أنس : عايزه تنزلي ولا اوصلك الفون بتاعك علي الكاميرا بتاعتي واصورهولك
سلمي: لا هنزل
أنس وعلي نزلوا
أنس مسك ايد سلمي وسندها
دخلوا
سلمي : المكان حلو اووي وشيك بس فين اللوحات
أنس بتشوق : لسا فاضل كام لوحتين عشان المجموعه بتاعتي تكمل ، وهتكون واحده منهم بأسمك لو عجبتني وطلعتي بترسمي كويس
سلمي : معرفش المفروض دلوقتي احس بأيه
أنس : اعتقد المفروض تكوني فرحانه
سلمي : انا عمري ما فرحت في حياتي عشان اعرف اعملها دلوقتي
أنس : اعتبري من دلوقتي انك هتفرحي علي طول
علي : بقولك اي اي رأيك لو غيرنا لون الحيطه دي بس عشان تكون مختلفه
أنس و سلمي ضحكوا
أنس : متفكرش تاني ، يلا بينا اودي سلمي البيت ونت تشوف هتروح ازاي عشان انا هطلع علي الشركه
علي : متنساش في امتحان بكرا
أنس : فاكر فاكر
علي : طب امشي انا بقا بما انك بعتني
أنس رفع ايده وحرك صوابعه: باااي
وسند سلمي وركبوا ورجعها البيت وطلع علي الشركه
في مستشفي مريم
مريم برقه : ايوه ي يوسف
يوسف: برضه عملتي اللي ف دماغه
مريم : خلاص بقا ي يوسف متضايقيش عشان خاطري اه صحيح نت بقالك كام يوم حاسه انك مضايق او في مشاكل عندك في الشغل
يوسف : لا لا عادي كل حاجه كويسه ده ضغط بس ف التصاميم
مريم سمعت صوت بره : طب خليك معايا ثانيه هشوف في اي
يوسف : معاكي
مريم طلعت من مكتبها وراحت ناحيه الاستقبال
شخص مسلح بيزعق : هي فين مديره المستشفي انطقوا بقولكم
مريم : اهدي اهدي ونزل السلاح انا المديره
الشخص بسخريه وصوب بالمسدس علي مريم: اهدي !!اهدي اي انا خسرت مراتي بسببك ازاي معرفتوش تنقذوها
مريم: متعملش حاجه تندم عليها بعدين انا معرفش مين مراتك بس طالما فقدناها يبقي صدقني اكيد عملنا كل اللي نقدر عليه
الممرضه : قصده علي المريضه اللي جت في حادثه العربيه امبارح اللي حضرتك عملتلها العمليه
مريم : تمام تمام اهدي صدقني حاله مراتك كانت صعبه ووصلت متأخر وانا عملت كل اللي اقدر عليه عشان تعيش
الشخص بزعيق : نتي كدابه نتوا معملتوش حاجه عشان احنا فقرا ودي مستشفي خاصه
الشخص ضرب ممرضه علي رجلها
مريم بتحاول تهديه : صدقني انا عملت حاجه محدش هنا ليه ذنب في موت مراتك
الممرضه بعياط : صدق الدكتوره ، دكتوره مريم افضل دكتوره جراحه ف المستشفي
الشخص: هي السبب في موت مراتي ولازم تموت
مريم غمضت عنيها : يارب
الشخص ضرب فعلا الرصاصه بس مش في رأس مريم ف الحيطه
يوسف عرف ياخد منه السلاح
امن المستشفي خدوه
يوسف جري علي مريم حضنها : نتي كويسه
مريم : كويسه كويسه ، نت جيت ازاي
يوسف بخوف: لما سمعت ان في حد بيهددك مستنتش تردي عليا نزلت علي طول وفي ثواني ولحسن الحظ جيت
مريم : انا فعلا عملت كل اللي اقدر عليه عشان تعيش
يوسف : عارف عارف ي مريم قومي معايا اروحك
مريم بهدوء: لا لا انا كويسه وكمان مينفعش اسيب المستشفي
يوسف : وبعدين بقا في العند ده نتي هتيجي ولا اشيلك زي زمان
مريم : بطل غلبه بقا ي يوسف انا كويس
يوسف : نتي حره بقا
يوسف رفعها علي كتفه ومشي
مريم: ي يوسف نزلني، نزلني ي بني احنا في المستشفي ي يوسف ي يوسف
يوسف: انا قولتلك ونتي رفضتي خلاص بقا
مريم : يااادي النيله عليا وعلي سنيني
الكل كان باصللها وبيضحك
يوسف نزلها قدام العربيه : اركبي
مريم : اوريهم وشي ازاي بعد كدا بس
يوسف باسه من خدها : بالوش ده
مريم حطت ايدها علي خدها: هيييي كمان حته الأمن شافوك
يوسف ابتسم : ي بنتي اركبي ما اللي يشوف يشوف
مريم : طبعا ما نت ماشاء الله من يوم ما عرفتك ونت كل شويه تشيل فضحتني في كل حته
يوسف ضحك: طب بس اركبي
مريم بعصبيه: حاضر حاضر
