صبحكم الله بالخير
طبعا نشري غصبا عني صار الصبح بسبب النت الكريه بنات حذفت النص وعدته نشره لأن نازل من غير تعديل أملائي الي يطلع عدهم النص قصير يحذفون القصة من المكتبه ويرجعوها
نهاية البارت لحد ما انسام بجت بالشارع
.
"أبكي من العزلة ومن الحياة، من الكتف الذي لن أستطيع امتلاكه أبدًا، الأشياء التي حلمت بها، وتلك التي فكرت فيها،وما تم نسيانه بداخلي."
بيسوا.
أنسام
نظراته المترجية اخترقت زجاجة عيني و اترسخت داخل محور ذاكرتي طيلة العمر مراح انسى نظرته الاولى بوجهي بتركيز و حسيت مطالب شي بيهن
بسببه دارت معركه طاحنه بين الگلب وجرحي الملچوم ،
راح ولزم الباب وباوع الي و حاجبه كان نازل وعينه كذلك حسيت بيهن حچي ما نگال اخذ الباب بايده وطلع
ماردلي روحي مرد داس على گلبي بنظراته هاي ريته ما تندم ولا اجه وظل قاسي ظالم حتى امثل اكره !
وكعت على الكرسي روحي الهشة زين منها صمدت وما ضعفت گدامه ،
مرت ايام و اني بديت اتحسن
جنت بغرفتي مسطحه الضهرية واباوع مسلسل عراقي ،
دخلت عليه فجاة رضوى لابسه ثوب حوامل ازرق اول ما دخلت شالها الي بس ذابته اسرسح على متنها ضهر شعرها الي صابغته اشقر وعدسات زرق كانها جايه لحفله ما يكلك جانت كاعده بالبيت
-اشعدج جايتني لا وبعد لغرفتي
- جيت احذرج
تحجي وهي رافعه اصبعها عليه
- روحي لبيتج مااني حمل احد
- عوفي هذا البيت عندج خالتج اخذيها واخذي بيت بأي منطقه تلكين واحسن من فصال هالبيت هالنص اصلا خنكه ليش متحملته وانت بحصتج تشترين افضل بيت
- شي ما يخصج
-لا يخصني من توصل اعيونج لزوجي يخصني
حسيتها حذب ملح على الجرح وتذكرني يزوجها الي طش عرضي عليه
- اطلعي برة حبابه محد جاي يمكم
اتقربت من يمي وكالت وهي حاطه ايدها على بطنها
- لخاطر وكفتي وياج عوفي زوجي بحاله
- عايفته انتم عوفوني ،
- اني مو هاي الفاهية سارة واسكت ، برفضج لباسم فهم ادم اكيد انت رايدته اله مو اي رجال للستر ، ومن يعرف الرجال اكو مرة اتريده شيطانه يوزه
وخري عنه لا تخليني اتهور اوياج
فلا تمشيها عليه مال مقاطعتنا احنه نسوان ونفهم على بعض ما تردينا ابتعدي عنا
- كافي وروحي
- افهم من نظرتج اله رايدته اله
واني ما راح اخليه شي يخرب حياتي وياه مرة لخ
فاهمه
- اطلعي برة لا أصيح لخالتي
- اذكري وكفتي وياج
-كافي اتعيرين بيه واطلعي وزوجج اذا ما يجي برجليه اني ما اخطفه ترة !
خزرتني و الافكار تتزاحم ببالها من عبارتي
-مو صوجج صوجي اني الي دخلت وياج واتعاملت بأنسانية ، و ضميري أنأبني عليج كلت ظلمتها
-اهااا اعترفي اي اعترفي انت وكعتيني عمدا وشوهتيني
- لو عايفتج ميته بالمستشفى ارحم للنساء واولهم اني !
بس حامض على ابوزج احلمي توصلين لزوجي
-زوجج اعتذر مني حتى راد يبوس ايدي! وانه ما عبرته اطلعي برة يلا
حطيت ملح وبهارات مني !
_________________________
سارة
ما رد عليه بيومها انتظر لثاني الا رسل رسالة !
روحي ويه امج لبيتها
هم رسالة ما كلفتك شي !
ياريتها ع الرصيد !
وهم ترجعني يم امي !
