Chapter 30
AKALESHA's POV
Ginising na lamang ako ni Kreit pagdating namin roon. Nasa entrada na ang mga kasama namin at naghihintay sa aming pagdating. Busangot si Macy habang nakakunot noo lang ang katabi niyang si Clyde. Ang dalawang lokaret naman ay nakatutok lamang sa kanilang cellphone. Nakashades na si Shana habang si Alesia dala na ang camera na nakasabit kaniyang leeg.
"I guess our time was over" tamad na bulong naman ni abno sa likod ko. Kumunot ang noo ko at nilingon siya. Binigyan niya lamang ako sa isang pekeng ngiti, hindi itinatago ang pagkabagot.
"Nandito na sila sa wakas!" si Macy ang unang nakakita sa amin, nakita ko kung paano niya ako binigyan ng isang tingin bago sumalubong kay abno nang may malawak na ngiti. Hindi ko nalang ito pinansin at naglakad sa mga lokaret.
"Oh? Ang tagal niyo, ah? Nag-enjoy ka ba sa ride?" taas-kilay na tanong ni Shana na binulsa ang kaniyang cellphone.
"Nakatulog nga ako. Tara na" anyaya ko sa kanila. Nilingon ko si abno, nagsasalita sa kaniyang tabi si Macy ngunit siya'y abala sa paglibot ng tingin sa mga tao. Halos mabali ang leeg ng karamihan sa mga babaeng nakakakita sa kaniya, ang iba'y pinipicturan na siya. Nagtama ang tingin naman kaya naman mabilis akong umiwas ng tingin. "Tara na" anyaya ko muli sa dalawa na may nang-aasar na ngiti.
"Baka ibang ride ang ginawa niyo ah?" bulong ni Alesia na inakbayan ako. Inirapan ko nalang siya. Nakasunod sa amin si Clyde, palingon-lingon rin kay Macy na na kay abno parin ang atensyon. Bakit ba hinahayaan lang nito?
"Clyde, lika dito!" napansin siguro ni Alesia ang paglingon ko. Ngumiti naman si Clyde at lumapit sa amin, mukhang nagkasundo sila sa maikling panahon. "Ba't ka ba nagpapaiwan? Mukha kang ligaw na bata eh, sama ka samin. Hayaan mo 'yong dalawa" tanong nito rito ng makalapit, nasa tabi ko siya ngayon. Akbay-akbay parin ako ni Alesia, sa gilid niya ay si Shana na nasa cellphone ang atensyon.
"Nahihiya kasi ako" marahang anito na kinamot pa ang kaniyang batok.
"Huwag kang mahiya! Baka hindi mo i-enjoy ang trip na 'to. Magsisi kalang" pangongonsensiya pa niya. Tumango-tango naman si Clyde na bakas parin ang hiya ssa ngiti niya. "Huwag kang mag-aalala, hindi ka namin kakainin tsaka nandito si Aki oh" pampalubag loob pa nito. Unti-unti namang nawawala ang hiya nitong si Clyde.
Nginitian ko siya at tinapik sa balikat ngunit hindi pa ako nakakadalawang takip ay may kumuha na sa kamay ko at ibinaba iyon. Inakbayan niya si Clyde at ngumisi sa akin, binaba niya ang kaniyang shades at kinindatan ako. Parang biglang tumutok sa akin ang tirik na tirik na araw, lalo na sa mukha ko.
"Let's go!" anyaya niya. Umiwas na lamang ako nang tingin at bumaling kina Alesia at Shana na may mga nakangisi ngayon. Nakita ang ginawa ni abno. Nakakahiya 'yon ah!
Bumili kami nang ticket pagkatapos ay pumila pa nang kay tagal bago kami nakapasok. Ang unang ride na sinakyan namin ay ang disco magic, mahabang pila ulit bago kami nakasakay. Nauna kami ni abno at naiwan ang apat dahil bilang lamang ang dapat sumakay, saktong hanggang sa akin pinutol ang pila.
