احببتها عنيده

الفصل الخامس والعشرون 💎

كريم : من عنيا ي جدو
وطلع بسرعه لأوضته خبط علي الباب ودخل
كريم بحب : ورد...ورد نتي روحتي فين
ورد: نعم ي كريم انا هنا ف البلكونه
دخل كريم وقف وراها لف ايده علي وسطها وحضنها : هنسافر
ورد بكسوف: هنسافر ..هنسافر فين 
كريم  بابتسامه: الغردقه ..جدو هيزور واحد صاحبه وكمان الجو ف البيت بقا صعب وفيه مشاكل ف لازم نفصل شويه وكمان اعتبريها فسحه تناسيكي كل اللي حصل وكمان زين جاي مع كارما وبالمره نعمل الخطوبه هناك ومريم كمان نحاول نخليها تسامح يوسف بقا ونخلص
ورد بضحك: ايه ده كله نت حافظ الكلام وجاي  تسمعه ...بس انا مبسوطه
كريم بحب ولفها ليه: بجد مبسوطه ي ورد
ورد: طول ما انا معاك هفضل مبسوطه ي كريم
كريم: ايدا ايدا مش متعود انا علي الكلام ده ي ستي براحه عليا شويه ...بقولك ايه ما تيجي نكمل اللي كنا بنعمله
ورد بكسوف: اتلم بقا ..وبعدين انا لازم انزل عندي مشوار
كريم ورفع حاجبه: مشوار!مشوار ايه ده 
ورد : عايزه اروح مع طنط حنان نشتري حاجات للبيت ولبس ليا
كريم: مع خالتو وده من أمته ده وبعدين اطلبي كل اللي نتي عايزاه وانا اجبهولك ليه تنزلي وتتعبي نفسك
ورد : عشان زهقت من قعده البيت ي كريم مش بروح ف حته ليل نهار قاعده مبتحركش ونت ف شغلك
كريم : بس كدا يولع الشغل هفضل قاعد معاكي اهو ي ستي
ورد بضحك: نت بكاش اوووي هتقعد معايا عشان هنسافر انما لما نرجع هترجع لشغلك وانا هفضل لوحدي ف البيت مفيش حاجه تسليني هنا
كريم بخبث: خلاص نجيب نونو صغير يسلينا
ورد فضلت بصاله وساكته
كريم استغرب: ايه ي ورد تنحتي كدا ليه
ورد : لا بس مستغربه كلامك
كريم : مالو كلامي هو نتي مش مراتي
ورد : مراتك بس احنا لو تفتكر مش متجوزين عن حب اتجوزنا غصب عننا وانا مش عايزاك تقرب مني عشان بيبي انا عايزاك تقرب مني عشان حبتني مش هدف
كريم ضحك: ونتي ناسيه ان كان بينا تحدي مين اللي يخلي التاني يحبه الأول
ورد بابتسامه: ومين كسب
كريم بخبث: انا مش هتكلم
ورد بتحدي: ولا انا هتكلم
كريم: خلاص يبقي التحدي مستمر هنشوف مين هيقدر يستحمل ...
بص لعيونها وقرب منها: فاضل تكه واحده وتقعي ف غرامي
ورد جواها : انا وقعت خلاص والله يخربيتك جمالك ي شيخ
ورد لكريم : العبره بالنهايه 
كريم : نتي قولتي نازله فين
ورد : نت بتنسي بسرعه كدا ليه
كريم بابتسامه: مش ناسي بس عايز افضل سامع صوتك
ورد بكسوف  : طيب انا هنزل معاها بعد ما نفطر مع بعض
كريم : من بدري كدا
ورد : لا عادي لاننا هنخلص وهي عايزه تروح لمريم
كريم: خالتو ونتي وخالتو و مريم..حاجه غريبه
ورد بلطف : لا غريب ولا حاجه يلا ننزل نقعد معاهم شويه 
كريم مسك ايديها: يلا
نزلوا تحت قعدوا مع بعض كلهم
زين : كارما
كارما بزعل: نعم
زين : احنا خطوبتنا هتبقي ف الغردقه
كارما باستغراب: أحلف كدا
زين بابتسامه: هو انا ههزر معاكي ي بنتي
كارما قامت راحت حضنت جدها: انا بحبك اوووي ي جدو
الجد: وانا بحبك ي اميره جدو
زين : طب وانا
كارما بطفوله: نت ايه
زين : مليش حضن زي ده
