احببتها عنيده

الفصل العشرون 💎

وهنا دخل يوسف
دخوله كان هادي علي غير عادته اللي الكل عارفها ...كان دايما يدخل  برقصه او باغنيه او بطريقه مش عاديه دخل هادي سلم علي اصحاب الشركات وراح قعد ساكت مع جده

هنا كريم استأذن من ورد
كريم  بحب : ورد راجعلك
ورد : ماشي

زين اول ما شاف يوسف وشه اتقلب كان واقف مع كارما
كارما: مالك في ايه
زين  : مفيش
كارما : حبيبي ممكن تهدي كل مشاكلنا هتتحل ان شاء الله بس نت اهدي ومتخفش علي مريم اووي كده يعني هتبقي كويسه وانا اصلا معرفش ايه الإهتمام ده يعني
زين : انا مضايق علي فكرا ومش ناقص كلامك ده
كارما: ماشي ي زين انا سكت ومعنتش هنطق
زين : براحتك
كارما : طيب عن اذنك بقي
زين ببرود : استني هنا....الفستان ده عامل كده ليه مبينك
كارما : نعم مبين ايه ...كله مقفول اهو فيها ايه لما تكون الايد من شيفون معاك انها شفافه بس دي ايدي يعني
زين  بغيره: ايدك دي ايد الجيران يعني  اطلعي غيري الزفت ده  يلا
كارما ودبدت علي الارض  وطلعت : يوووووو بقا
زين بضحك : دبدبي كمان دبدي سنينك الجايه سوده
...
كريم اتكلم  بهدوء: يوسف
يوسف باستخاف: افندم نعم.. نعمين ..تلات نعمات ..عايز ايه !
كريم بابتسامه: ده كله ده نت حافظ بقا ..عايز اتكلم معاك
يوسف : سامعك
كريم: مش هنا
يوسف بغرور: امال فين
كريم بهدوء: تعالا مكتبي
يوسف : هما ٥ ق مش مستعد الناس تقول اني سبت الحفله عشانك
كريم : ماشي

