله عادي وان مقصر معاها
خلصت السيجاره وفونه رن
زين : ألو ...مين معايا
سهيله : ايوه ي سياده الرائد انا سهيله المساعده الجديده لحضرتك
زين استغرب : مساعده!! انا قولت يجيبوا راجل ينفع ينط يضرب يكسر يطلع من مواقف مش واحده ست
سهيله بثقه : أنا اعرف اللي حضرتك بتعرف تعمله واكتر وألا مكنش سياده العقيد حسام خلاني مساعده لحضرتك
زين: تمم اتفضلي دلوقتي اقفلي واجهزي كمان اسبوع عندنا مهمه في رجل أعمال جاي شرم المفروض انه رجل أعمال بس هو واحد من المخابرات الامريكيه جاي ياخد فلاشه من واحد صديقه هنا عليها أسرار كتير لمصر مهمتنا ناخد الفلاشه نعرف مين صاحبه ده ونرحل الضابط الامريكي..هتكوني جاهزه السبت الجاي الساعه ٦ الصبح هتسبقيني علي شرم الشيخ و هيكون في غرفه محجوزه بأسم ياسمين اسامه أسألي الريسبشن واطلعي
سهيله : مين ياسمين ي فندم
زين ابتسم ببرود : لا واضح فعلا انا ظابط مخابرات...هتحجزي بإسمك الحقيقي ي سياده الظابط
سهيله نفخت : حاضر هكون هناك ف الميعاد ..سلام
زين قفل الفون
_______________
حسن : اي ي ولاد بتعملوا اي بقا...وفين سيلا
ركان : قاعده مع سليم ف البلكونه
حسن ضحك : طب..مالك ي ريتال زعلانه ليه
ريتال اتكلمت بعصبيه: آسر ده بيضايقيني كل شويه يرخم عليا كل شويه يخد اي حاجه بمسكها ويقعد يضحك عليا
آسر : كدابه ده نتي اللي رخمه وعنيده كل اما اقولك علي حاجه تتخانقي معايا
حسن : بس خلاص عيب كدا مينفعش تشتموا بعض ...ممكن اعرف نت بتاخد منها اي حاجه بتمسكها ليه
آسر : كدا عشان هي بتقول ان عنيها احلي من عنيا وده مش حقيقي انا عيني احلي و لونها احلي
ريتال اتعصبت: برضه بيقول ان عينه احلي من عيني ي خالو قول حاجه
آسر : قولها ي عمو ان عيني احلي من عينها اصلا هي عنيده
حسن ضحك جامد علي طفولتهم المشاغبه دي : نت ي آسر عينك
آسر : شوفتي
حسن: ونتي كمان ي ريتال عينك حلوه .....انتوا الاتنين حلوين ...كل واحد فيكم في حاجات حلوه كتير مختلفه عن التاني ربنا خلقنا مختلفين عن بعض عشان نعرف نكمل بعض
ريتال: يعني اي
حسن : لا ده الموضوع كبير بقا لما تكبروا شويه ابقي اقعد افهمكم ..المهم متتخانقوش تاني ..بس ي آسر نت راجل ومفيش راجل حقيقي بيتسخدم رجولته او قوته دي ضد بنت لان ساعتها هو مينفعش يتقال عليه راجل ونت كمان مينفعش مثلا تضرب ريتال او اي حد من اخوتك او تزوقهم او تعلي صوتكم عليهم عشان الرجوله مش صوت المهم يعني اوعدني انك تبطل خناق معاها
آسر : اوعدك اني احاول
حسن : ركان فارس فين
ركان ضحك بسخريه: قاعد مع طنط شروق مش بيفارقها
حسن : و ملكيه
ركان بتعلب ف اوضه الالعاب مع تاليا
حسن: أنس
ركان : لا ده عايش ف خيال تاني هتلاقيه قاعد ف اي بلكونه بيرسم النجوم
حسن: ريناد وجوري
ركان: بيحاولوا يتفهموا مع بعض ويلعبوا مع بعض من غير عياط
حسن : وهما الباقي فين
ركان : عمتو كارما و ماما قاعدين يتكلموا
حسن : طب ونت بتعمل اي
ركان : هنزل اتمرن شويه ف الجيم بتاع بابا
حسن : طب ونت عارف التمرينات لأنك لسا صغير ف حاجات ممكن تأذيك
ركان : ده حقيقي بابا قالي وقالي علي حاجات معينه كدا
حسن : طب تعالا انا نازل معاك
___________
يوسف : مريم
مريم كانت بتتكلم ف الفون مش سامعاه
يوسف قرب منها
مريم : خلاص تمم انا هاجي بكرا ان شاء الله
هشام : متتاخريش هستناكي
مريم ابتسمت : حاضر ي دكتور المهم بس حضرتك اللي تيجي مش كل مره هاجي وافضل مستنيا كتير الحاجات دي متستناش
هشام ضحك : حاضر ي ستي عايزه حاجه
مريم : لا سلام
يوسف : كنتي بتكلمي مين
مريم اتفزعت: اي ي يوسف خضتني...ده دكتور هشام
يوسف: وبيكلمك دلوقتي ليه ...نتي مش الشفت بتاعك خلص !...ورايحه بكرا فين واي الحاجات اللي متستناش دي وبتضحكي كدا ليه