____________________
جنى بفرحه : كدا يبقي خلصت كل حاجه نفسي اشوف شكله بعد ما يعرف اللي عملته فيه
كريم : دادا عفاف
جنى : دادا عفاف راحت تجيب حاجات مع عم عبدو حضرتك عايز حاجه
كريم بجديه : لا بس ورد نايمه ف اوضتها مش عايز حد يزعجها ويصحيها وكمان اهل العروسه جم وكنت عايز حد يدخلهم
جنى : متقلقش محدش هيزعجها، وعادي انا اقدر ادخلهم عادي يعني
كريم : لا لا مينفعش
جنى : صدقني ي استاذ كريم عادي يعني انا هدخلهم
كريم ابتسم: خلاص طالما مش هيسببلك ازعاج
جنى : اعتقد انهم جم عن إذنك
كريم بجديه: تمام انا هكون في المكتب بتاعي اول ما يبقوا يدخلوا ويقعدوا شويه ابقي اجيلهم
جنى : تمام
جنى طلعت واستقبلتهم ودخلتهم
يارا بتكبر : نتي ي بنت نتي هاتيلي كوبايه مايه
جنى ضحكت: أولا مسميش بت ثانيا اللي عايز حاجه يقوم يجبها لنفسه انا ملاحظه ان عندك ايدين ورجلين زي يعني مش متكسحه
يارا اتنرفزت: نتي ازاي تتكلمي معايا كدا نتي متعرفيش انا هبقي مين
جنى : فهمت واضح انك فاهمه غلط انا مش شغاله وبعدين اللي يطلب حاجه يطلبها بأدب بدل اعلمك انا الأدب نتي سامعه
سلمي جت ومسكتها: خلاص ي جنى تعالي معايا
جنى بصتلها بعصبيه: نتي جيتي أمته
سلمي: حالا حالا جيت حالا تعالي بس معايا
أنس : تقدري تقعدي ي أنسه يارا
والد يارا : ي اهلا ي اهلا نت العريس
أنس اتفأجاه: افندم هو انت متعرفش عريس بنتك
والد يارا : مش مهم شكله المهم فلوسه قصدي مكانته
أنس: تقريبا كدا بابا أقصد استاذ كريم ميعرفش أنكم هنا ف انا هناديله
يارا : اوكيه
______________________
في بيت زين وكارما
ركان : ممكن تحكيلي بقا في اي
ريتال حكتله ......
ركان اتصدم: لازم اعترف اني مكنتش متخيل حته ان الموضوع كدا
ريتال : نت عارف ي ركان نت مش ابن خالي ولا عمري اعتبرتك كدا نت دايما اخويا الكبير اللي مسنوده عليه ف مكنش في غيرك هيفهمني
ركان : بصي ي ريتال انا معرفش ازاي حصل اللي نتي بتقوليه ده وازاي بالسرعه دي بس اللي اعرفه انك لما تسافري ده هيبقي حل
ريتال : مينفعش افضل هنا انا مقدرش اوجهه اللي هيحصل بعد كدا انا مقدرش اشوف نفسي ضعيفه انا دايما قويه
ركان : صدقيني سفرك مش هيفيد بحاجه غير انك هتزعلي بابا وعمتو كارما والكل
ريتال : مش بأيدي
ركان : احنا طول عمرنا سوا ومحدش فينا هيسيبك تمشي وده قرار نهائي لو فعلا انا اخوكي الكبير ف اسمعي كلامي وانا هحاول احل مشكلتك
ريتال: توعدني
ركان : وعد، وقومي يلا نروح الفيلا مش هتقعدي هنا لوحدك
ريتال : لا معلش ي ركان انا مش هقدر اروح ف حته هاجي بكرا الصبح عشان اجهز للخطوبه
ركان : خلاص براحتك لو عوزتي حاجه رني عليا
ريتال: حاضر ،واه والله نسيت في بنت اسمها روضه صحبتي معلش ي ركان تروح تقولها انها تمشي واني مش هعرف أجي لان فونها بايظ
ركان : ماشي انا كدا كدا رايح الشركه اشوف موضوع الناس اللي جت بليل دي ، ايوه صحيح هو نتي بتدربي
من ورانا
ريتال ضحكت : مش من وراك ولا حاجه الموضوع بس اني زي ما قولتك مبحبش الضعف ف حاولت اتعلم حاجه تخليني قويه واديك عرفت
ركان : طالما كدا يبقي اقدر امرنك بعد كدا
ريتال: وانا موافقه ويلا بقا عشان متتأخرش، أنس قالي انه هيكمل التصميم بتاعي
ركان : يبقي زمانه هناك وسليم هيخلص كليه ويجي
ريتال : ابقي سلملي عليه بقا
ركان : حاضر
ركان نزل ركب عربيته وطلع علي الشركه
أنت تقرأ
احببتها عنيده
Romanceتحكي الروايه عن بطل تزوج ليرضي جده رغما عن رفضه للزواج ولكن تزوج من عنيده جعلته ينسي غروره وخطفت قلبه منه واحبها بعد معاناه واصبح يعشقها وهي كانت تكرهوا ولكنه جعلها تغير هذه الفكره بعد مشقه في هذا الزواج ولكنه تزوج من عنيده 💜 اي كومنت يهمني جدا و...
