Chapter 16
AKALESHA's POV
Kinakabahan man ay maayos kong kinuha ang mga order nila. Pagdating ko sa counter ay nilapag ko ang oder ng mga kasama ni Daddy pati na rin ang kaniya. Pinuntahan ko si Macy, hindi ko kasi mahagilap si Clyde kaya siya na lang makakatulong sa akin.
"Ah Macy, puwedeng ikaw nalang magserve sa table 9?" tanong ko, patingin-tingin sa table nila Daddy. Nagtatakhang napatingin naman siya roon bago bumaling ulit sa akin at binigyan ako nang ngiti at tango.
"Sige, salamat ah?" bahagya pa akong nahiya. Tinapik niya ako sa balikat bago niya kinuha ang iseserve na pagkain. Mabuti nalang at hindi siya nagtanong. Sa ibang customer ko ibinaling ang pansin ko, iniiwasan ko talaga sa table nila Daddy.
Ayoko naman kasi siyang mapahiya na ganto lang ang anak niya. Kahit naman na marangal ang trabahong 'to, sa tingin ko mapapahiya ko siya. Ako, hindi ako nahihiya pero para sa kaniya mahihiya na ako. Isang businessman ang Daddy pagkatapos ako ganito pa. Baka iniisip niya rin na wala na talaga akong balak mag-aral.
Lumipas ang oras at lunch, sa lockroom kami kumain ng dalawa.
"Totoo pala talaga iyong tatlong araw na magsasara iyong restaurant, Aki. Narinig ko kasi sa baba, sa susunod na buwan raw iyon" si Macy na nililigpit na ang kaniyang pinagkainan. Natuwa roon si Clyde na napapalakpak pa kaya naman napilitan akong ngumiti. Hindi parin matanggal sa isipan ko si Dad.
"Tuloy parin ba ang pamamasyal natin sa Laguna?" tanong ni Clyde na nililigpit na rin ang pinagkainan. Kahit hindi pa ako tapos ay niligpit ko na ang pinagkainan ko, hindi rin naman ako masyadong gutom. Napatango nalang ako.
Sagot na rin ng Sunshine's ang pagkain namin, ganito kami kaswerte rito sa VIP. Hindi katulad sa normal lang sa first floor na lalabas pa ang iba tuwing lunch. Sinadya ng Sunshine's na may cut-off ang oras na bukas ito tuwing lunch para makapagpahinga kaming mga empleyado.
"Tuloy na tuloy!" gamit sa masayang tinig ni Macy na mukhang tatalon na sa tuwa. Pinasama ko na kay Clyde ang pinagkainan ko para dalhin na sa baba. Ganoon rin ang ginawa ni Macy kaya kaming dalawa nalang ang natira rito. "Okay ka lang ba? O baka meron ka?" natawa pa siya sa huli niyang tanong.
Bahagya lang akong nangisi. "Wala lang 'to" tanging sagot ko habang nakatingin parin sa malayo. May nakakilala kaya sa akin sa mga kasama ni Dad? Dapat pala tiningnan ko muna mula sa malayo kung isa siya sa mga iyon, kung kailan nakalapit na ako eh. Baka napahiya pa iyon tapos hindi na ako pabalikin.
"Ah, Aki" napalingon ako kay Macy na umupo at dumikit pa sa akin. Nakangiti siya, iyong ngiting nahihiya na medyo may pagka-malakas ang loob. "Kailan ulit pupunta rito si Kreit Tristan?" nakangiti at nahihiyang tanong pa nito.
"Hindi ko alam" nangungunot na sagot ko, dumiretso na nang tingin.
"Puwede mo ba siyang ayain na sumama sa atin? Sa Laguna? Alam mo na, para makilala niya ako tsaka para magkasama kami" nangingising tiningnan ko siya na umiwas ng tingin, nahihiya siguro sa sinambit niya. "Sige na, tinulungan kita kanina eh" pamimilit niya.
Nakangisi naman akong tumango-tangong inilapat ang tingin sa pinto. "Yes! Salamat!" napayakap pa siya sa akin kaya napilitan nalang akong ngumiti. Hindi ko alam ang nararamdaman ko, parang mali eh.