هيج قدري عندك ما كلفت نفسك تجي تفهمني ! لك مرتك عرفت اتريد تزوج غيرها ما همك !
لحد الان كاعده بالبيت حتى لا ردة فعلي تقلب الموازين عليه واصير اني طلعت من البيت وانتظرته يجي يفهمني صارلنا اسبوع كاعده وساكته وامي طشت خبر حملي وادم اعتذرت منه وهو كانه خجلانه منا ما عقب على اعتذاري غير بعبارة " اتصرفتي بفطرتج
انسي !
اعتذاري كوني جريته و ضربته بالمخده بس ردته يحس ع نفسه ويوخر عن اخوه والا هو اخ كبير الي ،
كلت لامي الي راحت لبيتها قبل اربع ايام اني جايه الج دزي الي ابن خالي يوصلني
ونزلت واني معبيه كل جنطي، كرامتي توجعني حيل لدرجة ادمت گلبي و همشت بداخلي أحاسيس اظلمت دواخلي و كبتها اوهن جسمي نزلت للاستقبال وصورة بابا ما زالت بيه
- شفت شصار بينا من بعدك
بابا مدللتك مكسورة
ارجعلي بوجودك محد يكدر يهمشني مثل هسة
-ها رايحه
دخلت رضوى كانها كانت طالعه مدري وين
- وين جنتي
-يم هاي انسام
شمرت عليها كلمتين على العظم
وين رايحه زوجج لهسة ما سأل عنج
!
اسرسحت دمعه حقيره غصبا عني و اجنبتها وباوعت لابوية واني اودعه
ورمش عليه ابن خالي دخل طلع الجنط ضبهن و غادرت البيت و عفت روحي اطوف بيه
بالسيارة وافكر
طول هذا الاسبوع اني افكر ليش هيج كلش ثار باسم لهلدرجه اني جنت زوجه فاشله ! دارت عليه الحياة و الي صار لأمي صار بيه ! واني طول عمري اكول ما اصير مثل امي بحياتي ! امنين اجاني البرود وياه و فشلت زواجي ، بس والله مو بيدي ما بينا توافق فكري وما ادري ويامن الحق
امنين اجاني هالحمل والله جنت انهي هالزواج وارتاح
الملامة موتتني اشلون وافقت واني اعرفه واعرف نفسي ما اتحمل واحد متحكم بس ضغط الاهل بالاقناع كان قوي حيل
هاي مصار النا أشهر و انتهينا اثنينا
رجعت لبيت امي منهارة ولا الام ترحم بس تلوم
لحد ما وصلت للانفجار
- ماما الله يخليج كافي
-هو الي يحجي الحق اسكتيه لو حاوية زوجج وماخذته على هواة
- انت مثلي الاعلى عليمن اطلع مثلا
-ولج شتكولين
- اسفه اعتذر ماما انت طلعتيني من طوري أحتوي واحتوي شحتوي ماما اني اريد واحد يحتويني واحد يكبر عقله وياي يفهمني مو كل الي اكوله اقصده يفهم برودي احتياج مو رفض !
يفهم نقصي ويسده
گلتي الي هذا يحبج يريدج شميت بيه ريحه بابا و وافقت
ناسيه التوافق الفكري اهم
ماما هو يشوفني ما افتهم
واني هم اشوفه خارج من حياتي
راح لوحده توافقه
واني هسة صار عليه اللوم
-حيل هلگد شايله بگلبج
اتوقعتج اذبين اللوم كله بباسم
كعدت على سريرها مهدود حيلي
وحطيت ايدي على راسي مثل المجفوع باحبابه
- اللوم كله عليه اشلون ذبيت نفسي هيج حتى استحي اكول لخوالي شكول الهم يريد يزوج عليه مرت ابويه
ماما ما اريد الخبر يطش فدوة خو ما گلتي لاحد منهم
-لا طبعا
-ماما حسيت نفسي ما اسوة حتى ما كلف نفسه يتصل برساله طردني
اندك الباب راحت امي واسمع صوته وياها وهي بس تعاتب بيه
زاد انصهار جسمي بعد متحملت انهاريت بالبكي
اجتني امي كالت تعالي يريدج زوجج
طلعت واني عالنه انهياري من هندامي المبعثر سيت بيت و شعر ملموم ببعثره كبايه و سواد قوي تحت العين ساهر و شفاه متيبسه و بنية تعاني من فقر الدم
حطيت زلفي جوة اذني و كلت اله
-اشلونك !