دخلوا المكتب
كريم بهدوء فاهمه يوسف برود: مكلمنتيش من امبارح ليه
يوسف بغرور: واكلمك ليه ان شاء الله
كريم : ونت من أمته بتقدر متكلمنيش
يوسف: من دلوقتي ي كريم
كريم : ممكن اعرف نت مضايق مني ليه
يوسف : ونت مين عشان اضايق منك
يوسف كان بيتكلم وقلبه بيتقطع اللي بيكلمه ده يبقي كريم اخوه الكبير قبل ابن عمه وصاحبه هو اه اكبر منه ب ٣ سنين بس هو طول عمره اخوه الكبير وتقريبا عمره م عرف يزعل منه بس المره دي هو من وجهه نظره استغله واستغل ثقته فيه انه يمشي شغلهم
مكنش عايز يزعله مع كل اللي حصل مكنش عايز يحس ان اخوه عقله مشغول ازاي يصالحه مكنش حابب ده قلبه وجعه منه وعليه
كريم : انا مش هعاتبك علي اللي نت بتقوله..بس انا عايز افهمك اللي عملته ده كان صح بس الغلط اني تصورت رده فعلك من غير ما اشوف بعيني مكنتش اعرف انك هتعمل كده انا غلطان ي يوسف وعايز اصلح الغلط ده ي سيدي ممكن اساعدك تصالح مريم
يوسف ووقف وخبط جامد علي المكتب: لا لا لا معنتش عايز حاجه منك انا هحل كل حاجه لوحدي ي كريم بيه وكفايا بقا لحد هنا
كريم بثقه: ماشي ي  باشمهندس يوسف براحتك بس انا الوحيد اللي هصلح الموضوع ده
يوسف وطالع من الاوضه بضحكه استهزاء وشاور بايده : هنشوف سلام
.......
طلع يوسف وبعده بشويه كريم  وراح جمب ورد
ورد : كنت فين
كريم بضحك : كنت بخلص حاجه كده ..ما تيجي نرقص تاني
وراتكسفت : لا لا روح شوف كنت بتعمل ايه
ورد بصتله وعقلها هو اللي بيتكلم...ف ثواني بيعرف يصالحك وفي ثواني يقدر يزعلك ي تري هو بيعمل كده ليه هو بيحبك فعلا والا نتي اللي هبله ووقعتي طيب لو بيحبك ليه مش بيثق فيكي ليه مش قادر يحكيلك عنه اي حاجه اهم خطوه بين اي اتنين هيكملوا مع بعض الثقه لو الثقه مش موجوده  يبقي مفيش علاقه ..هتفضل لحد أمته كده ي كريم هتنطق أمته
كريم : هتفضلي بصالي كده كتير
ورد:  ها لا معلش ..بس هي الحفله دي هتخلص أمته بقالها كتير
كريم : لسه حد مجاش
ورد : مين
كريم وشاوره: دي
وهنا دخلت مريم بابتسامه خفيفه
زين بتعجب: مريم !
ورد بلهفه: مريم!نت ازاي عملت كده ازاي جبتها
كريم : روحي سلمي عليها وخدي شويه من عصبيتها اللي ممكن تنفجر في وش يوسف
ورد بضحكه: يستاهل
كريم وقرب منها : متاكده
ورد ومش عارفه تتنفس: انا انا رايحه لمريم ..وسع كده
كريم😂 : طفله
...
ورد: اخيرا افتكرتي ان ليكي أخت
مريم بهدوء: انا جيت انهارده عشانك نتي وزين وبس وكمان عشان كريم قالي انك زعلانه منه ف ده هيفرحك ف جيت وكمان قالي ان زين مبهدل الدنيا ف لازم اجي اهديه هو فين
ورد  بزعل : هناك اهو روحيله
مريم : هرجعلك تاني
ورد : مش ناسيه حاجه
مريم وقفت ابتسمت لكلامها ورجعت حضنتها جامد وباستها: بحبك ي وردتي هروح بقا لزين ل يقلب عليا الدنيا
ورد بحب : ماشي ي مريومه
راحت مريم لزين بهدوء كان مديها ضهره: زين
زين مردش
مريم بدموع: عشان خاطري ي زين انا اسفه عارفه اني عمري م خبيت عليك حاجه وعمري م جتلي ورفضت اشوفك بس اللي اعرفه انك عمرك م سبتني اقف قدامك اعيط عشان تسامحني
وهنا بصلها زين وكانت موطيه رأسها ومن غير تفكير شالها وحضنها جامد : متعمليش كده تاني ي مريم  نتي سامعه وبطلي عياط بقا وانا خلاص مش زعلان منك اهدي بقا...ايه رأيك تفضلي متشاله كده وتفضل الناس بصالنا
مريم رفعت رأسها وبصت حاوليها: يلهوووي نزلني نزلني ي زين نزلني
زين بتحدي: لا مش هنزلك فيها ايه يعني ي مريم
مريم عيطت تاني ف نزلها وسألها: اوعي تكوني بتعيطي عشان مش راضي انزلك
مريم بعياط  : لا عشان بتقولي ي مريم
زين ضحك جامد: يخربيتك ...ي بنتي نتي مريومه قلبي ي ستي
مريم : رخم
زين : بحبك ي احلي مريومه
كارما بدموع  : بتحبها ي زين طيب والله م نت شايف وشي تاني  وجرت علي بره تركب عربيتها
زين بصدمه من كلامها : استني ي مجنونه
مريم: روح روح شوفها ل تعمل ف نفسها حاجه
زين: حاضر خليكي هنا وخلي بالك من نفسك نتي سامعه
مريم: حاضر بس روح يلا
مشي زين ورا كارما
ومريم راحت لورد وكريم
  كريم: شكرا انك جيتي ي مريم
مريم : العفو علي ايه ده واجبي ي كريم
ورد: طيب هتحلي مشكله مراد ازاي
مريم: هتجوزه
كريم: انا قولتلك هدفع الميلون اللي هو عاوزهم وكده خلاص انا اللي ورطتك وانا اللي هخلص الموضوع متشغليش بالك
مريم : لا ي كريم كفايا كل اللي عملته معايا مينفعش تدفع مبلغ زي ده وانا مش هعرف اسدده بسرعه
كريم : ومين طلب منك تسددي حاجه
مريم : ..
كريم : من غير كلام كتير سيبك من موضوع مراد ده لانه محلول
مريم: بس انا مش هقبل بده  لان كده كتير وانا هسافر بره واجيب الفلوس دي  من شغلي وارميها ف وشه
كريم : طيب انا هدفعهم ونتي سددي براحتك كده كويس
مريم فكرت شويه وواقفت
ورد: وناويه علي ايه تاني
مريم بخبث: ولا حاجه
قطع كلامهم يوسف
يوسف بلطف: ورد عايزك لو سمحتي دقيقه
ورد  بصوت واطي: اكيد طبعا بس استني اقول لكريم ليقلب الحفله علي دماغنا
يوسف بعصبيه: اتفضلي
ورد بخوف: كريم ..هروح اتكلم مع يوسف
كريم ووشه اتغير: وهو عايز ايه
ورد: كريم! ... ده يوسف هيعوز ايه مش هتأخر
كريم بعدم رضا: مع السلامه
.....
قامت ورد مع يوسف بهدوء
ورد: ف ايه قول بسرعه
يوسف برجاء: عايزه مساعده هي بالنسبالك صغيره وهايفه بس بالنسبالي كبيره اووي
ورد: في أيه قلقتني
يوسف: مريم ...قوليلي بتصالحواها ازاي...اقولك علي حاجه انا عرفت بنات اشكال وألوان بس مفيش حد زيها ولا ف طبعها هي صعبه اوووي اووي معرفش اعمل ايه انا عارف اني زعلتها جامد وجيت عليها وعارف انها تسامحني ده صعب بس لازم تسامحني لازم