Napahiwalay naman siya sa yakap ng bumukas ang pintuan. "Aki, pinapatawag ka sa office" si Clyde na kumakamot-kamot pa sa kaniyang ulo na tuluyan ng pumasok. Bumagsak ang balikat ko.
"Bakit na naman?" napapagod na tanong ko. Lagi nalang akong napapatawag, wala naman akong ginawang kasalanan ngayon.
"Hindi ko alam eh" nagkibit-balikat lang si Clyde, nakangusong nakasimangot sa akin. Bumuntong hininga nalang ako at pumunta roon. Buti nalang talaga nakakain ako.
Pagdating ko roon ay kumatok ako gaya nang lagi kong ginagawa. Sanay na sanay, kung puwede nga lang ako nalang dito tapos si sir Kris nalang ang magtrabaho eh. Siya kaya tawagin palagi rito. Kaasar, kaya ako lagi pinagtsitsismisan ng mga babae rito eh.
"Bakit, sir?" tanong ko nang buksan niya ang pinto. Hindi siya sumagot at inilahad ang kamay niya papasok. Napayuko nalang ako at pumasok, laking gulat ko nang tingnan niya ang lalaking nakatalikod bago siya lumabas at isinara ang pinto. Nagtatakha napatingin nalang ako roon bago bumaling sa lalaking nakatalikod. "Dad?"
Nakahalukipkip siyang humarap sa akin. Hala, feeling naman nito may paggano'n pa. "Anong ginagawa mo dito?" seryosong tanong niya. Napahiya ba siya? Sabi na nga ba eh.
"Daddy naman, syempre nagtatrabaho. Kita mo naman kanina, diba?" nakasimangot na sagot ko. Tumaas naman ang kilay niya at matagal akong tinitigan. "Bakit? Miss mo na 'ko? Wala pang isang buwan" dagdag ko. Iniiwasang matensyon kahit wala naman talagang katensyon tensyon dahil si Dad naman 'to.
"Wala ka talagang balak mag-aral?" tanong niya sa ma-awtoridad na tono. "Hindi ka magtatrabaho nang ganito kung mag-aaral ka, mahirap ba talaga para sayo na mag-aral? Bumalik kana sa bahay, hindi rito na tinitiis mong magtrabaho ngayong hindi mo naman na kaya. Nasabi sa akin ni Kris lahat ng mga nangyari sayo rito" ngayon ay nagsasalita na siya bilang ama. Nangisi ako dahil sa wakas ay pinapabalik na niya ako pero nahihiya rin sa parteng may mga kapalpakan akong ginawa.
"Sabi na nga ba namimiss mo na ako eh" bulong ko, pinapalobo ang pisngi ko.
"Bumalik kana, pakiusap lang anak. Para sa ikabubuti mo" pakiusap pa niya.
"Daddy naman, hindi ako makakapag-aral ngayong bakasyon, nuh. Hayaan mo muna akong magtrabaho rito, para naman may experience ako. Hindi ka ba natutuwa na ginagawa ko 'to? Tsaka mag-aaral na talaga ako, tanungin mo pa sina Shana at Alesia. Hinahanapan na nga nila ako tutor eh, para naman may laman ang utak ko pagpasok ko." mahabang paliwanag ko. Gusto ko naman na tumigil na dito kaso sobra naman siguro ata na pagkatapos kong magulo ay aalis na ako. Gusto ko rin namang patunayan ang sarili ko.
"It's good to hear that from you, natututo kana kahit papaano" tumatango si Dad na nangiti kaya naman lumawak ang ngisi ko. Tinuro niya ako at pinasadahan ng tingin ang suot ko. "Nagbalik loob kana ba?"
"Iyon lang" napawi ang ngiti ko kaagad. Talaga bang gusto na niyang magbagong anyo ako? Grabe, hindi talaga supportive na Dad.