Nilagay namin ang gamit namin sa cabinet sa gilid, nilagay ni abno ang cellphone at shades sa puwesto nang akin. Nauna siyang umakyat at inalalayan pa ang pag-akyat ko. Narinig ko ang singhapan at animo'y kilig ng mga babae na kasabay namin.
"Ano'yon?" mariing bulong ko sa kaniya. Binalewala niya iyon at ang paghawak niya sa aking kamay ay hindi na niya binitawan pa. Hindi ko alam kung naging maginoo lang ba talaga siya kanina o ginawa niya 'yong paraan para mahawakan ang kamay at hindi na iyon pa binitawan. Puwede ko naman iyong bitawan ngunit masarap iyon sa pakiramdam kaya hindi ako umalma pa.
Magkatabi parin kami hanggang sa naupo at inangat ang nakakaipit na bagay na magpoprotekta sa amin. Siya ang nagkabit ng safety belt ko, hawak parin ang kamay ko pati ang kaniya. Chineck ng staff ang bawat nakasakay, nakita ko pa ang ngisi nito sa magkahawak naming kamay ni abno.
"Still holding my hand?" ngisi niya, nang-aasar. Sinamaan ko siya nang tingin at hinablot ang kamay ko. Natatawa naman siyang nilahad ang kamay niya, kinukuha ulit ito. "Give me your hand!" utos nito, pinagsalubong niya ang kaniyang kilay kunwaring galit. Pinandilatan ko siya at hindi binigay ang kamay ko. "Babe please!" ngumuso ito, nagpapacute pa.
"Ulol" nilabas ko ang dila ko, inaasar siya. Hindi na natuloy ang asaran namin dahil sa pag-andar nito. Mabagal ang una, hinahanda kaming mga nakasakay ngunit ng tumagal na ay para akong hinahatid pabalibag sa kalangitan. Wala halos akong makita dahil sa buhok kong humahampas sa mukha ko. Narinig ko ang halakhak ni abno habang ang mga ibang babae ay nagsisigawan na. Natawa na lamang ako.
Pagbaba namin ay sunod naman sila Shana, binigay sa akin ni Alesia ang camera. Kasama ko si abno, lumipat kami sa kabilang side para mapanood namin sila. Nakapuwesto sila sa harap ng manonood kaya naman kinunan ko sila. Hindi ko alam kung anong mayroon kay Macy at ganoon ang itsura niya. Busangot na busangot ito.
"Let me see" dumungaw sa akin si abno na katabi ko. Tiningnan niya ang kinunan ko. "Nah, don't do it like that. Do it like this" siya ang kumuha nang camera, itinaas niya ito para kunan ang mga lokaret na pumostura naman. Napatingkayad naman ako dahil medyo nasasakal ako, nakasabit sa leeg ko ang camera.
"Dalian mo naman, feeling professional ka eh! Nasasakal na ko" reklamo ko. Maliwanag ang mukha niyang bumaling sa akin, malawak ang kaniyang ngisi. Tinanggal niya ang pagkakasabit nito sa aking leeg. Sinabit niya ito sa kaniyang leeg.
"You're so short" bahagyang tawa nito na hinawakan ang tuktok ng ulo na bumaba naman sa balikat ko, inaakbayan na niya ako. "What?" natatawang tanong niya, kunwari inosente. Tinanggal ko iyon ngunit agad niyang binalik. "Babe, galit kana naman?" bulong niya. Napakurap-kurap lamang ako at nag-iwas ng tingin, mabuti nalang at nag-ingay na ang mga nakasakay roon sa disco magic.
Napapansin ko rin ang mga taong napapalingon sa amin, naagaw namin ang pansin nila o ang katabi ko lang. Pinandigan niya ang pag-akbay niya na kanang kamay lang ang ginagamit sa pagkuha ng larawan. Hindi tuloy ako makapagfocus sa panonood sa mga lokaret.
"Look at this" pinakita niya sa akin ang dalawa, sabog ang kanilang buhok habang nakapikit at nakanganga. Nagkatinginan kami at natawa sa nakunan niya. Tiningnan ko ulit ang dalawa na ngayon ay tumatawa na.
