احببتها عنيده

الفصل الرابع عشر 💎

الشمس طلعت ...
الصبح في بيت مريم
مريم فاقت لقت يوسف جمبها قاعد علي الارض وساند علي السرير وايده في ايدها
رفعت ايدها التانيه علي راسها لقت كمدات
عرفت انه كان هنا طول الليل جمبها لحد ما تفوق
مريم شدت ايديها من ايده وقامت قعدت جمبه علي الارض وبقت قريبه منه جدا
مريم بحنيه: يوسف ..يوسف اصحي💜
يوسف بقلق: ايه ايه في أيه نتي كويسه
مريم بابتسامه: انا كويسه جدا واحسن من اليومين اللي فاتوا
يوسف وقف ووقفها قصاده: نتي أمته هتبطلي عندك ده قولتلك ارجعي معايا الفيلا رفضتي بعتلك الدكتوره رفضتيها مش عارف بصراحه اعمل معاكي ايه تعبتيني
مريم : ممكن اسألك سؤال
يوسف : علي اساس لو قولت لا مثلا هتسكتي مانا خلاص بقيت عارفك
مريم : نت بتعمل كل ده ليه !
يوسف ببرود: والله ما عرف بس اكيد لو اي حد مكانك وكان تعبان كنت هعمل كده
مريم بزعل: عشان كده بس كمساعده بس؟
يوسف : نتي شايفه حاجه تاني
مريم: اطلع بره ي يوسف
يوسف ضحك جامد
مريم بعصبيه: نت بتضحك علي ايه
يوسف: نتي بتقولي الكلمه دي تقريبا كل ما تشوفيني  طب غيري شويه
مريم : نت دخلت هنا ازاي وايه اللي حصل
يوسف: كسرت الباب  جبت دكتوره سهرت طول الليل نتي فوقتي  وبتطردنيني
مريم شهقت:  نهار ابيض كسرت الباب ..ليه واقفه مع هركل..كسرته ازاي دي حاجه متدخلش العقل
يوسف : اهو اللي حصل وبعدين انا اقدر اكسر اي حاجه
مريم : ايه شغل الافلام الهندي ده ..اللي اعرفه ان كل القوه دي محتاجه تدريب ومش اي تدريب ده تدريب خاص وفريد عشان تعرف تعمل الكلام ده
يوسف بضيق: نتي تعرفي الكلام ده منين
مريم وبتفتكر وبتبسم: زين
يوسف عرفه علي طول بس حب يسمع منها : مين زين
مريم بحب: زين ده احلي حاجه في الماضي بتاعي انا و ورد عمري ما هنساه هو دلوقتي في مأمورية بره مصر
هو رائد في المخابرات  وكان بيجي يدرب في الشقه ويكسر ويبهدل الدنيا ونقعد نتخانق انا وهو الحاجات دي هو مدرب عليها وحاجات كتير كمان زي ...

يوسف بغيره : اقولك انا بيقرا الشفايف ونت بتتكلمي لو واقف بعيد ..يقدر يعرف الكدب بسهوله ..يقدر يفك نفسه من اي موقف..يقدر يعمل اي حاجه طالما ادرب في سلاح المخابرات وده طبعا لو شاطر في شغله