وكفلي هو الثاني مبين عليه التعب و الاجهاد بس مع هذا مرتب وانيق
- زين ، سمعت حامل !
- مع الاسف والله صح
- شوفي يا بت عمي ما جاي للعتاب او الملامه ، تردين اكملين وياي لو لا !؟
- ششوف انت ؟
طلعت من البيت من غير اذنك !؟
طلبت الطلاك من اول يوم !
متانيه تفسير منك
دنك
وكعد
-ما عندي تفسير
- وانسام ¿
انسام الي عمري ما شكيت بيك عندك ميول الها
-لو زوجه من صدك جان لاحظتي تغيري و غرتي ، مع الاسف انت مثل ماي البحر ما تعكرة مطرة صيف
بس شوفي يبت عمي كل الي صار بسببج
- كلت مراح اتلوم وتعاتب
- هم صحيح ، هسة صدك رايده الطلاك وانت حامل
- ما هامك !
اهه ما هامك شعوري!؟
سكت
-المهم صفي امورك ويه ادم لا اظلون متخاربين ما تسوة
-موضوعي ويه ادم ما الج علاقه بيه
وكولي الي ترجعين لو لا
-اذا رجعت لازم تتصافه ويه اخوك منكدر نرجع و انتم..
قاطعني
-مدام ما رايده الطلاك
خوش تمام حدور هسة واشوف الدلالين هسة و انشوف بيت اهنا قريب على اهلج و اجره الج
-شنو نعزل
- اي نعزل
- ما ، اريد ارجع لهناك
-المن اترجعين ؟
اني راح اطلع مناك مالي رجعه
-ليش هيج عود كله لخاطر ست الحسن
- مالها علاقه بس النفوس الي انملت بعد
،
ايام وهو على تواصل وياي يكول الي بالبيوت الي يشوفها
كلام عادي وقليل واني بگلبي نغزه منه وصبرت واجيت على نفسي
كلها ايام ولكه بيت صغير قريب على بيت خالي بينا شارع
كال راح انضفه اني وربيعي
اني بس كاعده وتجيني الاخبار ،
واجه انطاني مبلغ اشتري اثاث
بسيط
امي اخذتني وياها و ما مشت بالميزانية
الي حددها و وصينا على طقم و فرش بيت ممتاز و مواعين ومن هاي السوالف ما جبت نسوان الخوال واختي وبنات عمي من سمعن فزعن وكل وحده كالت عليه فلان شغله ،
هو التحق وعندي المفاتيح و بمساعده الخال كملنا فرش بيتي هو غرفتين الكبيرة الي والصغيره كلت للبيبي
و هول واستقبال وكذا
،
كعدت مهدود حيلي من التعب بغرفه امي
واني حاطه ايدي على بطني الي ما بازغه
- على مودك يروحي والله على مودك حصبر على ابوك وحعدي لابوك نزوته
دخلت امي تحجي على بيتي ما عاجبها
-يوم مؤقت ، ما اخليه هيج بس هسة اصبر وبعدين اشوف اشون نتشري قطعه ارض وابنيها ما اظل بالايجارات
كعدت تتركظم على حظي وظايجه حيل هي ومتندمه انتطني اله
-كله صوجي ضغطت عليج
طلع اعوج على ابو.....
سكتت مكملت
احتريت حيل من عبارتها
-قصدج على ابويا
كملي ليش سكتي !
ما جاوبت هي متخبله منه لان هم باوع لنفس المرة الي تكرها اكثر من اليهود !
واجه اليوم الي ينزل مجاز اني جنت قبل يوم رايحه للبيت ومخليه بيه ملابسنا كلمسة اخيرة
و رحت الصبح اله نضفته و كعدت انتظرة امي جابت الي غده وراحت صار العصر واتقربت موعد جيته
دخل عليه جنت مسطحه على فرشتي
بس دخل جريت الغطى !
تغطيت
-السلام عليكم
-وعليكم السلام ورحمة الله وبركاته
الله يساعدك !