كريم  بهزار : ما تقعد عدل وتتكلم عدل... مالك ي عم جريئ كدا ليه
كارما : انا فرحانه اووي ي كريم ربنا يخليك ليا
كريم : إن شاء الله اول لما نسافر هتتبطسي اكتر واكتر
يوسف وبعت لورد رساله علي فونها : ورد عايزك
ورد ردت عليه  : ماشي ثواني قوم واستناني ف الجنينه وانا هحصلك
يوسف: طيب عن اذنكم علي ما الفطار يجهز هتمشي شويه
كريم: نشيط نت اووي انهارده ي اخويا
يوسف: بقولك ايه ما تريحيني وخليك ف حالك
مشي يوسف وبعدها بشويه
ورد بهس  لكريم : كريم يوسف عايزني اكيد عشان مريم هقوم اشوفه
كريم بعصبيه: قومي وانا هاجي معاكي
قام معاها وراح ليوسف
يوسف: ايه اللي جابك
كريم بيعصبه: انا حر دي مراتي واروح معاها ف اي مكان
يوسف : صبرني ي رب...ها ي ورد اعمل ايه
ورد : بص يوسف ..انا قولتلك انها عنيده بس قصاد العند  ده هي طيبه متقدرش تشوف حد تعبان او زعلان من حاجه لازم تستغل النقطه دي كويس وكمان سفرها معانا ده هيديك مساحه كبيره انك تحرك مشاعر الطيبه دي  ..وكمان هي هتبقي دكتوره شاطره و بتحب تساعد غيرها لازم تتطلع الحلو اللي جواها بس لازم عشان تعرف تتطلعه تتطلع نت كمان الكويس اللي ف قلبك
كريم: ولا هتستفادوا حاجه ...قولتلك ي يوسف خليني اساعدك وصدقني خطتي هتنفع
يوسف :اقعد ساكت نت كل اللي حصل ده كان بسببك
كريم : هتشوف ان  كل ده ولا هيجيب بفايده
ورد بهدوء: انا قولتلك ي يوسف اللي عملته ده ميتسامحش عليه نت اهنتها وذلتها ورخصتها ومفيش بنت تقبل علي نفسها كدا وبزات مريم....كل اللي بنعمله ده محاولات و ياا نجحت ي فشلت.
يوسف: وانا معترف اني غلطان بس انا هيجي عليا وقت ومش هبقي غلطان ي ورد هكون عملت كل اللي يتعمل مش مشكلتي بقا انها واحده مبتحسامحش
كريم : ف الوقت ده تعالي وانا اقولك الحل
الجد: اي ي ولاد هتفضلوا قاعدين هنا وسيبنا جوا قوموا يلا تفطروا
كلهم قاموا دخلوا وفطروا
الجد: كريم انا عايزك ف مكتبي
كريم بطاعه: حاضر  ي جدو اتفضل
ورد : كريم انا همشي انا
كريم وشاور لدادا عفاف بحده: تطلعي تقولي ل عصام يوصل ورد هانم للمكان اللي هي عايزاه ويرجعها تاني
عفاف: امرك ي بيه
طلعت ورد لبست فستان بسيط وحجاب بسيط ونزلت هي وحنان  يشتروا اللي كانوا عايزينه
دخل كريم مع جده المكتب
كريم : خير ي جدو قلقتني
الجد: بص ي كريم نت عارف اني عمري ما اعترضت علي قرار من قرارتك ي بني نت عارف كويس اوي ده الا قرار واحد ونت ده اغبي  قرار خدته ومعرفش لحد دلوقتي  ازاي مش عارف تتراجع عنه
كريم بحده: نت عارف كويس اووي ي جدو انا خدت القرار ده ليه انا مستحيل ارجع ي جدو حته لو ده هيفيد غيري انا خلاص بعد اللي حصل مش هفكر ف حد كفايا اللي حصل وكفايا اني طلعت من اللي كنت فيه
قام كريم واتجه للباب بس وقفه جده
الجد: حسام كلمني
وقف كريم مكانه وبص لجده : قالك ايه
الجد: قالي ان سرك معتش قدامه كتير ويتعرف للأسف
كريم: حته لو اتعرف ي جدو مش  هرجع
الجد: حرام عليك اللي بتعمله ف نفسك ده
كريم : واللي هما عملوه مش حرام
الجد: غلطوا  ف قرارهم زي ما كلنا بنغلط
كريم برفض: أرواح الناس مش قرارات ..