مريم بتبرق: نت عرفت الكلام ده منين
يوسف: ملكيش فيه ..طيب طالما بتحبيه اووي كده هو يقربلك ايه
مريم : ملكش فيه نت كمان
يوسف :  اتفضلي البسي وتعالي معايا يلا مستحيل اسيبك هنا أولًا عشان ورد ثانيًا الباب مكسور من امبارح ثالثًا عشان ده طلب كريم رابعًا وده الاهم اني مش موافق انك تترزعي هنا دقيقه واحده
مريم : يوسف ملكش فيا انا حره وكمان عندي
يوسف : عندك شغل صح انسي انك تشتغلي هناك ده مستحيل
مريم: بطل جنان
يوسف : نتي اللي بطلي بقا كده كتير اووي
مريم: طيب نت عايز ايه دلوقتي...مانا لو مروحتش هترفد
يوسف: تتنيلي 😒
مريم : طيب هروح انهارده بس عشان اقبض مرتب الشهر عشان اعرف اقضي الشهر الجاي علي ما ادور علي شغل
يوسف: مش هغصب عليكي اكتر من كده ..هوصلك و هستناكي تحت وبعدين هوديكي لورد
مريم : ماشي عن اذنك بقا عشان البس
يوسف: انا بره
......................
في فيلا البدري في اوضه كريم
كريم فتح عينه ولسه بيقوم لقي ورد قاعد قصاده علي السرير وصاحيه
كريم : سلام قولا من رب رحيم
ورد : ايه شوفت عفريت
كريم: لا شوفت الاسوا
ورد: اللي هو !
كريم : بصي في المرايا ونتي تعرفي عينك مبرقه وتحت عينك اسود وقاعده زي الزومبي عامله شبه مدمنين المخدرات وغير ده كله الساعه ٧ وحضرتك بتصحي متأخر
ورد: انا منمتش ونت عارف ليه مش بعرف انام في الضلمه ثانيًا نت قولت انك هتفهمني كل حاجه انهارده وانا مستنيه
كريم: عايزه تعرفي ايه
ورد : مين نهي ..وليه لما سمعت اسمها اتشقلب كيانك كده
كريم: طيب بس نت سألتي سؤال معين وانا هرد علي قده وملكيش اسئله تاني
نهي سكرتيره عندي واتشقلب كياني لأنها مش بتعمل غير مشاكل بس ده كان رد لسؤال عن اذنك بقا
ورد : كمل
كريم : أكمل ايه
ورد: ايه علاقتك بيها وليه مش بترفدها
كريم: انا مش حابب احكي حاجه من الماضي
ورد: نت مش بتثق فيا!
كريم : الموضوع ملوش علاقه بالثقه طبعا بثق فيكي
ورد: يبقي تحكي لمراتك كل حاجه
كريم  بضحك : نتي نسيتي مراتي دي هتطلب مني الطلاق كمان ست شهور  ده اتفاق
ورد : غلط اتفقنا مش كده ..انا قولت لو معرفتش احبك خلال الفتره دي هتطلق لو مرتحتش معاك انما ده مش فرض ف ثق فيا واحكيلي لاني هكمل معاك ازاي ونت مش راضي تعرفني حاجه
كريم ببرود: وانا مش بيتلوي دراعي!لما احس اني عايز اعرفك هعرفك
ورد بعصبيه: خلاص ب كريم طالما نت مش عارف تثق في مراتك يبقي مش هنعرف نكمل
كريم : يعني!
ورد: ننفصل
كريم سابها ودخل الحمام وطلع لبس وجهز نفسه للشركه
ورد : هتمشي من غير فطار
كريم : ...
ورد: انا رايحه الكليه أخر امتحانات ليا
كريم : .....
نزل وسابها وراح للحرس وامرهم يوصلوها للكليه
لسه رايح يركب عربيته جت عربيه وقفت قدام الفيلا
كريم طلع تاني يشوف مين ده
كريم: اهلا ي عم اتأخرت ليه استنيتك امبارح
زين والله كان عندي شغل
كريم بمرح: اول لما اجي اعرف ايه حكايه شغلك ده
زين: وانا مستنيك
كريم: البيت بيتك ها
زين : طبعا سلام عليكم
كريم : و عليكم السلام
مشي كريم علي شركته وبيفكر ي تري هيعمل ايه معاها يقولها كل الماضي يمكن هي حبته عشان كده عايزه تعرف كل حاجه عنه عشان تكمل معاه حياتها
ومن ناحيه تاني ..بس دي اول مشكله بينا عايزه تسيبني كانت لازم تحترم رغبتي ان أسكت حاليًا وتستنا اجي احكيلها انما مش تهرب مني في اول مشكله
طيب اعمل ايه في موضوع يوسف اللي بيتهدد واعمل ايه مع نهي و ولاد المغربي والصفقه بتاعتي وجدو اللي خايف عليه  وجراحي القديمه ...انا تعبت
سند كريم علي مكتبه ونام من تعبه
........
عند يوسف ومريم
يوسف: اتفضلي اطلعي و ثواني وتكوني تحت
مريم بغضب: طيب