رفع احواجبه كانه ممصدك يوه انت تخجلني اكول هاي العبارات اذا كلتها اتكول عليه كيكيه ما اتلوك الي اصير زوجه معدله
خليته يطلع من جنطته كم غيار متنقل وياه بالدوام والبيت وكلهم دواخل وغيارات بيت
منطي الي ضهره
عبالي حيبدل يمي فتح اول دگمة
من بدلته العسكرية
باوعت اله بلهفه يكمل تبديل
اخذ غياراته وطلع يسبح كانه تذكر توه
طلع من الحمام ولابس سيت بيتي ماروني ،
لاحظت عضلاته الي باديه بشكل ملحوظ مبينه من لعبه بالجم او بالجيش حاطله بالحضيرة اوزان و يطلع جان ساعه كامله يركض
هو غير ملتحي بس عنده شوارب بسبب الدوام واسمراني على حنطاوي
بحواجب هلالهية دوم عاقدهن هنه الي مطياته هيئة الحقنه
باوعت للسكف وكلت اي يسارة واشلون راح اتعامل وياه مكدرت اكمل تعبت والله مكدر اجي على نفسي حتى احافظ على زواجي كرامتي اتعز عليه حتى معاتبته !
كال لا اتسوين عشة راح اطلع اجيب واجي
- لا اجيب الي وياك صايره ولا اطيق الجاهز ولا اللحوم
- لعد ما راح اطلع اني راكع لفتين كص اساسا !
اجه يمي ادنيت سويت اله مجال مد رجليه وانسند على المخده ويباوع الي اني مطروحه ودايرة وجهي عليه وحاطه ايدي جوه خدي
اتلمس وجهي وصل لعيوني غمضت من ظل يمشط اصبعه برموشي
- اشتاقيت الج حيل
بوزت وسكتت كاتمه البجية تطلع لان گلبي شايل منه
ابسرعه رفع راسي حطه بحضنه و لزم شفافي برزهن لروحه و التهمهن بنشوة فراق بعيد
-اي اخ
كلتها بعد ما اسنانه نبتت بيه
هد شفتي حاني النظرات معتذر مني
- ايام طويله من الفراق
كفيله اتخليني اكل اي قطعه تقدم كدامي و اشلون من الي احبها
و خلع فانيلته و صار هو بالأعلى واني اسفلة
واخذني بوادي من التقبيل قاطعته متحير
سألني بطريقه كسرت خاطري
-ما ترديني ؟ لهلدرجه ماجنتي هيج اطورتي جنت اجمدين هسة تبجين نافرة مني !
وخر عني رغم درجه الغليان الي جان واصلها و واضحه عليه
- ما نافرة منك
بس انت مضوجني مكدر اكمل اذا ما نعاتب بعض
- شنعاتب
-اتحبها !
-منيه
-الي اتخاربت ويه اخوك على مودها
وخر عني وراح لبس ورجع كعد يمي
-هسة ليش تبجين هيج
لا ما احبها
بس هاي غيره لو عزة عليج نفسج!
- الاث الاثنين
- لا ما حبيتها جنت معجب بيها حيل و ضايج عليها حياتها منغصه بسبب عمها والمجتمع ، ردت بس احميها و الله
واكون الها سند من الايام لانها ما تستاهل الي يصير بيها
-واني مفكرت بيه
مو عود تحبني
-انت ثلج وديتيني الها من غير ما اتحسين واحسج عادي اروح لغيرج اتخلصين مني !
- مدري اشوفك متألف وياها ومحترمها بس مشكيت بيك بيوم اتباوع الها اكراما لذكرى بابا
-لج حتى غيرتج طلعت على ابوج مو عليه اشكد مسكين اني لعد حتى على مرت ابوج اتغارين لا واحد غير ابوج ياخذها
-كولي صحيح لو لا
هزيت راسي بأي
-اغار مدام كانت زوجة بابا ميلسمها ا بعده ! و اي اغار عليك هم
مو اتحبني اشلون ما تفكر بيه شصير
-مو هيج الامور والله
جنت اريد ارجعج ويه امج اعيشج
و هي اخليها ببيتها معززه ترجع ويانه نفل التقسيم واعقد عليها و اريحها هي واخوج وهم تعوضني اهمالج الي
بس ادم طلعني طفل كدامها احتقرتني اكيد وشهرنا بيها
ادمرت المرة بسببنا والي سواه ادم فقده ثقتي بيه
- هم مجاوبت مفكرت بيه شصير وانت تتزوج عليه
- ازعلين يومين حالج حال كل النسوان وعادي اتوقعت على نفسج ازعلين وعلى كرامتج جنت شايل عليج حيل واريد اصحيج و اكسرج
-تعترف !