"Hinayaan kitang makipagkaibigan sa dalawang iyon dahil iniisip ko na maibabalik ka nila sa pagiging babae mo. Anong nangyari ngayon? Pagsasabihan ko ang dalawang iyon, lalo na si Ligaya hindi na halos umuuwi sa kanila kaya naman ako ang tinatawagan ng ama niya. Kaibigan mo ba siya o karelasyon?" hindi ko alam kung siya ang Daddy ko o Daddy ba siya ni Alesia sa ka-OA-an niya ngayon. Napabuntong hininga na lamang ako at napatingin sa gilid. Ilang years na kaming magkaibigan ng mga lokaret pagkatapos ngayon lang siya nagtakha?
"Hinding-hindi ako magkakagusto sa dalawang iyon dahil kaibigan ko sila. Tsaka hindi ko type iyong maiingay at OA" nandidiring paliwanag ko. Kailanman hindi iyon sumagi sa isipan ko. Kadiri 'to si Dad.
"Sure?" kunot-noong tanong ni Dad, hindi parin kumbinsido.
"Oo nga, tanungin mo pa sila. Sige na Dad, magtatrabaho pa ako" itinutok ko ang kamao ko sa kaniya. Napalayo naman siya nang bahagya nawiwirduhan sa inaakto ko. "Fist bump kasi" ginalaw-galaw ko ang kamao.
Nakakunot-noong sinalpok niya ang kamao niya sa kamao ko. Pinigilan ko ang pagtawa ko dahil hindi bagay sa kaniya iyon. "Siguraduhin mong mag-aral ka, Akalesha. At lalo mong siguradahing magbabalik-loob ka, tigilan mo na ang kalokohan mong iyan. Alam kong babae ka, huwag mong hintaying ipakasal kita sa lalaki" banta pa niya.
"Hala si Daddy, magbabae na nga! Aalis na nga ako" naiinis na tinalikuran ko siya. "Dami-dami pang sinasabi" bulong ko bago binuksan ang pinto at bumungad sa akin ang boss ko. "Salamat, sir. Magtatrabaho na ako, pasensya na istorbo" tumango lang siya kaya naman bumalik na ako sa trabaho.
Namimiss naman pala ako. Gumaan ang pakiramdam ko sa araw na iyon at naging malinis ang trabaho ko. Pag-uwi ko ay nakahanda na ang pagkain. Pumili ka nang kaibigan na asensado pero kayang-kayang maging katulong para lang sa iyo. Nagluluto pa siya, umupo na ako sa hapag dahil gutom na gutom na talaga ako. Hawak niya ang sandok na lumapit sa akin.
"May bisita kanina dito-"
"ALAM MO BA NA PUMUNTA RITO ANG DADDY MO! WALANG HIYA KA, KABADO AKO NO'NG TINAWAG AKO NI TITO ALEX! JUSKO! PARA LANG SABIHIN NA PABALIKIN KA SA PAGIGING BABAE" napaangat pa ang puwitan ko sa gulat ko kay Alesia. Tumango-tango pa si Shana sa palapit na si Alesia sa amin, bakas na bakas sa kaniyang mata ang takot. Umupo siya sa hapag sa harap ko. "Kung alam mo lang talaga! Kapag hindi ka raw namin pinabalik sa pagiging babae, dadalhin ka raw sa America. Okay na okay nga sa amin iyon para wala na kaming problema ni Shana kaso ang dami niya pang sinabi. Binlackmail pa ako! Ang Daddy mo, dakilang chismoso" arte niya pa na parang naiiyak na.
"Ngayon ko lang nalaman na takot ka pala kay Dad" kumuha ako nang kanin ng ilapag na ni Shana sa mesa ang pagkain. Sabaw na sabaw.
"Paanong hindi matatakot si tanga, isusumbong daw sa dakila niyang ama" umupo na si Shana sa tabi ni Alesia. Naalala ko ang sinabi kanina sa akin ni Dad, totoo pala talaga.
"True! Tapos ang serious ng Daddy mo, sinong hindi matatakot?" nagsimula ng kumain ang kabadong lokaret.
"Nag-usap na kami kanina, sinabi ko na sa kaniya kung anong plano ko. Gusto niya ring magpakababae na ako" sabi ko pagkatapos sumubo. Tumigil naman silang dalawa sa pagkain at tumutok sa akin.