Pagbaba nang dalawa ay dinaluhan nila kaagad kami at kinuha ang camera. Tawang-tawa sila habang tinitingnan ang nakuha sa kanila. "Ang galing mo palang kumuha, ah? Tingnan mo, Shana, ang panget mo talaga!"
Dahil sa haba nang byahe at tagal rin ng pila kanina ay bumili muna kami nang maiinom at makakain. Pagkatapos ay naglibot muna kami at naglaro sa mga skill games.
Naglalaro nang mini basketball ang dalawang lalaki kasama namin na walang iba kundi sina Clyde at Kreit. Nakatatlong hulog na ata si Clyde pero ang isa'y kulelat.
"Mukhang talo ang jowa sa larong 'to ah" bulong sa akin ni Alesia, nanonood kami sa gilid. Nakita ko ang pag-angat ng tingin samin ni Macy na nakahalukipkip, kumunot ang kaniyang noo at pairap na iniwasan ako nang tingin.
"Jowa ka diyan?" danggil ko sa kaniya patagilid ngunit binigyan niya lamang ako nanunuksong tingin. Inilingan ko siya at tumuon sa mga naglalaro.
"Fuck this shit!" mariing mura niya, hindi parin nakakahulog. Busangot na busangot na ngayon ang kaniyang mukha. Pumalakpak naman si Shana nang makuha ni Clyde ang gusto niyang stuffed toy, binigay niya 'yon kay Macy na sinuklian lang siya nang tipid na ngiti at umiling. Binigay na lamang ni Clyde 'yon kay Shana.
"Thank you, Clyde! Appreciated!" niyakap ni Shana ang stuffed toy. Hindi man lang kakikitaan ng lungkot si Clyde na hindi 'yon tinanggap ni Macy imbes ay malawak pa ang kaniyang ngiti.
"Parang may naaamoy akong plastik" mataray na bulong sa akin ni Alesia habang nakatingin kay Macy na animo'y chinicheer si abno. Nakita ko ang masamang tingin na ipinukol ni Kreit sa inosenteng si Clyde, para siyang batang inagawan ng kendi, hindi niya nilubayan ng mata niya si Clyde hanggang sa mapatingin sa kaniya si Clyde. Ngumiti lang ulit si Clyde.
"Ewan ko sayo, hayaan mo nalang. Diba nagpunta dito para magsaya?" pangaggaya ko sa sinabi niya kanina. Umirap lang siya.
"This is cheating!" reklamo ni abno, umandar na naman ang sakit. Nagbayad ulit siya kay manong na natutuwa sa kaniya. Nakaisang hulog lang siya. "I don't like this anymore! Let's just take another ride" anyaya niya sa amin. Lumapit siya sa direksyon ko dahilan para lumayo ang numero unong lokaret, inakbayan na naman ako nito. "Let's go" akmang dadalhin niya na ako kung saan ngunit inalis ko ang pagkakaakbay niya sa akin.
"Hindi lang ako ang kasama mo, abno" nginuso ko ang mga kasama naming nakatingin lang sa amin.
"Oh really?" peke siyang nagulat, napatakip pa sa kaniyang bibig. "I'll believe you if you do that again" ginaya niya ang pagnguso ko.
"Hindi ako uto-uto" natatawa na ako kasi pinaulit-ulit niya. Sa huli ay natawa nalang din siya sa sa sarili. Parang bata.
"Tama na ang landian! Tara na sa sunod na ride" hinila na ako ni Shana.
Ang sumunod naming sinakyan ay ang flying fiesta, mabuti nalang at magkakasama na kaming lahat. Magkatabi tapat kaming tatlo nina Alesia at Shana, sa unahan mag-isa si Clyde at sa likod naman ay sina Macy at Kreit.