سكت
لهلدرجه جان يحس بالنقص بتعاملي وياه
-اوكي يا باسم همزين طلعت كل الي بگلبك
واني هم حتى نتساوة بس حباب لا تعصب واصيح
-يمتى عصبي اني !
- باسم انت وعدتني اهواي وعود قبل الزواج وما لكيت منك غير انت ملطعني من حياة الى سجن مؤبد وحياتك مملة عسكري تجي من الدوام بس همك تشبع نفسك واتروح للدوام وهكذا ، اني سنوات ادرس سنوات حصدت بيها صديقات حضرتهم كلهم وما خليت بس وحده جهازي فني اخلي بيه رمز ، طلعاتي شبه المعدومه
ومن رحت لايران اجيت لكيتك مخلي ببالك وحده غيري
ابسرعه بعتني !
حتى لو مقصرة اكعد وياي وبهدوء مثل هسة
شوف الهدوء اشلون يحل امور
- يعني هسة شرايده اتكولين
- رايده افهم منك انسام شنو موقعها بگلبك
- خجلان منها واتمنى بيوم اسامحني وما أجرئ اراويها وجهي
-لعد ليش اصريت تزوجها من اتعاركت ويه اخوك
- اصريت اثبت الها ما العب بيها وادز عليها اخويه يهينها
-لو موافقه جان تزوجتها عليه ولا اهتميت
سكت
- سكتت شو
اخذت مخدتي و غطاي
-وين رايحه
- انام برة مدام النفوس شايله القلوب ما تتصافه
عود ازوج متعه
لو لوف على وحده من صديقاتي
مو غريبه عليكم كلكم نفس الطينة
عفته بيومها نايم وحده بالغرفه ونمت بالهول
الصبح كعدت وحيل مشتهية حليب
دخلت للمطبخ الصغير جدا حاطه بيه كاونتر متر و طباخ فرش خمس عيون مو صغير وثلاجه و سنك يا دوب مكفي ،
المنظم ما يرضى يتركب عدل اوف
هاي هي راسها ما يصير شو خل اجيب الثانيه دا اريد ازحزحها اجاني صوت باسم
-اي وكعيلي الطفل وكعي
التفتت مخترعه على عصبيته
وخرني كلت اله
-شكلي المنظم
شكله ابسرعه اشتغل وراح وظل يفتر بالبيت وعصبي كلش نار
دخلي واني اقلي اله بيض
يزمخ
- شو اضحكين
مجرد جنت مبتسه على ناره
حطيت ايدي على حلكي
-منو يمك
شلت الصينية واتعمدت اطخطخ روحي بيه من فتت وهو رايه للهول حطيتها على الارض ، كعدت اشرب حليبي وهو ياكل ابسرعه
دغسل مواعين وكف وراية وحاوطني من تحت خصري
وخشمه جوة ركبتي يتنفس ريحتي
تدهورت حالتي بززني بشاربة انتفضت من داخل ما اريد اصده لمحت بروحي شوگ وحنين
- وخر شدسوي
- اريدج !