"So, hindi kana magtatrabaho?" natutuwang tanong ni Shana.
"So, hindi kana palamon?" sumunod si Alesia.
"Magtatrabaho parin ako nuh, kailangan ko nang experience tsaka gusto ko namang maranasang sumweldo sa sarili kong sikap. Kawawa naman kasi kayo, mga alipin na kayo rito" nang-aasar na sagot ngunit may bahid ng katotohanan. Alam ko namang nahihirapan na rin sila sa akin pero ayos lang, sila naman ang gumastos sa akin. Noong hindi ako nag-aaral inuuto ako ng mga lokaret na 'to.
"Ipasyal mo kami, bulok na bulok na kami ni Shana rito sa condo mo" tumuloy na silang dalawa sa pagkain, sumasabay na akin. Humigop ako nang sabaw, nararamdaman ko na ang init. Lumalabas na ang pawis ko.
"Alam ko, nakikita ko nga" sagot ko na ikinagulat ng dalawa.
"Kailangan ko rin ng lalaki" hiling pa ni Alesia. Tumango-tango nalang ako.
Sinabi ko sa kanila ang balak naming pamamasyal sa Laguna, sarkastikong na-excite ang dalawa dahil ilang beses na silang nakapunta roon ngunit pinatulan na para lang makagala. Kung tutuusin ay puwedeng puwede silang gumala kahit silang dalawa o kahit kasama ang lalaki nila sa kahit saan pa nila gusto. Hindi ko lang alam ang takbo nang utak nilang dalawa. Nagrereklamo sila sa akin pero hindi naman nila ako maiwan-iwan. Palagi parin nila akong pinupuntahan.
Babalik lang naman sa pagiging babae pero hindi niya sinabing hindi na ako puwedeng magkagusto sa kapwa ko babae. Okay lang naman iyon dahil puro crush lang naman ako. Kailanman ay hindi naman ako nakipagrelasyon sa kapwa ko babae.
Kinabukasan ay nagising ako kasabay ng alarm. Naligo na ako't nagbihis pagkatapos ay lumabas na. Nagluluto palang ng agahan si Shana ngunit may kape at tinapag na sa hapag. Nanonood naman ng tv si Alesia, may hawak siyang french toast sa kanang kamay at tasa ng kape naman sa kabila.
"Good morning!" bati ni Shana. Bumati ako pabalik at umupo sa hapag, hinigop ang mainit na kape at kumuha ng tinapay.
"GOOD MORNING TOMBOYIN" sigaw ni Alesia. Hindi ko siya binati pabalik, makasigaw.
"Oo nga pala, hindi pa kita nahahanapan ng tutor. Kailangan mo ring iklian ang oras mo sa Sunshine's dahil magiging working student kana" pagbibigay alam ni Shana habang nilalagay sa plato ang bacon na niluto niya.
"Sige" sagot ko habang kinakain ang tinapay. Mas maganda siguro kung umaga nalang ako sa Sunhine's pagkatapos ay sa hapon na ako mag-aaral. Mabuti naman si sir Kris, papakiusapan ko nalang at pababawasan ang sahod ko. Maiintindihan naman niya. Wala pa akong tutor, nahihirapan na ako. Paano kung meron na?
Lumipas ang isang linggo na naging maayos ang pagtatrabaho ko. Nakakatanggap na rin ako nang papuri at hindi na napapatawag pa ni sir Kris. Hindi na rin ako natsitsismis ng mga babae. Tinatawagan na rin ako ni Dad, ipinapaalala ang huling usapan namin. Oo lang ako oo.
"Hindi siya nagrereply sa mga text ko, Aki. Kailan kaya siya bibisita ulit rito? " si Macy na nangungulila sa pagkawala ng abnu. Binigay ko sa kaniya iyong calling card.
Oo nga, ano? Isang linggo na palang wala ang abno. Hindi na siya pumupunta pa dito, akala ko ba guguluhin niya ako? Magkasama kaya sila no'ng babaeng kapatid ni tuod?
to be continued...