طلعت مريم شركه عز المغربي وطلبت تشوف مراد حالا
دخلت لمراد
مريم: اتفضل دي استقالتي
مراد بزعيق: نتي اتجننتي ولا ايه فكراني هسيك..انا بحبك ونتي عارفه كده ..مريم محدش حبك ادي انا عايز اتجوزك
مريم : مجنون نت مجنون ..نت متوقع اقولك وانا كمان نت ناسي الذل اللي شوفته انا وورد منك نت واخوك  انا بكرهك واشتغلت هنا عشان اصرف علي نفسي وبس
مشت مريم وراحت علي الحسابات وخدت مرتبها اللي هيعيشها الشهر كله وهي رافضه بس لو مخدتوش هتاكل منين ده تعبها وحقها
عند يوسف
جت رساله ليوسف
"حضرتك كمان تعرف حاجات عن المخابرات..تصدق كل يوم بتبهرني..فضيحتك هتبقي بجلاجل"
يوسف ركز للحظه الرسايل دي بتبعت لما مريم تدخل الشركه دي بزات ده غير ان محدش يعرف الحاجات دي غيرها
يوسف شك وبيحاول يكدب نفسه لان لو اللي في دماغه صح هيقتلها
نزلت مريم متعصبه ورزعت الباب وراها بتاع العربيه
يوسف بخبث: مالك
مريم: مليش عايزه امشي
مشي بالعربيه لحد فيلا كريم
نزلت مريم ونزل يوسف ودخلوا
مريم اتصدمت مش مصدقه عنيها
مريم بلهفة: زين !
زين : مريومه 💜
جرت مريم ونطت في حضنه هو شالها ولف بيها قدام الكل
نزلها وهو حضنها
مريم : وحشتني اوووي اووي ي زين ازاي متسألش عني الفتره دي كلها ازاي  انا زعلانه منك
بعدت عنه مريم وادته ظهرها
زين اتنهد: استعنا علي الشقي بالله
جه قدامها ورفع رأسها
زين : هو انا يعني بلعب ي حبيبتي وبعدين انا اسف شوفي اصالحك ازاي وانا اعمله
مريم بمرح: زي ما كنت بتصالحني زمان
زين : يااا عليكي ي مريم ..انا مش قادر بس هعملك اللي عيزاه
يوسف ده كله واقف مبلم مش عارف يقول ايه ولا يعمل ايه وليه غيران كده وليه هيتجنن هاين عليه يروح يقتله ويضربها(في نفسه)هي مفكره نفسها عيله صغيره ولا ايه
زين رفع مريم علي ايده وشالها وراح لحد ورد
زين: اخلصي ي ورد والنبي اخلصي
ورد بضحكه: لا اتعذب شويه
مريم : يتعذب!هو انا تقيله اووي كده
زين : لا ي حبيبتي خالص..اخلصي ي ورد بقا تعبتيني
ورد : خلاص هعفو عنك 😂
زين  : انطقي يلا
ورد: حاجه تحط ايدك في عنيها تفتح بوقها؟😂
زين : الله يخربيتك انا مش قادر افكر ما تجيبي حاجه سهله....خلاص عرفت 'المقص'
مريم بضحك: خلاص ي ورد كفايا
ورد بمشاغبه: اجابه صحيحه
نزل زين مريم بسرعه
مريم و ورد بيضحكوا
زين: بتضحكوا علي ايه بس بقولك تعبان وهموت وانام
ورد: بطل تشحت .. نت اطلع الاوضه اللي في الدور التاني تالت جناح علي اليمين
مريم: الله بقا ده جنب اوضتي . يلا اطلع نام شكلك تعبان
زين :طيب هطلع كده حاف ي مريومه
مريم: اتلم بقا مش وقته نت قاعد هنا كتير
وهنا بقا الفيلا اتزلزلت من الصوت
يوسف : نت اتهبلت ولا ايه مين دي اللي عايز منها ايه وازاي تكلمهما كده اصلا وعمال تشيلها وتحطها وتلمسها وتحضنها تحب تطلع معاك الاوضه تونسك
مريم : يوسف نت اتجننت ايه اللي  بتقوله ده
زين: نت مين اصلًا ومعلي صوتك كده ليه انا اعمل معاه اللي انا عايزه نت سامع
يوسف معندوش كلام يقوله هو ملوش دعوه بس هو اضايق لما شاف مجرد حد بيلمسها
مريم : معلش ي زين اطلع نت دلوقتي ي حبيبي
يوسف في سره وقفل ايده جامد: برضه هتقوله حبيبي انا هقتله لو مطلعش حالًا
زين : عندك حق انا مش فايق انا لما اصحي ابقي اتعامل معاه واعرف مين ده
يوسف بتكبر: نت في بيتي حضرتك
زين : مش فاضيلك..مريومه لما يجي كريم صحيني باي ي وردتي
ورد و مريم: باي
يوسف مشي متعصب علي اخره وراح لكريم
حكاله علي الرساله التانيه
كريم: يوسف انا عايز اروح انا حاسس نفسي تعبان اووي
يوسف : طيب سيب الشغل وتعالا اروحك
كريم : خدني شقتك مش عايز البيت
يوسف : حاضر

#إسراء ابراهيم
#احببتها عنيده