الجد: نت حر بس افتكر كويس نت عاهدت نفسك ان اليوم اللي هتسخدم فيه كل اللي اتعلمته هترجع
كريم بتحدي: وانا اد كلمتي عن اذنك ي جدو...اه ويلا عشان تروح للدكتور انهارده كشفك يوسف مستنيك برا
الجد: يلا ربنا يجعله خير
طلع الجد وخده يوسف  وركبوا عشان يطمنوا علي صحته
يوسف: مش فاهم ي جدو ايه حبك ف انك نت اللي تروح للدكتور مش هو اللي يجي
الجد:اقعد  ساكت ي حيوان نت شبه حيوان الكسلان بزبط مع انك عامل زي الحيطه  وعضلات وضرب وتدريب وطول وعرض وقوه وذكاء  بس ده كله ميفدش بشئ يلا اطلع ي ولد
يوسف يضحك: خلاص ي جدو نت مش بتعرف تقول كلمه حلوه ابدا كدا ده كله عشان سألتك سؤال
الجد: امشي ي ولد يلا بلاش غالبه
مشي يوسف مع جده الدكتور وطلع كريم علي الشركه وطلب من السكرتيره تحضر للاجتماع مع وصول يوسف بيه
عند حنان ف المول ....
حنان بتعب: ايه ي ورد ي بنتي متعبتيش لف كفايه ي بنتي ده كله ..انا معنتش قادره اتحرك
ورد : خلاص ي طنط انا اشتريت كل حاجه يلا بينا نروح ل مريم
بعد ما ركبوا العربيه
حنان : بقولك ي ورد
ورد: نعم ي طنط 
حنان : هي مريم بتحب يوسف او ف مشاعر بينهم
ورد باستغراب: وده يهم حضرتك ف ايه ...علي العموم انا معرفش
حنان: انا زي امهم وعايزه اطمن عليهم
ورد : عشان كدا حضرتك طلبتي تشوفيها
حنان : بصي ي ورد انا مش عايزه حاجه غير ان كريم ابني يكون كويس وكمان عايزه اشوفله عيل يشيل اسمه وعايزه اعرف اذا كنتوا شلتوا فكره الطلاق دي  ولا لا...وبالنسبه ليوسف فهو صاحب كريم من زمن الزمن وبقي زيه ف عيلتنا هو كمان بيتعامل علي اكنه ابن العيله زي كريم وبعتبره زي ابني وكل ام بتبقي نفسها تتطمن علي عيالها
ورد بذكاء: متخافيش وعيالك كويسين ي طنط طول ما في حياتهم بنات زي انا ومريم
حنان: ربنا يهديكم ويقدم اللي فيه الخير
.......................
يوسف: عايز تروح فين تاني ي جدو ي قمر نت
الجد: عايز ازور ابوك
يوسف اتنرفز: نت ازاي كده ازاي لسه مفكره ابنك اصلا نت مش عارف هو فين دلوقتي
الجد: انا اب ي بني مهما حصل هيفضلوا ولادي من لحمي ودمي وبعدين انا خلاص معتش فعمري كتير
يوسف : حاضر ي جدو بس الراجل ده ملوش اي علاقه بيا ي جدو
الجد:  ماشي بس مش عايز كريم اني رحتلوا
يوسف : حاضر
.....ركبوا ووصلوا  عند  مكان ساكت جدا
الجد : ايه الحته المقطوعه دي ..
يوسف:ابنك عبد العزيز قاعد هنا
الجد: لسه بيشتغل برضه
يوسف:يلا ي جدو ندخل وهتشوفه ونمشي بسرعه لان لو كريم عرف هيجي يعمل مصيبه هنا معرفش انا ازاي موافقك اصلا
الجد : عشان نت حبيب جدك اصلا
يوسف : طيب يلا
نزلوا من العربيه وخبطوا علي باب المبني الصغير ده
مجهول بزعيق: نت مين ي اخينا
يوسف برجوله: روح نادي علي اللي مشغلك يلا
مجهول: واقوله مين
يوسف بفخر: قوله شخص انضف منه واقف بره مستنيه واخلص مش هقف كتير
مجهول: ما تتكلم كويس ي ....