- ما اريدك
يتخبل كلش من هاي الكلمات
انتفض معصب وبحركه كالها
-والله العظيم اذا اظلين هيج لاخذ وحده متعه
تعبت
عافني ودخل للغرفة وبس صوت اعياطه وكلامه ويه روحه اسمع
يمه هذا يسويها والله
عزلت المطبخ و مديت راسي عليه بالغرفه اشوفه شسوي دخلت كلي ، شفته يلعب كلاش على السرير
هذا اذا ما ارضى يگلبها هو عركه طاحنه ويتهور ابد ما يخلي الواحد يتعزز عليه انوب هو يزعل
باوع الي بطرف عينه ورجع ع التلفون
اخذتها صفنه هذا مثل الطفل ابسرعه يرضى لا اظل ادور كرامات العصر تجي امي وما اريده يفضح زعلتنا
بس عود اني اجيه يحلم
طلعت سيت ورحت للهول بدلت كان شورت قصير جدا احمر و فانيلة تعلاكات رفاع سمائيه وبيها شريط احمر
فليت الشعر ورحت يم المغسله امشط شعري ،
الله حلوة الحرية بالبيت امشي سفردح ههه رجعت دخلت عليه واني اكول
-حلوة اهنا شريد البس ما اتقيد
ظل يباوع الي
ورجع لتلفونه
يا ما اجاني !؟
المهم امي اجت العصر وراحت بالليل
هم صاير عنيد هو الي راح للهول
بليلتها ضجت اني انطيته دعوة على الصامت ليش ما اجه ؟
- اف
حسيت بالباب ينفتح وفرحت روحي وياه
غمضت سويت نفسي نايمه
حسيته يلعب بشعري ، باسني عليه وراح
طلع !
هاي شنو ؟
شريد هذا طكيت كمت ورحت لكيته فارش ع الارض وديلعب بفونه اتخوصرت ناسيه الثوب الاسود الشفاف الي لابسته
- عود ليش من رحت للغرفة نمت اهنا
باسم .. هلووو
-شرايده مني
اركض وراج مثلا !
-اها كول متحسس من هاي
-تزوج عليه و عادي اخذك بالاحضان
- هو انت دواج الزواج الثاني
رحت علكت الضوة متعمده استغل غريزته حتى هو يطخ راسه مو اني !
-اوكي بكيفك تريد تراضيني اني بالغرفه ما اتريد اتغطى زين ونام
مشيت على مهلي و اقدم رجل واخر الثاني مع اهتزاز البدن مدري عود اغراء بس يمكن كأني دجاجه عرجة وامشي !
اجاني شالني حاوطت رقبته
-ها ما اتروح تتزوج
- باجر
كان يلهث وضطرابات انفاسة كأنها نغمه بداية اعلان الصلح بسته على رقبته معلنه اله القبول و الطاعة
.
نايمه على صدرة العاري
-توعدني اذا عندك شي وياي تكول الي
الي مو لغيري
ما جاوب بس كان يباوع
نحاول من جديد نبني قش جديد لعشنا على اسس ثانيه ، اتخليت عن ثوب الخجل والكبرياء وطلبت منه كم امر يدخلني وياه اجواء علاقه حب حقيقيه خاليه من التمثيل لأن التمثيل يجر العلاقه للملل و النفور مع الوقت
_______________________
باسم
من اساسيات الحياة اكتشفت الانسجام لكيته عنده انسام واذيتها من غير ما احس ظنيتها تبادلني نفس الاعجاب لأن كان اهتمامها اكثر من زوجتي وبنفس الوقت اندفعت وردت اساعدها واتمنيت سلطه عندي عليها حتى امنع عمها يضايقها او يبوك حلال علي ، المهم اني ما جنت اريد اسرع بالموضوع ببالي بس اكيد ارتب اله ما اخلي انسام بهيج موقف بس ادم كالعاده اشتغل وصي و خلاني بموقف لا يحسد عليه حتى اخجل اباوع بوجهه ، جنت ناوي اعرض عليها اعقد عليها بس عقد و اعيشها ويانه بالحلال ومحد يكدر يفتح حلكه ، وبهدوء اذا ما وافقت ما يصير شي من الي صار ولا تخرب علاقتنا لأن اطلب منها بس عقد بالاول، انوب انفضحت سالفه طلبها ادم يعقد عليها الي ما ادري تفاصيلها شنو ؛ اختفيت فترة واني خايف اواجه سارة و الانفصال نهايتنا واكون خسرت كلشي ، بس من هي رسلت الي اطلكها كلت الها روحي لهلج متمني تبرد الا التقي بيها ، ومن سمعت حامل رحت الها متفأل ،