مريم : في اي ي يوسف مش كدا براحه ...ايوه الشفت بتاعي خلص بس ده دكتور يكلمني عادي طول ما في شغل ..ورايحه بكرا المستشفي بس هتأخر شويه لبليل في حاله ولاده جايه ولازم ابقي موجوده لانها مريضه قلب ...وانا مضحكتش انا ابتسمت وبعدين فيها اي لما اضحك انا عارفه حدودي كويس مانت بتتعامل مع ستات ولا هو الهزار ليك عادي وليا لا
يوسف اتعصبت وشه أحمر عروق رقبته بقت بارزه
مريم عرفت انها زودتها
يوسف زعق : مفيش مرواح بكرا المستشفي غير للشفت بتاعك بس غير كدا مفيش ده اللي عندي اذا كان عجبك
اما بالنسبه للهزار ف اقسم بجلاله لو شفتك بتهزري معاه هو او غيره ل هيبقي يومه ويومك اسود من بعض نتي سامعه
مريم قررت تسكت لان لو اتكلمت هتكبر الموضوع ف دماغه
مريم: ي يوسف ي حبيبي دي حاله ولاده وصعبه وانا اكتر واحده اقدر اكون مع الست دي لاني عارفه حالتها عشان خاطري ي يوسف لازم اروح
يوسف : انا قولت اللي عندي ...انا طالع اشوف ريناد
يوسف سابها وطلع
وهي واقفه علي أخرها
مريم : مهو انا هروح يعني هروح سوا وافقت او لا ي يوسف ده شغل وحاله ممكن تموت
____________________________
كريم بصوت رجولي قوي : جاهزين ي رجاله ..المهمه دي مش صعبه علي رجاله زيكم انتوا اقوي من كدا ان شاء الله المهمه هتنتهي بدون خساير يلا هنتحرك حالا
اركبوا العربيات
وبعد شويه وصلوا لمكان الهدف
كريم بصوت هادي : مش دلوقتي متقتحموش دلوقتي
كريم : زياد خد الفرقه واقتحموا من الباب الخلفي يلا
دقايق وكان كريم داخل بالفرقه بتاعته و بدأ ضرب النار وطلعوا الخليه الإرهابية وبدوا يضربوا علي اي حد
كريم كان هدفه ان يدخل يجيب قائدهم او زعيمهم
كريم : زياد...آمني
زياد شغلهم علي ما هو دخل المنشأ
كريم دخل بحرص حاول كذا واحد يهجموا عليه بس كان هو جاهز
لحد ما دخل لواحد كان واقف ماسك سلاح مديله ضهره وبيضرب من الشباك علي الظباط
كريم وهو مصوب ناحيته السلاح : سلم نفسك ..
الشخص ده وقف ضرب من غير ما يلف
كريم : أرمي السلاح
الشخص ساب السلاح جمبه ورجع لورا
كريم : طلع السلاح اللي ورا ضهرك ده وارميه
الشخص نفذ الكلام : نت مفكر نفسك عشان وصلتلي كدا فوزت...لاني مش رئيسهم
دخل واحد بيجري ولما شاف كريم كان هيضربه من وراه : نت فين ي زعي
لف كريم بسرعه عشان يقتله قبل ما هو اللي يضرب عليه
علي ما لف كريم كان الزعيم نط
كريم نط وراه وطبعا كريم أسرع
بس الزعيم حاول يعطل كريم انه يرمي اي حاجه
كريم مش هيخسر ومش هيسببه
كريم وقف جري ورفع مسدسه وصوب علي رجله
زعيمهم وقع حاول يكمل
كريم مشي بخطوات عاديه
لحد ما وصله
كريم اتصدم: مستحيل مستحيل ازاي
زعيم الارهابيين : اي مالك ي سياده الظابط هما اللي شكلهم حلو مينفعش يبقوا من الإرهاب
كريم رفع القناع بتاعه عشان يبينله وشه
التاني برق : كريم !!!!! ياااه علي الزمن بقا نت ف يوم من الأيام اللي توديني بأيدك السجن ...خد العنوان ده وروح للست دي وقولها ان انا اتمسكت .......
زياد جه : الوضع تحت السيطره ي سياده المقدم اتقبض علي الكل والحمد لله مفيش خساير والاصابات مش خطر
كريم مكنش عارف يقوله اي : خدوه وحطوه ف عربيه تانيه ليهرب
كريم حفظ العنوان ومشي مع زمايله
عشان يجي الصبح يعرف القضيه هتمشي ازاي
خلص كريم و وروح
عصام : أهلا ب معاليك
كريم : أهلا ي عصام نت واقف هنا ليه مش دورك الصبح
عصام : سعيد اعتذر أنهارده عشان تعبان ف انا هشيل مكانه
كريم ماشي المهمل يكون حد واقف
دخل الفيلا كان النور تحت مقفول
طلع اوضه جده لقاه نايم والممرضه بتاعته نايمه
دخل كل اوض الولاد والبنات يطمن عليهم وبعدين دخل اوضته
ورد كانت قاعده علي السرير بتقرأ روايه ولما شافت كريم قفلته وقامت حضنته
ورد : حمدالله على السلامه ي حبيبي
كريم قعد علي الشازلونج وعمض عينه وريح ضهره
ورد : مالك ي كريم
كريم : متتوقعيش انا قبضت علي مين وطلع شغال ف عصابه إرهابيه
ورد : مين

نعرف الجزء الجاي عايز اسمع توقعاتكم ي شباب
عارفه اني اتاخرت بس النت بقا حسبي الله ونعم الوكيل في النت اللي قرفاني ده حاولت اعوضكم اني انزل ٣

#إسراء ابراهيم
#احببتها عنيده