Pagkatapos namin roon ay space shuttle, jungle log jam, anchors away, rio grande, air race, extreme ride at marami pa. Ang iba'y inulit-ulit namin gaya nang anchors away hanggang sa mapagod kami. Sa unang pagsakay namin roon ay naghiwalay kaming anim. Sina Shana, Alesia at Clyde ay nasa kabilang dulo at kami naman nina Macy at Kreit. Pinagigitnaan namin ang mga lalaki. Nakakatatlong duyan palang kami ay yumuyuko na si Macy at kumakapit na sa braso ni Kreit.
"Hey, chill. We're literally not flying yet" biro naman nitong isa. Bumaling siya sa akin at niyakap ang braso ko. "I'm scared" kunwari pa siyang natatakot. Gaya-gaya. Tinanggal ko ang kamay niya.
Nang lumakas na ay hiyawan na ang naririnig namin, tawang-tawang sina Alesia at Shana na kapag sila ang tumataas ay itinataas ang kanilang mga kamay habang si Clyde sa gitna nila ay mukhang hilong-hilo na. Nakayuko na lamang si Macy, matinding yakap na sa braso ni abno. Nakakakiliti sa tiyan lalo na kapag pababa na. Tumaas muli sina Alesia, kapit na kapit si Clyde sa bakal na pumoprotekta sa amin. Aksidente siyang nahampas sa mukha ni Alesia nang itataas nito ang kaniyang kamay kaya naman napahiyaw ito sa sakit.
Nagkatinginan kami ni abno, natatawa sa nangyari. "See that?" tawang-tawa siya. Nakikiliti na ang tiyan ko'y sumasakit pa ito kakatawa.
Pagbaba namin ay tinawag kami ng lalaki, staff dito. Pinakita niya sa amin ang larawan namin ni Kreit na nakatingin sa isa't isa at masayang tumatawa. Nakafocus iyon sa aming dalawa habang blur ang paligid.
"How much is that? Can get I copy of two?" si abno na naglabas kaagad ng wallet at binayaran iyon. Nakaphotograph na iyon nang ibigay sa kaniya. Pinakita niya iyon sa akin sabay ngisi. "You want this one?" lahad niya sa akin sa isa pang kopya.
Kinuha ko 'yon. "Libre 'to ah?" taas ko roon.
"Always, for you" kinindatan niya ako. Napangiti nalang ako. Naiwas lamang ng danggilan ako ni Shana at pinakita sa amin ang picture na nakuha sa kanila. Nakataas ang kanilang kamay ni Alesia at sabog ang buhok, sa gitna nila'y si Clyde na kulang nalang ay maging berde ang mukha.
Napapalakpak si abno sa sobrang tuwa. "Wala man lang maganda, bakit puro ganto?"reklamo pa ni Alesia. "Sana pala nagsama ako nang lalaki ko para may pagganiyan" turo niya sa hawak kong larawan. Tumaas ang kilay ni Kreit at sinulyapan si Alesia, marahil sa sinabi niya. Alam niya na siguro ang tungkol rito at ang kapatid ko. "Anong tingin 'yan, Hallstone?" puno niya rito, pagalit at mataray.
"Nothing" umiling-iling siya na tila may tinatagong ngiti. Tinuro lang siya ni Alesia bilang babala. Sa gilid ng mata ko ay nakita ko ang matalim at mapanuring tingin ni Macy. Mukhang siya nalang ang naiiwan sa amin, nakakasabay na si Clyde sa dalawang lokaret.
Pagkatapos ay pansamantala kaming lumabas upang kumain. Puwede parin naman kaming pumasok muli rito, tinatakan nila kami nang palabas na kami. Sa pagkakataong iyon ay magkakasama naman kami nang mga lokaret, ako ang nagmaneho habang si abno ay kasama sina Clyde at Macy. Sa isang restaurant kami kumain, medyo malayo sa theme park na aming pinuntahan. Sa isang long table kami pumwesto para magkakasama kaming kumain pagkatapos naming kumain ay kaniya-kaniya kami palit ng damit.
Ako ang huling nagpalit ng damit. Itim na masikip na pantalon na pang-abot na ang baywang ko at brown sleeveless turtle neck. Paglabas ko nang cubicle ay naroon si Macy, nakasandal sa lababo habang naka-ekis ang kaniyang braso sa ibaba ng dibdib niya.