___________________________
أنسام
ما زلت مقاطعه ذاك البيت ومانعة حتى ابني يلتاف عليهم او ياخذوه و اختي هم ، و خالتي بس صرت زينه طردتها
-اها خلص وقتي يعني
-من احتاجج اخابرج
- بس وكت الحوجه
- بأجرج خاله لا تنسين هذا الشي
العصر راحت ،
ورة فترة الا سمعت برضوى والده ولد لأدم وصار اب
اني بديت اتحسن والحمدلله اتعافه
اروح مرة بالاسبوع للبقال اسوك و اشتري الباقي من الماركت ، وماشي حالي
صاحت سلوى
- انسام حبابه سوي حنفية الحمام عطلانه
- يهووو هم عطلت
-اكلج حبابه وياج غيري الدوش
-طلبات المستمعين انت تهي بي
طلعت اريد اسوي بطاقه سكن هاي قبل لا يصدر قرار البطاقه الوطنية
ومتت ومن عرف الشرطي أرملة باع ميانه وياي شافني مغلسه عنه رجعني على النافذه رقم ٣ واروح وارجع واحد يذبني ع الثاني اشلون بيه تاليها رجعت للشرطي رجعوني همه
-امشيها وتدللين بس رقمج
- جا شسوي بيه لرقمي
ابتسم بمكر كرهني بجنس ادم
اخ يا ادم اذكرتك من اذكرت جنس ادم
ويه الناس كلهم ملاك طيب ويه حظي جلاد ظالم بس لو كل الزلم عدهم غض نضرك واحترامك لنفسك
رديت اله الرقم
-********٠٧٧
مشاني ابسرعه وهو اشتغل بيها بقت بس استلمها طلعت من يمهم واضحك على الشرطي الي انطيته رقم خالتي ام انعام وكيف عليه
كالعاده من اطلع استغل الطلعه اقضي بيها اهواي امور حتى لا كل يوم اطلع
الناس تراقب
وصلت للحي
اشتريت مسواك من السوبر ماركت كبب ورق بورك ورق بقلاوة
رحت ادور لسلوى شوربه سريلاك اتحبها !
يم قواطي الحليب ايد انمدت وياي
اخذت كارتونه الشوربه واهي اخذت
حليب ذكرتني اني همين مخلصه وهذا ما يرضى ينفطم
اخذت اله نوعيته
سالني الرجل
-هذي احسن من ديالاك
التفتت ابسرعه انفجعت العيون العطشانه شوفته
وهو هم مثل الي مستوعب هاي اني اهنا
وكعت من ايدي الشوربه دنك ابسرعه شالها الي
والتقت اعيونا مسأله عن حال بعض
اشلونك
اكيد ابو زين هنياله للصار من صلبك
هذا كلام اعيوني
اما هو شفته نطقت عادي الكلام عنده سهل يطلع كدامي عكسي
- اشلونج ام علي عساج بخير مشتاقين الكم ولعلي حيل
اخذت الشوربه منه ورحت لبقية غراضي حطوهم بعلاكه وحاسبت
وطلعت بالقوة شايله العلاليك
طلع ورايه فرفح گلبي عليه وهو
يترجى انطيه العلاليگ
-مشكورة خوية ادبر امري وحده
سرعت اشويه لا اذب العلاليك بالشارع واكعد ابجب واعاتبه جنت على حافه الانهيار وادري بروحي حسويها !
دخلت لشارعنا وما تركني وجانت بس السيارات تمشي ماكو انفار لأن ضهرية وحتى ادم شفته صاف سيارته يم الاسواق بس مشى وراية
- فحطانه شوفي وجهج بس اصعدي وياي اوصلج بعد مسافه عن البيت
والله تعبي مو من العلاكه دعوفني شوفتك دودهتني انوب يترجاني
ترجي كسرلي گلبي واني مريد اطخ بيهم بعد بعيده وسعيده افضلي
بوسط صفنتي جر العلاكه الاولى والثانية طخت ايده بايده لامستها ولامست وجداني ضيعتني وهدت حصون قوتي حسستني برجل حقيقي يحمل كل معنى لكلمة رجولة يشوفني عاويه ناقصه بس يشفق عليه!
دمعت و وكعت جنطتي من ايدي
-ليش هيج
حجيتها ببجي
صفنته عليه
وصار الي خايفه منه بنص الشارع بجيت ظل صافن بعيوني
وسألني
-ليش شنو؟
جاوبته
- ليش اتحبب..
يتبع
النشر بين يوم ويوم ومن ما انشر معناها النت زفت او ضرف