يوسف : انا عارف الاشكال دي بتيجي ازاي استعنا علي الشقي بالله
قلع يوسف الساعه وحطها ف جيبه والنظاره علقها علي قميصه اللي فتحه من فوق
يوسف : كنت بتقول عايزني اتكلم كويس صح ..طب ما تشوف الطريقه دي يمكن تحبيها ي بطه
ضربه يوسف ضربه واحده بس وقع علي الارض
الجد: نت عملت فيه ايه ي بني ليه كدا
يوسف بيطمنه: متخافش ي جدو هيغمي عليه شويه وهيقوم انا عارف انا بعمل متخافش
دخلوا
عبد العزيز طلع علي صوت الدوشه: مين هنا
الجد: انا  ي بني
عبد العزيز: أبا وحشتني اووي تعالا اقعد ولد ي حسن نت يلا
حسن بتكبر: عايز ايه
عبد العزيز: روح هات لجدك حاجه يشربها
الجد بصدمه: جده!هو الواد ده ابنك
عبد العزيز بفرحه: ايوه ي ابا ابني
يوسف بصدمه: ابنك ازاي يعني جه أمته الشحط ده كله وبعدين من مين ونت متجوزتش
عبد العزيز: ابني من امك  الله يرحمها ي يوسف يعني اخوك
يوسف : اخو مين نت هتألف هو اي هبد وخلاص
عبد العزيز: دي الحقيقه حسن اخوك
يوسف: اديك قولت اسمي يوسف وهو اسمه حسن ازاي اخويا يعني مش شايف الفرق بين اسمي الاوربي واسمه ي عم قول كلام غير ده
الجد: ده مش وقت هزار ي يوسف
يوسف بجديه: مش سامع ي جدو بيخرف  بيقول ايه
الجد : مين الواد ده ي عبد العزيز
عبد العزيز: والله ي ابويا ابني من لحمي ودمي وحفيدك واخو يوسف
حسن باسخفاف : بقا ده اخويا انا ..طب مش كنت تجيب حد احلي  من  كدا شويه ي بابا
يوسف :بس ي حبيبي نت دلوقتي روح هاتلك مصاصه ولا كيس شيبسي دلوقتي مش فاضيلك
حسن بتكبر: المصاصه دي تروح تشتريها لنفسك..نت لو اخويا فعلا يبقي تاخد بعضك وتمشي لاني انا مليش حد اصلا ف الدنيا ولا حته الراجل ده ...الراجل ده اللي المفروض ابويا وبيخاف عليا ومن وانا عندي ٥ سنين وهو بيشغلني معاه ف السلاح والمخدارت انا عندي ٢٣سنة دلوقتي مشفتش يوم حلو ف حياتي
يوسف: بقولكم ايه انا مش ناقص وجع دماغ سوا اخويا او لا ده مش هيفرق كتير لا ف حياتي ولا ف حياته
الجد: استني بس ي يوسف
يوسف: جدو نت كنت عايز تشوف ابنك وانا نفذت طلبك بعد اذنك يلا لازم نمشي
الجد قام ويوسف خد ايديه ركبوا العربيه
ساق يوسف باقصي سرعه.. وصلوا البيت
الجد: ...
يوسف: جدو من غير كلام انا مش عايز اتكلم واعتبر اللي حصل انهارده محصلش لازم ترتاح والحمد لله ان الدكتور طمني عليك عفاف مستنياك عشان معاد دواك
الجد: الكلام مخلصش لما ترجع من شغلك انا مستنيك
يوسف: حاضر
يوسف ركب عربيته تاني وطلع علي الشركه
......
في بيت مريم
مريم : اتفضلي ي طنط
حنان : يزيد فضلك ي بنتي
دخلوا وقعدوا اتكلموا شويه عن حياه مريم ف الدراسه وطموحها وعن مستقبل ورد...بعد فتره
حنان  : انا عندي ليكي عريس ي بت ي مريم ايه رأيك
مريم : رأيي ف ايه
حنان: قبل ما اقولك هو مين قوليلي نت معجبه بحد او بتحبي حد
مريم باستغراب: لا
حنان : نتي هبله اووي علي فكرا جتلك فرصه انك تكوني ملكه ونتي رفضتي
مريم: قصدك ايه
حنان: الواد العبيط اللي اسمه مراد ده ...بيحبك وهيعيشك ملكه كده نت اللي ضيعتيه ي هبله
مريم : والله انا اعقل واحده ف الدنيا عشان سيبته
ورد بخبث: لا والله ي بت مريم طنط معاها حق...بس ي طنط نتي ليه مهمته اووي كدا بمريم
حنان فكرت بسرعه : بصراحه عايزاكي تتجوزي يوسف

#إسراء ابراهيم
#احبتتها عنيده