"Mauna kana, huwag mo na akong hintayin" saad ko ngunit sarkastikong ngisi lang ang natanggap ko mula sa kaniya. Tiningnan niya ako mula ulo hanggang paa. Naiiling siyang ngumisi.
"Tomboy ka, diba? Hindi ba dapat hindi ganiyan ang suot mo? Hindi ba dapat pinagupit mo na 'yang buhok mo katulad ng mga lalaki? Hindi ba dapat hindi ka nagmemake-up?" puna niya sa akin ngayon. Kumunot ang noo ko, iniisip ko kung bakit siya nagkakaganito. Binigyan niya ako nang isang ngisi bago niya ako tinalikuran at humarap sa salamin. "Siya ba ang tomboy na sinasabi mo sa akin?" pagkausap niya sa akin sa repleksyon.
"Anong pinupunto mo?" naguguluhang tanong ko ngunit alam ko naman na tungkol lang ito kay Kreit o kay Clyde. Gusto ko lang sabihin niya sa akin ang problema niya nang diretsahan, hindi 'yong ganitong marami pa siyang pinupuna.
"Huwag kang magmadali" mariing utos niya na matalim na ngayon ang tingin niya sa akin. "Sa buong buhay ko, ngayon lang ako nakatagpo nang taong wala kasing-sinungaling katulad mo. Noong una si Clyde, magkaibigan daw pagkatapos ang boss namin, walang lang daw sila. Sa huli ay ang kapatid ng boss naman namin, magkaibigan lang daw ulit at walang namamagitan sa kanila" bumalik sa kaniyang malawak na ngiti habang isinasalaysay niya 'yon. Pumalakpak siya.
"Hindi ako nagsisinungaling dahil 'yon naman ang totoo" kaswal na saad ko.
"Talaga? Ang ginagawa mong panlalandi sa boss natin kaninang umaga lang, baka nagpaalam ka pa" matagal niya akong tiningnan sa repleksyon ko sa salamin. "Oo nga, 'no? Nagpaalam ka na ang kapatid na muna niya ang lalandiin mo. Ang kapal rin naman talaga nang mukha mo eh, 'no? Dahil alam mong gusto ko 'yong tao?"
"Kung may problema sa paglapit ng 'gusto mo' sa akin, siya ang kausapin mo at huwag kang gumawa nang mga kuwento. Alam mong aalis na ako sa restaurant kaya ako tinawag ni sir Kris at kung pinoproblema mo rin ang pagkatao ko, maraming salamat nalang" hindi ko na napigilan ang sarili ko. Hindi na rin kasi maganda ang mga sinasabi niya. Ang akala ko'y tapos na kami rito.
"Ang sabihin mo gusto mo naman ang nilalandi ka, lagi kang nakadikit at paharang-harang. Inaagaw mo lahat ng gusto ko!" punong-puno na siya nang galit ng humarap siya sakin.
"Hindi nga ako ang lumalapit, alam kong may mata ka at sana naman nakikita mo rin ang pag-iwas ko"
"Mabuti kung ganoon, hayaan niyo nalang kaming dalawa at kayo nang mga kaibigan mo huwag kayong makisali sa amin. Pati si Clyde, nilalandi na rin ng mga kaibigan mong tulad mong pokpok!"
"Anong sinabi mo?!" napalapit ako bigla sa kaniya, halos magpantig ang taenga sa narinig. "Huwag mong madamay-damay rito ang mga kaibigan ko! Saka ikaw mismo ang umiiwas kay Clyde kaya naman samin siya sumasama dahil masisira lang ang araw niya na 'to kung sayo niya lang itutuon ang atensyon niya"
"Ikaw ang sumisira nang araw na 'to! Kunwaring tomboy para makalapit sa lalaki, pasikretong lalandi at ibebenta ang katawan!" tinulak niya ako at lumabas siya nang banyo. Napaatras lamang ako, bahagyang natulala sa nangyari.
to be continued...